|
“Amubacenjelele bashinshimi basilweeno, aabo baboola kuli ndinywe mu zikobela zya boya bwa mbelele anu kuti mukati maa wumpe.” Mateyo 7:15 ESV |
Imumuni wa Mwezi Mupya a Nsabata Iitobezya Mwezi azuba wakaboolela Cikombelo ca (Seventh-day Adventist) kwiinda mu kukakatila kwesu akukakatila kwa bamwi banjaanji basyomeka kubamba Nsabata Iitobezya Mwezi a Zuba. Tacigambyi kuti Cikombelo ca SDA cakafubaazya Nsabata Iitobela Mwezi a Zuba akukaka kasimpe kakuti Buzuba bwa Mwezi Mupya bunyonganya kuzinguluka kwa mvwiki lyoonse kuti kwainda mvwiki zyone. Ikaambo keni Cikombelo ca SDA ncocicakakila mumuni wa Nsabata Iitobela Mwezi a Zuba kayeeme kapati mumajwi aatobela aaya ngaakalemba Ellen White:
“Ime nkabela ndakatolwa kuciindi ca malengelo alimwi ndakatondezyegwa kuti imvwiki yakutaanguna, oomo Leza mwaakabeleka mulimo wa kulenga mumazuba aali cisambomwe akulyookezya mubuzuba bwa ciloba, yakali mbweenya mbuli mvwiki iili yoonse. Leza mupati wakacimbaula bweende bwa mvwiki ntaanzi kuti ube mukonzyanyo wa mvwiki zinootobela waawo kusikila kumamanino aaciindi. “Aaya nga mazyalane aa majulu anyika eelyo nizyakalengwa.” Leza utupa bubambe bwa zintu nzyaakalenga mumulimo wakwe kumamanino aabuzuba bomwe-bomwe kubugaminina.
Buzuba bomwe bomwe bwakalungululwa kuli nguwe kuti ndi zyalane, nkaambo mubuzuba bomwe-bomwe walo wakalenga cibeela ca mulimo wakwe. Mu buzuba bwa ciloba bwa mvwiki Leza wakalyookezya kuzwa ku mulimo wakwe, mpoonya wakabuleleka buzuba bwa kulyookezya kwakwe, akububikka ambali kuti muntu awalo abubelesye mbweenya. Mvwiki iizinguluka ya mazuba aali ciloba, mazuba aali cisambomwe kaali aakubeleka milimo mpoonya bwa ciloba kabuli bwa kulyookezya, eeyo yakabambwa akuletwa mumisela ya Bbaibbele, yakazyila ku tusimpe tupati twa mazuba mataanzi aali ciloba..” {1SP 85.1}
“Mbweenya mbuli Nsabata, ayalo mvwiki yakatalikila ku malengelo, mbube yakabambililwa akuzyaakuletwa mumisela kusikila kuli ndiswe kwiinda mu misela ya Bbaibbele. Leza Lwakwe wakapima mvwiki yakutaanguna mbuli mukonzyanyo wa mvwiki zinootobela kusikila kumagolelo aaciindi. Mbweenya mbuli mvwiki yomwe-yomwe, ilaa mazuba aali ciloba. Mazuba aali cisambomwe akabelesyegwa mu mulimo wa kulenga, muli bwa ciloba, Leza wakalyookezya, mpoonya Walo wakaleleka buzuba oobu akububikka ambali kuti bube buzuba bwa kulyookezya kwa muntu.” PP, 111.
Ikkalenda lya bulemu lya Yahuwah libambidwe atalaa Buzuba bwa Mwezi Mupya kutegwa lyaandaanye myezi iibalwa kutobela mwezi. Alimwi nkaambo kakuti kucili cisyomyo cakuti mumuni munjaanji uciyoopegwa ku bantu Bakwe mazubaano kutegwa bayobolole kasimpe kali koonse kalubidwe, akutozya bweende bwa zintu ku kubambulula akululamika Nsabata ya masimpe a Mapobwe Aasetekene, mu kulibambila kuyaka bulelo Bwakwe butamani atalaa nyika. Aboobo, inga caba cintu citayeeyelwi kuyeeyela kuti Taata Yahuwah uyoosala mutumwa ooyo uuyoolemba twaambo ooto tuyoobelesyegwa kuba musemo wa kukaka kkalenda lyamu Bbaibbele eelyo mumuni uuli boobo nuumunikila a bantu Bakwe
|
Tulilibambide kuvwuntauzya cakutontonkanya akuti kubala twaambo tupedwe atala aawa takuli kulesya cakugaminina antangalala Buzuba bwa Mwezi Mupya pe. Kunooli Ellen White taakayandide mumizeezo yakwe kukaka Buzuba bwa Mwezi Mupya eelyo naakalemba twaambo tuli atala aawa. Eeci tulabikkilila. Pele tatukonzyi kwaamba kuti mbocibede kuli Taata Yahuwah, ooyo uubona mamanino kuzwa kumatalikilo, kuti inga wasala mitumwa/mushinshimi wa mamanino aaciindi ooyo uunga walemba cabuyamba katakubwene kuti twaambo ntwaakalemba inga twaakumvwika aanga tulesya Buzuba bwa Mwezi Mupya akunyansya nzila yakupimya ciindi yokwa Yahuwah. Alimwi, atweezyeezye mukutayanda kukazyanya biyo kuti Taata Yahuwah wakasala Ellen White kuba mutumwa Wakwe wa mamanino-aaciindi. Hena Muya Uusalala naakamulesya kulemba twaambo ooto tunga twaakumvwugwa aanga tuleta kudonaika ncobuyandika alimwi ncobwaandeene Buzuba bwa Mwezi Mpuya? Ikkalenda lya bulemu lya Yahuwah lisimpidwe atalaa Buzuba bwa Mwezi Mupya kutegwa lyaandaanye myezi iibalwa kutobela mwezi. Alimwi nkaambo kakuti kucili cisyomyo cakuti mumuni munjaanji uciyoopegwa ku bantu Bakwe mazubaano kutegwa bayobolole kasimpe kali koonse kalubidwe, akutozya bweende bwa zintu ku kubambulula akululamika Nsabata ya masimpe a Mapobwe Aasetekene, mu kulibambila kuyaka bulelo Bwakwe butamani atalaa nyika. Inga caba kuti, aboobo, cibe cintu citayeeyelwi kuyeeyela kuti Taata Yahuwah uyoosala mutumwa ooyo uuyoolemba twaambo ooto tuyoobelesyegwa kuba musemo wa kukaka kkalenda lyamu Bbaibbele eelyo mumuni uuli boobo nuumunikila a bantu Bakwe. Nicatali boobo, ikuti naatakalemba twaambo tuli atalaawa, icikombelo ca SDA nikalaa lwaanguluko mu kutambula mumuni wa Buzuba bwa Mwezi Mupya oobo bwakalubwa. Pele kasimpe kalaa ntenda nkakuti icikombelo ca SDA lyoonse cicaangilidwe mumalembe ookwa Ellen White. Aabo balibbakamuna kukaka zintu nzyaakalemba eezyo zikazya Bbaibbele, baambilwa kuti balilekelele mpobayimvwi akusobaila kutobela mbungano mbwiitobela nzyaakalemba Ellen White ccita kabayanda kulonga kuzwa mu mbungano.
Atwaambe kuti yebo ucisyoma kuti Taata Yahuwah wakasala Ellen White ncobeni kuti ngo mutumwa/mushinshimi wakwe wa mamanino aaciindi nokuba kuti wakalibwene zintu nzyaakalemba mboziyoosinkila kululamika Nsabata yamasimpe, kkalenda ndyapimya ciindi Cakwe, a Mapobwe Aakwe Aastekene. Kowamba tumvwe naa kuli mulembi wa Bbaibbele wakayoyelwa moza ooyo wakalemba zintu zyakasinkila mumuni uuyunguzya kuyaa kumwekesya?
Ikuti yebo kocisyoma kuti Taata Yahuwah wakasala Ellen White kuti alete mulumbe wakwe wa mamanino aaciindi ku bantu Bakwe, yebo ulalangilwa akutusyoma swebo ikuti twataminina kuti tujisi zizabukilo zyongaye buyo zyakuuzya amuulo uulaansi.
