Yahushua, Die Puik, Meester Het `n Meester Gehad

Diegene wie Yahushua in sy vroeë bediening teëgekom het mag dalk debatteer of Hy die Messias is of nie is nie, maar min, indien enige, het sy vermoë om te onderrig bevraagteken. Daarteenoor was menigtes verbaas oor sy lering:

Markus 11:18 En die skrifgeleerdes en die owerpriesters het dit gehoor en gesoek hoe hulle Hom kan ombring; want hulle was bang vir Hom, omdat die hele skare verslae was oor sy leer.

Baie mense, Nikódemus inkluis, `n owerste van die Jode, het erken dat Yahushua se lesse en die tekens wat daarmee saamgegaan het, bewyse was, nie dat hy Yahuwah was nie, maar dat Yahuwah hom gestuur het, en met Hom was:

Johannes 3:1-2 En daar was `n man uit die Fariseërs met die naam van Nikodémus, `n owerste van die Jode. ² Hy het in die nag na Yahushua gekom en vir Hom gesê: “Rabbi, ons weet dat U `n leraar is wat van God gekom het, want niemand kan hierdie tekens doen wat U doen as God nie met hom is nie.”

Yahushua Was Anders As Enige Ander Onderwyser

Yahushua het verskil van enige ander onderwyser wat hulle ooit gesien en gehoor het. Sy lesse was in skrille kontras met die van die skifgeleerdes, wie se rol in die Joodse gemeenskap ontwikkel het om eenvoudig maar net kopieerders van die wet te wees tot verduidelikers en leraars daarvan:²

Markus 1:21-22 En hulle het in Kapérnaüm gekom, en dadelik op die sabbat het Hy in die sinagoge gegaan en begin leer. ²² En hulle was verslae oor sy leer, want Hy het vir hulle geleer soos een wat gesag het en nie soos die skrifgeleerdes nie. (Lukas 4:31-32)

Nes een skrywer verduidelik, was die verskil tussen Yahushua se lesse en die van die skrifgeleerdes, die oorsprong van die onderskeie woorde:

Die gewone mense was verstom. Hy was nie `n skrifgeleerde nie. Hy het geen godsdienstige geloofsbriewe gehad nie. Nogtans het hy gepraat soos `n koning. Sy woorde was `n nuwe Sinaï. Die skrifgeleerdes het owerhede aangehaal; hy het met gesag gepraat. Hulle was liefhebbers van tradisie, en geen rabbi het `n debat gewen tensy hy kan bewys dat sy woorde op wysheid uit die verlede was; dus, het die skrifgeleerdes ou water uit toe kanne gehaal. Maar die woorde van [Yahushua] was soos `n fontein, suiwer, vars, met mag om die siel se dors te les.³

Inderdaad, nes die Skotse teoloog James Stuart sê: “Die lesse van [Yahushua] het `n mag en effek waarmee die invloed van geen ander meester ooit vir `n oomblik vergelyk kan word nie.”⁴

Dit was Yahushua se te kort aan formele opvoeding wat sy lesse selfs indrukwekkender gemaak het in die verstande van sy eerste-eeuse gehoor:

Johannes 7:14-15 En toe dit al in die middel van die fees was, het Yahushua opgegaan na die tempel en geleer. ¹⁵ En die Jode het hulle verwonder en gesê: “Hoe kom Hy aan die geleerdheid terwyl Hy geen onderwys ontvang het nie?”

Diegene van sy tuisdorp Nasáret was ongelooflik verbaasd toe hulle hoor Yahushua leer want hulle het geweet hy was die skrynwerkers seun en nie `n opgeleide rabbi nie:

Matthew 13:54-56 En Hy het in sy vaderstad gekom en hulle geleer in hul sinagoge, sodat hulle verslae was en gesê het: “Waar kry Hy hierdie wysheid en kragte vandaan? ⁵⁵ Is Hy nie die seun van die timmerman nie? Is die naam van sy moeder nie Maria en dié van sy broers Jakobus en Joses en Simon en Judas nie? ⁵⁶ En sy susters, is hulle nie almal by ons nie? Waar kry Hy dan al hierdie dinge vandaan?”

Hoe was Yahushua by magte om sulke lewe-gewende woorde te spreek?⁵ Die skrywers van Sitting at the Feet of Rabbi Yahushua, maak daarop aanspraak om die antwoord te hê. Hulle voer aan dat Yahushua by magte was om die Woord van Yahuwah met soveel duidelikheid en gesag te leer omdat hy dit geskryf het:

Baie van die ander rabbi`s het geneig om te fokus op beskrywing van die minimum vereistes van die wet…Die rabbis het die gesag kortgekom om te sê: ‘Dit is wat God eintlik bedoel het toe hy ons vertel om die Sabbat heilig te hou.’ Wie kon dit ken behalwe God homself? …As die skrywer van die Torah, was [Yahushua] alleen by magte om sy ware intensies te beskryf.”⁶

Nog `n skrywer bied `n soortgelyke siening aan: “Onthou, as die God van die Ou Testament, was Yahushua die een Wie die Tien Gebooie in die eerste plek gegee het.”⁷ Om seker te wees, wys ortodoksie na Johannes 1:1-3 as bewys dat Yahushua by magte was om die Woord van Yahuwah presies te gee want hy is God die Woord. Met hierdie oortuiging in plek, is dit geen wonder dat Drie-eenheids predikant en skrywer Frank G. Allen skryf nie, “[Yahushua] was die wêreld se puikste leermeester, en nogtans was Hy nooit geleer nie.” ⁸ Of was hy?

Yahushua se Woorde Was Nie Sy Eie Nie

Omstrede ortodoksie is Yahushua se verduideliking van hoe Hy sulke diepgaande, lewensveranderende woorde kon spreek. Deur die evangelie van Johannes (die einste boek wat baie aanspreeklik hou vir bewys van Christus se godheid), verwerp Yahushua herhaaldelik enige begrip dat die woorde wat hy spreek syne is. Hy het uitdruklik verklaar dat hy niks uit sy eie inisiatief gesê het nie. Maar, Yahushua gee Yahuwah die volle eer vir sy boodskap. Byvoorbeeld:

Johannes 3:34 “Want Hy [Yahushua] wat Yahuwah gestuur het, spreek die woorde van Yahuwah; want Yahuwah gee Hom die Gees nie met mate nie?

Johannes 8: “Ek het baie dinge om julle te sê en te oordeel; maar Hy wat My gestuur het, is waaragtig; en Ek, wat Ek van Hom gehoor het, dit spreek Ek tot die wêreld.”

Johannes 8:40 [Yahushua sê vir hulle,] maar nou probeer julle om My om die lewe te bring, iemand wat aan julle die waarheid vertel het, wat Ek van Yahuwah gehoor het. Dit het Abraham nie gedoen nie.”

Johannes 14:10 “Glo jy nie dat Ek in die Vader is en die Vader in My nie? Die woorde wat Ek met julle spreek, spreek Ek nie uit Myself nie; maar die Vader wat in My bly, Hy doen die werke.

Johannes 14:24 “Hy wat My nie liefhet nie, bewaar My woorde nie; en die woord wat julle hoor, is nie myne nie, maar is van die Vader wat My gestuur het.

Johannes 15:15 “Ek noem julle nie meer diensknegte nie, omdat die dienskneg nie weet wat sy heer doen nie. Maar Ek het julle vriende genoem, omdat Ek alles wat Ek van My Vader gehoor het, aan julle bekend gemaak het.

Johannes 17:1 en 6 en 8 Dit het Yahushua gespreek, en Hy het sy oë na die hemel opgehef en gesê: Vader…⁶ “Ek het U Naam geopenbaar aan die mense wat U My uit die wêreld gegee het. Hulle het aan U behoort en U het hulle aan My gegee, en hulle het U woord bewaar…⁸ Want die woorde wat U My gegee het, het Ek aan hulle gegee …

Johannes 17:14 “Ek het hulle U woord gegee, en die wêreld het hulle gehaat, omdat hulle nie van die wêreld is nie, net soos Ek nie van die wêreld is nie.

En, in Johannes hoofstuk 7 , spreek Yahushua kragtig die vraag aan oor hoe Hy sulke geleerdheid gekry het:

Johannes 7:14-17 En toe dit al in die middel van die fees was, het Yahushua opgegaan na die tempel en geleer.¹⁵ En die Jode het hulle verwonder en gesê: Hoe kom Hy aan die geleerdheid terwyl Hy geen onderwys ontvang het nie? ¹⁶ Yahushua antwoord hulle en sê: My leer is nie myne nie, maar van Hom wat My gestuur het. ¹⁷ As iemand gewillig is om Sy wil te doen, sal hy aangaande die leer weet of dit uit Yahuwah is, en of Ek uit Myself spreek.

Hier onderskei Yahushua homself van Yahuwah. Hy sê dat die leerstellings óf van Yahuwah óf van homself kom. Dit is belangrik om te beklemtoon dat die man van Nasáret homself nie ingesluit het in die “God” kategorie nie. Indien Yahushua, “God” is, sou hy noodwendig homself ingesluit het. Maar omdat Hy nie Yahuwah is nie, sê Hy tereg aan die menigte dat die lesse nie syne is nie, maar Yahuwah s`n.

Die Vader Het Die Seun Geleer Wat Om Te Sê

Tenspyte van wat Allen en ander geleerdes sê, was Yahushua deur die Vader geleer. Ongetwyfeld, het die Puik Meester `n Meester gehad:

Johannes 8:27-28 Hulle het nie verstaan dat Hy met hulle van die Vader gespreek het nie. ²⁸ En Yahushua sê vir hulle: Wanneer julle die Seun van die mens verhoog het, dan sal julle weet dat dit Ek is; en uit Myself doen Ek niks nie; maar net wat My Vader My geleer het, dit spreek Ek.

Toe het Yahuwah Yahushua beveel om die woorde te spreek wat Hy Hom gegee het:

Johannes 12:48-50 “Wie My verwerp en My woorde nie aanneem nie, het een wat hom oordeel: die woord wat Ek gespreek het, dit sal hom oordeel in die laaste dag.⁴⁹ “Want Ek het nie uit Myself gespreek nie; maar die Vader wat My gestuur het, Hy het My `n gebod gegee wat Ek moet sê en wat Ek moet spreek.⁵⁰ “En Ek weet dat Sy gebod die ewige lewe is. Wat Ek dan spreek – net soos die Vader vir My gesê het, so spreek Ek.”

Hoe is dit dat God die Woord nie sy eie woorde gespreek het nie? Kan dit wees dat Yahushua nie God is nie? Drie-enigheid geleerde en skrywer A.W. Tozer, maak hierdie punt onopsetlik wanneer hy sê dat God nie geleer kan word nie:

Om te sê dat God alwetend is, is om te sê dat Hy volmaakte kennis besit en het daarom nie behoefte om geleer te word nie. Maar dit is meer: dit is om te sê dat God nooit geleer het en nie kan leer nie. Die Skrifte leer dat God nooit van iemand geleer het nie… Daarvandaan is dit net een tree tot die gevolgtrekking dat God nie kan leer nie. Kan God enige tyd of in enige manier binne-in Sy eie kennis ontvang wat Hy nie besit nie en nie van die ewigheid besit het nie.Hy sou onvolmaak wees en minder as hyself. Om te dink aan `n God wat sou sit aan die voete van `n leermeester, selfs as daardie leermeester `n seraf of `n aartsengel moet wees, is om te dink aan iemand anders as die Aller Hoogste God, Skepper van die hemel en aarde.⁹

Maar nogtans sê Yahushua dat Yahuwah die Vader hom geleer het wat om te sê. Yahushua is nie Yahuwah nie. Inteendeel, is hy die dissipel van Yahuwah wie gehoorsaam was tot aan die dood selfs onder uitermate vervolging:

Jesaja 50:4-6 Die Here YAHUWAH het My `n geoefende tong gegee, dat Ek kan weet om die vermoeide te verkwik met woorde; Hy wek elke môre, Hy wek My oor om te hoor soos die leerlinge. ⁵ Die Here YAHUWAH het My oor geopen; en Ek was nie wederstrewig nie; Ek het nie agteruitgewyk nie. ⁶ Ek het My rug gegee vir die wat slaan, en My wange vir die wat die hare uitpluk; my aangesig het Ek nie verberg vir smaadhede en bespuwing nie.

Gevolgtrekking

Tenspyte van Yahushua se herhaalde aankondiging dat sy leringe nie sy eie was nie, dring tradisie aan in die aanspraak dat hulle is. In plaas daarvan om Yahuwah die Vader krediet te gee vir die woorde van die lewe, hou moderne ortodoksie vol dat Yahushua se diepgaande waarhede uit homself is omdat hy God is. Dit is tyd om tradisionele geloofbelydenisse te herondersoek in die lig van wat Skrifte eintlik sê en saamstem dat Yahushua, die Puik Meester, `n Meester Gehad het.

¹ John 7:40-43, ens.

² The Scribes, accessed 3-13-20, https://bible.org/seriespage/7-scribes#P2_324

³The Interpreter’s Bible, New Testament Articles, Matthew and Mark, page 335. Quoted in Characteristics of Jesus as a Teacher, accessed 3-10-20, https://likeateam.com/9-characteristics-of-Jesus-as-a-teacher/

⁴ Ray Pritchard, “Why Was Jesus Called ‘Teacher?'” accessed 3-10-20, https://www.christianity.com/Jesus/is-Jesus-God/names-of-Jesus/why-was-Jesus-called-teacher.html

⁵Johannes 6:63, 68.

⁶ Ann Spangler and Lois Tverberg, Sitting at the Feet of Rabbi Jesus, (Grand Rapids, MI: Zondervan, 2009), p. 171.

⁷ Christ Was Taught Directly by Yahuwah the Father, accessed 3-12-20, https://www.cbcg.org/franklin/SA/SA_taughtbyGod.pdf

⁸ Frank G. Allen, Autobiography of Frank G. Allen, Minister of the Gospel, as quoted in Christ the Great Teacher, accessed 03-12-20, https://biblehub.com/library/allen/autobiography_of_frank_g_allen_minister_of_the_gospel/vi_christ_the_great_teacher.htm

⁹ A. W. Tozer, The Knowledge of the Holy, hoofstuk 10 (HarperCollins, 1961).

Hierdie is `n nie-WLC artikel. Bron: https://oneGodworship.com/Jesus-the-great-teacher-had-a-teacher/

Ons het al die paganistiese name en titels van die Vader en Seun uit die oorspronklike artikel gehaal en dit vervang met die oorspronklik gegewe name. Verderaan, het ons uit die Skrifte aangehaal al die name van die Vader en Seun, vervang soos dit oorspronklik deur die geïnspireerde skrywers van die Bybel geskryf is – WLC Span