|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Mulusyomo lwa Baleza botatwe kuyiisyigwa kuti Yahushua wakali kupona kataninga zyalwa mpoonya wakasanduka kuba "Leza-muntu," pele ooko kusanduka taakwe nikwaacitika pe. Yahushua taakali kupona kataninga zyalwa, alimwi taakalaa cibeela muli nguwe ca "Leza" eeco cakali kunga cavwelana a cibeela cakwe ca "buntu" kuti abaa ciimo ca "Leza-muntu" Yahushua.
Basyoma Baleza-botatwe baamba kuti:
"Yahushua wakali kupona muciimo ca Yahuwah kataninga mitwa anyika."
"Yahushua Messiah wakali kupona kataninga zyalwa."
Lwiiyo oolu luyiisya kuti Yahuwah wakasanduka kuba muntu, aayo taali masimpe.
Kwaamba nzyobalembede:
"Lusyomo lwakuti Kristu wakasanduka kuba muntu ndwakusyoma kuti muntu wabili mumutwe wabaleza botatwe, ooyo uuzyibidwe akuti Mwana naa ndi Jwi (Ibbala), "wakapegwa mubili wanyama" eelyo naakamitwa camaleele mwida lya Maliya Muumbulu. Mu lwiiyo lwa Kusanduka kuba muntu, ciimo cabulemu ca Mwana cakavwelanyigwa aciimo ca buntu kuti abe Muntu wabulemu Yahushua Messiah, ooyo wakali "Leza ncobeni alimwi kali muntu ncobeni."
"Mu lusyomo lwa Kusanduka kuba muntu, muntu wabili akataa Baleza botatwe wakabweza ciimo cabuntu muciimo ca Yahushua Kristu alimwi walo ngu Leza amuntu aciindi comwe."
Kulubila: Yahuwah taakasanduka kuba "Leza-muntu.".....ooko nkubejelezya Yahuwah
Myeelwe 23:19 - "Yahuwah tali muntu, kuti Walo ebeje;
Hosiya 11:9- Ime Ndime Yahuwah alimwi nsyeli muntu.
Joobo 33:12- Amulange, muli ceeci webo toluleme: Ime ndakwiingula webo, ikuti Yahuwah mupati kwiinda muntu.
Yahushua taakajisi cibeela ca "Leza" cisanganyidwe kuli nguwe....Taata alikke ngo Leza, aboobo kunyina pe ooko kusanduka kuba muntu mbukwaali kunga kwatola busena.
Lusyomo lwa Leza waasanduka kuba muntu luyeeme amuzeezo wakuti Yahushua wakali kupona kali muciimo ca Yahuwah kataninga mitwa mwida lya Maliya.
Ikuti Yahushua katali Yahuwah, nkokuti cilisalalide kuti walo taakali kupona kataninga zyalwa, eeco caambilizya kuti kusanduka kuba muntu tiikwakali kukonzya kucitika.
Taata ngu Leza OMWE biyo.... kunyina Leza uumbi kunze lyakwe
1 Bakolinto 8:6- pele kuli ndiswe kuli biyo Leza OMWE, ooyo walo ngu Taata.
BaEfeso 4:6- Leza OMWE a Taata wabantu boonse.
1 Timoteo 2:5- Nkaambo kuli biyo Leza OMWE (Taata), a mwiiminizi omwe akataa Yahuwah abantu, Messiah Yahushua.
Malakayi 2:10- Hena toonse tatujisi TAATA OMWE na? Hena tali Leza OMWE wakatulenga na?....
Maako 12:29- Koteelela, O Isilayeli; Mwami wesu Yahuwah ngu Simalelo OMWE:...
Maako 10:18- Alimwi Yahushua wakati kuli nguwe, nkaambo nzi ncondaamba kuti Ime ndi mubotu? Kunyina pe mubotu pele buyo OMWE, ooyo ngu, Yahuwah (Taata).
Luuka 10:21- Mu woola eelyo Yahushua wakakkomana mu Moza, akwaamba kuti, Ime ndakulumba webo, O Taata, Mwami wa julu anyika,...
Intembauzyo 86:10- Nkaambo webo uli mupati alimwi ulacita maleele: webo olikke nduwe Leza.
Kunyina Leza kunze lya Taata. Walo alikke ngo Singuzuzyoonse
Izaya 43:10- Ime ndendime Nguwe: kunze lyangu kunyina Leza wakabambidwe, alimwi kunyina uyooba kunze lyangu.
Izaya 44:6- kunze lyangu kunyina Leza uumbi.
Izaya 44:8- Hena kuli Leza uumbi kunze lyangu na? Inzya kunyina Yahuwah; Ime kunyina uumbi ngwezyi.
Izaya 45:5- Ime ndime Mwami, alimwi kunyina uumbi pe, kunyina Yahuwah kunze lyangu.
Izaya 45:21- kunyina Leza kunze lyangu.
Ciibalusyo 4:35- Kuli ndiwe cakatondezyegwa, kuti webo uzyibe kuti MWAMI ngo Leza; kunyina uumbi kunze lyakwe.
Ciibalusyo 4:39- Aboobo uzyibe buno buzuba, akulizeeza mumoyo wako, kuti Yahuwah ngu Leza kujulu, alimwi aansi aano: kunyina uumbi kunze lyakwe.
Ciibalusyo 32:39- Bona lino kuti Ime, inzya Mebo, ndendime nguwe, alimwi kwiina Leza kuli ndime:..
