|
“Amubacenjelele bashinshimi babeji, aabo baboola kuli ndinywe kabasamide zikobela zya boya bwa mbelele ani mukati mbaa wumpe bakwamauna.” Mateyo 7:15 ESV |
Kwainda myaka misyoonto kuzwa nitwakasala kukaka Jeesu wa Ellen White. Twakamukaka Jeesu ooyo Ellen White ngwaakali kusumpauzya, mpoonya twakatalika kucenjezya bantu kuti batatobeli Jeesu wakupangilila, ooyo wakazyila mumizeezo ya musongo mu Giliki Plato. Kunze lyaboobo tulikkomene kusumpula Yahushua muntu 100 % ooyo wakalaa ciimo bulengwe comwe buyo, ooyo ngotwaatalika kuyandisya akukomba1 nitwaamanizya kuvwuntauzya ziiyo nzyaakayiisya mu Milumbe mibotu amuli ceeco basikwiiya bakwe ncibaalemba kujatikizya nguwe. Eelyo nitwakaandanina limwi nzila a malembe ookwa Ellen White mu 2017, tiitwakaabanya nzyaakalemba eezyo nzitwaabbukizya kuti zigaminide kukazya Bbaibbele. Twakacaazya buyo munguzu nzitwaacijsi kusimba kasimpe ka Bbaibbele kweendelanya awaawo mputwaayimvwi bupya. Ambweni lino casika ciindi cakuti twaabanye zintu nzyaakalemba eezyo nzyotwaajana kuti zisulaikide Bbaibbele cakuti, tulimvwa kusampuka nkaambo kwakali ciindi cimwi aswebo nitwaabikkide maanu kapati kuli nzyaakalemba. Twakalyeempa kubaa musela uuli boobo musyule lyesu alimwi twakakanza kuti lyoonse tunoocengulukila ku Bbaibbele alimwi ku Bbaibbele lilikke kuti nkokuzyila kasimpe kesu.
Atulangalange zimwi nzyaakayiisya Ellen White zyaambilizya Jeesu muna Plato, ooyo ngwaakali kusumpula:
"Kristu taakalicinca bulemu bwa buleza bwakwe akubweza buntu; pele wakasamika buleza bwakwe aciwa ca buntu,..."2
"Eeci tiicakacitwa kwiinda mu kufumuka kuzwa muli nguwe kuya muli umwi, pele kwiinda mu kunjizya buntu muli Nguwe."3
Pele Kristu baleelene a Leza, uutamani alimwi uulaa nguzu zyoonse. Aboobo Walo wakali kukonzya kubbadela muulo wa lwaanguluko lwa muntu." - Ellen White14
|
"Pele nokuba kuti wakalaa bulemu bwa kujulu, Walo taakaleka kuba Leza eelyo naakaba muntu. Ciwa cabuntu tiicakaatula busena bwa buleza nokuba buleza kubweza busena bwa buntu. Aaya nga maseseke aa buleza. Twaambo tobile twa zizwa zya 'buntu' a 'buleza', eezyo zyakali muli Kristu, kazikkede antoomwe alimwi kaziswaangene kakwiina kwaandaana muli comwe, pele zyakali nsini mu ciimo. Nokuba kuti Kristu wakalibatamika Lwakwe kuba muntu, mutwe wa Buleza wakacili Wakwe"4
"Walo kunooli wakagwasya ciwa Cakwe ca buntu kuzunda malwazi kwiinda mukutila busungu bulesya kubola mubili kuzwa muciwa Cakwe ca Buleza kutilila mu ciwa buntu cakwe. Pele walo wakalibatamika ku ciwa ca buntu."5
Kristu "taakabelesya nguzu zya buleza Zyakwe kucesya mikuli Yakwe nokuba kuubaubya mulimo wakwe."6
"Kunyina naba omwe, wakali kunga nalanga abusyu bwa muvwanda, bumwekamweka akusobana, wakali kunga waamba kuti Kristu wakali mbweenya mbuli bana bamwi. Walo wakali Leza mumubili wa buntu. Eelyo nibaamusungilizya abalongwenyina kucita cibi, buleza bwakwe bwakamwekaula muciwa ca buntu, mpoonya waakaka cakuliyandila. Mukanzumina komwe buyo Walo wakali kuzyiba akwaandaanya akataa cibotu a cibi, akweezyeka cibi ku milawo yokwa Leza, kayimpula mulawo mbuli cimbonimboni eeco cakali kumwesya mumuni aawo aakali cibi."7
"Ciimo cabuntu bwa Kristu cilikke muli lwaco tiicakali kukonzya kuzunda sunko eeli, pele nguzu zya buleza Zyakwe antoomwe azya buntu bwakwe zyakazundila muntu bulemu buteeli antoomwe.”8
"Walo taakeelede kwiita nguzu zya buleza bwakwe kuti zimugwasye, pele, mbuli mwaalumi, walo wakeelede kupenzyegwa mulandu wa cinyonyoono, alimwi akukalalilwa bukali bwa Mulengi ku muntu uunyansya.”9
"Ciimo cabuntu cilakonzya kuzunda kusikila buyo a mweelwe wa kusunkwa akusolwa. Ciimo ca buleza cikonzya kuzunda biyo sunko liteezyekwi, pele ciimo cabuntu cilaalilwa; mbube ciimo ca Kristu cakalaa nguzu zya kuzwidilila kapati mu kupenzyegwa; nkaambo buntu bwakwe bwakali kukkalila mu ciimo ca buleza bwakwe, aboobo akupa kuti akonzye kupenzyegwa kuti azwidilile muli ceeco cakaletwa aazinyonyoono zya nyika iisweekede."10
"Pele Kristu uleelene a Leza, uutamani alimwi uuliko koonse. Walo wakali kukonzya kubbadela muulo wa lwaanguluko lwa muntu."11
"Imyeelwe ya buumba yakavwuukide mukowa wabantu wakiibweza Kristu mu muya Wakwe wabulemu.”12
"Bululami bwakayandisyide kupenzyegwa kwa muntu; pele Kristu wakaaba kupenzyegwa kwa Leza."13
Cilatucumba kumoyo swebo notusyoma muli Leza omwe notubala nzyaakalemba zijatikizya ‘buleza’ bwa Yahushua. Pele twaabanya buyo zintu zili atalaa aawa alimwi tulaabanya nzyaakalemba kujatikizya ziiyo ziyandisi zimwi kuti tucenjezye boonse aabo bamutembaula azintu nzyaakalemba kuti batacengwi mu lweeno luli boobo.
