|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Kaminidwe kumvwa cicisa, Yahushua wakakombelezya Yahuwah cakuti limwi wakasikila mpazwa nkasaalo iikunka mbuli bulowa. Nokuba boobo, wakapa mupailo wa kulibatamika:
Yahushua taakali kuyanda kufwa. Kuyanda Kwakwe kwakali kwa kuzumanana kupona. Pele kuyanda kwa Yahuwah kwakazwidilila.
|
Luuka 22:41-42 Elyo wakabasia ambuli mawaalilo abbwe, wafugama wakomba, 42wati, Taata, kuti wayanda, gwisya cinywido eci kulindime, nokubaboobo akucitwe kuyanda kwako, kutabi kwangu.”
Yahushua taakali kuyanda kufwa. Kuyanda Kwakwe kwakali kwakuti kacipona. Pele kuyanda kwa Yahuwah kwakazwidilila.
Akucitwe kuyanda kwako, kutabi kwangu
Kaano ka mu Muunda wa Gethsemane kalizyibiwe kumvwugwa cakuti tatwiibaluki bupati bwa majwi ookwa Yahushua. Majwi aakuti “Akucitwe kuyanda kwako, kutabi kwangu” aayo aayiminina kuti Yahushua a Taata Yahuwah balaa zintu nzyobayanda ziimpene. Kolekela eeco cikkalilile mumoyo. Eeco Yahuwah ncaakayandide, Yahushua taakaciyandide. Ooku kuyanda kobile kukazyanya kuleta penzi ku lusyomo lwa Baleza botatwe. Ikuti Yahushua kali Yahuwah, mbubuti mbwaakali kunga kalaa kuyanda kuteendelani akuyanda kwa Yahuwah? Mumajwi amwi, ikuti Leza Mwana a Leza Taata kabali omwe mububambe, mbuli tunsiyansiya mbotusendekezya, mbubuti mbobanga kabalaa kuyanda kwiimpene? Ikuti balo kabali ncobeni “omwe” mbuli baabo basyoma muli baleza botatwe mbobasinizyide kutaminina, mbubuti mbobanga babaa kuyanda kupambukene?
Muunda wa Gethsemane tacili ciindi cilikke eelyo Yahushua naakakwelelezyegwa ku kuyanda kwa Wisi. Cilongwe cabo lyoonse cizwide kulibatamika kwa Yahushua:
Johane 5:30 “Nsikonzya kucita cintu ndemwini, mbuli mbwemvwa kuli-Leza, ndabeteka mbubonya, alimwi kubeteka kwangu nkwakululamika, Nkaambo nsiyandauli luyando lwangu, pele luyando lwayooyo uwakandituma.
Ikuti Yahushua kali Leza swebo inga twalangila kuti kuyanda kwakwe kakukonzyene a kuyanda kwa Leza ooyo wakamutuma. Pele mu kampango aaka kulisalazyidwe kuti kuli kwiimpana akataa bobile aabo.
Mulimo ookwa Yahushua mubuumi wakali wakucita, kutali kuyanda kwakwe, pele kuyanda kwa Yahuwah.
|
Mulimo wa Yahushua wini mu buumi wakali wa kucita, kutali kuyanda kwakwe, you pele kuyanda kwa Yahuwah.
Johane 6:37-38 “Boonse mbandipa Taata baleza kulindime, awalo uuza kulindime nsikoomutanda akaniini pe. 38Nkaambo ndaseluka kuzwa kujulu, takuli kucita ncenianda ndemwini, pele nkucita luyando lwayooyo uwakandituma.
Mulembi wa BaHebulayo waamba kaambo nkeenya: Messiah wakaboola kuzyoocita kuyanda kwa Yahuwah:1
BaHebulayo 10:7 “Eno mebo ndakati, Mebo mpaawa, ndaboola, (Ndilivungidwe mubbuku lilembedwe makani aamba ndime). Ndeza kuzoocita luyando lwako, O Leza.'”
Yahushua alimwi upozya kasimpe aaka munzila iimbi. Mbuli mwiiminizi ookwa Yahuwah, kubambililwa kwa Yahushua kwakali kubeleka kuyanda kwa Wisi akumanizya mulimo Wakwe.