Izaya 48:11- Akaambo kangu ndemwini, Ime nsyekaciciti eeco: nkaambo nzi zina lyangu ncolinga lyasofwaazyigwa? Alimwi IME NSYEKAPI BULEMU BWANGU KULI UUMBI.
Izaya 42:8- Ndime Yahuwah: ndezina lyangu eelyo: alimwi BULEMU BWANGU NSYEKAPI UUMBI,...
Taata Mupati Kwiinda Boonse
BaEfeso 4:6- Leza Omwe alimwi Wisi wa boonse, ooyo uuli ATALAA BOONSE,...
Johane 10:29- Taata wangu, ooyo wakandipa mbabo, MUPATI kwiinda boonse;...
Johane 14:28- Taata wangu MUPATI kwiinda Ndime.
Izaya 40:25- Nguni ngwenga ndalyeezyeka Ime, naa ngotweelene limwi? Mbwaamba oobo Ooyo Uusetekene.
1 Bakolinto 11:3- mutwe wa Kristu ngu Yahuwah (Taata).
BaEfeso 4:6- Yahuwah Omwe Wisi wa boonse, ULAATALA LYA BOONSE,...
1 Makani 29:11- O Yahuwah (Taata) bupaizi mbubwako, anguzu, abulemu, akuzunda, akulemekezyegwa: nkaambo zyoonse zili kujulu nzi zyako; bulelo mbu bwako, O Yahuwah, alimwi webo ulisumpudwe mbuli mutwe ATALAA BOONSE.
Taata mupati kwiinda boonse alimwi walo alikke ngo Leza omwe, aboobo kwakanyina cibeela ca "Leza" muli Yahushua cakeelede kusanduka.
Yahushua taakali kupona kataninga mitwa, pele Yahushua wakaba muntu kwa ciindi citaanzi eelyo naakamitwa (naakalengwa) aa Taata mwida lya Maliya.
Muya Uusalala wa Taata wakaboola ali Maliya akubamba Yahushua mwida lyakwe.
Luuka 1:35- Mpoonya mungele wakaingula akumwaambila kuti, Muya Uusalala uzyooboola ali Ndiwe, nkabela nguzu zya Singuzuzyoonse ziyookuvwumbilila webo: aboobo ooyo uusetekene uuyoozyalwa kuli Ndiwe uyokwiitwa kuti Mwanaa Yahuwah.
Luuka 1:31- Alimwi, kolanga, webo UYOOMITA mwida lyako, akuzyala Mwana musankwa, nkabela uyoomwiita zina lyakwe kuti ngu YAHUSHUA.
Mateyo 1:18- Lino kuzyalwa kwa Kristu kwakali munzila eeyi: eelyo Maliya banyina nibakasendene a Josefa, kabataninga boola antoomwe, wakajanwa umitide mwanaa Muya Uusalala (Taata).
Mateyo 1:20- utayoowi kubweza Maliya kuti abe mukaintu wako: nkaambo ooyo WAKAMITWA muli nguwe ngwa Muya Uusalala.
Izaya 7:14- Aboobo Mwami lwakwe uyoomupa citondezyo; Amulange, nakalindu muumbulu uyoo MITA, akuzyala Mwana musankwa,....
BaGalatiya 4:4- Pele nicakasika ciindi cikkwene, Yahuwah wakatuma Mwanaakwe, ooyo waabambilwa mu mukaintu,...
Yahushua wakamitilwa mwida lya Maliya kutali "kusandukila" mwida lya Maliya.....kuli kwiimpana kupati aawo!
Muya (muya wa Taata) wakeza ali Maliya akumuzyazya (wakalenga) Yahushua mwida lyakwe.
Yahushua wakazyaligwa (wakalengwa) aa Taata.
Johane 1:14- twakamubona mubulemu bwakwe, bulemu mbuli bwa Simuzyalwaalikke ookwa Taata,..
Johane 1:18- Kunyina muntu wakamubona Yahuwah nokuba aciindi cili buti; pele alikke Mwana Simuzyalwaalikke, ooyo uuli mu camba ca Taata,...
Johane 3:16- Nkaambo Yahuwah wakiiyanda nyika cakuti, wakakiipa Mwanaakwe Simuzyalwaalikke,...
1 Johane 4:9- Yahuwah wakatuma Mwanaakwe Simuzyalwaalikke munyika,...
Johane 16:28- Ime ndakaboola kuzyila KULI TAATA, ndakaboola munyika:...
Mangwalo ayiisya kuti Yahushua wakaboola kuzyila kuli Taata. Kuti kosyoma kuti leza wakasanduka kuba muntu, yebo weelede akusyoma kuti kuli ba Yahushua' bobile.... "Leza" Yahushua ooyo wakali kupona lyoonse alimwi taakazyila kuli Taata, mpoonya akuti Yahushua "muntu" ooyo wakalaa matalikilo wakazyila kuli Taata.
Mbubuti Yahushua mbwanga kali muntu omwe kuti cimwi cibeela cakwe kacili cakazwa kubusena kumbi? Ikuti kusanduka kwa Leza kuba muntu nikwali masimpe (pele takuli kwa masimpe) nkokuti cibeela cokwa Yahushua ca "buntu" cakeelede kuzyila kuli "Leza" alimwi cimwi cibeela tiicakazyila kuli Taata. Kasimpe kakuti Yahushua wakaboola kuzyila kuli Taata mbobumboni buyumu nta kuti taakasandulwa kuti abe muntu.
