Kaharian Ng Aking Ama

Maraming Kristyano ang naniniwala na si Yahushua ay maghahari ng kaharian para sa walang hanggan dahil siya ay Diyos. Ang Kasulatan, gayunman, ay ipinapakita ang isang naiibang larawan ng paparating na kaharian, kung kanino ito nabibilang, at ang dahilan para sa pamumuno ni Yahushua.

Ang Kaharian Ay Nabibilang Sa Ama

Ang Awit ay madalas nagsasalita tungkol sa pagkahari ni Yahuwah:

Awit 47:2 Sapagkat si Yahuwah ang kataas-taasan ay kakila-kilabot; siya’y dakilang Hari sa buong lupa.

Awit 103:19 Itinatag ni Yahuwah ang kaniyang luklukan sa mga langit; at ang kaniyang kaharian ay nagpupuno sa lahat.

Bilang pinakadakila, ang kaharian ay nabibilang sa Diyos. Ngunit aling Diyos? Ang Trinidad? Hindi ayon kay Yahushua. Sa kanyang edukasyonal na panalangin, nagpahayag si Yahushua na ang kaharian ay nabibilang sa Ama:

Mateo 6:9-10 “Manalangin nga kayo tulad nito: ‘Ama naming nasa langit, pakabanalin nawa ang Iyong pangalan. ¹⁰ ‘Dumating nawa ang Iyong kaharian, matupad nawa ang Iyong kalooban, dito sa lupa tulad ng sa langit.”

Sa kaparehong konteksto, muling tinutukoy ni Yahushua ang kaharian na pag-aari ng Ama, tinatawag niya na Kanyang kaharian:

Mateo 6:33 “Ngunit hanapin muna ninyo ang Kanyang kaharian at ang Kanyang katuwiran, at ang lahat ng mga bagay na ito ay pawang idaragdag sa inyo.

Muli, sa isa pang pagkakataon, pinagtitibay ni Yahushua na ang kaharian ay tunay na sa Ama:

Mateo 26:29 “Sinasabi ko sa inyo, mula ngayon ay hindi na ako iinom nitong katas ng ubas hanggang sa araw na iyon na iinumin kong panibago na kasama kayo sa kaharian ng aking Ama.”

Itinalaga Ni Yahuwah Ang Pamamahala Ng Kaharian

Bilang hari sa lahat ng Paglikha, pinili ni Yahuwah na magtalaga ng pamamahala ng Kanyang kaharian sa sangkatauhan:

Genesis 1:26 at 28 At sinabi ng Elohim, “Lalangin natin ang tao sa ating larawan, ayon sa ating wangis: at magkaroon sila ng kapangyarihan sa mga isda sa dagat, at sa mga ibon sa himpapawid, at sa mga hayop, at sa buong lupa, at sa bawat umuusad, na nagsisiusad sa ibabaw ng lupa.”…28 At sila’y binasbasan ng Elohim, at sa kanila’y sinabi ng Elohim, “Kayo’y magpalaanakin, at magpakarami, at kalatan ninyo ang lupa, at inyong supilin; at magkaroon kayo ng kapangyarihan sa mga isda sa dagat, at sa mga ibon sa himpapawid, at sa bawat hayop na gumagalaw sa ibabaw ng lupa.”

Ang salitang “kapangyarihan” sa siping ito ay radah sa Hebreo, at ito’y nangangahulugang: upang magkaroon ng pamamahala.¹ Mula sa simula, ang plano ni Yahuwah ay para sa tao na mamuno sa lupa sa Kanyang ngalan. Tunay nga, ang mga iskolar ay itinuring si Adan bilang maharlikang ahente ni Yahuwah na isinugo upang maghari sa lupa, subalit nananatili sa ilalim ng kapangyarihan ni Yahuwah. Nagsasalita ang Wycliffe Bible Commentary tungkol dito kapag sinasabi:

[Ang tao] ay ang magiging responsableng kinatawan at katiwala ng Diyos sa lupa, upang isagawa ang kalooban ng kanyang Manlilikha at tuparin ang banal na layunin. Ang kapangyarihan sa mundo ay igagawad sa bagong nilikha na ito…Ang dakilang nilalang na ito, sa kanyang mga hindi kapani-paniwalang pribilehiyo at mabibigat na tungkulin, ay para mamuhay at kumilos sa isang makahari na anyo.²

Sumasang-ayon ang New Oxford Annotated Bible na ang papel ng tao ay para maghari sa lupa bilang kinatawan ni Yahuwah:

Ginawa sa pamamagitan ng larawan ng Diyos, ang tao ay nilalang sa pamamagitan ng pagpapakita ng pamamahala ng Diyos sa lupa. Ang wika ay sumasalamin sa “makaharing teolohiya” …Bilang kinatawan ng Diyos, ang tao ay binigyan ng kapangyarihan (Awit 8:6-8).³

Ang Spirit Filled Bible ay nagkokomento rin sa natatanging posisyon ng tao bilang ahente ni Yahuwah sa lupa:

Nilikha ng Diyos ang tao upang maging ahente ng Kanyang kaharian, upang magkaroon ng kapangyarihan at supilin ang nalalabi ng paglikha, kabilang ang agresibong satanikong pwersa, na dagliang manghihimasok rito.⁴

Si David, siya mismo na isang hari, ay nagpahayag ng paghanga at papuri sa banal na plano na ito para sa sangkatuhan upang mamahala sa ngalan ni Yahuwah:

Awit 8:4-9 Ano ang tao upang Iyong alalahanin siya? At ang anak ng tao, upang Iyong dalawin siya? ⁵ Sapagkat iyong ginawa siyang kaunting mababa lamang kay sa Diyos, at pinaputungan mo siya ng kaluwalhatian at karangalan. ⁶ Iyong pinapagtataglay siya ng kapangyarihan sa mga gawa ng iyong mga kamay; Iyong inilagay ang lahat ng mga bagay sa ilalim ng kaniyang mga paa: ⁷ Lahat na tupa at baka, Oo, at ang mga hayop sa parang; ⁸ Ang mga ibon sa himpapawid, at ang mga isda sa dagat, anomang nagdaraan sa mga kalaliman ng mga dagat. ⁹ OH PANGINOON [Yahuwah], aming PANGINOON, pagkarilag ng Iyong pangalan sa buong lupa!

Bagama’t si Adan ay ginampanan ang isang espesyal na lugar bilang hari sa ilalim ng Kataas-taasan, sumuway siya at tuluyang pinatalsik at pinalayas sa Hardin ng Eden. Ang kanyang mang-aagaw, si Satanas, ay naging ang pinuno o “Diyos” ng sanlibutang ito:

1 Juan 5:19 Alam na natin na tayo ay kay Yahuwah, at ang buong sanlibutan ay nasa ilalim ng kapangyarihan ng Masama.

Ngunit si Yahuwah ay hindi inaabandona ang Kanyang plano para sa isang tao na maghahari sa lupa sa Kanyang ngalan. Matapos ang pagbagsak ni Adan, nahulaan ni Yahuwah ang isa pang tao, isinilang ng isang babae, na, bagama’t sinugatan ni Satanas, ang tuluyang tatalo sa kanya.⁵ Dagdag pa, ang taong ito ay isang inapo ni Haring David,⁶ at maghahari ng kaharian magpakailanman. Tinatawag ni Pablo ang taong ito na ang huling Adan,⁷ ngunit siya’y mas mabuting kilala bilang Yahushua ng Nazaret, na tinatawag na ang Kristo. Si Kristo at ang katumbas na titulo nito, ang Mesias, ay nangangahulugang pinahiran (itinalaga, isinugo) ni Yahuwah, isang pagtatalaga para sa isa na pinili ni Yahuwah na maghari sa paparating na kaharian.

Mesias Ang Maghahari Sa Ngalan Ni Yahuwah

Ginamit ni Yahuwah si propeta Mikas upang hulaan na, gaya ng unang Adan, ang paparating na hari ay mamumuno sa ngalan ni Yahuwah:

Mikas 5:2 “Ngunit ikaw, Bethlehem Ephrata, na maliit upang lumagay sa libo-libo ng Juda, mula sa iyo ay lalabas sa Akin ang isa na magpupuno sa Israel; na ang pinagbuhatan niya ay mula nang una, mula nang walang hanggan.”

Ang Awit 2 ay nagbibigay ng dagdag na makapangyarihang ebidensya na ang Mesias ay mamamahala bilang pinahiran na hari ni Yahuwah. Narito, sa bahagi, ay ang propesiya na sinabi ni Pedro na matatagpuan ang katuparan nito kay Yahushua:

Awit 2:1-2, 6-8, 10-12 Bakit ang mga bansa ay nangagugulo, at ang mga bayan ay nangagaakala ng walang kabuluhang bagay? ² Ang mga hari sa lupa ay nagsisihanda, at ang mga pinuno ay nagsasanggunian, Laban kay Yahuwah at laban sa Kaniyang pinahiran ng langis…⁶ “Gayon ma’y inilagay ko ang Aking Hari sa Aking banal na bundok ng Sion.” ⁷ “Aking sasaysayin ang tungkol sa pasiya: sinabi ng Panginoon sa akin, Ikaw ay Aking Anak; sa araw na ito ay ipinanganak kita. ⁸ ‘Humingi ka sa akin, at ibibigay ko sa iyo ang mga bansa na iyong pinakamana, at ang mga pinakadulong bahagi ng lupa ay iyong pinakaari… ¹⁰ Ngayon nga’y magpakapantas kayo, Oh kayong mga hari: mangatuto kayo, kayong mga hukom sa lupa. ¹¹ Kayo’y mangaglingkod kay Yahuwah na may takot, at mangagalak na may panginginig. ¹² Hagkan ninyo ang Anak, baka magalit siya, at kayo’y mangapahamak sa daan, sapagkat ang kaniyang poot ay madaling magalab. Mapapalad ang nanganganlong sa kaniya.

Nagsalita rin si Isaias ng paghahari ng Mesias sa ilalim ng kapangyarihan ni Yahuwah. Sa tanyag na sipi ng propeta sa paghihirap ng Mesias, nagtatanong siya, “Sinong naniwala sa aming balita? at kanino nahayag ang bisig ni Yahuwah?” Ginagamit ni Isaias ang pariralang “bisig ni Yahuwah” upang magtalaga ng paparating na Mesias. Ito ang “bisig ni Yahuwah,” na maghahari para kay Yahuwah:

Isaias 40:10 Narito, ang Panginoong YAHUWAH ay darating na gaya ng makapangyarihan, at ang Kaniyang kamay ay magpupuno sa ganang Kaniya: Narito, ang Kaniyang ganting pala ay dala Niya, at ang Kaniyang ganti ay nasa harap Niya.

Naglalarawan rin si Ezekiel ng paparating na hari bilang isa na maglilingkod, hindi bilang Yahuwah, kundi bilang lingkod ni Yahuwah:

Ezekiel 34:23-24 at 37:25 “At ako’y maglalagay ng isang pastor sa kanila, at kaniyang papastulin sila sa makatuwid baga’y ang Aking lingkod na si David; kaniyang papastulin sila, at siya’y magiging kanilang pastor, ²⁴ At akong si Yahuwah ay magiging kanilang Yahuwah, at ang Aking lingkod na si David ay prinsipe sa kanila; akong si Yahuwah ang nagsalita… ²⁵ At sila’y magsisitahan sa lupain na aking ibinigay kay Jacob na aking lingkod, na tinahanan ng inyong mga magulang; at sila'y magsisitahan doon, sila at ang kanilang mga anak, at ang mga anak ng kanilang mga anak, magpakailan man: at si David na aking lingkod ay magiging kanilang prinsipe magpakailan man.

