Hena milazyo ya Kulonga 12: 10,16 a 19 ijatikizya buyo Pobwe lya Cinkwa Citakwe Bumena?

Mubuzyo: Hena milazyo ya Kulonga 12: 10, 16 a 19 ijatikizya buyo pobwe lya Cinkwa Citakwe Bumena?

Kwiingula: Ipobwe lya Cinkwa Citakwe Bumena lisekelelwa mangolezya aabuzuba bwa kkumi abwane bwamwezi mutaanzi uutobezya zuba amwezi antoomwe. Ipobwe lya Cinkwa Citakwe Bumena lyamazuba aali ciloba litalikila mafumofumo mubuzuba bwakkumi abwasanu akumanina muli bwa makumi obile abumwi kumangolezya. Buzuba bwa kkumi abwasanu ni Nsabata Mpati nkaambo lyoonse buswaanganina antoomwe a Nsabata yamumvwiki.

Kuli milazyo iigeme buyo mapobwe aziindi zisetekene/Nsabata zya Cinkwa Citakwe Bumena. Eeyi milazyo ilaatala kuli yeeyo yeendelezya Nsabata yamumvwiki alimwi tiijatikizyi pobwe limbi pe.

1.Kulonga 12:10 kulazumizya [kukunka mulilo] mu Nsabata Mpati yabuzuba bwa kkumi abwasanu kuti cuumpwe kufumbwa cakacaala kuligwa mwanaambelele ciindi lya Pasika mangolezya aakainda.

2.kampango 16 kalazumizya kubamba cakulya mubuzuba bwa Nsabata Mpati yabuzuba bwa kkumi abwasanu eeyi iiswaangana a Nsabata yamumvwiki.

3.kampango 19 kalombozya kuzumizya kugwisyabumena bucili mumaanda aabo.

4.Kubamba cakulya kulazumizigwa mumazuba oonse aapobwe kusanganya a Nsabata/ muli bwa makumi obile abumwi.

Azimwi zikulwaizya boobu:

Kulonga 12:17- “Muleelede kulibamba nyoonse eeli pobwe lyacinkwa citakwe mimena, nkaambo mubuzuba oobu nentigwisye misyobo yanu kuzwa mu Ijipiti. Kamuyoobamba buzuba oobu mumazyalani oonse mbuli mulawo kukabe kutamani. 18Muleelede kulya cinkwa citakwe mimena kuzwida kumangolezya aabuzuba bwakkumi abwane bwamwezi mutaanzi kusikila kumangolezya aabuzuba bwamakkumi obilo abumwi bwamwezi ngoonya ooyo.”

Kulonga 12:10- “Tamweelede kusiya imwi nyama kuti ilale mane buce pe, eeyo isyeede kusikila cifumo-fumo ileelede kutentwa amulilo.”

Kulonga12:16- “Mubuzuba butaanzi kuyooba muswaangano uusetekene, alimwi amubuzuba bwaciloba mukaswaangane muswaangano usetekene. Mutakabeleki mulimo uli oonse mumazuba aayo, ccita buyo kubamba zilyo muntu omwe-omwe nzyaelede kulya.”