Lusyomo lwa Kusanduka kuba muntu ndwiiyo lwa bufubafuba, nkaambo ncintu citakonzyeki kuti Yahushua abambwe aa zibeela zyobile zizwa kumasena aandeene obile. Yahushua tali bantu bobile baandeene aabo bakaswaangana ciindi citaanzi mwida lya Maliya mpoonya akubbuka kuzwa mwida kabali "Leza-amuntu." Boonse bweende bwa kusanduka kuba muntu butondezya cifwanikiso citaluleme ca Yahushua eeco citusolweda kuti tusweeke kuzwa kuli Yahushua wamasimpe.
MWAALUMI Yahushua Messiah ngo Yahushua alikke ngotujisi.... kunyina cintu cikonzyanya aa "Leza" Yahushua....mutasweeki!!!
Mangwalo ayiisya kuti kuli buyo Yahushua omwe.... MWAALUMI Yahushua Messiah :
1Timoteo 2:5-6- Nkaambo kuli Leza omwe (Taata) luzutu, alimwi kuli sikuyanzanya omwe uuli akati ka Yahuwah abantu, NGU MUNTU Yahushua Messiah, iwakalisanga mwini kuti anunune bantu boonse,...
Aabo basyoma Baleza botatwe bayiisya kuti Yahushua wakeelede kuba Leza kutegwa abbadele mulandu wa zibi zyesu, Pele Mangwalo ayiisya kuti Yahushua wakabbadela mulandu wa zibi zyesu kali muntu biyo.
Wakali Yahushua MWAALUMI ooyo wakalyaaba kuba cituuzyo comwe kwa lyoonse
BaHebulayo 10:12- Pele ooyu MWAALUMI, naakamanizya kwaaba cituuzyo ca zinyonyoono comwe kwa lyoonse, wakakkala kujanza lyalulyo lwa Yahuwah;...
Yahushua MWAALUMI nguwaafwida aciciingano mukaambo ka zinyonyoono zyesu
BaFilipo 2:8- Alimwi wakajanwa kali muciimo ca MWAALUMI, wakalibatamika, akuteelela kusikila ku lufu, noluba lufu lwaa ciciingano.
Wakali Yahushua MWAALUMI ooyo wakalipa kuba cinunuzyo ca boonse
1 Timoteo 2:5-6-Nkaambo kuli Yahuwah omwe, a simwiinda-akati omwe akataa Yahuwah abantu, MWAALUMI Yahushua Messiah; Ooyo wakalipa kuba cinunuzyo ca boonse,...
Kwiinda mumuntu lwakaboola lufu alimwi kwiinda mu MUNTU Yahushua kwakaboola lumvwano
BaLoma 5:11-15- tulazunda muli Yahuwah kwiinda mu Mwami Yahushua Kristu, ooyo kwiinda muli nguwe lino mutwaatambula lumvwano. Mbweenya, kwiinda mu muntu omwe (Adamu) cinyonyoono cakanjila munyika, alwalo lufu kwiinda mu cibi;........Nkaambo ikuti kwiinda mucibi ca muntu omwe (Adamu) banji balafwa, mbweenya aluzyalo lupati lwa Yahuwah, acipego ca luzyalo, kwiinda muli omwe.
MWAALUMI Yahushua ooyo wakapa cinunuzyo ca zinyonyoono zya bantu
BaHebulayo 2:17- 3:3- Mbweenya MUZINTU ZYOONSE walo wakeelede kuba mbuli babunyina, kutegwa abe mupaizi mupati wa luzyalo uusyomeka MUZINTU zijatikizya Yahuwah, kuti abambe cinunuzyo ca zinyonyoono zya bantu.......Nkaambo ooyu MUNTU wakeelela kubaa bulemu kwiinda bwa Mozesi,....
(amubikkile maanu: MWAALUMI Yahushua cijatikizya Yahushua woonse kutali biyo cibeela cakwe cimwi...Yahushua tali ciimo ca "muntu" kumwi kali ciimo ca "Leza" pe, pele Yahushua wakafwida zinyonyoono zyesu kali muntususu uukkwene.... MWAALUMI)
Kwiinduluka Cilembedwe:
"Yahuwah takonzyi kufwa, pele Yahushua wakajaigwa mpoonya wakabuka kuzwa ku bafu (Milimo 5:30). IBbaibbale talyaambi biyo kuti "ciimo ca buntu" ncicakafwa; lyaamba kuti Yahushua wakafwa, eeco cijatikizya Yahushua woonse mbwabede (100%)."
Kunyina kampango kaamba kuti Yahushua weelede kuba Leza kutegwa abbadele mulandu wa zibi zyesu. Aabo basyoma muli Baleza botatwe balangikaanga bakapunga lusyomo oolo kuzwa mumuwo, nkaambo kunyina tumpango twa mangwalo tuyiisya kuti Yahushua wakeelede kuba Leza. Langisya tumpango tulaatala aawa, nkaambo tulayiisya cakutadonaika kuti alikke MWAALUMI Yahushua nguwaabbadela mulandu wa zibi zyesu, eeco citondezya kuti Yahushua taakeelede kuba Leza kuti abbadelele zinyonyoono. Ikuti Yahushua naakali Leza kuti abbadelele zinyonyoono, naakafwa kali Leza, pele tacisyi ncaakacita eeco pe.
Yahushua wakali muntu omwe luzutu.... MWAALUMI alimwi kutali "Leza-muntu"
1 Timoteo 2:5- kuli buyo Yahuwah omwe, a simwiinda-akataa Yahuwah abantu omwe, MWAALUMI Yahushua Messiah;...
BaFilipo 2:7-8- Wakalilonzya, wakalisalila ciimo cabuzike akuba mbubonya mbuli bantu balya maila. Lino naakabonwa kuti waba ACIKOZYANO CAMUNTU, wakalibombya akuzumina nikuba kufwa, nkukuti kufwa kwakubambulwa aciingano,....
Johane 15:24- Ikuti Ime neetakacita akati kabo milimo eeyo yataacitwa MUNTU uumbi,...
Milimo 17:31- Nkaambo Yahuwah wakasala buzuba mbwati kabeteke nyika mubululami, KUMWAALUMI ooyo ngwasungwide;...
Aabo basyoma muli Baleza botatwe bazuunyene kuti Yahushua wakeelede kuba Leza kutegwa abbadele mulandu wa zibi zyesu, pele balayiisya akuti ciimo "cabuntu" cilikke ncicakabbadela mulandu wa zinyonyoono.
Nzyobaamba Basyoma Baleza botatwe:
"ikuti Kristu naakabbadela ncobeni mulandu wa zinyonyoono zyesu mbuli cinunuzyo, nkokuti weelede kuba Leza"
"Ikuti Mwana, Yahushua Messiah, naatakali Leza, kunununa kwakwe nikwataa tuvwuna iswe. Ikuti walo naakali muntu buyo uufwa, ooyo naakali kulangila kuti afutule nguwe lwakwe biyo, pele bulowa mbwaakatila tiibwakali kukonzya kumaninizya kubbadela zinyonyoono zyakwe."
"Ikuti Yahushua katali Yahuwah, nkokuti bantu tabakwe mufutuli"
Aabo basyoma muli Baleza botatwe bayiisya kuti Yahushua wakafwa akubbadelela zibi kali biyo muciimo cakwe ca "buntu"
Nzyobaamba bakomba Baleza botatwe:
"Mwakali mu BUNTUSUSU bwakwe Yahushua oomo mwaakalikulika cibi cesu akubbadelela ncico naakafwa."
"Yahushua wakalaa mubili wa buntu nkaambo ulaa ciimo cabuntu alimwi muu mubili Wakwe zibi zyesu muzyakabikkwa."
"Ncobeni, Yahushua, mwaalumi a ciimo Cakwe ca buntu wakatuuzyigwa aciciingano."
"Eelyo Yahushua naakaanzikidwe aciciingano Walo wakali, muciimo ca buntu Bwakwe, cituuzyo camasimpe ca zibi kubantu bakwe, aboobo, kwakali kuyandika kuti walo apenzyegwe kalaa likke. Yahuwah takonzyi kweendelana nokuceya buti acinyonyoono,"
"Kristu taakafwa kuguminizya ciimo ca Bulemu Bwakwe."
"Walo taakafwa kuguminizya ciimo Cakwe ca Bulemu pele kweendelanya aciimo ca buntususu bwakwe."
Aboobo, kweendelanya aa bakomba Baleza botatwe cilikke ciimo ca "buntu" bwa Yahushua ncicakatuuzyilwa zibi zyesu.
Ikuti cilikke ciimo ca "buntu" ncicakabbadelela zibi zyesu, nkaambo nzi Yahushua ncayelede kuba Leza kutegwa abbadele mulandu wa zinyonyoono zyesu? Hena kwakali kuyandika "kusanduka kuba muntu" ikuti nicakali ciimo biyo comwe cakafwida zinyonyoono na?
Ikuti Yahushua naakeelede kuba Yahuwah kutegwa abbadele mulandu wa zibi, naakafwa kali mbuli Leza.
Yahuwah tafwi alimwi takonzyi kufwa, aboobo kunyina kaambo keni Yahushua ncaakeelede kuba Leza.
1 Timoteo 1:17- Lino ku mwami uuteeli, UUTAFWI, uutalibonyi, alikke musongo Yahuwah, akube kulemekwa abulemu kwa lyoonse alyoonse. Akube boobo.
Yahushua wakafwida zibi zyesu kali
MWAALUMI biyo nkaambo mbwabede oobo Yahushua... MWAALUMI biyo kakwiina cibeela ca "leza" muli nguwe.
Ikuti Yahushua taakafwa kali Leza pele wakafwida zibi zyesu kali muciimo ca "buntu" bwakwe, aboobo nkaambo nzi Yahushua ncayelede kuba Leza kuti abbadelele zinyonyoono zyesu? Nkucinkuka ooko kuzumanana kuti Yahushua wakeelede kuba Leza kutegwa abbadele mulandu wa zinyonyoono mpoonya akuyiisya kuti Yahushua wakabbadelela zibi zyesu kabelesya buyo ciimo ca "buntu" ,.
Bantu bakomba Baleza botatwe balakaka lusyomo lwabo lwa kusanduka kuba muntu nobayiisya kuti iciimo ca “buntu” bwa Yahushua cakafwa aciciingano pele kutali ciimo cabu "Leza" bwa Yahushua.
Ikuti ciimo comwe cafwa pele kuleka cimwi, nkokuti eezyo ziimo zyobile taziciswaangene antoomwe, eeco ceelede kuba musemo aawo aatalikila kusanduka kuba muntu kuti eezyo ziimo zyobile ziliswaangene cakuti tazyaandaani mukubamba muntu omwe.
Yahushua inga waba bantu bobile ikuti cimwi cibeela cakwe kacili cakafwa pele cimwi cibeela tiicakafwa. Ooyo muzeezo wa Nestorianizimu aabo bakomba Baleza botatwe ngobaamba kuti malweza, pele mbeenya aabo bakomba Baleza botatwe mbabaandula Yahushua kuti abe Bantu bobile baamba akucita zintu ziibaimpanya.
Yahushua wakajaigwa aakambo ka zinyonyoono zyesu kali muciimo ca MUNTU biyo, eeco cilalibonya kuti taakali kuyandika kuba Leza kutegwa abbadele mulandu wa zinyonyoono zyesu.
Yahushua wakamitwa biya kuleka "kusandulwa kuba muntu"
"Kumitwa" caamba kuletwa mu buumi.
Muntu woonse mbwazulwa Yahushua wakamitwa biya....kutali cibeela biyo cakwe.
Kuleka biyo kuti Kusanduka kuba muntu muzeezo uutajanwi mu mangwalo, pele ndusyomo lupandula Yahushua kuti abe bantu bobile......Yahushua uupona lyoonse a Yahushua uula matalikilo aciindi nsini cimwi.
Yahushua muntu OMWE luzutu. Walo taakali kukonzya kupona akutapona aciindi comwe.
Aabo bakomba Baleza botatwe bayiisya kuti Yahushua taakajisi mpatalikila alimwi balayiisya akuti Yahushua wakalaa matalikilo.
1. Aabo bakomba Baleza botatwe bayiisya kuti Yahushua taakajisi mpatalikila:
Nzyobaambide bakomba Baleza botatwe:
"Yahushua takwe matalikilo."
"Yahushua wakali kupona lyoonse."
2. Bakomba Baleza botatwe bayiisya kuti Yahushua wakalaa matalikilo:
Nzyobaambide bakomba Baleza botatwe:
"Muzimo wa Yahushua wakali kupona lyoonse kuzwa kutamani lyoonse nkaambo Walo ngu Leza Lwakwe. Nokuba boobo, buntu bwa Yahushua tiibwakali kupona kusikila naakasanduka kuba muntu, pele buyo mbuli makanze aakali mu mizeezo yokwa Leza."
"Yahushua muntususu wakazyalilwa anyika alimwi wakalaa matalikilo."
"Walo wakali kupona kuzwa ku kutamani kweendelanya a ciimo cabulemu Cakwe, pele ciimo Cakwe cabuntu cakatalika kupona."
Kulubila: Yahushua taakali muntu uujisi matalikilo alimwi uutajisi mpatalikila. Ooko nkusondoka......tatujisi ba Kristu bobile pe......Yahushua watakalengwa ooyo wakali kupona lyoonse a Yahushua wakalengwa ooyo wakalaa matalikilo.
Tujisi buyo Yahushua omwe alimwi ooyo Yahushua omwe wakaboola mubuumi buno naakazyazyigwa (naakalengwa) aa Taata mwida lya Maliya.
Luuka 1:34-35- Mpoonya Maliya wakati ku mungele, mbubuti mbocinga caba eeci, mbwaanga Ime nsyenazyiba mwaalumi? Mpoonya mungele wakaingula akumwaambila kuti, Muya Uusalala (wa Taata) uzyooboola ali ndiwe, nkabela nguzu zya Singuzuzyoonse ziyookuvwumbilila webo: aboobo ooyo uuyoozyalwa kuzwa muli nduwe uyokwiitwa kuti Mwanaa Yahuwah.
Luuka 1:31- Alimwi, langa, webo uyoomita mwida lyako, akutumbuka Mwana musankwa, nkabela ukamuulike zina lwakwe kuti Yahushua.
Masimpe maubauba kapati: Yahushua wakaboola mubuumi eelyo naakamitwa alimwi wakali biyo muntu omwe (mwanalumi).
Aabo bakomba Baleza botatwe bakabweza kasimpe kaubauba akukapindula kuti kapilingane kabe "maseseke mapati" aayo kunyina naba omwe uukonzya kwaapandulula nokuba kwaamvwisyisya.
Nzyobaambide bakomba Baleza botatwe:
"Lusyomo lwa kuvwelanya ziimo nkusoleka kusandulula Yahushua mbwakonzya kuba Leza a muntu aciindi comwe. Ndusyomo lwini, kunze lyaboobo, ndotutakonzyi kumaninizya kumvwisyisya."
"Kusanduka kuba muntu maseseke aayo aabo bafundisya buleza a busongo ngibaali kutontomana kuyeeyela kwa zyuulu-azyuulu zya myaka."
"Tulwiita kuti maseseke aa Kusanduka kuba muntu, naa Leza kalisamika mubili wanyama. Aayo maseseke, nkaambo kasimpe ka kusanduka kuba muntu takakonzyi kupandululwa"
"tatukonzyi kupandulula maseseke aa Kusanduka kuba muntu,"
Kunyina nakuba aali buti mu Cizuminano Cipya mpociyiisya kuti Yahushua wakalaa cibeela ca "Leza" civweledwe ku cibeela ca "muntu" kutegwa abe "Leza-amuntu," saa kwakazyila kuli ooko kuyiisya kusanduka kuba muntu? Masimpe takuzwi mu mangwalo.
Kusanduka kuba muntu ndusyomo lwa kunungilila antoomwe...kutaminina kwa bakomba Baleza botatwe kwakuti Johane 1:1 a Johane 8:58 a Johane 20:28, atumwi tumpango tuyiisya kuti Yahushua ngu Leza. Balo banungilila tumpango ooto tuyiisya kuti Yahushua wakali muntu...mpoonya ategwa mbombubo wakali "Leza-amuntu."
Kusandukila ku ciimo ca muntu aayo masendekezya buyo.... kunyina pe tumpango twa mangwalo tugwasyilila lwiiyo lwa musyobo ooyo.
Nkaambo nzi ncotunga twa twatambwida lusyomo lwa kusandukila ku ciimo ca buntu kuti nkasimpe kakuli mangwalo alizuunyene akuyumya kuyiisya kuti Taata ngu Leza OMWE?
Kusyoma mu muzeezo wa kusandukila ku ciimo ca muntu nkudukwida syule ku kasimpe kakuti Taata ngo Leza OMWE.
2Timoteo 4:3-4- Nkaambo Nkaambo ciindi cilasika ncobati kaleke kuzumina kufundisya kwinikwini, eno bayoogama kulijanina bafundisi bali mbuli kuyanda kwamyoyo yabo beni, kuti babotelwe kubamvwa. Bayoosinka matwi aabo kumakani menimeni, bakagame kuswiilila zyamankwangwaalizya.
Akamwi kaambo kakukaka lusyomo lwa kusandukila ku ciimo cabuntu nkaambo ooko nkukomba mituni.
Kusandukila ku ciimo ca muntu nkubikka Leza uumbi kunembo lya Taata, ooyo Walo uuli ngo Leza OMWE, ooko nkukomba mituni.
Ciibalusyo 5:7- Webo utabi aa baleza bambi kunembo lyangu.
Ciibalusyo 11:16- Amusongwaale muli lwenu, kuti moyo uteenwi, mpoonya muleye munzila, akutalika kunyonena baleza bambi akubakomba.
Tatukonzyi kukomba mituni mpoonya akukona bulelo bwa Yahuwah.
Ciyubunuzyo 21:8- Basimituni bayoolijana muzyiba lya mulilo uuvwilima aa sulufa:...
1 Bakolinto 6:9-10- Basimituni tabakakoni bulelo bwa Yahuwah
Cizuminano Cipya taciyiisyi kuti Yahushua wakasandukila ku ciimo ca muntu nanka kuti ulaa ziimo zyobile pe.
Cizuminano Cipya ciyiisya kuti Yahushua wakamitwa (wakalengwa aa Taata) mwida lya Maliya mpoonya wakazyalwa kali muntu.
Aabo bakomba Baleza botatwe bayiisya kuti cakali cibeela buyo ca "buntu" cokwa Yahushua ooyo wakamitwa, mpoonya cibeela ca "Leza" muli Yahushua cakaboola kuzyoovwelana acibeela cakwe ca "buntu" mwida lya Maliya, Pele cakali cibeela buyo ca "buntu" eeco cakazyalwa. Aayo makani taali masimpe....Tiicakali buyo cibeela ca Yahushua ooyo wakamitwa akuzyalwa, pele wakali muntususu omwe uukkwene Yahushua ooyo wakamitwa aa Taata mwida lya Maliya akutumbukwa. Yahushua tanaakaponede buumi kataninga mitwa akuzyalwa.
Aabo bakomba Baleza botatwe bayiisya kuti cimwi cibeela ca Yahushua cakaliko kale kakutaninga ba cibeela ca Yahushua cimbi.
Nzyobaambide bakomba Baleza botatwe:
"....Ngooyu mukonzyanyo, Yahushua muli Johane 8:58 naamba kuti, "... kataninga zyalwa Abrahamu, Ime ndakaliko kale." Lino, ciimo cabuntu cakwe tiicakaliko katanabawo Abrahamu. Nciimo cabulemu cokwa Kristu cakaliko eeco cipona kukabe kutamani kuzwa kataninga zyalwa Abrahamu."
"Majwi aakuti, katanabawo Abrahamu, Ime ndakaliko kale (Johane 8:58) asendekezya kuti ciimo cabulemu cokwa Yahushua cakali kupona kale kataninga zyalwa Abrahamu, kutali muntususu uukkwene kali mu ciimo cabuntu."
"Ciwa ca Kristu ca ciimo cabuntu cakazyalwa aa Maliya, pele ciimo Cakwe cabulemu nkocili lyoonse."
Kulubila: Yahushua taakali kupona kataninga lengwa akuzyalwa.
Swebo tatujisi ba Yahushua bobile pe......umwi Yahushua watakalengwa alimwi kapona lyoonse mpoonya a Yahushua wakalengwa uulaa matalikilo.
Mbubuti cibeela comwe buyo ca muntu mbocinga caba cizumi? Koyeeyela mbocimvwika kupyopyongana kuyiisya kuti Yahushua wakali kupona kataninga pona anyika.
Johane 1:1 a Johane 8:58 ntotumpango tubelesyegwa kutondezya kuti Yahushua wakali kupona kataninga zyalwa, pele ooto tumpango tubelesyegwa munzila ya bweeleenzi.
Waambilizya nzi Johane 1:1?
Johane 1:1 waamba cintu nceenya cili mu 1 Petulo 1:19-20 amu Ciyubunuzyo 13:8 amuli Johane 8:58, eeco caamba kuti Yahushua wakali salidwe kale eelyo nyika kiitaninga kuba kuti azyoobe Kristu.
Johane 1:1- Kumatalikilo kwakali jwi, alimwi jwi lyakali aa Yahuwah, alimwi jwi lyakali Yahuwah.
Johane 8:58- Abrahamu kataninga kubako, Ime (Kristu) ndakaliko kale
1 Petulo 1:19-20 Mwakanunuzigwa abulowa buyandisi mbuli bwa Mwanambelele uutajisi akampenda nanka kabala, nkokuti bulowa bwa-KRISTU. Walo ncobeni
WAKAKANZWA KUKUSAANGUNA, NYIKA KIITANA KULENGWA, pele wakayubununwa kumamanino aaciindi nkaambo kandinywe,...
Ciyubunuzyo 13:8- Alimwi boonse bakkala atalaa nyika bayookomba nguwe, aabo balaa mazina aalembedwe mubbuku lya buumi lya Mwanaa mbelele ooyo wakajaigwa kuzwa kumatalikilo aanyika.
Yahushua taakali muzumi nyika kiitaninga kuba pele wakali salidwe kale kuyooba Kristu nyika niyatakaninga kuba.
1 Petulo 1:19-21-Mwakanunuzigwa abulowa buyandisi mbuli bwamwanambelele uutajisi akampenda nanka kabala, nkokuti bulowa bwa-Kristo. Walo ncobeni wakakanzwa kukusaanguna, nyika kiitana kulengwa, pele wakayubununwa kumamanino aaciindi nkaambo kandinywe. Kulinguwe mwaba basikusyoma Yahuwah, uwakamubusya kulufu akumupa bulemu, kuti lusyomo lwanu abulangizi bwanu zikabe kuli YAHUWAH.
Johane 17:1-5- Eno Yahushua aambe buyo majwi aya, wakalungumana kujulu wakati, Taata, ciindi casika. Lemya Mwanaako kuti awalo akulemye. Mbubonya mbookamupa bwami kubantu boonse, kupa buumi ubutamani kulibaabo boonse mbookamupa. Mboobu buumi ubutamani, kuti bazibe nduwe, (Taata) Leza mwini-mwini, ooli olike, ayooyo ngookatuma, nguwenya Yahushua Kristu. Ndakakulemya ansi, ndazyulizya mulimo oyo ngookandipa kuti nkuucite, Eno Taata, kondilemya antoomwe ayebo abulemu obo mbwendakali kujisi nkencili ayebo, inyika kiitanaanzwa.
Milimo 3:21- Ooyo uuyelede kutambulwa mumajulu mane kube ziindi zyakubukulusya zintu zyoonse, nzyaakaamba Yahuwah kumilomo yabasinsimi bakwe basalala kuzwa kumalengelo aanyika.
Johane 20:28
Johane 20:28- Alimwi Thomasi wakaingula akwaamba kuti kuli nguwe, mwami wangu a Yahuwah wangu.
Ibakomba Baleza botatwe baamba kuti Johane 20:28 utondezya kuti Yahushua ngu Yahuwah, pele mubusanduluzi bwabo mukampango aaka tabaluzi.
Thomasi wakali kwiiminina Yahushua eelyo naakaamba kuti, "alimwi Leza wangu.".......Thomas wakali kwaamba Taata eelyo naakati, "alimwi Leza wangu."
Tumpango tusyoonto buyo kujokelela musyule lya Johane 20:17, Yahushua wakati Taata ngu "Leza wangu," aboobo majwi aakuti "Leza wangu" muli Johane 20:28 takuli kwaamba Yahushua nkwaamba Taata.
Ncobaamba:
"Musyule lya caandaano eeci, Yahushua wakaambila Maliya kuti, "Ime ndaunka kuli Taata wangu, a Taata wako; kuli Yahuwah wangu a Yahuwah wako." (kampango. 17). Mbwaanga Yahushua wakali kutanta kuya kuli Leza wakwe, cilisalede kuti walo lwakwe tali "Leza".
Boonse basikwiiya ba Yahushua bakalizyi kuti Taata ngo wakali Leza wa Yahushua, aboobo tiicakali kukonzyeka kuti naba omwe akati kabo amwiite kuti Yahushua "Leza wangu."
Kobala Johane 20:17-18. Yahushua wakaambila Maliya kuti walo wakali kutanta kuya kuli Leza wakwe akumwaambila kuti akaambile basikwiiya bakwe kuti wakali kutanta kuya kuli Taata, Leza wakwe.
Johane 20:17- Yahushua wakati kuli nguwe, utandigumi; nkaambo nsyeninga bweeda kuli Taata: pele koya ukabaambile banakwenu, ukati kuli mbabo, Ime ndatanta kuya kuli Taata wangu, a Taata wenu; akuli Leza WANGU, a Leza wenu.
Mwaapositolo Petulo wakasyoma akuyiisya kuti Taata ngo Leza wa Simalelo wesu Yahushua Kristu:
1 Petulo 1:3- Aalelekwe LEZA a TAATA wa Simalelo wesu Yahushua Kristu,...
Mwaapositolo Paulu wakasyoma akuyiisya kuti Taata ngo Leza wa Simalelo Yahushua Kristu:
BaEfeso 1:16-17- Nkaako nsileki kumulumbila lyoonse akumwaambilizya muzikombyo zyangu, ndakomba kuti Leza WA-MWAMI WESU YAHUSHUA KRISTU, WISI WABULEMU, amupe muuya wamaanu awaciyubunuzyo, mube aluzibo lwanguwe .....
BaEfeso 1:3- Aalelekwe LEZA a TAATA wa Simalelo wesu Yahushua Kristu...
Kunyina naba omwe akataa basikwiiya ba Yahushua wakali kusyoma kuti wakali Leza, aboobo kunyina nokuceya Thomasi mbwaakali kunga waamba Yahushua kuti "Leza wangu."
Boonse basikwiiya bakali kusyoma kuti Yahushua wakali Kristu, Mwanaa Yahuwah.
Johane 6:69- Alimwi swebo (baapositolo) tulasyoma alimwi tuli masimpe kuti webo nduwe KRISTU, Mwanaa Leza uupona.
