|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulakavwuntauzya kufumbwa nkokakonzya kujanwa. |
Umwi mulembi wakabuzya Yahushua kuti nguli mulawo uuli kumbelaa yoonse. Messiah wakamwiingula kuti, “Mulawo mutaanzi ali yoonse ngwakuti, ‘Koteelela, O Isilayeli! Yahuwah Leza wesu ngu Yahuwah Omwe. Alimwi weelede kuyanda Yahuwah Leza wako amoyo wako woonse, amuya wako woonse, amizeezo yako yoonse, anguzu zyako zyoonse.’ Wabili ngwakuti: ‘Yebo weelede kuyanda simukobonyoko mbuli mboliyanda omwini’” (Maako 12:29-31). Ncintu ciyandika kubikkila maanu kapati kuti Messiah wakajuzya bwiinguzi bwakwe amusemo aayiimvwi milawo yoonse — iShema: “Koteelela, O Isilayeli! Yahuwah Leza wesu ngu Yahuwah Omwe.” Shema lili mbuli mulyango wakunjilila muziiyo zya Messiah. Aboobo kuyandaula ncoliiminina Shema eelyo ncintu ciyandikisya kuli ndiswe toonse notuyanda kuba basikwiiya bokwa Yahushua bamasimpe akukomba Yahuwah wa Isilayeli mumuuya amukasimpe. Tweelede kuzyiba Leza Omwe wa Isilayeli. Eeci citalikila mukuzyiba akumvwisyisya kuti Walo tali bantu bamaseseke botatwe pe, pele ngumwi. Nolilampa nolifwiimpa muntu woonse weelede kwiibaluka kuti Yahuwah ngumwi, ngo Wisi wa Yahushua, alimwi “alikke ngo Leza wakasimpe” (Johane 17:3).
Amulangisye Yahushua mbwaakaamba Yahuwah kuti ngu “Leza wesu.” Eeci ciyungizya kututondezya Leza wini wakasimpe. Yahushua waambaula mbuli muJuuda wakatalisya lusyomo lwa Bunakristu. Leza wa Isilayeli ngweenya ngo Leza wa Yahushua. Yahushua taakaide kwiinduluka kubandauka tumpango tulembedwe mubbuku lya Torah; wakali kupona buumi bwakwe kweendelanya atumpango ooto. Yahushua wakali kumuyanda Leza wakwe camoyo woonse, muzeezo wakwe woonse, nguzu zyakwe amuya woonse; alimwi Yahushua wakali kuyanda simukobonyina. Walo wakatupa mukonzyanyo wakutobela. Ikuti katumuyanda ncobeni Yahushua, tweelede kutobela mukonzyanyo wakwe kwiinda mukwaabanya mulazyo wakwe. Tweelede kulomya kuyanda Yahuwah mbuli Yahushua mbwaakacita, akuyanda simukoboma mbweenya mbuli Yahushua mbwaakacita. Pele nkabela tweelede kuzyiba kuti nguni Leza mwini wakasimpe uulaalikke. Messiah lwakwe mumajwi aacigaminina wakati: “Alimwi oobu mbobuumi butamani, kutegwa bazyibe Nduwe, O Leza wakasimpe olikke a Yahushua Messiah ooyo Webo ngookatuma” (Johane 17:3).
Mukampango aaka Yahushua waambaula aa Wisi kumwi kamwiita kuti alikke ngo Leza wakasimpe. Mpoonya ulyaamba kuti lwakwen nguyooyo Leza wakasimpe ngwaakatuma. Kwaamba kuti “Alikke” ciiminina kuti kunyina uumbi kunze lya Taata alikke uukonzya kuba wakasimpe. Kunyina pee pee pe — naba muntu omwe pe. Aayo majwi aa Yahushua atupa busanduluzi butakwe kudonaika alimwi butakonzyi kwiiminina ciimpene ncobwaamba. Alikke Leza wa Isilayeli ngo Taata kakwiina uumbi pe. Yahushua nguwakaamba cintu eeco. Leza wa Isilayeli luzutu alikke ngo Leza wa Yahushua:
“Ime ndaunka kuli Taata, a Uso; akuli Leza wangu, akuli Leza wenu” (Johane 20:17).
“Leza wa Mwami Yahushua Messiah, Taata wa bulemu” (BaEfeso. 1:17).
“Tulimuzyi ngotukomba” (Johane 4:22). Kali antoomwe abamaJuuda bamwi, Yahushua wakali kukomba Leza wakwe.
“Leza wangu, Leza wangu, wandisiila nzi?” (Mateyo 27:46).