Ang pangalang David ay isang metapora para sa paparating na Mesias. Siya ang kanilang pastor at prinsipe, habang si Yahuwah ang kanilang Diyos. Tunay nga, si Yahushua ay ang mabuting pastor at ang lingkod ni Yahuwah⁸ na itinaas sa kanang kamay ni Yahuwah bilang Prinsipe at Tagapagligtas:

Mga Gawa 5:30-31 “Ang Diyos ng ating mga ninuno ang nagbangon kay Yahushua, na inyong pinatay nang bitayin ninyo siya sa punongkahoy. ³¹ Itinaas siya ni Yahuwah sa kanyang kanang kamay bilang Tagapanguna at Tagapagligtas, upang bigyan ng pagkakataong magsisi ang Israel, at mapatawad ang mga kasalanan.

Mahalaga na tandaan na si Yahuwah ay itinalaga si Yahushua sa posisyon na ito; hindi siya isang hari hanggang itinalaga siya ni Yahuwah bilang isa:

Awit 89:27 “Akin namang gagawin siyang panganay ko, na pinakamataas sa mga hari sa lupa.

Ang orthodoxy, gayunman, ay nagtuturo na si Yahushua ay maghahari sa sanlibutan, hindi dahil itinalaga siya ni Yahuwah, kundi dahil siya, mismo, ay si Yahuwah. Ilan ay nagpapakita na ang parehong sina Yahushua at Yahuwah ay tinawag na Hari ng mga hari at Panginoon ng mga panginoon bilang patunay ng pagkadiyos ni Yahushua. Gayunman, iyong mga gumagawa ng angkin na ito ay tila walang kamalayan na ang mga parirala ay mga Hebreong panukdulan lamang na nangangahulugang pinakadakila o ang pinaka. Dagdag pa, ang kanilang paggamit ay hindi mahigpit na pang-diyos lamang ngunit maaaring gamitin para sa sinumang dakilang hari. Halimbawa, si Haring Artaxerxes ng Persya at Haring Nabucodonosor ng Babilonya ay tinawag na “mga hari ng mga hari” dahil sa kanilang kayamanan, kapangyarihan, at malalawak na kaharian. Paano pa kaya kadakila ang Mesias!

Ang iba’y nakipagtalo na si Yahushua ay dapat na si Yahuwah dahil si Yahuwah lamang ang maaaring maghari sa sanlibutan. Nakakapanghinayang, ang saligan na ito ay nagpapakita ng isang kakulangan ng pagkakaunawa tungkol sa plano ni Yahuwah para sa isang tao na maghahari sa lupa bilang Kanyang ahente. Dagdag pa, ito’y sumasalamin sa isang kabiguan na isaalang-alang ang kabuuan ng Kasulatan sa bagay. Halimbawa, nagsusulat si Pablo na si Yahushua ay itinaas sa matayog na posisyon na ito ni Yahuwah, hindi dahil siya mismo, ay si Yahuwah, kundi dahil sa kanyang lubhang pagtalima sa kanyang Diyos:

Filipos 2:8-11 Ibinaba niya ang kanyang sarili, at naging masunurin hanggang sa kamatayan, maging kamatayan sa krus. ⁹ Kaya naman siya’y lubusang itinaas ni Yahuwah, at ginawaran ng pangalang higit na mataas kaysa lahat ng pangalan; ¹⁰ upang sa pangalan ni Yahushua ang BAWAT TUHOD AY LUMUHOD, ang mga nasa langit, nasa lupa, at nasa ilalim ng lupa, ¹¹ at ipahayag ng bawat bibig na si Kristo Yahushua ay Panginoon, sa ikaluluwalhati ni Yahuwah ang Ama.

Itinaas si Yahushua ni Yahuwah at ginawaran ng pinakamataas na pangalan, ang pinakamataas na itinalagang kapangyarihan. Tunay nga, kinikilala ni Yahushua nang maraming beses na pinagkalooban siya ni Yahushua ng kapangyarihan. Halimbawa:

Mateo 11:27 [Sinabi ni Yahushua] “Lahat ng mga bagay ay ipinagkatiwala sa akin ng aking Ama…

Mateo 28:18 [Sinabi ni Yahushua] “Naibigay na sa akin ang lahat ng awtoridad sa langit at sa ibabaw ng lupa.

Juan 3:35 “Iniibig ng Ama ang Anak, at ibinigay ang lahat ng bagay sa kanyang kamay.

At ayon sa mga sipi ni Pablo na nabanggit kanina, si Yahuwah ang Ama ay naglagay ng lahat ng bagay sa pagpapailalim sa Kanyang Kristo. Sa ibang salita, mayroong isang panahon na ang lahat ng bagay ay hindi pa pinasakop sa isang tao mula sa Nazaret, ngunit ngayo’y saklaw na. Dagdag pa, ang pagtataas kay Yahushua sa lahat ng mga bagay ay sinabi na para sa ikaluluwalhati ni Yahuwah, ang Ama, hindi ang Anak. Bakit? Dahil itong lahat ay gawa ni Yahuwah. Pinili ni Yahuwah si Kristo. Pinahiran at itinalaga ni Yahuwah si Kristo. Si Yahuwah ang muling bumuhay kay Kristo mula sa mga patay. Itinaas ni Yahuwah si Kristo sa Kanyang kanang kamay at ipinasailalim ang lahat ng mga bagay sa kanya.

Ang katunatan na si Yahushua ay itinaas ni Yahuwah upang umupo sa Kanyang kanang kamay, binigyan ng pinakamataas na kapangyarihan, at ang lahat ng bagay ay ipinasailalim sa kanya ay nagpapakita ng pagiging tao ni Yahushua, hindi isang ikaapat na siglo, isinateorya na pagkadiyos. Sapagkat kung si Yahushua ay si Yahuwah, tataglayin na niya ang mga bagay na ito. Walang saysay na sabihin na si Yahuwah ay itinaas sa isang posisyon at antas na likas na Niyang pinanghahawakan. Sa kabilang dako, ang napukaw na mga pahayag ni Pablo ay sakdal na humahanay sa plano ni Yahuwah para sa isang tao na maghahari sa lupa.

Ibinigay Ni Yahuwah Kay Yahushua Ang Kaharian

Si Yahushua na hindi likas na tinataglay ang kaharian ni Yahuwah ay dagdag na inilarawan sa Kasulatan. Ang propeta na si Daniel ay naitala ang isang pangitain na nakita niya ang Anak ng Tao na ipinakita sa harap ni Yahuwah at binigyan ng kapangyarihan, kaluwalhatian, at isang kaharian:

Daniel 7:13-14 “Ako’y nakakita sa pangitain sa gabi, at, narito, lumabas na kasama ng mga alapaap sa langit ang isang gaya ng Anak ng Tao, at siya’y naparoon sa matanda sa mga araw, at inilapit nila siya sa harap niya. ¹⁴ “At binigyan siya ng kapangyarihan, at kaluwalhatian, at isang kaharian, upang lahat ng mga bayan, bansa, at mga wika ay mangaglingkod sa kaniya: ang kaniyang kapangyarihan ay walang hanggang kapangyarihan, na hindi lilipas, at ang kaniyang kaharian ay hindi magigiba.

Makikita natin ang propesiyang ito na inulit sa talaan ng kapanganakan ni Yahushua:

Lucas 1:32 “Siya’y magiging dakila at tatawaging Anak ng Kataas-taasan. Ibibigay sa kanya ng Panginoong Yahuwah ang trono ng kanyang amang si David.

Ang pariralang, “ang trono ng kanyang amang si David” ay nagpapakilala ng Mesias at ng paparating na kaharian. Dagdag pa, si Yahushua mismo, ay nagpapatotoo na si Yahuwah ang Ama ang nagkaloob sa kanya ng isang kaharian:

Lucas 22:28-30 “Kayo ang nanatiling kasama ko sa aking mga pagsubok. ²⁹ At inilalaan ko sa inyo ang isang kaharian, kung paano rin inilaan ng Ama ang isang kaharian para sa akin, ³⁰ upang kayo’y makakain at makainom sa aking hapag sa aking kaharian. At mauupo kayo sa mga trono bilang mga hukom sa labindalawang lipi ng Israel.

Kung si Yahushua ay si Yahuwah, hindi na niya kailangan ibigay sa kanya ang kaharian, sapagkat ito’y likas na sa kanya. Ngunit si Yahushua ay ang huling Adan na tumubos sa bumagsak na sangkatauhan, kaya si Yahuwah ay ipinasailalim ang kaharian sa kanya.

Sa Kaharian, Ang Anak Ay Nananatiling Nasa Ilalim Ng Ama

Gaya ni Adan na pinagkalooban ng kapangyarihan sa lupa habang nananatiling nasa ilalim ng kapangyarihan ni Yahuwah, ganon din si Yahushua na uupo sa isang nasa ilalim na papel sa kaharian:

1 Corinto 15:23-28 Ngunit ang bawat isa’y ayon sa kanyang takdang panahon. Si Kristo ang unang bunga; at pagkatapos ay ang mga kabilang kay Kristo sa panahon ng kanyang pagdating. ²⁴ Pagkatapos ay darating ang wakas, kapag kanyang [Kristo] ibibigay na ang kaharian kay Yahuwah ang Ama, matapos niyang lipulin ang lahat ng paghahari, pamamahala at kapangyarihan. ²⁵ Sapagkat kailangang maghari siya [Kristo] hanggang mailagay niya ang lahat ng kanyang mga kaaway sa ilalim ng kanyang mga paa. ²⁶ Ang huling kaaway na lilipulin ay ang kamatayan. ²⁷ Sapagkat “ipinasakop niya ang lahat ng mga bagay sa ilalim ng kanyang [Kristo] mga paa.” Sa pagsasabi na ang lahat ng mga bagay ay ipinasakop sa kanya, maliwanag na hindi kasama rito si Yahuwah, na siyang nagpasakop ng lahat ng mga bagay kay Kristo. ²⁸ At kapag ang lahat ng mga bagay ay ipinasakop na sa Anak, ang Anak ay pasasakop din sa Ama na naglagay ng lahat ng mga bagay sa ilalim ng kanyang kapangyarihan, upang si Yahuwah ay mangibabaw sa lahat.

Nagpapahayag ang Kasulatan na ang Anak ay mananatiling nasa ilalim ni Yahuwah sa paparating na kaharian. Ito’y dapat na darating nang walang sindak, sapagkat si Yahushua ay sinabi na ang Ama ay higit na dakila sa lahat, maging higit na dakila sa kanya:

Juan 14:28 “Narinig ninyo na sinabi ko sa inyo, ‘Aalis ako, at darating ako sa inyo.’ Kung minamahal ninyo ako, magagalak kayo na pupunta ako sa Ama, sapagkat ang Ama ay higit na dakila kaysa akin.

Ang mga siping ito ay gumagawa ng walang saysay kung si Yahushua ay si Yahuwah. Gayunman, sila’y nagiging malinaw kapag nauunawaan natin na si Yahushua ay hindi si Yahuwah kundi ang hinirang na Kristo ni Yahuwah.

Si Yahushua ay maaaring maghari bilang ahente ni Yahuwah, ngunit sa huli, ang kaharian ay nabibilang kay Yahuwah ang Ama.

Ang Ama Ay Ibibigay Sa Atin Ang Kaharian

Si Yahushua, ang huling Adan, ay matapat kay Yahuwah sa bawat paraan. Ang kanyang pagsunod ay bumukas ng isang landas para sa atin na bumalik sa kaharian, hindi lamang bilang mga mamamayan kundi isang bahagi ng pamamahala nito:

Daniel 7:18 at 27 ‘Ngunit ang mga banal ng Kataas-taasan ay magsisitanggap ng kaharian, at aariin ang kaharian magpakailan man, sa makatuwid baga’y magpakakailan-kailan man.’ …²⁷ ‘At ang kaharian, at ang kapangyarihan, at ang kadakilaan ng mga kaharian sa silong ng buong langit, mabibigay sa bayan ng mga banal ng Kataas-taasan: ang kaniyang kaharian ay walang hanggang kaharian, at ang lahat na kapangyarihan ay maglilingkod at tatalima sa kaniya.’

Lucas 12:32 “Huwag kang matakot, munting kawan, sapagkat ikinalulugod ng inyong Ama na ibigay sa inyo ang kaharian.

Lucas 22:28-30 “Kayo ang nanatiling kasama ko sa aking mga pagsubok. ²⁹ At inilalaan ko sa inyo ang isang kaharian, kung paano rin inilaan ng Ama ang isang kaharian para sa akin, ³⁰ upang kayo’y makakain at makainom sa aking hapag sa aking kaharian. At mauupo kayo sa mga trono bilang mga hukom sa labindalawang lipi ng Israel.”

Pahayag 3:21 ‘Ang nagtatagumpay ay bibigyan ko ng karapatang makasama ko sa aking trono, kung paanong nagtagumpay ako at umupo kasama ng aking Ama sa kanyang trono.

Kung, sa ilang tangka na magdahilan, ang paghahari sa paparating na kaharian ay tinutukoy ang isa bilang diyos, pagkatapos ikaw at ako ay maaari ding tawaging Diyos. Ngunit nagpapatotoo ang Kasulatan na ibinahaging pamamahala ay hindi nagpapahiwatig ng pagkakaroon ng isang ibinahaging esensya ng Diyos. Sa halip, pinatunayan na si Yahuwah ay pinanatili ang Kanyang pangako para sa tao na maghari sa Kanyang maluwalhating kaharian. Kaya dahil dito, samahan natin ang hari sa panalangin, “Ama, dumating nawa ang Iyong kaharian!”

¹ New American Exhaustive Concordance of the Bible, #7282a radah.

² The Wycliffe Bible Commentary, Charles F. Pfeiffer, ed., (Chicago, IL; Moody Press, 1962), p. 4.

³ The New Oxford Annotated Bible (RSV), (Oxford University Press,1977), p. 2-3.

⁴ The Spirit-Filled Bible (NKJV), Jack W. Hayford, ed., (Nashville, TN: Thomas Nelson, 1991), p. 5.

⁵ Genesis 3:15; Juan 12:31.

⁶ Mga Gawa 2:29-32; Lucas 1:33, atbp.

⁷ 1 Corinto 15:45; Roma 5:14.

⁸ Juan 10:10, 14; Mga Gawa 3:26; 4:27, 30.

Ito ay isang hindi-WLC na artikulo. Pinagkunan: https://oneGodworship.com/my-fathers-kingdom/

Tinanggal namin mula sa orihinal na artikulo ang lahat ng mga paganong pangalan at titulo ng Ama at Anak, at pinalitan ang mga ito ng mga orihinal na pangalan. Dagdag pa, ibinalik namin sa mga siniping Kasulatan ang pangalan ng Ama at Anak, sapagkat ang mga ito ay orihinal na isinulat ng mga napukaw na may-akda ng Bibliya. –Pangkat ng WLC