Twaambo Tuli 30 Ime Ncesyoma Kuti Kunyina Bulelo bwa Myaka iili Cuulu

Mubbuku lya mutwe wakuti Kingdom Come: The Amillennial Alternative, Ime ndikosozya makani kwiinda mukupandulula ceeco ncenga ndaamba kuti nkaambo kakubungilila kutasyoma kuti kunooli bulelo bwa kujulu anyika mu myaka iili cuulu. Aaka “kaambo kakubungilila” kajisi twaambo tuli 30 tupandulula lusyomo lwakuti kunoonyina bulelo anyika mu cuulu ca myaka ncoluli lusyomo lwiinda kuvwikisya, a kujanwa mu Bbaibbele atalaa nzila zyoonse. Mucibalo eeci, Ime ndaleta antangalala twaambo tuli 30.

(1) Lusyomo lwakuti takukabi bulelo anyika mu myaka iili cuulu lujisi tumpango tunji oomo kulangila kwa bushinshimi buna Isilayeli mokutondezyegwa kuti kuyoozuzikwa mu muntu amu mulimo wa Yahushua Messiah abasyomi basyaalizi, bantu ba mubili wakwe, iCikombelo. Kwiimpanya ku misyobo ya lusyomo lwakuti zishinshimi zyaazuzikwa kale abunji bwa lusyomo lwakuti bulelo buyooba kacitaninga sika cuulu ca myaka, kuzuzikwa kwa cizuminano mu Cizuminano Cakale takujanwi mu kuyakulula cisi, nokuba mu bulelo bwa Isilayeli wa ncobeni, nokuba mu bulelo bwaanyika bwa myaka iili 1000, pele mu Mwami lwakwe abantu bapya ba cizuminano cakwe, bantu ba Cikombelo a Isilayeli uusyomeka ookwa Yahuwah. Eezyo “zisyomyo zyaasyomezyegwa kuli Abulahamu abalunyungu lwakwe . . . . uuli ngo Messiah. . . . Alimwi ikuti yebo kozululwa kuli Messiah, nokuti uli lunyungu lwa Abulahamu, uyookona kweendelanya acisyomyo” (BaGalatiya 3:16, 29).

(2) Lusyomo lwakuti kunyina bulelo bwa myaka iili cuulu lupandulula kapati eeyo nzila bashinshimi ba Cizuminano Cakale mbubaali kukanana zya kumbelaa mazuba kubelesya mikonzyanyo amizeezo njibaakweleta kuzwa akataa buleya antunsiyansiya twaanyika, eezyo nzintu nzibaazyibide antoomwe abaabo bakali kubala. Mumajwi amwi, bakali kwaambilizya bulemu bwa ncobeni bwa milimo ya bupaizi yokwa Yahuwah mumajwi aakuyungizya atala naa kwiindilizya cili masimpe mumazubaayo. Oobo bulemu bwa kumbelaa mazuba buyoosika, kutali mumusela uuli akataa kuboola kwabili kwa Messiah akutamani, pele aakale, a Nyika Mpya aawo basalali mpobanookkala.

(3) Lusyomo lwakuti kunyina bulelo bwa myaka iili cuulu ndolupandulula kabotu mikonzyanyo iijanwa mu Mangwalo, kweendelanya a bantu bamu Cizuminano cakale azintu zyaacitika zitondezya kumaninizya bwinibwini mu kuzuzikwa kwa mikonzyanyo eeyo. Eeci kapati ncecilibonya munzila eeyo Yahushua mbwatondezyegwa kuti walo nkokuzuzikwa bwinibwini kwa mikonzyanyo ya Cizuminano Cakale.

(4) Eelyo Cizuminano Cakale nocaamba kumaninizya kulengulula malengelo ookwa Yahuwah, kunyina nocijatikizya kwaamba musela wa myaka iili 1,000- eeyo iisolweda musela uutamani. Kunze lyaboobo cigaminide Majulu Mapya a Nyika Mpya (Izaya 65:17-22; 66:22), eezyo zyeendelana a ceeco ncotubala mu Cizuminano Cipya amwalo (Ciyubunuzyo 21-22). Eeci, aboobo, ncencico cini lusyomo olu ncoluzuunyene kwaamba.

(5) Lusyomo lwakuti kunyina bulelo bwa myaka iili cuulu lupa busanduluzi bwiinda kusindingana akubulungana bwa mvwiki zili makumi ciloba zya Daniele 9, eezyo nzitwaabona kazikwelelezya mukonzyanyo wamu lwiiyo lwa buleza, nkokuti, muntu a mulimo wa Yahushua, Yahuwah uyoobeleka kuleta musela wamamanino wa kulyookezya mu mulimo wa kunununa. Ikkuimi lya makunga aamakumi osanwe aamyaka (nkokuti, myaka iili 490 nokuba mvwiki zili 70) aboobo, mukonzyanyo wa mulimo wa bulemu bwa kujulu wa kunununa, kumagolelo aa ciindi ca kulyookezya citeeli alimwi cilondokede nkociyoolibonya: ku Majulu Mapya a Nyika Mpya.

(6) Ime ndajana akuti oolu lusyomo lwakuti kunyina bulelo bwa myaka iili cuulu ncintu ciinda kugwasyilila kumvwisyisya musela wa kunununwa nkaambo lwalo lulikke ndoluzubulula magolelo aa lufu lwa bantu aciindi ca Kuboola Kwabili kwa Messiah. Lusyomo lwakuti kunooli bulelo anyika kacitaninga sika cuulu ca myaka lulalezya aawa nkaambo lwaamba kuzumanana lufu kaciindide ciindi ca kuboola kwa Messiah, eelyo nokweelede kuba kuti lufu “luyookomwa mu kuzundwa” (Izaya 25:7-9; 1 Bakolinto 15:52). Paulu ulisalazyide kapati akugaminina kuganta kutwaambila kuti mamanino aakupenga koonse akufwa kwa mubili ayoocitika aciindi ca kuzyokela kwa Messiah akubuka kwa mubili kuzwa kubafu. Aciindi eeco, mbwaamba Paulu, Izaya 25:7-9 uyoozuzikwa. A kuboola kwa Messija kwabili, mbwaamba mwaapositolo, “Lufu luyoozundwa.” Kunyina lufu lukonzya kucitika kwanokwiindide Kuboola Kwabili. Ikuti nilwali kukonzya kuba, Paulu inga naakalubila mukwaamba kuti lufu luyoozundwa mu kukoma, mu kuzuzika Izaya 25, aciindi ca Kuboola Kwabili.

(7) Pele, akumwi kuyumya lusyomo lwakuti kunyina bulelo bwa myaka iili cuulu lujanwa mu kuzuzika Izaya 25:8, oomo motwaambilwa kuti bumwi buzuba Yahuwah “uyoosansamuna misozyi munyika yoonse,” eeco cishinshimi ceendelana aa Ciyubunuzyo 21:1-4 cisikila mpoceela eelyo Majulu Mapya a Nyika Mpya yaa kulengwa. Cintu cipa kuti eeco cigwasyilile lusyomo oolu ncakuti Paulu waamba Izaya 25:7-9 kuti uyoozuzikwa aciindi ca Kuboola Kwabili (1 Bakolinto 15:50-55). Kaambo keni, mumajwi maubauba, nkakuti Majulu Mapya a Nyika Mpya “ziboola” leelyo Messiah naboola, kumamanino aamusela, kutali kakwiindide myaka 1,000 aakale.

(8) Kaambo kajatikizya ceeco nkakuti lusyomo lwakuti kunyina bulelo bwa myaka iili cuulu lulikke ndolweendelana a kuyiisya kwa Cizuminano Cipya kuti zilengwa leza ziyoonununwa kuzwa kukusinganyigwa akunjila mu “kunununwa,” antoomwe a “kunununwa” kwa mibili yesu, aciindi ca Kuboola Kwabili kwa Messiah (BaLoma 8:18-23). Lusyomo lwakuti bulelo bwa myaka iili cuulu buboola kacitaninga sika cuulu ca myaka bulalezya alimwi nkaambo mulusyomo oomo nyika iciyandika kunyonyoonwa aa nkondo, cibi alufu. Aabo basyoma kuti bulelo bwa myaka iili cuulu buyooba kacitaninga sika cuulu ca myaka aboobo beelede kusyoma akuti kulengulula zilengwa leza akuzyaangulula kuzwa mubuzike bwa kunyonyoonwa takukacitiki, mbokwaambwa mumajwi aabo, kusikila myaka 1,000 kaboolede Messiah.

(9) Lusyomo lwakuti kunyina bulelo bwa myaka iili cuulu luleendelana kapati a kuyiisya kwa Cizuminano Cipya (2 Petulo 3:8-13) kuti Majulu Mapya a Nyika Mpya ayootalisyigwa aciindi ca kuboola kwabili kwa Messiah, kutali kakwiindide myaka 1,000 kuzwa waawo. Basyomi ba musela wa lino “balalindila akubinzya buzuba bwa Yahuwah buboola,” ooko nkokwaamba kuti balo “balindila majulu mapya a nyika mpya oomo bululami mobukkede” (2 Petulo 3:12-13). Eeci ncecintu ncotutonkomene mu bulangizi bwesi, kutali musela wa myaka 1,000- oomo kutalulama mokuciliko.

(10) Lusyomo lwakuti kunyina bulelo bwa myaka iili cuulu ndupati kwiinda lusyomo lwakuti bulelo buyooba kacitaninga sika cuulu ca myaka nkaambo oolu lusyomo lwabili lukwelelezya muntu kuti asyome kuti banalumi abamakaintu batasyomi bacinolaa ciindi ca kusanduka kuboola kukusyoma Messiah mu myaka iili 1,000 kaboolede kale. Lusyomo lwakuti kunyina bulelo bwa myaka iili cuulu lulikke luyumya kasimpe ka Cizuminano Cipya kuti bulangizi bwa lufutuko buyoogola aciindi ca Kuboola Kwabili kwa Messiah. Ciindi cibotu cakutambula buumi buteeli nceecino, mumusela wa cikombelo uuno, kataninga sika Messiah, kuleka aakale, mumusela wa myaka iili cuulu, kaboolede kale Messiah.

(11) Lusyomo lwakuti kunyina bulelo bwa myaka iili cuulu lulikke ndolweendelana a kuyiisya kwa Cizuminano Cipya kwakuti kubusyigwa kuzwa ku bafu kwa batasyomi kuyoocitika aciindi ca Kuboola Kwabili kwa Messiah, kutali kayiindide myaka 1,000 iitobela bulelo bwaanyika. Aboobo, kusyoma kuti kunyina bulelo bwa myaka iili cuulu kulisalazyidwe muli Johane 5:28-29 oomo Yahushua mwaakaamba kuti lilaboola “iwoola” eelyo nokuyooba kubusyigwa kuzwa ku bafu kwa basyomi abatasyomi munyika yoonse. Kusyoma kuti kunooli bulelo bwaanyika kacitaninga sika cuulu ca myaka kweelede kusekkelela myaka 1,000 akataa kuboola kwabili a myaka iili cuulu.

(12) Cimwi cijatikizya kaambo kainda atala ncakuti kusyoma kuti bulelo buyooba kacitaninga sika cuuly ca myaka nkusendekezya kuti aabo batasyomi tabakabetekwi kusikila myaka iili 1,000 kasikide kale Messiah. Pele 2 Batesalonika 1:5-10 baamba kuti “aabo batamuzyi Yahuwah” alimwi “batateeleli mulumbe mubotu wa Mwami wesu Yahushua . . . bayoopenzyegwa cisubulo ca kufwidilila kukabe kutamani . . . eelyo walo [Messiah Yahushua] aakuboola mubuzuba oobo kuzyoopa bulemu ku basaante bakwe akukkomaninwa akataa boonse aabo bakamusyoma” (2 Batesalonika 1:8-10a; ndasinizya; langa amuli Mateyo 25:31-46).