Yahushua wakabuzya basikwiiya bakwe kuti "mundaamba kuti Ime ndime ni?"
Petulo taakaambila Yahushua kuti wakali Leza, pele wakaambila Yahushua kuti wakali Kristu, mwanaa Yahuwah.
Mateyo 16:15-16- Walo (Yahushua) wakati kuli mbabo (basikwiiya), Pele ino nywebo mundaamba kuti Ime ndime ni? Mpawo Simoni Petulo wakaingula wakati, webo nduwe KRISTU, Mwanaa Leza uupona.
Yahushua ngo Kristu, Mwanaa Yahuwah, alimwi eeco ciguminizya zyoonse zijatikizya nguwe.... Yahushua muntu woonse mbwabede Mwanaa Yahuwah....walo tali Mwanaa Leza kumwi kali Leza lwakwe mbuli mbobayiisya aabo bakomba Baleza botatwe.
Yahushua muntususu uukkwene....tali muzibeela-beela zyobile ziimpene ncozyaamba akucita pe.
Yahushua wakaambila bantu kuti walo wakali Kristu, Mwanaa Yahuwah.
Maako 14:61-62- Alimwi mupaizi mupati wakamubuzya, wakati kuli nguwe, hena webo ndonduwe KRISTU, Mwanaa yooyo uulelekedwe na? Mpoonya Yahushua wakati, Ime ndendime:...
Johane 4:25-26- Mukaintu wakati kuli nguwe, Ime ndizyi kuti eelyo Messiah aakuboola, ooyo wiitwa kuti KRISTU: eelyo aakusika, walo uyoomwaambila zintu zyoonse. Yahushua wakati kuli nguwe, Ime neekanana kuli ndiwe ndendime (Kristu).
Bantu bakomba Baleza botatwe baamba kuti cakali biyo ciimo ca "buntu" bwa Yahushua eeco cakaamba kuti wakali Mwanaa Leza mbwaanga ciimo ca "Buleza" cakwe tiicakali kunga caba "mwanaa Yahuwah."
Hena mwabona ono mizeezo yobile ya lusyomo mboyaandula Yahushua kuti abe bantu bobile? Bantu bakomba Baleza botatwe bajisi cibeela comwe ca Yahushua kacaamba kuti walo wakali Mwanaa Leza mucibaka cakuti Yahushua kakkwene buntu bwakwe kaamba kuti wakali Mwanaa Leza.
Zyoonse Yahushua nzyaakaamba akucita zyakacitwa muzibeela-beela kweendelanya abaabo bakomba Baleza botatwe...Yahushua wakaamba zintu kali muciimo ca "buntu" bwakwe, pele ciimo ca "Buleza" bwakwe tiicakaamba boobo....nanka kuti Yahushua wakatempaulwa kali “muciimo ca "buntu" pele katali muciimo ca "Buleza" bwakwe...nanka kuti Yahushua wakafwa aciciingano kali muciimo ca "buntu" bwakwe pele kutali muciimo ca "Yahuwah" cakwe...
Aabo bakomba Baleza botatwe basendekezya zyoonse Yahushua nzyaakayiisya kuti zyakazwa kucibeela cakwe comwe buyo, ooko nkulubizya.
Yahushua wakayiisya zintu kali muntususu uukkwene alimwi kutali biyo kali muciimo ca "buntu" bwakwe kumwi kajisi ciimo cabu "Leza" eeco catakali kuyiisya zintu.
Nkaambo nzi bakomba Baleza botatwe ncobaamba kuti Yahushua wakaamba akucita zintu kali muciwa cakwe ca "buntu" kuleka muziwa zyobile antoomwe? Mba, kunyina cakusala ncobacijisi aabo bakomba Baleza botatwe.... tabakonzyi kuyiisya kuti ciimo ca "Leza" cokwa Yahushua cakaamba kuti walo wakali Mwanaa Yahuwah nkaambo eeco inga kwaba kufubaala.....Yahuwah ngu Leza alimwi tali Mwanaa Yahuwah. Alimwi, aabo bakomba Baleza botatwe tabakonzyi kuyiisya kuti ciimo ca "Leza" cokwa Yahushua cakaamba kuti walo taakeelene a Taata (Johane 14:28) nkaambo, acalo eeco inga kwaba kufubaala kuyiisya kuti Yahuwah wakaamba kuti walo tabeelene a Yahuwah. Alimwi, aabo bakomba Baleza botatwe tabakonzyi kuyiisya kuti ciimo ca "Leza" cokwa Yahushua cakaamba kuti Taata ngo Yahuwah wakwe (Johane 20:17) nkaambo acalo eeco, inga kwaba kufubaala kuyiisya kuti Yahuwah wakaamba kuti awalo ulaa Leza wakwe.
Cilikke ciceede kuli baabo basyoma Baleza botatwe nkuyiisya kuti Yahushua wakaamba nanka wakacita cili buti eelyo naakali muciimo cakwe "cabuntu" pele katali muciimo cakwe ca "Leza". Pele, mukuyiisya munzila eeyo, aabo bakomba Baleza botatwe bakaandula Yahushua kuti abe bantu bobile baamba akwiimpana nzyobacita.
------ Kutegwa mubone zinjaanji zilubide mu Kusyoma Baleza botatwe amulange ku Content Directory!
Eeci tacili cibalo ca WLC. Source: http://trinityfalse.atspace.com/incarnationfalse.html mulembi tazyibidwe.
Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina aa Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC