|
“Amubacenjelele bashinshimi babeji, aabo baboola kuli ndinywe kabasamide boya bwa mbelele anukuti mukati mbaa wumpe bakwamauna.” Mateyo 7:15 ESV |
Atutalikile akwiinduluka kwaamba cibalo citobela cakasimbwa ku WLC:
"Mu Kavwumbi Kaniini 27, 1553, John Calvin,ooyo waatalisya lusyomo lwa Calvinisimu, wakapa kuti Michael Servetus, Musilisi mu Spanish, kuti awumpwe kaangilidwe acitanda anze lya munzi wa Geneva nkaambo ka buzangi mu lusyomo lwakwe. John Calvin, ooyo waatalisya lusyomo lulaa mpuwo lwakuti
"ikuti wafutulwa ciindi comwe lyoonse ulifutukide" (oolo luzyibidwe amumasena amwi kuti "kukakatila kwa basaante") wakasotoka mulazyo wa Kubambulula Lusyomo — "sola Scriptura" — kwiinda mukujaya "muzangi" wa lusyomo kakwiina kululamikwa kwiinda mu mangwalo. Kujaya Servetus cakali cintu cimwi Calvin ncaakakanzide kwa ciindi cilamfu kataninga akumwaanga Servetus. Calvin wakalembela mweenzinyina Farel mubuzuba bwa Mulumi 13, 1546 (myaka iili ciloba kataninga kwaangwa Servetus). Walo wakalemba lugwalo lucilembedwe kaamba kuti: "Ikuti [Servetus] akaboole ku Geneva, Ime nsyekamulekeli kuyaamuka kacili muzumi ikuti nguzu zyangu kazyicilaa cikkelo." Masimpe, mumazubaayo nguzu zya Calvin ku Geneva, Switzerland, zyakalaa "cikkelo." Ncenciceeci bamwi ncibakali kwaamba munzi wa Geneva kuti ngu "Loma wa Basikukazya lusyomo" akuti Calvin wakali Poopo waba Protestanti "Poopo waku Geneva." (https://www.worldslastchance.com/citonga/biblical-christian-beliefs/masizi-ookwa-servetus-alilaukila-john-calvin.html)
Kaambo keni John Calvin ncaakalutide kujaya Michael Servetus nkakuti Servetus wakali kusumpauzya mizeezo iitalanganyi Baleza botatwe. Kweendelanya aa Servetus, aabo bakomba Baleza botatwe bakapindula Bunakristu kuti bube lusyomo lwa "Baleza botatwe muli omwe," naa kusyoma muli baleza botatwe. Alimwi kujatikizya Messiah, Servetus wakayiisya kuti Messiah wakabambwa kuba muntu kuli Yahuwah, alimwi ciimo cakwe ca buntu cakali kumulesya kuba mbuli leza uutafwi nkaambo wakaboola mubuumi obuno munguzu zya jwi lyokwa Yahuwah mwida lya Maliya.
Ziiyo zili boobu zya 'buzangi' zyokwa Servetus zyakaindilisya kumucumba John Calvin cakuti taakaleka biyo kakwiina cisubulo cipati loko. Mulandu ngwaakakosozya wakali wa kuumpwa acisamu nkaambo ka yooyu musante/musilisi wakali mucisi mubuzuba bwa Kavwumbi Kaniini 27, 1553.
Zikombelo zyongaye zyaba Protestanti mu Switzerland zyakakombelezya Calvin kuti Servetus wakeelede buyo kusinganyigwa pele kutali kujayigwa. Nokuba boobo, Calvin wakauntuluzya kukombelezya kwabo, mbube Servetus wakaumpwa acisamu. Wakalaa myaka makumi one ayibili. Cikondelezya ncakuti, kataninga wumpwa acisamu ku Geneva, walo wakasingwa kuti wakali muzangi kuli Bakatolika aba Protestanti.
Kakwiindide myaka iili myaanda yotatwe a makumi osanwe, basyaabupampu ba Cikombelo ca SDA bakali kutongooka bweendelezi bwa John Calvin nkaambo ka ziiyo zyakwe zitali zyamu Bbaibbele anzila njaakali kutundulula basinkondonyina. Pele eeeco tiicakalaa kaambo nicakasika ku malembe ookwa Ellen White kujatikizya makanaa John Calvin. Cintu caanyandya bantu mbaakali kupona antoomwe, walo wakatondezya cifwanikiso cibotu ca buumi, ziiyo, amulimo wa John Calvin.
Ellen White wakaamba citobela: "Eelyo Ime nelemba makani aalaa mulimo mupati, Walo [Muya Uusalala] uli munsimunsi lyangu, kandigwasyilila ‘me"--Lugwalo 127, 1902. Ikuti Muya Uusalala naakali munsaa Ellen White kataninga lemba makani aali woonse aalaa mulimo mupati, mbuli makanaa John Calvin, hena inga Muya Uusalala taakamusolweda kusinganya 'sikubambulula lusyomo' ooyo wakaumpa muntu uusyoma muli Leza Omwe alimwi ooyo waakaka kusyoma muli Baleza Botatwe? Hena yebo inga weezyeezya Muya Uusalala kacita ciimpene bwinibwini kwiinda mukusolweda Ellen White kuti asumpauzye John Calvin mpoonya katamusolwedi kuzyiba makanaa John Servetus, ooyo wakabbadela muulo mupati nkaambo kakusyoma muli Taata Yahuwah kuti ngo Leza alike, akukaka buleza bwa Yahushua?
|
Yebo inga walipenzya kuyandaula nokaba keengwe komwe kafubaazya ziiyo zya Calvin nokuba mweelwe ngwaakalemba kujatikizya John Calvin mumalembe kubaa bulemu kutali mbuli bantu ba SDA bamazubaayo mbubakali kulanganya muntu waku Geneva ooyu. Cintu caankamika ncakuti Ellen White wakajuzya John Calvin kubee wakali kweeta lambe lya mumuni wa kasimpe ka Yahuwah akuti wakali muzundi wa 'lwaanguluko mu bupaizi.' Mucaandaano ncoonse cabbuku lya mutwe wakuti [The Great Controversy] aawo mpalembede Calvin, Ellen White wakatondezya Calvin kubee lyoonse wakali kusololelwa aa Yahuwah mukuleta mumuni wa kasimpe kabulemu. Ellen White wakali kulangikaanga wakakanzide kubikka Calvin muciimo ciinda kululama mbuli mbocikonzyeka kwiinda mukutondezya kuti walo wakali mubambululi ncobeni wa lusyomo ooyo wakabelesyegwa aa Yahuwah.
Hena yebo inga weezyeezya Taata Yahuwah mbwanga watumina mushinshimi/mutumwa ooyo uusumpauzya ciimo ca muntu sibujayi ooyo wakapa kuti kuumpwe musaante Wakwe acisamu, ooyo musaante wakazangila lusyomo lwa Baleza Botatwe akuyiisya kuti Yahuwah alike ngo Leza?
Atwaambe kuti Ellen White taakazyi kuti John Calvin wakajaya Michael Servetus. Eeco ncintu cikonzyeka kapati. Hena yebo inga weezyeezya kuti naa Muya wa Yahuwah wakali kusololela cilembyo ca Ellen White eelyo naakalemba bbuku lya Great Controversy, akuti naa Moza Wakwe tiiwakali kunga wasololela Ellen White kuti akaakubale makanaa kujayigwa kwa Servetus kuli Calvin? Inga yebo weezyeezya Muya wa Yahuwah kuulesya Ellen White kuzyiba milandu yokwa John Calvin kuli musaante wa Yahuwah umwi, uusyomeka akubaa camba ?
Ellen White wakaamba citobela: "Eelyo Ime nelemba makani aalaa mulimo mupati, Walo [Muya Uusalala] uli munsimunsi lyangu, kandigwasyilila ‘me"--Lugwalo 127, 1902. Ikuti Muya Uusalala naakali munsaa Ellen White kataninga lemba makani aali woonse aalaa mulimo mupati, mbuli makanaa John Calvin, hena inga Muya Uusalala taakamusolweda kusinganya 'sikubambulula lusyomo' ooyo wakaumpa muntu uusyoma muli Leza Omwe alimwi ooyo waakaka kusyoma muli Baleza Botatwe? Hena yebo inga weezyeezya Muya Uusalala kacita ciimpene bwinibwini kwiinda mukusolweda Ellen White kuti asumpauzye John Calvin mpoonya katamusolwedi kuzyiba makanaa John Servetus, ooyo wakabbadela muulo mupati kakusyoma muli Taata Yahuwah kuti ngo Leza alikke, akukaka buleza bwa Yahushua?
Ninzi caali kulangilwa kucitika kuti Muya Uusalala naakali nguwe wakali kumweenzya muli ncaakali kulemba? Muucaandaano cilumbaizya buumi, ziiyo, amicito ya John Calvin, naa mu caandaano ca kujayigwa kwa Michael Servetus mumaanza aa ‘Sikubambulula lusyomo’ mu Protestanti ‘Reformer’ John Calvin.
Atwaambe kuti yebo ucisyoma kuti Taata Yahuwah wakatumide ncobeni Ellen White kuti abe mulomo/mushinshimi Wakwe wa mamanino aciindi ooyo Muya Wakwe ngwaakali kusolweda munzila njaakali kutondezya kululama akubaa bulemu kwa mujayi wa basaante Bakwe, kwiimpanya ku bana SDA bamazubaayo mbubakali kulanganya John Calvin. Nkokuti kuti kacili boobo, yebo ulalangilwa kutusyoma aswebo ikuti twataminina kuti tulaa zizabukilo zyongaye zya kuuzya amuulo uucipide.