Johane 4:31-34 Nciconya eco ciindi basikwiiya ncobakamukombelela kuti, Rabi, kolya. 32 Pele wakabaambila kuti, Mebo ndijisi cakulya ncomutezi 33Basikwiiya bakaamba umwi amweenzinyina bakati, Sena kuli muntu uwamuletela cakulya? 34 Yahushua wakabaambila kuti, Icakulya cangu nkucita luyando lwayooyo uwakandituma, akulondola milimo yakwe.
Langisya kuti Yahushua taakaamba kuti “kuyanda kwesu” naa kuti “mulimo wesu,” mbuli mbotunga twamulangila kwaamba kuti kali umwi akataa baleza botatwe muli Leza omwe. Alimwi langisya akuti Yahushua taakalituma lwakwe mwini, pele wakatumwa aa umbi. Ikuti Yahushua kali Yahuwah, hena inga taaliboolela lwakwe mukamwini?
Kujatikizya lufutuko, Yahushua wakalwaamba mumajwi aakuba kuyanda kwa Wisi:
Johane 6:40 “Eno ndoolu luyando lwa-Taata, kuti umwi umwi uubona Mwana akumusyoma, abe abuumi ubutamani, amebo ndiyoomubusya kubuzuba bwakumamanino.”2
Kuyungizya waawo, kunjila mu bulelo kuzyila mu kuteelela kuyanda kwa Taata. Kunyina mpokwaambidwe kuyanda kwa Yahushua nokuba kwa Muya Uusalala:
Mateyo 7:21 “Boonse bandaambila kuti, Mwami, mwami, teensi mbabo bayoonjila mu-Bwami bwakujulu, ngooyo uucita luyando lwa-Taata uuli kujulu..
Tulanganyigwa kuba mu “mumukwasyi” ookwa Yahushua ikuti katucita kuyanda, kutali kwa baleza botatwe, pele kwa Taata.
|
Mukuyungizya, swebo tulanganyigwa kuti tuli ba “mukwasyi” ookwa Yahushua, ikuti twacita kuyanda, kutali kwa baleza botatwe, pele kwa Taata:
Mateyo 12:50 “Nkaambo umwi aumwi uucita luyando lwa-Taata uuli kujulu ngomukwesu amucizi wangu abama.”
Lufutuko lwa bana lwaambwa kuti nkuyanda kwa Taata Yahuwah. Kutali kuti Yahushua takuyandi awalo, pele walo upa bulemu kuli Taata mu kuyandisya kwakwe:
Mateyo 18:14 “Mbuboobo Usowanu uuli kujulu tayandi kuti afwidilile naba umwi akati kabaniini aba.
Naba mwaapositolo Paulu wakeeleka lufutuko kuti nkuyanda kwa Taata: 3
BaGalatiya 1:3-5 Amube aluzyalo aluumuno kuzwa kuli-Yahuwah Taateesu aku-Mwami Yahushua Kristo. 4Walo wakalyaaba nkaambo kazibi zyesu kuti atusalulule kuzwa mububi bwaansi bwaciindi ecino, mbubonya mbwayanda Leza Taateesu, 5Kulinguwe akube bulemu mazuba oonse mane kukabe kutamani. Akube boobo.
Ikaambo keni Bbaibbele ncolitazubululi makani aaya nkaambo kakuti muzeezo wa ziimo zyobile zya Yahushua (kukamantana kwa ziimo zya bulemu) tiiwakabambidwe kusikila mu myaanda yone ya myaka kayiindide.