Nokuba leelyo Yahushua naakatoledwe kujulu, Wisi wakacili Yahuwah:
“Kuli yooyo uusyoma, Ime njoomubamba kuba musemo mutempele lya Leza wangu...alimwi Ime njoolemba ali nguwe zina lya Leza wangu, azina lya Jelusalema mupya, ooyo uuyoozwa mukati kajulu kuzwa kuli Leza wangu” (Ciyubunuzyo. 3:12).
Mumisela yakainda, Banakristu banji bakali kusyoma kuti Yahushua wakali Leza wakasimpe antoomwe a Taata. Alimwi bakali sinizyide kuteelela kuti kuli tumpango mu Bbaibbele tutondezya makani aaya. Pele ikuti basyomi bajatisya akuzumina cintu cini eeco Yahushua ncaamba — twaambo twakwe ntuubauba kuteelela — nkabela bayoolibonena kuti oobo “bumboni” buluulwa tabuli bumboni nokuba aasyoonto pe. Hena tusyome ncaamba Messiah? Naa tusulaike majwi aakwe aatazelauki akubikka mucibaka cangawo tunsiyansiya twa Bunakristu?
Koteelela, O Isilayeli! Yahuwah Leza wesu ngu Yahuwah Omwe, ngu Taata alimwi kunyina uumbi. Kunyina muntu uumbi. Ngu Leza wamasimpe ookwa Yahushua. “Walo alikke ngo Leza wamasimpe.” “Walo alikke buyo ngo Leza uuli masimpe.” Mwati kuli abumbi mbocinga caubauba kupandulula mumulaka ooyu?
Hena tukumbatile Leza Omwe wa Isilayeli awa Yahushua, Taata, Singuzuzyoonse mulengi wazintu zyoonse, uuteli, uulaa zina lya Yahuwah? Naakuti tulikumbatizye ku baleza bamwi kunze Lyakwe?
Ambweni webo uyoowa kuti ikuti kotasyomi kuti Yahushua ngu Leza, inga tokafutulwi? Utayoowi, tacisyi ncolyaamba Bbaibbele eeco pe. Langa nkaaka kaambo kazwa ku mwaapositolo Johane mbwaakalemba ncocitali boobo, “Eeci cakalembelwa ndinywe kuti muzyibe kuti Yahushua ngu Messiah, Mwanaa Yahuwah; akusyoma kutegwa inywe mufutulwe kwiinda mu zina lyakwe” (Johane 20:31).
Muzeezo wakuti Yahushua lwakwe awalo weelede kuba Leza mulumbe wiide kwiinduluka kakwiina bumboni bwamu Bbaibbele nokuba aaniini pe. Yahuwah nguusala Mufutuli munzila Yakwe mwini kutali ndiswe pe.
Messiah, muntu susu mbuli ndiswe Mwanaa Yahuwah. Mbobusanduluzi bwa Yahushua mbotuyandika kuzyiba kuti tubaa lufutuko. Yahuwah Lwakwe mwini wakayubununa bube bwa Yahushua ku mwaapositolo Petulo: “Simoni Peter naakaingula kuti, ‘Yebo nduwe Messiah, Mwanaa Yahuwah uupona.’ Nkabela Yahushua wakati kuli nguwe, ‘Yebo walelekwa, Simoni mwanaa Jona, nkaambo tali muntu wabulowa wakuyubunwida makani aaya. Ngu Taata uuli Kujulu” (Mateyo. 16:16-17).
Yahushua Messiah, Mwanaa Yahuwah nje mbelele yacituuzyo Yahuwah njaakasala akutwaabila. Icituuzyo Cakwe cilimaninide kweelela. Yahuwah nguwaabamba kuti cibe boobo. Yebo tociyandiki kweezyeezya kuti kuli “Leza mbelele,” ooyo wakazyila mumanjezyeezya aabantu bamasi kakwiindide myaanda yamyaka kuzwa mbelele yokwa Yahuwah niyaakankaminwa. Tee kayi, Yahuwah tafwi, aboobo kuti kakwiina Mufutuli uukonzya kutufwida nkokuti kunyina cituuzyo cakutununuzya.
|
Kutegwa mujane makani manjaanji aaciiyo cipati eeci, mukaswaye kubusena bwa WLC Content Directory: The Trinity (doctrinal error) |
Eeci cibalo citali ca-WLC cakalembwa aba Jan Salovsky.
Twakagwisya mucibalo citaanzi mazina aabakomba mituni ngobayita Taata a Mwana, alimwi twakajokolosya mazina mataanzi ngubaapedwe. Kuyungizya waawo twakajokolosya mutumpango ntotulembulude mazina aa Taata, mbuli mbwaakalembedwe kutaanguna abalembi ba Bbaibbele bakayoyelwa moza. Nkamu ya-WLC