|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano ya milimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu kuTusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkako tulavwuntauzya kufumbwa nkokakonzya kujanwa. |
Nceeci yebo ncoyelede kwaambila mwaalumi naba mwanakazi uufumba bulamfu…
Yebo wakanyonyoonwa kaakwiina kuliyandila; wakanyonyoonwa kwiinda mu mwiiminizi wa bantu mutaanzi. Pele alimwi wakanununwa kakwiina kukumbila cintu eeco. Tiiwakali mulandu wako awalo ooyo pe. Mufutuli naakaboola, wakabweza cinyonyoono cako coonse, akulondola mulawo cabunkutwe mubuumi bwakwe, wakakunununakuzwakukusotokamulawoooyokwiinda mu lufulwakwe, abooboakululamikanyika.
Yebo wakafutulwa aciciingano. Hena ulazumina eeco na? Yebo wakanununwa aciciingano, mu mulawo. Ulilulamikidwe. Hena ulazumina eeco na?
Yahuwah nguupa muya wakuyoya; swebo tweelede kuyoya muya ooyo. Yahuwah nguupa zuba, nokuba kuti tulakonzya kuyusa muzimvwule kuzwa kulindilyo. Eelyo notufunya meso eesu kuti tutatoogwi zuba, meso eesu ndisakalamenti lya buzangi. Swebo tulakonzya kuvwumba meso eesu kuti katuyanda kusinkila kasimpe kokwaYahuwah.
Aboobo, twaambila mweenzuma uufumba bulamfu kuti, kolanga, toonse twakalinyonyookede alimwi kunyina niwakali mulandu wesu eelyo bazyali besu bataanzi nibakasala kunyansya, eelyo nibakasweekelwa Muya Uusalala uukkalilila mumoyo, cakuti swebo tuzyalwe katutakwe Moza. Aboobo, tulazyalwa katuli babisyi, katupilingene, kupilinganina limwi kwiinda kajuzyo kakujuzya bbodela.
Kuli biyo mbungano zyobile zya bantu munyika, babisyi balaa bulemu ababisyi batakwe mulemeko. Aaba njemisyobo ya bantu ilikke yobile bali munyika. Pele twakanununwa a Mwiiminizi wesu Wabili kakwiina kukumbila eeco. Walo wakakulikwa milandu yesu yoonse akwiilulamika, cakuti lino nyika yoonse ililulamikidwe mu mulawo. Mboobu mbocilembedwe – “kulazida bantu boonse lululamiko lwa buumi.”
Eeco tacaambilizyi kuti bantu boonse balifutukide pe. Ime ndeelede kuzumina cintu eeco. Zimwi ziindi swebo tatuyandisyi kutambula cipego eeco; tuyandisya kulicitila zyesu tobamukamwini.Yebo tokonzyi kulijanina kuteeli lwako omwini, alimwi tokonzyi kubelekela kutamani. Yebo weelede kucitambula eeco mbuli cipego, nkaambo kunyina lyo nzila iimbi.
Hena ulacitambula eeco na?
Eeci ncibalo citali ca-WLC cakalembwa aa Dr. Desmond Ford.
Twakagwisya mucibalo citaanzi woonse mazina aa mituni ngobaita Taata a Mwana, kubikka mucibaka cangawo mazina mataanzi ngubaapedwe. Kuyungizya waawo, swebo twakajokolosya mu Mangwalo mazina ookwa Taata a Mwana mbuli mbwaakalembedwe kutaanguna abalembi ba Bbaibbele bakayoyelwa moza. Nkamu ya -WLC