|
Ootu twaambo tuli atala aawa tuzuunyene kukazya Bbaibbele. Swebo tatuko kukwabula nociba cintu comwe-comwe ncakazya eeco ncaakalemba atalaawa, nkaambo twakasimba kale zinjaanji zibbununa bubeji bwa kuyiisya kuli boobu. Cilatucumba mumoyo swebo notusyoma muli Leza omwe notubala nzyaakalemba zijatikizya ‘buleza’ bwa Yahushua. Pele twaabanya buyo zili atala aawa alimwi amikonzyanyo njaakalemba kujatikizya ziiyo zimwi ziyandika kapati kutegwa tucenjezye baabo batembaula malembe aakwe kuti batacengwi muzintu zyalweeno mbuli zyeezyo.
Hena tacigambyi kuti eelyo nomuswiilizya ziiyo mbuli zyeezi atala aawa, kunyina pe Muya Uusalala mbwanga wabikka mizeezo yenu kuti izumine kasimpe kali koonse anze lya ceeco Ellen White ncaatakazumizya? Oobo mbobweende bwa zintu akataa zyuulunzuma zya bantu aabo batobela malembe aakwe. Balo balibwaide cakuti tabakonzyi kutambula kasimpe aako kakazyanya a malembe ookwa Ellen White.
Aboobo atugozye a mubuzyo ooyu: Hena Taata Yahuwah inga watumina mushinshimi/mutumwa kuti alete mulumbe wa mamanino aaciindi ku bantu Bakwe kumwi kazumizya muntu ooyo kukulwaizya makani aalweeno amulumbe uusampauzya ciimo ca bulengwe bwa Mwanaakwe na? Ooyu ngo mubuzyo omwe-omwe uutobela Ellen White ngwayelede kwiingula muli lwakwe.
1 Swebo tatupaili Yahushua kuti ngu Leza wesu. Swebo tujisi buyo Leza OMWE, Taata Yahuwah. Pele tukomba Yahushua kuleka buyo nkaambo ka lufu ndwaakatufwida akuzundila zinyonyoono zyesu pele nkaambo Walo wakapegwa bulemu kuli Taata Yahuwah alimwi wakasumpulwa atalaa bangele, alimwi Taata wakalailila kuti bangele boonse bamukombe [Langa BaHebulayo 1:7; Intembauzyo 97:7]. Ikuti Taata Yahuwah wakalailila bangele, aabo basumpukide kwiinda bantu, kuti bakombe Yahushua, mbubuti swebo [notununudwe] mbotweelede kuyandisya kukomba Yahushua? Kukkomana kwesu aciindi cibotu ncotupedwe nkumulemeka, kumuyanda, akumukomba Mukwabo uupedwe bulemu, Simalelo wesu Yahushua.
2 E. G. White, Review and Herald, Kavwumbi kaniini 29, 1895.
3 E. G. White, Review and Herald, Mukubwekaangala 5, 1906
4 The Signs of the Times, Kaanda kaniini 10, 1899, cilaambidwe mu Seventh-day Adventist Bible Commentary, Vol. 5, p.1129
5 E. G. White, "Christ Man's Example," Review and Herald, Kunkumuna masamu 5, 1887.
6 E. G. White, The Signs of the Times, Kavwumbi kaniini 9, 1884.
7 E. G. White, The Youth's Instructor, Ivwivwi 8, 1898 (Caambidwe mu Questions on Doctrine, p.649).
8 E. G. White, The Review and Herald, Kavwumbi kaniini 13, 1874.
9 E. G. White, The Review and Herald, Kavwumbi kaniini 9, 1888.
10 E. G. White, Malembe 35, 1895, (cakalembwa mu Seventh-day Adventist Bible Commentary, Vol. 5, p.1103)
11 The Youth's Instructor, Gandapati 21, 1900.
12 Mulumbe. 12, 1900, mu Seventh-day Adventist Bible Commentary, Vol. 6, p.1103.
13 Lugwalo 12, 1892, mu Seventh-day Adventist Bible Commentary, Vol. 7, p.913
14 EGW. SDA Bible Commentary, vol. 5, p. 1136.12
