Zilembedwe

"Wafutulwa Aciindi Comwe, hena Unoofutukide Lyoonse? Zyuulunzuma zya Banakristu mazubaano bayiisya kuti aabo banunudwe bali "kwabilidwe kukabe kutamani," akuti kuti muntu wakufutulwa aciindi cimwi, lyoonse unoofutukide kale. Cintu cuusisya ncakuti oolu lusyomo lutajanwi mu Bbaibbele luumbulizya bantu banji kuti bafukule akoona onzi akubacengelezya kuti balikwabilidwe.

Bulumbu bwiinda zyoonse buyoopegwa bakomi takuli kuleka kufwa. Pele, nkuyoobaa ciindi cibotu cakukkala munsimunsi lya mpabede Yahuwah mubulelo Bwakwe buzya anyika. Eelyo nobelesya lusyomo lwako kutambula lufutuko, kumwi kolibambila kuyookkala antoomwe a Yahuwah, eeco cini ncecibalilwa kuli nduwe kuti mbululami.

Cisyomyo ca kuboola kwa Yahushua mbobulangizi bwa moza bwakakulwaizya basimilimo bakatumwa, akuyumyayumya baabo bakakosolwa mitwe, akulongezya basyomi mumisela minjaanji. Cintu cuusisya ncakuti , bantu basyoma banji bakaambilwa makani aataluleme aajatikizya zintu ziyoocitika muciindi cakuboola kwa Mufutuli.

Kunjila mumunzi wa Jelusalema Mupya kuyeeme munzila njotubamba mulawo ookwa Yahuwah. Eeci cileta penzi nkaambo bantu bawide mucinyonyoono tabakonzyi kubamba mulawo ooyo weelede kubambwa kutegwa bakanjile mumunzi uusetekene.

Yahuwah ngu Taata wiinda bwaabi. Bunji bwa zipego Zyakwe tazitambulwi mumuya wa bulumbu akataa bana Bakwe, bazilanganya buyo mbuli zintu zimwi. Pele boonse beelede kwiibaluka kuti “Kufumbwa zipego zyoonse zibotu, zilondokede zyizwa kujulu kuli Taata wakalenga mimuni, walo uutasanduki alimwi kubala kwakwe takuzimaani aasyoonto mbuli cimvule(Jemusi 1:17) Cimwi cipego citalanganyigwi kabotu kwiinda zyoonse, ncipego ca ciindi.

Nzila yakutambula Bululami bwa Yahuwah: Kuvwuntauzya Mulumbe mubotu mu Bbaibbele ancocaambilizya cini “kweenda aa lusyomo.”

Lufutuko ncipego, pele mulimo wamuntu mwini kuti azumine lufutuko. Kunyina naba omwe uunga watambwida muntunyina umwi lufutuko pe; kunyina uunga walyaaba mucibaka ca muntunyina pe.

Bantu banji mazubaano bazingidwe mizeezo nkaambo kabbuku lya BaGalatiya. Aabo bakomba mu Nsondo bataminina kuti BaGalatiya bayiisya kuti Nsabata yakagagailwa aciciingano. Aabo bapaila Mujibelo babelesya tumpango ntweenya kutaminina kuti mapobwe ookwa Yahuwah taaceelede kubambwa. Boonse antoomwe batamauka kuti "ziyanza zyabuyamba zitakwe mpindu" eezyo zyaambwa mu BaGalatiya 4, zyaambilizya mulawo wa Isilayeli uutacikwe nguzu akataa Banakristu sunu. Pele kuteelelesya twaambo toonse ootu, kuyubunuka cintu ciimpene kapati.

Kufumbwa naa ukomba mukabunga kasyoonto, naa amukwasyi wako, nokuba olikke, ulakonzya kutambula cileleko ca buzuba bwa Nsabata kokombela amunzi wako.

Nokuba kuti aabo basyoma kuti bakasalilwa kale kwakugama balisinizyide mukusyoma kwabo, oolu lusyomo lulaa ntenda nkaambo lusampaula zina akupilinganya ciimo cini cokwa Yahuwah ca luyando. Mucibalo eeci tulabandauka zibeela ziindene zya lusyomo lwa kusalilwa kwa kugama mbozikazyanya a Mangwalo.