(13) Lusyomo lwakuti kunyina bulelo bwa myaka iili cuulu lulikke lulakkwanya ncaakaamba Paulu kuti “muntunsi uulaa mubili wa nyama takonzyi kukona bwami bwa kujulu bwa Yahuwah” (1 Bakolinto 15:50-57). Kusyoma kuti bwami bwa kujulu bunooli kacitaninga sika cuulu ca myaka alimwi kulaalilwa aawa nkaambo kusumpya kupona kwa batasyomi abasyoma antoomwe alimwi kabacilaa “mibili ya nyama,” mu bwami bwaanyika kakwiindide kuboola kwabili.

(14) Bupati bwa lusyomo lwakuti kunyina bwami bwakujulu anyika mu cuulu ca myaka atalaa lusyomo lwakuti bulelo bwakujulu bunooli anyika kacitaninga sika cuulu ca myaka mbwakuti, tabupengi kubambulula penzi lya cicitika kuli baabo bakafwa muciindi ca bulelo bwakujulu anyika aano. Oolu lusyomo talusendekezyi cintu citakonzyeki (naa cigambya) oomo mokunga kwaba zyuulu zyuulu zya kubuka kuzwa ku bafu kwa muntu omwe-omwe kutobela kuboola kwabili kwa Messiah, nokuba, kuti eeco cakakwa, muzeezo wakuti aabo bafwa muli Messiah munzila imwi banooli bazumi kabatakwe mibili mubusena bumwi munsi lya Mufutuli wabo kakuli walo abaabo bamusyoma bakabusyigwa kuzwa ku bafu kabapona akulela anyika. Hena nga masimpe ngoliyiisya Bbaibbele kuti mu bwami bwa Messiah anyika kunooli myaanda-myaanda ya zyuulu (zyuulunzuma?) zya basyomi bafwide aabo baniku babama munsi lyakwe, kabayilingana kusangana abaabo bacilaa mibili batasyomi, antoomwe abaabo balaa mibili basyoma, antoomwe ababusyidwe kuzwa kubafu bapedwe bulemu bwa kujulu na? Mbuli mbutwabona kale atalaawa, ooyo uusyoma kuti bulelo buyooba kuutaninga sika musela wa myaka iili cuulu, kakwiina ciguminizya Mangwalo, ngwakuti inga kakuyooba makunga aataambiki aakubusya muntu aciindi cakwe omwe omwe mu musela wa myaka iili cuulu eelyo basyomi nobanoofwa mu mubili wanyama, kabatobelana umwi a wumwi

(15) Lusyomo lwakuti kunyina bulelo bwa myaka iili cuulu luleelela kwiinda muzeezo uuli woonse uuyiisyigwa mu Cizuminano Cipya kuti kuyakulula Isilayeli ooko kwaashinshimwa, kulazuzikwa mu Cikombelo, mu Isilayeli wamasimpe ookwa Yahuwah (Ime ndijisi tumpango tumwi mumuzeeo mbuli bwa Mateyo 8:10-12; 24:31; BaLoma 9 25-26; Ciyubunuzyo 2:17; 3:9; 7:15; a 21:14). Nokuba banji bakali kusyoma kuti kunooli bulelo bwakujulu anyika kuutaninga sika musela wa myaka iili cuulu abalo balazuminizya kasimpe aaka, bakalipatide bwa kusandulula cimvwika nokuba cilaa maanu ncokunga kwaakuba nibuba bulelo bwa kujulu anyika kaciindide cuulu ca myaka.

(16) Kubala kabotu-kabotu Milimo 15 akwalo kuyumya kasimpe kakuti kunyina bulelo bwakujulu anyika. Mukampango aaka tubona kuti kuyakulula civwuka (naa civwuka cakupailila) cokwa Davida takwaambilizyi kuyobolola mukowa uuna Isilayeli kakwiindide kuboola kwabili a myaka iili cuulu, pele kwaamba kubuka kuzwa kubafu akusumpula Yahushua acuuno cokwa Davida akubunganya basalali, mumusela wa cikombelo uuno, kuzwa akataa bantu bamasi.

