Amubone Zyoonse
Home BANNER ARCHIVE
Cishinshimi camu Bbaibbele, Ziiyo zya Bbaibbele, Zipekupeku, Zilembedwe, Azimwi Zinjaanji!
Select your language
Afrikaans العربية Bahasa Indonesia 简体中文 繁體中文 Amubone Zyoonse Čeština Nederlands English Français Deutsch 한국어 Português Română Español Svenska Tagalog
While WLC continues to uphold the observance of the Seventh-Day Sabbath, which is at the heart of Yahuwah's moral law, the 10 Commandments, we no longer believe that the annual feast days are binding upon believers today. Still, though, we humbly encourage all to set time aside to commemorate the yearly feasts with solemnity and joy, and to learn from Yahuwah’s instructions concerning their observance under the Old Covenant. Doing so will surely be a blessing to you and your home, as you study the wonderful types and shadows that point to the exaltation of Messiah Yahushua as the King of Kings, the Lord of Lords, the conquering lion of the tribe of Judah, and the Lamb of Yahuwah that takes away the sins of the world.
World’s Last Chance
Kubambila Myoyo a Mizeezo ku Kuboola kwa Yahushua kwa Kavwumbu!
Zintu Zili Mukati
radio
Share this
Prayer Requests
 
Right click and Save Target As... to download file.

Kuti Nyika niyali bandalele, hena zuba nilyali kunga lyalibonya aciindi comwe kufumbwa kumuntu uuli mucisi cili coonse?


Mubuzyo: Kuti Nyika niyali bandalele, hena zuba nilyali kunga lyalibonya aciindi comwe kufumbwa kumuntu uuli mucisi cili coonse?

Kwiingula: Nee peepe. Izuba lili munsaa nyika kapati alimwi ndisyoonto kwiinda mbobamwaambila basyaazyibwene1 basoma zilengwa leza zyamumulengalenga. Nkaambo kakuti zuba ndisyoonto alimwi lili munsimunsi kapati aNyika, talikonzyi kubonenwa mumasena oonse aciindi comwe; nokuba kumunika nyika yoonse aciindi comwe. Busongo bwa Yahuwah tabweeli alimwi zyoonse zyintu nzyabambide zyileebeka cinicini. Amulange eeci mbocisalazya makani aali mubbuku lya Matalikilo:

14 Alimwi Yahuwah wakati, Akube mimuni mumulengalenga wakujulu kuti yaandaanye buzuba kuzwa kubusiku; alimwi ibe zitondezyo, yaandaanye zibeela zyamwaka, mazuba amyaka:

15 Alimwi ibe mimuni mumulengalenga wakujulu kuti ipe mumuni atalaa nyika: mpoonya kwakaba oobo.

16 Nkabela [Yahuwah] wakabamba mimuni mipati yobile; mumuni mupati kuti weendelezye buzuba, alimwi mumuni musyoonto kuti weendelezye busiku: wakabamba nyenyezi azyalo.

17 Nkabela [Yahuwah] wakabikka mimuni eeyo mumulengalenga wakujulu kuti ipe mumuni atalaa nyika,

18 Alimwi kuti yeendelezye buzuba abusiku, akwaandaanya mumuni kuzwa kumudima: mpoonya [ Yahuwah a Yahushua] bakabona kuti cakali cibotu.

19 Mpoonya igoko naa mangolezya acifumofumo bwakali buzuba bwane. Amulange Matalikilo 1:14-19.)

“Nguni ngomunga mweezyekanya ndime, naa nguni weelene Andime? Mbwaamba Ooyo Uusetekene. Amwiimpule meso eenu mujulu, mubone kuti nguni wakalenga zintu eezi, nguni waazileta mumakunga aamyeelwe: walo ilaziita mazina zyoonse eezi kwiinda munguzu zyakwe, nkaambo walo ulaa nguzu; kunyina cimwaalila.” (Izaya 40:25-26, KJV)

“Lino mbokutondezyedwe kuti Nyika ilibandalele mbuli musena, awalo musinzo wakusikila kuzuba aku nyenyezi inga wapimwa. . . .Ooyu musinzo inga wajanwa kuti tuusiki azyuulu zyabamaile zyone (< 4,000miles). . . .Njeenya nzila yakupimya misinzo inga yabelesyegwa kupima musizno wakusika ku Nyenyezi; ncintu cuubauba kutondezya eeci, kakunyina kudonaika kuli koonse, kugwisyilizya mizeezo iiliko kale, kuti zyoonse zyilibonya mumulengalenga zyilakonzya kujanwa mumusinzo wabamaile bali zyuulu cisambomwe (6,000 miles)! (Zetetic Astronomy: Earth Not a Globe2, Section 3, "The True Distance of the Sun and Stars," Samuel Birley Rowbotham)

“Kamwi kaano Basyaazyibwene bazilengwa leza zyamumulengalenga aako nkobakondelwa kutwaambila nkakuti, musinzo akataa Nyika aZuba mupati kapati, cakuti citima cibalikisya bamaile bali makumi cisambomwe muwoola lyomwe (60 miles/hour) inga catola myaka mwaanda amakumi ciloba amyaka yotatwe (173 years) kusika kuzuba, aaya makani aakondelezya ime nsyedonaiki kuti Dominie Sampson kuti waamvwa, inga wakankamuka cakusinizya kuti –Pro-di-gi-ous! Inga mwayeeya nzi amwaalumi wakali kuyanda kumwesya ŋanda yakwe kubelesya lambe lili cuulunzuma azyuulu zyili myaanda yobile amakumi one (1,240,000) kukomena kwiinda ŋanda yakwe? Hena inga balongwenyina tiibamulanga kuti uligaukide alimwi weelede kuya ku Chainama? Pele ooku kucita cintu camusyobo ooyu, kweendelanya anyika eeyi mbwiipedwe mumuni, mbuli Basyaazyibwene mbobamwaambila “Mulawo wa Zilengwa leza” ooyo ngobalamatika leza wabo, ulilembedwe mutansyi lyokwa Yahuwah Wamakamu, ooyo “uusongwaalide mukupa malailile alimwi weebeka mumilimo”-Izaya. Xxviii. 29. (Izaya 28:29). Walo ulacita zintu zyoonse mubulondo, kapimide mamanino Walo ngabwene kale kuzwa kumatalikilo.

“Cilibonya kuti kuli ndime Makani aazilengwa leza aamazubaano, mbuli Bukatolika bwaku Loma, nkusoleka kubukulusya maseseke aaBukombi bwa zilengwa leza. Bulijisi maanda aakulangila zilengwa leza mumulengalenga, mbweenya mbuli Bukatolika mbobulaa munzi wa Vatican; Bbaali wabo ngu Newton, alimwi Astarte, Mwami mukaintu wakujulu wa Bakatolika ngo Maliya Muumbulu. . . .Makani aali mu Bbaibbele aayo aambilizya bubambe bwajulu akapindaulwa aBasyaazyibwene; muciindi cakuti Zuba kalizinguluka nyika, nyika yaambwa kuti njiizinguluka zuba, mbuli kuti ncintu cizembeemba citakwe makani kuli basyaazyibwene, pele nyika eeyi Mwanaambelele ookwa Yahuwah Uulelekedwe wakiipa bulowa bwamoyo Wakwe kuti ayinunune. Bangele balayandisya kubona kulyaaba ooko nkwaakacita, pele Basyaazyibwene mbuli Huxley a Darwin eeci ncintu ncobanonga buyo, nkaambo kakubula maanu nokuba busongo mubwini bwa ciiyoo cazilengwa leza cipati.” (Terra Firma: Earth Not a Planet, Proved from Scripture, Reason, and Fact, p. 142-143, David Wardlaw Scott)

1 Busyaazyibwene bwazilengwa leza bwamazubaano busendekezya kuti zuba lili kulaale kwamusinzo wabamaile zyuulunzuma makumi fuka (90,000,000 miles) alimwi lilikwazeme kwiinda musinzo wabamaile zyuulu zyili myaanda yone amakumi otatwe (430,000 miles.)

2 Kuli misyobo yiindene asyoonto yabbuku eeli.

Hits: 2317