|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko akukavwuntauzya kufumbwa nkokakonzya kujanwa |
Hena majwi aakuti “Leza wa Yahushua” azyila mu Mangwalo na? Mu BaEfeso 1:17, mwaapositolo Paulu wakalemba kuti “Leza wa Simalelo wesu Yahushua Kristu, Taata wabulemu.” Cakalisalede kuli Paulu kuti Leza wa Yahushua ngo Taata wabulemu. Mukutalika lugwalo lwakwe ku BaEfeso, Paulu uleleka “Leza Taata wa Yahushua Kristu.” Mukujala lugwalo, ulabaleleka a “luumuno...a luyando alusyomo, luzwa kuli Leza Taata wa Yahushua Kristu” BaEfeso. 1:3; 6:23).
Yahushua wakati kuli nguwe, "Utajatilili Ali ndime, nkaambo nsyeninga tanta kuya kuli Taata; Pele koya ukaambile bakwesu ukaambe kuti, 'Ime ndaunka kuli Taata a taata wenu, akuli Leza’ wangu a Leza wenu.'" (Johane 20:17)
|
Muli Johane 20:17 Yahushua waambila Maliya kuti, “Ime ndaunka kuli Taata, a Taata wako; akuli Leza wangu, a Leza wako.” Muli Johane 17:3 Yahushua waamba Wisi kuti ngo “Leza wakasimpe alikke.” Yahushua wakali kusyoma muli Leza Omwe buyo.
Aabo basyoma Baleza botatwe baamba kuti kukaka “Leza Mwana” uupona kutamani kuzwa kataninga zyalwa nkudyakaizya Yahushua akumusamununa bulemu. Pele muntu inga wakaka kusyoma muli Baleza botatwe kumwi kazumina “ciimo cabulemu” cokwa Kristu nkaambo walo Mwana nsini ookwa Yahuwah. Eelyo “nguzu zya Singuzuzyoonse” nizyaavwunikila Maliya, “Mwanaa Singuzuzyoonse” wakamitwa (Luka 1:32, 35). Yahuwah wakalyaamba kuba Wisi wa Yahushua naakamwiita kati, “Mwanaangu muyandwa” (Mateyo. 3:17). Banakristu abalo bayoozulila bulemu bwa Yahuwah (BaEfeso. 3:19).
Bamwi basyoma kuti Yahushua Kristu wakali “mwaalumi uutabujuli” — kunyina ciimpene ali nguwe kuli bamwi — Pele buyo kuti wakanyina cibi. Balamudyakaizya Kristu. Mukukazya lusyomo lwa Baleza botatwe zimwi ziindi bamulanga kasusu kubbila Yahushua. Kunyina kaambo kakumucesya boobo. Balembi ba Cizuminano Cipya bakayoyelwa Moza baamba Yahushua mumajwi aamulemekezya. Johane wakatandidwe ubelesya mulaka uupandulula citakonzyi kupandululwa kuti Simalelo wakabuka! (Ciyubunuzyo. 1:14-16).
Yahushua nce “cinkonzya [citondezya] Leza uutabonwi” (muli nguwe tulamubona Taata akusalalilwa); “kubekema kwa bulemu Bwakwe” (cimbonimboni cibonenwa kubusyu bwesu); a “cinkonzya cikokolola buntu Bwakwe” (cidintidwe ali ndiswe, akusiya busimbo)! Mbubuti mbotunga tiitwakkomanina Simalelo eesu muyandisi?
Tatweelede kuyeeyela kuti Yahuwah ulainda kusumpuka kuti Mwanaakwe kacesyegwa boobo. Milimo nzi ya mwana waanyika iitakonzyani aya wisi waanyika? Aboobo, mbulemu bupati buti Wisi wa Yahushua mbotumupa eelyo notutembaula buumi butakwe kampenda, milimo yeebeka acituuzyo cakulyaaba kwakwe? Aciyubunuzyo ca maseseke aa Mulumbe Wakwe uuteeli wa Bulelo.(II Timoteo. 1:10).
“Alimwi kufumbwa ncomunookumbila muzina lyangu Ime njoomucitila, kutegwa Taata akapegwe bulemu kwiinda mu Mwana. Ikuti mwandikumbila cili coonse muzina lyangu, Ime njoomucitila” (Johane 14:13).
ikuti Leza wa Yahushua Messiah, Taata wa bulemu, amwaabile Moza wa busongo Aciyubunuzyo mukuzyiba Nguwe (BaEfeso 1:17)
|
Moza wa Yahuwah nguukopolola masimpe ookwa Yahuwah a Mwanaakwe, pele kuli baabo buyo balikke bavwuntauzya Masimpe cakusinizya. Aaya makani aakulangisisya kapati, mbuli kuula namutekenya mupya eelyo nobwene imwi minjaanji iikonzyanya anguwo munzila. Mpaawa mpotubonena Yahushua ooyo ngotutaninga bwene. Tulakulwaizyigwa akuyoyelwa Moza mu Bbaibbele, Pele kutali leelyo buyo Simlelo “najula meso eesu” kuti tulibone kuceya nzyotuzyi, ndendilyo notwiibaluka zinji nzyotwakayimpya.
