Twaambo Tukazya Bbaibbele twa Ellen White tusendekezya caacitika mu 1844
“Amucenjele abasinsimi babeji. Aabo baboola kulindinywe kababombede mbuli mbelele anukuti mukati mbaaumpe babutambo.” Mateyo 7:15 ESV |
Ellen White usendekezya kuti Taata a Mwana bakalongela ku Busena Busalalisya mu cikombelo ca kujulu mu 1844 kutegwa Messiah akakutauke mulimo wamamanino wa cituuzyo cakwe. Swebo kunyina pe mpotujana bugwasyi mu Bbaibbele bwa lwiiyo lwa bugwebenga oolu. Lwiiyo oolu luyiisya kuti kuzwa aciindi Messiah naakaunka Kujulu akuyookkala kululyo lwa cuuno ca Yahuwah kusikila mu 1844, muciindi coonse eeci, boonse bobile Taata a Mwanaakwe bakakkede buyo mubusena Busetekene. Ooku nkutaminina kwabuyanga alimwi nkusampaula Taata Yahuwah akumudyakaizya. Kufumbwa mpabede Taata Yahuwah ncecipa kuti kufumbwa busena oobo bube busena bwiinda kusetekana; kuleka buyo busena bwa Kujulu oobo bulangwa kuti mbusena bwiinda kusetekana kunjila mumo, mbuli mbwasendekezya Ellen White. Tulanganya ciiyo eeci kuti nkusampauzya Taata Yahuwah. Mulembi wa Mangwalo aa BaHebulayo ulayumya kwaamba kuti Messiah “wakaunka mu Busena Busalalisya. Pele tiibwakali busena bwakabambwa aamuntu, eeco cakali cinkonzya biyo ca ceeco camasimpe cinicini. Walo wakaunka kujulu, alimwi walo nkwali cino ciindi okuya munsimunsi lya Yahuwah kutegwa atugwasyilile swebo.” BaHebulayo 9:24 ERV. Ijulu mbusena Bwiinda Kusetekana nkaambo kakuti Yahuwah nkwabede. Taata tayelede kulongela ku busena bumwi bwa Kujulu oobo bwiitwa kuti Mbusena Bwiinda Kusetekana kutegwa biyo Mwanaakwe akonzye kuzumanana kucita mulimo wamamanino wa cituuzyo Cakwe. Eeco nciiyo cabufubafuba alimwi citakwe maanu.
Kuyungizya waawo, cituuzyo ca Messiah cakagozyegwa aciciingano. IBbaibbele talipede muzeezo uumbi wakuti kwakacili zibeela zya kumaninizya cituuzyo ca Yahushua, mbuli bwaasendekezya Ellen White.
Nzyeezyi zintu zyobile nzyaakaamba Ellen White mu ciiyo eeci:
Ijulu Mbusena Bwiinda Kusetekana nkaambo kakuti nkonkuko nkwabede Yahuwah. Taata tabulide kulongela ku cooko ca Kujulu cizandudwe kuti Mbusena Bwiinda Kusetekana kutegwa Mwanaakwe akakonzye kumaninizya mulimo wakwe wa kunununa. Eeco nciiyo cabuyanga citakwe maanu.
|
Mu mwezi wa Mulumi, 1845, Ime ndakabaa cilengaano ca zintu zyaatalikila a Koompolola kwaa Akataa Busiku. Ime ndakabona cuuno alimwi ali ncico kwakakkede Taata a Mwanaakwe. Ime ndakacenka abusyu bwa Jeesu’ alimwi ndakaciyandisya ciwa cakwe cilibotela. Ciimo ca buntu cokwa Taata Ime nsyeekali kukonzya kucenka, nkaambo kwakali kkumbi lya mumuni lyakamuvwumbide. Ime ndakabuzya Jeesu ikuti naa Taata wakwe wakali kulangika mbuli nguwe lwakwe. Walo wakati “Mbombubo”, pele Ime nsyeekeelede kumubona, nkaambo mbwaakaamba kuti ikuti yebo wamuzwezya kumubona noliba lyomwe mu bulemu bwa buntu bwakwe yebo inga wamana…. Mpoonya Ime ndakabona Taata waimikila kuzwa acuuno, mpawo mu Nkalaki iivwilima wakaunka mu busena Bwiinda Kusetekana, kunzaa mulembo, akuyookkalila mumo. Oomo Ime ndakabona zyuuno nzyeetakaninga bwene. Mpoonya Jeesu wakaimikila kuzwa acuuno,… Mpoonya Ime ndakabona nkalaki ya makumbi, kiijisi mavwili mbuli mulilo uuvwilima, alimwi bangele bakali mumbali kabazingulukide njiyo niyakali kuzyaa kuswena mpaakabede Jeesu. Walo wakatanta mukati ka nkalaki akutolwa ku busena bwiinda Kusetekana ooko Taata nkwaakakkede. Okuya Ime neekalanga ndakabona Jeesu, eelyo Walo kaimvwi munsimunsi lya Taata, kali Mupaizi Mupati… {Broadside1 Mukubwekaangala 6, 1846, par. 7}
Mbweenya mupaizi mbwaakanjila mu busena bwiinda kusetekana ciindi comwe amwaka kuyoosalazya cikombelo canyika, awalo Jeesu mbwaakanjila mu busena bwiinda kusetekana bwa kujulu, kumamanino a mazuba aali 2300 ookwa Danieli 8, mu 1844, kuyoomaninizya cinunuzyo camamanino ca boonse bayootambula cituuzyo Cakwe, aboobo akusalazya busena busalala. EW 253.1
Hena Taata Yahuwah inga watumina mushinshimi/mutumwa kuti abe mwaambilizi Wakwe wa mamanino aaciindi, mpoonya ooyo muntu kasumpauzya makani aakuti takusyi kuti Yahuwah mpabede ncecipa kuti busena oobo bube Bwiinda Kusetekana, pele kunze lyaboobo, kuli busena nsini Kujulu Bwiinda Kusetekana; akuti mu busena oobo Taata a Mwanaakwe bakanjila mu 1844 kutegwa Messiah akonzye kumaninizya mulimo Wakwe wa kunununa? Ikuti yebo kokonzya kuyeeyela Taata Yahuwah kuti inga watuma muntu uuli boobu kuti abe mushinshimi/mutumwa Wakwe musale mu mazubaano aamacaalizyo, yebo kunooli ulilibambide akusyoma ndiswe kuti twataminina kuti tulaa zizabukilo zisyoonto zyakuuzya amuulo waandeene.