Mangwalo ayubununa kuti eelyo muntu muzumi naafwa, kucinyina muzimo uucilimvwa bulanga pe. Kunyina kumvwa cicisa nokuba cikondelezya pe. Pele muzimo wamuntu “uloona” kusikila akabusyilwe kubuumi a Yooyo Uupa Buumi.

BanaKristu basendekezya kuti kuboola kwa Messiah takukabi nobacipona. Pele, bayeeyela kuti obuno buumi bunoozumanana mbweenya mbobubede lyoonse. Nokuba boobo, mulongo wazintu zicitika uyoocincila limwi buumi mbotuzyibide munyika . . . kwa lyoonse alyoonse

Saatani wakasungilizya muzeezo wakuti takukabi tempele munyika mpya. Akaambo kaako, kulangila kupati kwa Taata tiikwakazyibwa akukkomaninwa.

Kuli mabala aabalwa atwaambo tumvwugwa mukukambauka pele aatamvwisyidwe kabotu. Bululami kwiinda mu lusyomo nkaambo kamwi akataa twaambo ooto; kalabelesyegwa ziindi zinjaanji pele takateeledwe cini ncokaambilizya. Ncintu ciyandika kapati kuti boonse bayanda kuyoopona buumi butamani antoomwe a Yahuwah kabamvwisyide cini ncobwaambilizya “bululami kwiinda mu lusyomo”, nkaambo eeyo njenzila ilikke muntu woonse mbwayoofutulwa.

Moyo ookwa Yahuwah uuzwide luyando ulangila bana Bakwe bakkala anyika. Mubusongo Bwakwe buteeli aluzyibo lwazintu ziciboola kumbelaa mazuba, wakabamba zitondezyo zyakutondezya kumbelaa mazuba. Cimwi cintu citamvwisyidwe kabotu, pele cigambya, alimwi cibelesyegwa mu cishinshimi “ncaando camunyama.” Kulayandika kumvwisyisya ncociimininia caando camunyama anzila yakuceelebankaambo aabo batambula caando eeco bayoosinganyigwa kufwa lufu luteeli.

Yebo toyelede kulindizya kusikila noyooleka kucita cibi kuti uboole kuli Yahuwah. Koboola cino ciindi mbweenya mbobede nkaambo Walo utambula babisyi!

Mangwalo alisalazyide ncobeni. “Cikombelo” cicaalizya tacili cikombelo camazubaano. Pele, mbantu bamacaalizyo aabo Bakaitwa Kuzwida Anze. Balo bakalonga akuyaamuka zikombelo zyoonse. Mangwalo atutondezya musela wamamanino kuti unoolizandwide kuzwa ku Bbabbuloni, azikombelo zyakwe, kuzwa akataa bupaizi bwalusyomo lwakubeja azilengwa zyabo.

Kutegwa tumvwisyisye bubambe a musemo wabupaizi azintu zisyomwa, tweelede kuyaanguna kuteelela kasimpe komwe buyo: muzeezo wa bupaizi bweendelezyegwa mazubaano wakabambwa aamuntu luzutu.

Kujokolosya kukomba kwabulemu mumazuba aa Kujulu aasetekene\ncimwi akataa zintu zitondezya kuti mamanino aanyika asika. Bantu basyomeka mazubaano banoobamba mapobwe ookwa Yahuwah, nkaambo balo mbantu babamba mulawo, kutali basotoka mulawo. Mulawo ookwa Yahuwah baluuyandisya, aboobo bapa bulemu ku Mulengi wabo kwiinda mukutobela caluyando malailile Aakwe.

Yahuwah a Mwanaakwe, Yahushua, bakaswaangana mucizuminano cabulemu kuti bavwune mukowa wabantu kufumbwa muulo uunga waba mukucita mulimo ooyo kuli Mbabo kutegwa bavwune bantu kuzwa kubulumbu bwa cinyonyoono. Kobbukizya bubotu bwa moyo waluyando lukkwene lwa Taata Wakujulu! Kosala kulyaaba buno buzuba zyoonse zyako ku Munununi. Walo uyookutambula yebo mbuli Mwanaakwe musankwa, Mwanaakwe musimbi akukubambulula muciimo Cakwe cabulemu.