Umwi mukonzyanyo wakwaalilwa kumvwisya munzila eeyo mbotubona nokuba kwaalilwa kubonwa ncobaiminina 1 Bakolinto 8:6, batusalazyila kuti “kuli buyo Leza Omwe, Taata, alimwi zintu zyoonse zyakaba kwiinda muli Nguwe, aswebo muli Nguwe; a Simalelo Omwe Kristu Yahushua, zintu zyoonse zyakaba kwiinda muli nguwe.” Ino inga cakonzyeka buti kuti “Simalelo omwe” beelane a “Leza omwe”?
Bwiinguzi bwakazyibilwa mbwakuti Leza Omwe ubambidwe aa Bantu botatwe mumubili omwe: Taata, Mwana, a Muya Uusalala kabeelene. Tatweelede kudelela tunsiyansiya mbotupindula kasimpe kamu Bbaibbele katutaninga kutuvwubatila aanga maseseke. Mawoola ongaye mumyezi yongaye iili mumyaka yongaye bamayi ba Cikombelo nibakakazyana atalaa wa mulimo wa Yahushua wakutumina moza? Cikombelo cakumbo aca kujwe zyakatandana atalaa kaambo nkeenya aaka! Kulanga buyo mu Milimo 2:33 nikwaakosozya makani mpeenya aawo: “Aboobo lino mbwali janza lyalulyo lyokwa Yahuwah kusumpuka, alimwi katambwide kuzwa kuli Taata cisyomyo ca Muya Uusalala, [Yahushua] wakatupa eeco ncomubona lino akumvwa.” Majwi ookwa Yahushua muli Johane 16:7 azumina kuti Moza wakazyila kuli Taata a Mwanaakwe.
Cilatuyumina kusyoma kuti ngweenya ooyo Martin Luther wakali kukwelanakwelana aa Cikombelo ca Roma ulaamba akuti “baluleleme bayoopona kwiinda mu lusyomo” mbweenya awalo Jemusi mbwali “ingwadi ya matete” alimwi wakali kubacimwa bamaJuuda caantangalala.
Alimwi oobu mbobuumi butamani, kutegwa balo bazyibe Nguwe, alikke Leza wakasimpe, a Yahushua Messiah ooyo ngookatuma. (Johane 17:3)
|
Tulaankamene cakugonkelwa kumvwa kuti ooyo Calvin uusumpauzyigwa boobo nguwakapa malailile aakuti Servetus, mweeninyina muli Kristu, awumpwe mumulilo acisamu kusikila afwe (cakulelemya lufu, kubelesya nkuni zitete). Ino malweza nzi aayo Servetus ngaakayiisya? Wakayiisya kuti kubbizya Bana bavwanda alusyomo lwa Cikombelo muli Baleza botatwe taakali makani aazyila mu mangwalo.
Kusyomwa kwangu nkwakuti Banakristu munyama iicizya bayoolibonena kusyomwa muli Baleza botatwe mbokubede ncobeni: mbumpelenge bwa babbishopo mbaakabunganya Constantine Mupati kutegwa ayanzanye lusyomo lwa zikombelo mpoziimpene kujatikizya mutwe wa Buleza. Nibakadyaamininwa kapati, bamwi babbishopo bakatama akulyatuka mpobaayimvwi mukasimpe, mpoonya makani akakosozyegwa aawo. Akalembwa mumulawo akubelesyegwa “kukankaula” bantu kuti kabayoowa akutobela.
Lilikke buyo Cikombelo nocizumina 1 Bakolinto 8:6 kuti ngamasimpe aamutwe wa Buleza nocikonzya kwaambilizya ku baJuuda kuti: “Leza wa Abrahamu, Isaka a Jakobe ngweenya ngo Leza ookwa Yahushua — Messiah wenu a wesu!” Munyika yoonse kwiizinguluka, Kuli nguzu zyobile zibwekelana: Moza wa Kristu a muya wa simukazyakristu.
Eelyo Yahushua aakuzyokela, kunooli mbungano yomwe ya baJuuda abantu Bamasi antoomwe — kakwiina cibaandaanya mulusyomo akulyaaba muli Leza Omwe Wakasimpe a Mwanaakwe, Yahushua Messiah — bayokwiimpuka kuyoocingauzya Mwami muluwo, mpoonya akuseluka anguwe kuzyoolela masi.
“Mbombubo lyoonse tunooli aa Mwami.”
|
Kutegwa mumvwe makani manjaanji aaciiyo cipati eeci, mukaswaye ku WLC Content Directory: The Trinity (doctrinal error) |
Eeci cibalo citali ca WLC cakalembwa aba Peter Barfoot.
Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina aabo eeni. Kuyungizya waawo, twakajokolosya mutumpango ntotulembulude mazina aa Taata a Mwana mbuli mbwaakalembedwe kutaanguna abalembi ba Bbaibbele bakayoyelwa Moza. – Nkamu ya WLC
