Print

Saa Yahushua ngu Mikayeli Mupati wa Bangele Na?

Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa.

Bakamboni ba Jehovah basyoma ati Yahushua ngu Mikayeli Mupati wa bangele. Ime ndilanganya makani aaya cakubambilila kabotu-kabotu akulemekezya baabo baimwi mulusyomo oolu; nokuba boobo, makani aaciiyo eeci nkubikkila maanu ku mapenzi ngaswaanya ooyo muntu uusola kukwabilila lusyomo oolu.

William Tyndale

Kuli zibalo zipati zyobile mu Bbaibbele zibelesyegwa kutabilila lusyomo oolu.

1 Batesalonika 4:16: “nkaambo Mwami lwakwe uyooseluka kuzwa kujulu mujwi lyakulailila, mujwi lya mupati wa bangele a mweembo wa Yahuwah, alimwi aabo bafwide antoomwe a Messiah bayootaanguna kubuka” (New World Translation, 2013 revision).

Bunji bwa busanduluzi bwa Cikuwa bwiiminina cintu comwe acilembedwe mu N.W.T:

“Nkaambo Mwami Lwakwe uyooseluka kuzwa kujulu, ajwi lipati, lya silutwe wa bangele akusiba kwa mweembo wa Yahuwah, nkabela bafwide muli Messiah bayootaanguna kubuka” (1 Batesalonika. 4:16, NIV).

“Nkaambo Mwami Lwakwe uyooseluka kuzwa kujulu akoompolola, ajwi lya mupati wa bangele, amweembo wa Yahuwah; nkabela bafwide muli Messiah bayootaanguna kubuka” (1 Batesalonika 4:16, NAS).

Aawa baamba kuti mbwaanga Mwami (Yahushua) uboola aajwi lya mupati wa bangele, nkokuti bbala lyakuti ‘archangel' eelyo lilembedwe kwaambwa muntu omwe, lyaambilizya Mikayeli (Juda 1:9), Mbube tweelede kuyeeyela kuti Yahushua a Mikayeli muntu omwe. Ipenzi liliko aawa ndyakuti tabuli busanduluzi buli boonse bwaamba makani aaya munzila njeenya, ngooyu mukonzyanyo:

“Aciindi cipedwe mweembo wa Mungele mupati waakusiba amweembo wa Yahuwah, Mwami lwakwe uyooseluka kuzwa kujulu; aabo bakafwa muli Messiah bayooba bataanzi kubuka” (1 Batesalonika. 4:16, NJB).

“Nkaambo mwami lwakwe uyooseluka kuzwa kujulu ajwi lyamalailile, akoompolola kwa mupati wa bangele, akusiba kwa mweembo wa Yahuwah, nkabela aabo bakafwa muli Messiah bayootaanguna kubuka kuzwa kubafu” (1 Batesalonika. 4:16, One Yahuwah the Father Translation)

William Tyndale

Aalo malembe aa N.W.T akatupa busanduluzi bwiinda kubota, pele acilaa buyumuyumu casika kukupandulula tumpango tuli mu bbuku lya BaHebulayo ooto tukazya muzeezo wakuti Yahushua mungele:

“Alimwi kubekema kwa bulemu Bwakwe akulitondezya ciwa Cakwe cini, akwiimikizya zintu zyoonse kwiinda mujwi lya nguzu Zyakwe. Eelyo naakamanizya kusalazya zinyonyoono, Walo wakakkala kujanza lya lulyo lwa Bulemu kujulu” (BaHebulayo. 1:3, NAS).

“Nguni Mungele ngwaakaambila kuti, ‘Yebo uli Mwanaangu, Sunu ndakuzyala yebo’? Akuti, ‘Ime ndilaba Wisi akuti Walo ulaba Mwana kuli ndime’? Alimwi eelyo naakaleta mutaanzi kuzyalwa munyika, Walo waamba kuti, ‘Abamukombe boonse bangele bokwa Yahuwah’” (BaHebulayo. 1:5-6, NAU)

“Ngooyu mukonzyanyo, nkuumungele nzi Yahuwah nkwaakaambide kuti: ‘Yebo sunu waba mwanaangu; sunu Ime ndaba uso’? Alimwi akuti: ‘Ime ndiyooba Wisi, alimwi walo uyooba mwanaangu’? Pele eelyo naleta Mwanaakwe mutaanzi kuzyalwa munyika yabantu, walo waamba kuti: ‘Abamukombe boonse bangele ba Yahuwah’” (N.W.T., 2013 revision).

Tulabala amuba BaHebulayo 1:5 kuti Yahuwah taakwe taakaambila mungele kuti, “Yebo sunu waba Mwanaangu, sunu Ndime ndakuzyala,” pele Yahuwah wakaamba eeco kuli Yahushua.

Bakamboni ba Jehovah abalo balazuminizya mumalembe aabo aamutwe wakuti Reasoning from the Scriptures, mu caandaano cakuti “Yahushua Kristu” kuti Yahushua wakazyibidwe zina lya Michael kataninga boola anyika, alimwi uzyibidwe zina lya Michael kuzwa naakajokela kujulu, pele kwiina kampango ka Mangwalo kagwasyilila kutaminina ooku:

“Aboobo bumboni butondezya kuti Mwanaa Yahuwah wakazyibidwe zina lya Michael kataninga boola anyika alimwi ucizyibidwe zina eelyo kuzwa naakazyokela kujulu ooko nkwacipona muciimo ca muya uupedwe bulemu Mwanaa Yahuwah” (Reasoning from the Scriptures, p. 218-219).

Kwaamba mazina aasumpudwe, izina lya Mikayeli talyaambidwe nokuba lyomwe; kunze lyaboobo izina lya Yahushua ndelisumpudwe:

“Nkakaako Yahuwah wakamusumpula kapati, alimwi wakamupa zina lisumpudwe atalaa zina lili lyoonse, cakuti eelyo nolyaambwa zina lya Yahushua igondo lili lyoonse lyeelede kufugama, akataa baabo bali kujulu abaabo bakkala ansi, kunsaa nyika, alimwi mulaka uuli woonse weelede kukonkezya kuti Yahushua Messiah ngo Mwami, kubulemu bwa Taata Yahuwah” (BaFilipo. 2:9-11, NAS).

“Lino aciindi eeco Mikayeli, mwanaa mwami mupati uugatela bana babantu benu, uuyooyimikila. Kuyooba ciindi camapenzi aatanabwenwe kuzwa nikwakaba cisi kusikila ciindi eeco; alimwi aciindi eeco bantu benu, kufumbwa uyoojanwa kalembedwe mubbuku, uyoovwunwa” (Daniyele. 12:1, NAS).

Mukampango aaka Mikayeli wiitwa kuti “mwanaa mwami mupati.” Alimwi aciindi cimwi “mupati wa bana babami” (Daniyele. 10:13), eeci cisendekezya kuti nkocibali abamwi bali mbuli nguwe. Mpeenya aawa eeci cikazya kutaminina kwa Bakamboni ba Jehovah kwakusendekezya Mikayeli.

Kucili kaambo kamwi kakwaamba, matalikilo ookwa Yahushua. Mumilumbe mibotu yokwa Mateyo (1:16) a Luka (3:23-38), ba Evangeli batupa mulongo 23 waluzubo woonse uutondezya ndiswe nkwaakatalikila Yahushua. Mbube eeci caatula muzeezo wakuti Yahushua wakali mungele wakali kukkala kujulu kataninga zyalwa.

“Mpoonya mungele wakamwiingula kuti, ‘Muya Uusalala uzyooboola ali nduwe, mpoonya nguzu zya Singuzuzyoonse ziyookuvwumbilila; akaambo kaako ooyo mwana uusetekene uyokwiitwa kuti Mwanaa Yahuwah’” (Luuka 1:35, NAS).

William Tyndale

Mukukosozya makani tweelede kutondeka aawo mpobalubizya Bakamboni ba Jehovah mukujatanya Yahushua a Mikayeli mumalembe aabo aa N.W.T. (2013 revision), akusiila limwi lusyomo lwabo. Balo bajatanya Luuka 10:18 ku Ciyubunuzyo 12:7-9. Muli Luuka, Yahushua waamba kuti wakamubona Saatani kaloka mbuli lulabo kuzwa kujulu:

“Aciindi eeco wakati kuli mbabo: ‘Ime ndaamubona Saatani kuti wakawa kale mbuli ndabo kuzwa kujulu’” (Luuka 10:18, N.W.T. 2013 revision).

Ibbala lyakuti “wakawa” lilaa bbala lyakweezyekanya mu Ciyubunuzyo 12:7-9, oomo Mikayeli mwalwana Dyabooli akumufusila ansi anyika:

“Mpoonya kwakavwundumuka nkondo kujulu: Mikayeli abangele bakwe bakalwana simwaaba, simwaaba abangele bakwe bakalwana pele tiibakazwidilila, tiibwakacili kujanwa busena bwabo kujulu. Aboobo simwaaba wakaanzuka akusowelwa ansi, ooyo muzoka wansiku, wiitwa kuti Diabulosi Saatani, weena nyika yabantu baansi; wakafusilwa ansi, abangele bakwe antoomwe anguwe” (Ciyubunuzyo. 12:7-9, N.W.T 2013 revision).

Aboobo tulakonzya kuzubulula mukusendekezya kwabo kuti eelyo Yahushua kali anyika nabona Mikayeli ufusa Dyabooli anyika kuzwa kujulu, tabakonzyi kuba muntu ngweenya omwe kali mumasena obile aayimpene aciindi comwe.


Eeci cibalo citali ca-WLC cakalembwa aaba T.R. Guerreiro.