|
“Amubacenjelele abashinshimi babeji. Aabo baboola kulindinywe kababombede mbuli mbelele anukuti mukati mbaaumpe babutambo.” Mateyo 7:15 ESV |
Kunyina bumboni bwa Bbaibbele bweelanya Mikkayeli mupati wa bangele kuti ngo Yahushua. Kunze lyaboobo, Yahushua a Mikkayeli mbantu bobile baanzeene. Mikkayeli ngu silutwe wa bangele – musyobo wa zilengwa leza wakalengelwa kujulu, kakuli Yahushua wakamitilwa mwida lya Maliya mu nguzu zya Muya wa Yahuwah.
Ellen White kakwiina kuleyaleya wakeelanya Yahushua a Mikkayeli mupati wa bangele, mbuli mbokunga kwabonwa muli nzyaakaamba zitobela aawa:
“Kwa mvwiki zyotatwe Gabulieli wakatingaana anguzu zya musinze, kayandaula kuti asinkile zintu zyakali kukwelelezya mizeezo yokwa Cyrus; alimwi kakutaninga gola kutingaana, Kristu lwakwe wakaboola kuzyoogwasyilila Gabulieli.” Prophets and Kings, p.572
“Saatani sikutempaula wakataminina mubili wa Mozesi nkaambo ka cinyonyoono Cakwe; pele Kristu Mufutuli wakamugwisya kuzwa mu cuumbwe.”(Mubbuku lya Desire of Ages, p.421)
“Mozesi wakainda mu lufu, pele Mikkayeli wakaseluka ansi akumupa buumi eelyo mubili wakwe kuutaninga talika kubola. Saatani wakasola kujatilila mubili wa Mozesi, kutaminina kuti nguwakwe; pele Mikkayeli wakabusya Mozesi kuzwa ku bafu akumutola kujulu. Saatani waakalala akubwentauka kapati kuli Leza, kamutamikizya kuti taluleme nkaambo wazumizya kuti bamunyange nyama yakwe; pele Kristu taakamubwentela Sinkondonyina pe, nokuba kuti wakaunsya mutwanga wa Leza kwiinda mu masunko aakwe. Walo wakamwiingula biyo camoyo mutete akumutozya kuli Wisi, kaamba kuti, ‘Simalelo akusubule.’” (Early Writings, p. 164.)
Hena yebo ulakonzya kweezyeezya Taata Yahuwah kasala mwaambilizi kuba mutumwa Wakwe mu mazubaano aamacaalizyo, ooyo uunooswekede ncobeni cakuti tazyi kwaandaanya kwa Bbaibbele akataa Mikkayeli Silutwe Mungele a Yahushua, Mwanaakwe
|
"Alimwi kataninga kosozya makani Kristu Lwakwe wakeza kuzyoogwasyilila Gabuliyeli ---Gabuliyeli ulaamba wati ‘Pele amulange, Mikkayeli, umwi Silutwe wa bana ba mwami wakeza kuzoondigwasyilila." (Danieli 10:13, Prophets & Kings, p.572)
"Kunyina uumbi ngwejisi limwi muzintu eezi pele Mikkayeli (Kristu) mwanaa mwami wenu." (Desire of Ages p.99)
Inga yebo ulakonzya kweezyeezya Taata Yahuwah kasala mwaambilizi kuti abe mutumwa Wakwe mazubaano aamacaalizyo ooyo uunooswekede ncobeni cakuti tacizyi kwaandaanya kwa Bbaibbele akataa Mikkayeli Silutwe wa bangele a Yahushua, Mwanaakwe? Inga yebo weezyeezya Taata Yahuwah kasala mwaambilizi wakuyiisya kufumbwa zyakubeja zikazyanya aa Bbaibbele? Ikuti yebo kokonzya kuyeeyela Taata Yahuwah kuti ucikonzya kusala muntu uukopedwe maanu boobu kuti abe mutumwa Wakwe wa mamanino aaciindi, yebo ulalangilwa akusyoma ndiswe ikuti twataminina kuti tulijisi zizabukilo zyongaye zyakuulisya amuulo waandeene.