(17) Lusyomo lwakuti kunyina bulelo bwa myaka iili cuulu lubikkila maanu ku BaHebulayo 11. Oomo Abulahamu, Isaka, a Jakobe baambwa kuti bakazuunyana mu lusyomo, “bakalizi kuti ansi aano bakali beenzu buyo batakkalilili” (BaHebulayo 11:13), ciindi coonse bakali kulangila “munzi ooyo wakalaa musemo, ooyo wakuupunga amuyaki wawo ngu Yahuwah” (11:10; cf. 11:16). Ooyo munzi, ncobeni, ngu Jelusalema Mupya. Bakapona kabalangila cisyomyo kuti ciyoozuzikwa “mu cisi ciinda kubota, eeco, cakujulu”, eeco ceelede kwiiminina Nyika Mpya. Cilisalede, aboobo, kuti naba Abulahamu abamatatanyina bakaliteelede kuti cisyomyo ca Cizuminano Cakale ca nyika tacikazuzikwi munyika yamazubaano pele mu Nyika Mpya, ya cisi ca “kujulu” eeyo Yahuwah njaakabambila mbabo.

(18) Lusyomo lwakuti kunyina bulelo bwa myaka iili cuulu lulabikkila maanu amumalembe aa bbuku lya Ciyubunuzyo. Oomo tujana mulazyo wa ciinduluko, naa kuyaa kweendelanya, oomo musela waciindi ngweenya (musela wa cikombelo, nguuli akataa ziindi zya kuboola kwa Messiah zyobile) ulipanduludwe munzila ziindene pele zyeendelana. Ikuti mulazyo wa kwiinduluka kuukonzyeka aawa, mbuli mbwesyoma Ime kuti ulakonzyeka, muzeezo wakubala Ciyubunuzyo kubee ciciyoozuzikwa kumbelaa mazuba inga wadyakaizyigwa. Ncobeni, ikuti ooyu mulazyo kuuli masimpe, Ciyubunuzyo 20:1-10 ceelede kusandululwa aanga kwiinduluka musela uuno wa cikombelo kuleka kutobelezya bweende bwa misela a kujatanya ku kuboola kwabili kwa Messiah mbuli mbokupanduludwe mu Ciyubunuzyo 19.

(19) Lusyomo lwakuti kunyina bulelo bwa myaka iili cuulu lumvwika kubaa maanu kapati munzila iilembedwe Ciyubunuzyo a mulaka wa mikonzyanyo mu caandaano 20. Kubala caandaano eeci mumuzeezo wakuti kunooli bulelo bwakujulu ansi kuutaninga sika musela wa myaka iili cuu kupyopyonganya mukonzyanyo wa kwaangwa kwa Saatani.

(20) Lusyomo lwakuti kunyina bulelo bwa myaka iili cuulu luleelela kapati kusandulula kwaangwa kwa Saatani mu Ciyubunuzyo 20:1-3. Mukwiimpanya kumuzeezo wa bulelo bwa kujulu kuutaninga sika musela wa myaka iili cuulu, kwaangwa kwa Saatani takunooli mumulengalenga woonse, mbwaanga mumusela wa “myaka iili 1,000” walo uyoolesyegwa kucita cili coonse. Kunze lya boobo, uyoolesyegwa kuzumanana kuyambukizya koofwaala mu moza ku masi akubanjizya mumusinze wa kubula mulumbe mubotu. Walo uyoolesyegwa akusungilizya nyika yoonse kulwana cikombelo eeco ncotuzyibide kuti ni nkondo ya Amagedoni.

