|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Waamba nzi Paulu eelyo naamba kuti boonse bana Isilayeli bayoofutulwa (BaLoma 11:26)? Hena waamba, mbuli bamwi mbobasendekezya, kuti kusanduka kwa mamanino aaciindi kuyoosika akataa bamaJuuda mpoonya bayoofutulwa na? Nee peepe.
Aakale mu bbuku lya BaLoma, Paulu wakabambilila kabotu-kabotu kuzyibya muntu munyenzi muna Isilayeli. BuJuuda takuli kulibonya ciwa kwaantangalala, nokuba kuzyibwa kwiinda mu kupalulwa akuzulilwa ku mukowa umwi pe (BaLoma 2:28). Kunze lyaboobo, BuJuuda bwa masimpe buzyibilwa kwiinda mu kupalulwa mumoyo a Muuya (BaLoma 2:29).Kuba muJuuda wamasimpe mulimo ookwa Yahuwah, kutali kuti naa mbaani basyaanenenyoko naa bakaapanyoko.
Eeci cilikonzyene kuli ceeco ncayiisya Paulu mu( BaLoma 9:6), oomo mwaamba kuti, “aabo bazwa u Isilayeli . . .teensi boonse mbiba Isilayeli” Kucibikka munzila ngubauba eeco, kuba wa lunyungu lwa Abulahamu tiikwakali kukonzya kukupa kuti yebo uzulilwe akataa mukowa wakasyomezyegwa. Cakali cisyomyo cokwa Yahuwah cakapa kuti yebo utole cibeela mu mukwasyi wa moza ookwa Abulahamu (BaLoma 9:8).
Aboobo, ninzi cini Paulu ncayiminina eelyo walo naamba kuti boonse bana Isilayeli bayoofutulwa (BaLoma 11:26)?Aaka nkakaambo keni kakukazyanya katalisya (BaLoma 11:16-24). Oomo, Paulu weezyekanya bana Isilayeli ku musamu. Eeco cisamu cakabambidwe aa bana Isilayeli banyenzi. Mu cisamu eeco kwakali mitabi minjaanji. Bamwi balunyungu lwa Abulahamu (kusanganya a Paulu) abalo bakali balunyungu lwa Abulahamu mu moza, nkaambo bakali kusyoma cisyomyo cokwa Yahuwah.Imwi mitabi ya musamu ooyo yakali lunyungu biyo lwa Isilayeli, nkaambo tiibakakkomanina mulimo wabo mu moza kuti basyome cisyomyo ca Yahuwah muli Messiah. Balunyungu lwa Abulahamu aabo batakasyoma bakakokoolwa kuzwa acisamu ca Isilayeli (BaLoma 11:17-20). Bantu Bamasi aabo bakasyoma bakali mitabi yakasomekwa mu musamu wa Isilayeli (BaLoma 11:17).
...eelyo bantu Bamasi boonse baakubikka lusyomo lwabo muli Yahushua, antoomwe a bamaJuuda boonse aabo banoosyoma muli Yahushua, baakumaninizya kubikka lusyomo lwabo muli Yahushua, ndendilyo boonse bana Isilayeli ba masimpe bayoofutulwa.
|
Ciimo cesu mu moza cilakonzya kupinduka. Kukokoola mitabi nokuba kusomeka mitabi tacili cintu cicitikila limwi lyoonse. Swebo tulacinca ciimo cesu kwiinda mukusyoma nokuba mukusulaika lusyomo. Ikuti aabo bakakobaulwa kabayanda kubelesya lusyomo lwabo, balakonzya kusomekwa lwabili mu cisamu ca Isilayeli (BaLoma 11:23). Kuyungizya waawo, aabo bakasomekwa ibalikumbatizya kuli Yahushua kuti basulaika lusyomo, bayookobaulwa (BaLoma 11:20-21). Eelyo mweelwe uukkwene wa bantu Bamasi waakusomekwa kwiinda mu moz, mu cisamu ca Isilayeli (BaLoma 11:25), ndendileelyo boonse bana Isilayeli nobayoofutulwa (BaLoma 11:26).
Aboobo ncinzi Paulu ncayiminina eelyo naamba kuti boonse bana Isilayeli bayoofutulwa (BaLoma 11:26)? Walo wiiminina kuti eelyo bantu Bamasi boonse baakubikka lusyomo lwabo muli Yahushua, antoomwe a bamaJuuda boonse aabo banoosyoma muli Yahushua, baakumaninizya kubikka lusyomo lwabo muli Yahushua,nkokuti boonse bana Isilayeli ba masimpe bayoofutulwa.
Eeci cibalo tacili ca-WLC.Cakazyila ku: https://www.inversebible.org/rom09-4
Twakagwisya mucibalo citaanzi mazina woonse ngobaulikide Taata a Mwana, akubikka mucibaka ca ngawo mazina eeni ngubaapedwe kutaanguna. Kuyungizya waawo, wakajokolosya mu Mangwalo mazina aa Taata a Mwana, mbuli mbwaakalembedwe kutaanguna abalembi ba Bbaibbele bakayoyelwa moza. Nkamu ya-WLC