|
Bamwi bapa mizeezo yakuti kuyanda kwa Yahushua kwakaliimpene kuzwa kuli kwa Yahuwah eelyo walo naakacili mu ciimo ca buntunsi, kayendeenda mu buntu bwakwe. Ipenzi liliko mu muzeezo uuli boobo ndyakuti tuutabilidwe aa Mangwalo. Swebo kunyina pe notwaambilwa kuti Yahushua ulaa ziimo zyobile zya buntu nokuba kuyanda kobile. Naba muntu uusumpauzya Baleza botatwe uulaa mpuwo, ulaazumina makani aaya:
IBbaibbele taligaminide kuzubulula mubuzyo wakuti naa Yahushua Kristu wakalaa ziimo zyobile nokuba comwe.4
Ikaambo keni Bbaibbele ncolitagantauki makani aayo nkakuti muzeezo wakuti Yahushua wakali kuyeeyelwa kubaa ziimo zyobile (kukamantana kwa ziimo zya bulemu) tiiwakabambidwe kusikila mu musela wane. Kuyungizya waawo, tiiwakaambidwe kuba “lusyomo lwa tunsiyansiya” a Bamatata ba Cikombelo kusikila mu musela wasanu.5 Ooyu muzeezo wakaboolela mu kukakatila kwa Bamatata ba Cikombelo mukusoleka kubambulula kupyopyongana kwakatobela eelyo Yahushua naakayeeyelwa kuti wakali Yahuwah a muntunsi. Kupyopyongana mbuli kwakuti: ikuti Yahushua kali Yahuwah, nkaambo nzi ncalaa kuyanda kwiimpene kuli kwa Taata Yahuwah? Mbubuti Yahushua mbwaakali kunga wafwa ikuti Yahuwah katafwi? Mbubuti Yahushua mbwanga waba Yahuwah ikuti walo katazyi ciindi ca kuboola kwakwe kwabili? Azimwi mbweenya oobo. Kubambulula penzi lyabo eeli kwakali kwakuti, Yahushua kunooli wakalaa ziimo zyobile nokuba kuti kunyina pe Bbaibbele noliyiisya boobu.
Ibwiinguzi bwiinda kweelela, buzwa mu Bbaibbele, mbwa kaambo keni kakuti kuyanda kwa Yahushua ncokwiiimpene kuzwa kuli kwa Yahuwah nkaambo kakuti Yahushua tali Yahuwah pe. Kunze lya boobo, walo muntunsi Messiah ooyo wakatumwa aa Yahuwah kuzyoonununa nyika iiwiide mu cibi:
Milimo 2:22-24 “Nobaalumi ba-Israyeli, amuswiilile majwi aya, Ngaa-Yahushua wa-Naza-reta, mwaalumi ngomwakatondekelwa Yahuwah, emilimo mipati amalele azitondezyo, Leza nzyaakacita anguwe akati kanu, mbubonya mbuli mbomuzi nobeni. — 23 Walo wakaabwa, mbubonya mbuli Yahuwah mbwaakakanzide akuziba, nywebo mwakamubambuzya akumujazya maanza aabatakwe mulao. 24 Pele Yahuwah wakamubusya, wamwaangulula kumapenzi aalufu, nkaambo taakwe lwali kukonzya kuti lumujate.
Ooyu ngo mulumbe uuzuunyene mu Mangwalo woonse alimwi uutondezya bubotu, amaleele aa cituuzyo cokwa Yahushua. Walo wakaliimya nzyaakali kuliyandila mwini akulibatamika ku lyando lwa Leza wakwe a Wisi. Akaambo kaako, Yahuwah wakamusumpula kujanza Lyakwe lya lulyo akumupa zina liinda woonse. Bumwi buzuba magondo woonse ayoofugama amulaka uuli woonse uyoolyeempa kuti Yahushua Kristu ngo Mwami,6 cakulemeka Yahuwah Taateesu.7
1 Mulembi wa BaHebulayo wiinduluka kwaamba Intembauzyo 40:6-8.
2 Yahuwah wakapa Yahushua nguzu zya kubusya bafwide – Johane 5:26-27, azimwi.
3 Yahuwah ngo Taata: Johane 8:41; 8:54; 1 Bakolinto. 8:6, azimwi.
4 “Does Jesus Have Two Natures?” Got Questions.org, cakazubulwa mu 6-27-19
5 Muswaangano waku Chalcedon, 451 AD.
6 Yahuwah wakabamba Yahushua kuba Mwami a Kristu – Milimo 2:36.
7 Bafilipo 2:9-11.
Eeci cibalo tacili ca-WLC. Cakazyila ku: https://oneGodworship.com/not-my-will-but-yours-be-done/
Twakagwisya mucibalo citaanzi woonse mazina aa mituni ngobaita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo, swebo twakajokolosya mu Mangwalo mazina ookwa Taata a Mwana mbuli mbwaakalembedwe kutaanguna abalembi ba Bbaibbele bakayoyelwa moza. Nkamu ya -WLC