(21) Lusyomo lwakuti kunyina bulelo bwa myaka iili cuulu lulikke inga lwapandulula Saatani ncayelede kutaanguna kwaangwa. Kweendelanya aa muzeezo wakuti kunooli bulelo bwakujulu kuutaninga sika musela wa myaka iili cuulu, kumvwidwe kuti Saatani uyoolesyegwa kweena masi eeni aayo kumagolelo aa Ciyubunuzyo 19 aakazundwa akujayigwa kale akuboola kwa Messiah. Mumajwi amwi, eeci tacimvwiki kuba ca maanu kwaamba kuvwuna masi kuzwa kukucengwa aa Saatani mu 20:1-3 kaciindide ciindi naacengedwe kale aa Saatani (16:13-16; cf. 19:19-20) akunyonyooonwa ku kuboola kwa Messiah (19:11-21; cf. 16:15a, 19).

(22) Lusyomo lwakuti kunyina bulelo bwa myaka iili cuulu mbolulanganya Ciyubunuzyo, cilikke eeco ncecilaa maanu kweendelanya nkondo ya Ciyubunuzyo 16, 19, a 20. Ooku kweendelana kuliyungizyidwe eelyo notulanga mukonzyanyo uupedwe muli Ezekiya 39 ooyo 6 weelene a nkondo ya Gogu a Magogu iibelesyedwe kupandulula nkondo ya Ciyubunuzyo 19:17-21 ankondo iili mu Ciyubunuzyo 20:7-10. Cilisalede kuti, eezi zyobile ninkondo yomwe njeenya, iizyibidwe zina lyakuti Armageddoni, eeyo iikukulula kuzunda basinkondonyina ba Yahuwah aciindi ca Kuboola Kwabili kwa Messiah. Eezi nkondo zilisalizyidwe kabotu kuti tazili nkondo zyobile zyaandeene kulaale kwa myaka iili 1,000 ya musela wa cuulu ca myaka. Zyoonse eezi zilaambidwe mumajwi aamba kuti “inkondo” (19:19; mbuli mboobona kale mu 16:14, 16; cf. 20:8). Ndeenya lini bbala lyaci Giliki lyakuti “inkondo” (ton polemon) ndelibesyedwe mutumpango totatwe toonse (Ciyubunuzyo 16:14; 19:19; 20:8). Ncobeni, mukampango 16:14 a 20:8 nkeenya kaambo kalilembedwe kuti “kubabungayila kuya ku nkondo” (sunagagein autous eis ton polemon).

(23) Lusyomo lwakuti kunyina bulelo bwa myaka iili cuulu ndolwiinda kupandulula BaHebulayo 12:26-28 oomo mokuli biyo ciindi comwe cakunyonyoona akulengulula mulengalenga (kuswaangene aa kuboola kwa Messiah kwabili, lubeta kwa masi, a kulengulula Majulu Mapya a Nyika Mpya), kutali nkondo zyobile pe (mbuli mbokuyandika mulusyomo lwakuti kuyooba bulelo bwakujulu anyika kakutaninga sika myaka iili cuulu; bomwe aciindi ca kuboola kwabili alimwi bomwe kumagolelo aa bulelo bwa myaka iili cuulu).

(24) Lusyomo lwakuti kunyina bulelo bwa myaka iili cuulu lumvwika kubaa maanu nkaambo ka mweelwe wa “1,000” mu Ciyubunuzyo 20. Mutumpango tumwi “cuulu comwe” tacaambi kugozya kubalila nsaamuzi. Eeci cili masimpe nokuba kuti kampango kakatali kakaindi kasyoonto (Intembauzyo 50:10; Lwiimbo lwa Solomoni 4:4; Joshua 23:10; Izaya 60:22; Ciibalusyo 1:11; Jobo 9:3; Mukambausi 7;28), nokuba mukwaamba aanga mikonzyanyo, nokuba kuyungizya, nokuba kuba kwa ciindi cigola (Ciibalusyo 7:9; 1 Makani 16:15; Intembauzyo 84:10; 90:4; 105:8; 2 Petulo 3-8).

(25) Lusyomo lwakuti kunyina bulelo bwa myaka iili cuulu lulanganya kweendelana akataa kampango ka Ciyubunuzyo 20:1-6 a Ciyubunuzyo 6:9-11. Ciyubunuzyo cipandulula bweende bwa baabo bakanyongolwa mitwe nkaambo ka jwi lya bumboni bwabo mucibaka ca Messiah. Aboobo, mbweenya, Ciyubunuzyo 20 citondezya bweende bwa “miiya” yakanyongolwa mitwe mukaambo ka bumboni bwabo kuli Messiah. Kwaamba munzila ngubauba, muzeezo wakuti kwiina bulelo bwa kujulu anyika mu cuulu ca myaka kulalibonya mutumpango tobile ootu akusalazyigwa bwinibwini.

(26) Lusyomo lwakuti kunyina bulelo bwa myaka iili cuulu lulikke ndolweendelanya Ciyubunuzyo 20:1-6 a Ciyubunuzyo 2:10-11. Kampango kabili, kakulwaizya baabo bayoojaigwa. Beelede kusyomeka kusikila ku lufu. Mbube Messiah uyoobapa “mushini wa buumi.” Mbweenya buyo, mu Ciyubunuzyo 20 aabo bafwa nkaambo ka bumboni bwabo bayoopegwa “buumi” antoomwe a Mwami wabo mumyaka iili cuulu. Aaka kasimpe kaliyumizyidwe mukuti aawa mu caaandano 2 alimwi amucaandaano 20 kwaambidwe “lufu lwabili,” oolo basyomeka bayoojaigwa mobayoovwunwa.

(27) Cimwi ceendelana akasimpe kali mu Ciyubunuzyo 3:21 aabo baliyumyayumya muciindi ca kupenzyegwa a “kukoma” naa “kuzunda” baambwa kuti bayookkala akulela aa Messiah acuuno cakwe. Eeci cini ncecaambwa baabo bajailwa bukamboni mu Ciyubunuzyo 20. Balaletwa ku buumi akulela antoomwe a Messiah kwa myaka iili cuulu.

(28) Lusyomo lwakuti kunyina bulelo bwa myaka iili cuulu lulikke ndolubelesya bbala lyakuti “zyuuno zya bwami” mu Ciyubunuzyo 20:4. Eeli bbala, mu Ciyubunuzyo amumasena aamwi mu Cizuminano Cipya, litonkomene kwaamba zyuuno zya bwami bwa kujulu, kutali zyaa nyika. Eezi zyuuno zya bwami zili mu musela wa myaka iili cuulu eelyo basyomeka bakajaigwa nobayoolela akukkala antoomwe a Simalelo, Mufutuli, a Mwami wabo Yahushua.

(29) Lusyomo lwakuti kunyina bulelo bwa myaka iili cuulu lulikke ndolupandulula ncokuyandika bbala lya “kutaanguna” mukusandulula “kubuka kuzwa ku bafu.” Kuvwuntauzya kapati ncocaamba kufumbwa caambwa kuti kutaanguna nokuba cakaindi cijatikizya bweende bwaanyika cino ciindi, ooko nkokwaamba kuti, nyika iyaa kusanduka, kwa ciindi cisyoonto, alimwi kiitalondokede. Kunze lya boobo, kufumbwa cabili nokuba cipya cijatikizya nyika iiboola, kubantu baanyika eeco ncintu citeeli, cikkwene, alimwi cijatikizya zintu zyoonse ziteeli. Ibbala lyakuti kutaanguna aboobo talili bbala lyaamba kubala mundando wa zintu zikonzyene bubambe. Kunze lya boobo, kufumbwa bbala lya kutaanguna nolibelesyegwa antoomwe a lyabili nokuba lyatatu, kuli muzeezo wa kweezyekanya zintu (kutali buyo kundandamika mbozitobelana). Kuba cakutaanguna nkujatikizya bweende bwa ciindi cino, kwa ciindi cisyoonto, mu nyika iiyaa kucinca. Kufumbwa cakutaanguna tacijatikizyi bubambe nokuba kumaninizya musela uuciboola kumbelaa mazuba. Aboobo “kubuka kuzwa ku bafu” nkusandulula buumi busolweda kumaninizya cibeela cimwi, ooko nkwaamba, buumi mu ciindi ciyaa kucinca.

(30) Camamanino, mulazyo uuzyibidwe kuti Analogy of Faith upegwa mulemeko mu nzila ya kusyoma kuti kunyina bulelo bwa kujulu mu myaka iili cuulu. Eelyo nobabuzyigwa kuti basindinganye kakwiina kuleyaleya Bbaibbele kupandulula bulelo bwa cuulu ca myaka, aabo basyoma kuti bulelo bwa myaka iili cuulu buyooba kiitaninga sika myaka iili cuulu batondeka ku Ciyubunuzyo 20, alimwi ku Ciyubunuzyo 20 luzutu. Pele mbuli mbutwabona kale, Ciyubunuzyo 20 tacizuunyene nokuba kulubizya mukuyiisya bulelo bwa myaka iili cuulu. Kuyungizya waawo, kunyina kampango komwe luzutu kaamba mukukonzyanisya nokuba kweezyekanya munzila njumu keelede kwaatula (nokuba kudyakaizya) bumboni bwa tumpango tunjaanji munzila ya kufundisya akweelekanya makani aalulamikidwe. Lino kubikka kaambo aaka mbuli mubuzyo: Hena twaambo tuli mumabbuku amwi aa Cizuminano Cipya tujatikizya mundando wa mamanino aaciindi (munzila yakuliyandila naa caali) tulesya muzeezo wa bulelo bwa kujulu kaciindide cuulu ca myaka mu Ciyubunuzyo 20 na? Ime ndilimvwide kuti eeci ceelede kwiingulwa munzila ya kuzumina.

Kukazya kwangu takuli kwakuti tumpango tuli mumagwalo aana Paulu, Johane, a Petulo tusiila kumbali musela wa bulelo bwa kujulu kaciindide cuulu ca myaka. Ikuti aako nikali nkakaambo, nkokuti cimvwika kuba cintu ca maanu kuti tweezyeka tumpango ooto ku Ciyubunuzyo 20, kupa busena, mbuli mbocibede, tumpango ooto mu Ciyubunuzyo. Pele ooto tumpango inga twaswaanganyigwa antoomwe amuzeezo wa bulelo bwa myaka iili cuulu. Ootu tumpango tulisalazyide kulibonya kubaa maanu mukusiya ambali bulelo bwa musyobo ooyo. Kukazya kwangu kubelesya Bulelo Buboola kuzubulula Ciyubunuzyo 20 akuti kuyooba bulelo kacitaninga sika cuulu ca myaka nkukazya cilasalizyidwe alimwi citakwe kudonaika mu tumpango mbuli bwa Johane 5, 1 Bakolinto 15, BaLoma 8, 2 Batesalonika 1, BaHebulayo 11, a 2 Petulo 3.

Muciindi ca kubala tumpango ooto kwiinda mu nsefwa ya Ciyubunuzyo 20, Ciyubunuzyo ceelede kubalwa munzila ya tumpango ootu. Kusandulula tumpango twa mangwalo ca busongo kweelede kututozya kukusandulula comwe comwe cisisidwe mu mumuni wa mubunji kakwiina ca kudonaika. Kubamba Cizuminano Cipya (kutaamba Cizuminano Cakale) kuti cicengamine ku kampango komwe munzila yakukazya, ya mikonzyanyo, alimwi mu kumvwana kwa basicikolo mu bbuku liinda kukatazya kumvwisya mu Bbaibbele, tiili nzila ya kusandulula mangwalo iikonzya kutembaulwa. Tatweeelede kuzumizya mucila omwe wa ziindi zya mamanino kuti uzumbaanye mubwa woonse wa malembe aa baapositolo! Swebo tweelede kusinikizya Mangwalo woonse kuti ayendelane aa Ciyubunuzyo 20.

Eeci ncibalo citali ca-WLC cakalembwa aaba Sam Storms.

Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina aa Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC