Saul van Tarsus se Damaskus Weg Christologie

Een van die dramatieste gebeure in Lukas se historiese verslag oor die geboorte en ontwikkeling van die vroeë Kerk, is Saul van Tarsus se bekering van Christen vervolger na Christus se volgeling. Yahushua het aan Saul op die pad na Damaskus verskyn toe die ywerige Fariseër met gesag van die hoëpriester opreis was om Christene te arresteer en terug te bring na Jerusalem om hulle te straf.¹

Hoe het Saul se siening van Yahushua verander na sy ontmoeting met die opgestane en verhoogde koning? Het hy besef dat Yahushua nie net die beloofde Messias was nie maar ook die God van die heelal? Watter openbaring het Yahushua omtrent homself gegee wat Saul se insig en transformasie in Paulus gesmee het, die eerste eeuse grootste sendeling? Ons sal hierdie vrae antwoord deur Paulus se Damaskus ondervinding te ondersoek. Kom ons begin deur Paulus se teologie voor die ontmoeting met die Here te verken.

Saul van Tarsus se Teologie

Baie wat ons weet van Saul voor sy ontmoeting met Yahushua kom van Saul se eie woorde. Hy sê dat hy “`n Jood” was, gebore in Tarsus van Ciliceá,” en daarom, “gebore as Romeinse burger.”<sup>3</sup> Hy het sy strenge rabbynse opleiding van Gamaliël ontvang, `n gerespekteerde rabbi en lid van die Sanhedrin.⁴ Saul het op meer as een geleentheid gesê dat hy “ywerig vir die wet” en “vir Yahuwah,” en vir “sy voorvader tradisies” was.⁵ Wat dan het hierdie self-beskryfde “Hebreër van Hebreërs” wie “onberispelik” was volgens die Wet⁶ geglo omtrent wie Yahuwah is? Volgens Saul het hy alles geglo wat die Skrifte te sê gehad het:

Handelinge 24:14 “Maar dit erken ek voor u dat ek volgens die Weg wat hulle sekte noem, so die God van my vaders dien, terwyl ek alles glo wat in die Wet en in die Profete geskrywe is.

Dus sou Paulus se oortuigings die nakoming van die Joodse geloofsbelydenis, bekend as die Shema, ingesluit het.⁷ Hierdie Bybelse geloofsverklaring sê dat Yahuwah een is:

Deuteronómium 6:4-5 “Hoor, Israel! Yahuwah onse God is `n enige Here! ⁵ “Daarom moet jy die Here jou God liefhê met jou hele hart en met jou hele siel en met al jou krag.

Wat meer is, is dat Paulus alles sou geglo het, gebaseer op die Skrifte, dat die komende Messias `n dienskneg van Yahuwah was<sup>8</sup> bestem om te heers in Yahuwah se onthalwe, soos die profeet Miga sê.<sup>9</sup> Die vervolger-bekeerde-apostel sou nie glo, nog sou enige Torah-onderhoudende Jood van hierdie dag, dat die Messias homself die, Almagtige God was, omdat dit antiteties was tot die God van die Shema. Met ander woorde, voor Paulus se ontmoeting met Yahushua op die pad na Damaskus, was daar geen Skriftuurlik-gebaseerde konsep wat ookal dat hierdie enkelvoudige God instede daarvan `n lid van die drie-persoon Godheid is nie. Nog kon hy verstaan het dat die Messias mede-gelyk, mede-ewig, of mede-substantief met God die Vader as vierde-eeuse belydenis later sou vasstel. Wat, dan het Saulus geglo wie is Yahushua?

Hoe het Saul geglo wie Yahushua moet Wees?

Saul het nie geglo dat die man van Nasáret die beloofde Messias was nie, maar hy het aan hom gedink as `n verleier, as bewys van sy ywer om hulle wie die volgelinge van hierdie “valse” Christus te vervolg. Lukas vertel ons dat Saul “heelhartig saamgestem” het met die Sanhedrin toe hulle vir Stefanus dood gestenig het oor sy beskuldiging van die raad oor die moord op die Regverdige Een, dit is, die Messias.¹⁰ Saul was so briesend teenoor diegene wie Yahushua as die Messias beskou het, dat hy begin het om die “gemeentes te verwoes, en in die huise gegaan en manne en vroue uitgesleep het en in die gevangenis uitgelewer” het.¹¹ Maar steeds was Saul se vervolgings ywer nie bevredig nie. Hy het vir gesag gevra om Christus-volgelinge buite die poorte van die heilige stad te vervolg:

Handelinge 9:1-6 Maar Saulus, wat nog dreiging en moord geblaas het teen die dissipels van Yahuwah, het na die hoëpriester gegaan² en van hom briewe gevra aan die sinagoge in Damaskus, sodat as hy mense sou vind wat van die Weg was, manne sowel as vroue, hy hulle geboeid na Jerusalem kon bring.³ En toe hy op reis naby Damaskus kom, omsingel hom skielik `n lig van die hemel af;<sup>4</sup> en hy val op die grond en hoor `n stem vir hom sê: Saul, Saul, waarom vervolg jy My?”⁵ En hy sê: “Wie is U Here?” En Hy antwoord: “Ek is Yahushua wat jy vervolg.” ⁶ Staan op en gaan na die stad, en dit sal vir jou gesê word wat jy moet doen.”

Saul het reguit gevra, “Wie is U Here?” wat die perfekte geleentheid skep vir Yahushua om te openbaar dat Hy God die Seun is, die tweede lid van die Drie-eenheid. Maar Yahushua het niks gesê om die insig van Saul te verander dat hy `n man was gekruisig weens die aanspraak om die Messias te wees nie.

Saul, verblind deur die hemelse lig, was in die stad gelei waar hy drie dae in vas en gebed deurgebring het totdat die dissipel genaamd Ananias, beopdrag deur die herrese Heiland, met `n boodskap gekom het:¹²

Handelinge 9:17-22 En Ananias het gegaan en in die huis gekom en hom die hande opgelê en gesê: “Saul, broeder, die Here het my gestuur, naamlik Yahushua wat aan jou verskyn het op die pad waarmee jy gekom het, sodat jy weer kan sien en met die Heilige Gees vervul word.” ¹⁸ En dadelik het daar iets soos skille van sy oë afgeval, en hy kon onmiddelik weer sien, en hy het opgestaan en is gedoop. ¹⁹ En nadat hy voedsel gebruik het, het hy weer sterk geword. En Saul was `n paar dae saam met die dissipels in Damaskus. ²⁰ En hy het dadelik Christus in die sinagoge verkondig, dat Hy die Seun van Yahuwah is.²¹ En almal wat hom gehoor het, was verbaas en het gesê: Is hý nie die man wat in Jerusalem uitgeroei het die wat die Naam aanroep, en hier gekom het met die doel om hulle geboeid na die owerpriesters te bring nie?” ²² Maar Saul het al meer krag ontvang en die Jode wat in Damaskus woon, in die war gebring deur te bewys dat Hy, Yahushua, die Christus is.

Hier voorsien Lukas die leser met addisionele besonderhede omtrent Saul se ontmoeting met die Here. Hy doen verslag dat Saul nou hierdie man van Nasáret verstaan, van wie hy geglo het `n vervalser was, die ware Messias is, as bewys deur die boodskap wat Saul in die sinagoge begin verkondig het. Nou deur die Heilige Gees vervul, het Saul Yahushua verkondig as die Seun van Yahuwah,`n term wat die eerste-eeuse Jode sinoniem met Messias gebruik het.¹³ Dit word bevestig wanneer Lukas in vers 20 skryf dat Saul die Jode in die war gebring het deur te bewys dat Yahushua die Christus is.

Die vraag voor ons is, het Paulus se teologie verander dadelik toe Yahushua homself aan die Fariseër van Tarsus openbaar het? Die antwoord is `n weergalmende nee! Op geen geleentheid is Saul enige inligting gegee om sy Skriftuurlike insig te weerlê dat Yahuwah een persoon is nie. Yahushua het nooit aan Saul vertel dat Hy Yahuwah is nie. Maar, wat verander het, was sy Christologie. Saul het nou verstaan dat Yahushua die beloofde koning is, en dit is presies wat hy begin verkondig. Die een wie eens die volgelinge van Yahushua vervolg het, het nou geloof in Hom verkondig as die Christus:

Galasiërs 1:22-23 En ek was persoonlik onbekend aan die Christelike gemeenstes van Judéa; ²³ hulle het net gehoor: “hy wat ons vroeër vervolg het, verkondig nou die geloof wat hy vroeër besig was om uit te roei.”

Dat Saul se ontmoeting met die opgestane Yahushua slegs openbaar dat die man van Nasáret, die beloofde Christus is, word verder ondersteun deur hierdie gebeure. Toe hy voor `n onvriendelike skare in Jerusalem verskyn het, het hy gesê:

Handelinge 22:1-8 “Broeders en vaders, luister nou na my verdediging teenoor julle! ² En toe hulle hoor dat hy hulle in die Hebreeuse taal toespreek, was hulle nog stiller. En sê: ³ “Ek is `n Jood, gebore in Tarsus in Cilícië, maar opgevoed in hierdie stad aan die voete van Gamaliël, streng ooreenkomstig die voorvaderlike wet, `n yweraar vir Yahuwah soos julle almal vandag is. ⁴ “Hierdie Weg wat ek vervolg tot die dood toe, en manne en vroue geboei en in gevangenisse oorgegee, ⁵ soos ook die hoëpriester en die hele raad van ouderlinge my getuies is. Van hulle het ek ook briewe ontvang en na Damaskus gegaan om ook die wat daar was, geboeid na Jerusalem te bring, sodat hulle gestraf kan word. ⁶ “Maar terwyl ek op reis was en naby Damaskus kom, het daar op die middag skielik `n groot lig uit die hemel my omstraal, <sup>7</sup> en ek het op die grond geval en `n stem vir my hoor sê: Saul, Saul, waarom vervolg jy My? ⁸ “En ek het geantwoord: ‘Wie is U Here?’ En Hy het vir my gesê: ‘Ek is Yahushua die Nasaréner wat jy vervolg.’

Yahushua het homself nie as Yahuwah of die Pre-Geïnkarneerde Woord geïdentifiseer wie voor-af in die hemel bestaan het nie maar eenvoudig net as die een van Nasarét, in hierdie verslag, word ons addisionele inligting gegee omtrent wat Ananias Saul meegedeel het:

Handelinge 22:12-16 “En `n sekere Ananias, `n vroom man volgens die wet, wat `n goeie naam gehad het by al die Jode wat daar woon, <sup>13</sup> het na my gekom en by my gaan staan en vir my gesê: Saul, broeder, word siende! En op daardie oomblik het ek hom aangekyk. <sup>14</sup> “En hy het gesê: ‘Die God van onse vaders het jou voorbeskik om sy wil te ken en die Regverdige te sien en die stem uit sy mond te hoor; <sup>15</sup> want jy sal vir Hom by al die mense `n getuie wees van wat jy gesien en gehoor het. ¹⁶ En nou, waarom versuim jy? Staan op, laat jou doop en jou sondes afwas, terwyl jy die Naam van die Here aanroep.’

Ananias identifiseer Yahuwah as die “God van onse vaders,” terwyl Yahushua in `n ander kategorie geplaas is, dié van die “Regverdige,” `n benaming vir die Messias.¹⁴ Met ander woorde, Ananias het nie gesê dat die God van onse vaders vasgestel het dat Saul sal hoor en sien van Yahuwah nie, maar dat hy sal hoor en sien van die Christus.

Sommige mag redeneer dat die uitnemende wyse waarop Yahushua aan Saul verskyn het demonstreer dat hy Yahuwah is. Dis nie die geval nie, maar, soos engele aan Nuwe Testamentiese heiliges in `n soortgelyke wyse verskyn het. Sekerlik, sal niemand aanvoer dat dit bewys lewer dat hulle godheid is nie. ¹⁵ Maar eerder die verhefde Yahushua was, nou verheerlik en tot onsterflikheid opgewek deur Saul ontmoet.

As Yahushua Yahuwah is, sou ons redelik verwag het dat hierdie merkwaardige ontmoeting op die pad na Damaskus `n openbaring moet insluit dat Yahushua nie net die Messias is nie, maar ook die Almagtige God, `n openbaring wat dit van die Messias in relevantheid en belagrikheid ver verbysteek. Maar op die een of ander wyse word hierdie fundamentele leerstelling weggelaat. Nie net is dit uitgelaat in hierdie lewens-veranderende ontmoeting nie, maar dit is ook afwesig uit die res van die boek van Handelinge. Inteenstelling met wat ortodoksie beweer, het Paulus dit nooit in sy sendbriewe geleer nie alhoewel hy gesê het dat “ek het nie nagelaat om aan julle die hele raad van Yahuwah te verkondig nie.”¹⁶ Inderdaad, kan die apostel se opsomming leerstelling oor wie Yahuwah is, gevind word in sy brief aan die kerk te Korinthe:

1 Korinthiërs 8:5-6 Want al is daar ook sogenaamde gode, of dit in die hemel en of dit op die aarde is – soos daar baie gode en baie here is – ⁶ tog is daar vir ons maar een God, die Vader, uit wie alles is, en ons tot Hom, en een Here, Yahushua Christus deur wie alles is, en ons deur Hom.

Paulus leer bondig en oortuigend dat Yahuwah die Vader die een God is, in ooreenstemming met die Shema van Deuteronómium 6:4. Aan die ander kant skryf Paulus dat Yahushua die Christus is, wat in ooreenstemming is met die openbaring wat aan hom gegee is op die pad na Damaskus. Waarvandaan kom die idee ​​dat Paulus geglo het dat Yahushua Yahuwah is? Historiese verslae toon dat hierdie post-Bybelse leerstelling meer as driehonderd jaar geneem het om ten volle te ontwikkel, en dat dit nie as amptelike Kerkdogma gekodifiseer was met die Konsilie van Nicea in 325 n.C.

Saul van Tarsus het reg gekies om wat hy verkeerdelik geglo het omtrent Yahushua, te verwerp, en die waarheid te aanvaar omtrent wie Hy is. Ons moet nes hy, besluit of ons aanvaar of nie, die openbaring oor die herrese Here wat aan Saul gegee is oppad na Damaskus – dat hy die Christus is – of, sal ons aan die geloofsbelydenis vasklou wat aan ons oorgelewer is deur die Gehelleniseerde Katolieke Kerk Vaders.

¹ Acts 9:1-2; 22:4-5.

² Ek gebruik die name Saul en Paulus afwisselend dwarsdeur hierdie artikel. Sien Handelinge 13:9.

³ Acts 22:3, 28.

⁴ Acts 22:3 en Acts 5:34-35.

⁵ Acts 21:20; 22:3; Galatians 1:14.

⁶ Philippians 3:5-6.

⁷ Shema of shama is die eerste Hebreeuse woord for luister of hoor, die eerste woord in die geloofbelydenis.

⁸ Isaiah 42:1-7; 49:3-13; 50:10; 52:13-15; 53:11-12; Sagaria 3:8; Psalm 2:6; Handelinge 3:13; 4:24, 26-28 en 30, ens.

⁹Micah 5:2-4.

¹⁰ Acts 7:51-8:3.

¹¹ Acts 8:3.

¹² Acts 9:8-16.

¹³ John 1:49; 20:31; Luke 4:41; Matthew 16:16; 26:63, ens.

¹⁴ Die Regverdige is `n verwysing na die Messias in Isaiah 53:11. DIt is nie `n verwysing wat gereserveer is vir godheid soos gesien in Hebrews 10:38 wanneer Yahuwah verwys na diegene wie Sy wil doen as Sy regverdiges.

^z15 Luke 2:9-13; 24:4; Acts 12:7, ens.

¹⁶ Handelinge 20:27 Paulus se brief lê klem dat Yahusha die Christus van Yahuwah is, gekruisig vir die sondes en opgestaan uit die dood. Dit was hierdie Yahushua wat aan hom op die Damaskus pad verskyn het. Sien 1 Korinthiërs 15:3-19, ens.

Hierdie is `n nie-WLC artikel Bron: https://oneGodworship.com/saul-of-tarsus-damascus-road-christology/

Ons het die Engelse titels en name van die Vader en die Seun vervang met dít gebruik deur die apostels. In die skriftuurlike aanhalings voorsien, het ons hul oorspronklike name herstel soos deur die geïnspireerde skrywers gebruik. Nietemin, erken ons die historiese ontwikkeling waardeur die naam Yahushua bekend geword het as “Jesus.” Boonop erken ons dat die Engelse term “God” algemeen gebruik was as `n ekwivalent vir die Hebreeuse Eloah of Elohim. – WLC Span