Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
1. Sicikolo wa Bbaibbele weelede kubikkila maanu kuti malembe mataanzi taakajisi twaandaanyo. Aboobo muziindi zimwi, kuli nzila zinjaanji kampango komwe mbokakonzya kusandululwa kakwiina kunyonganya makani aambidwe (langa twaambo tuli mu BaHebulayo 1:8). Saa mbubuti mbotusika aciga ncobwiiminina busanduluzi bululeme, eeco Yahuwah alikke, Mulembi, ncaakali kuyanda kuti cisyomwe? Mubunji bwa ziindi, makani aalembedwe, aciindi eeco alimwi aakale, inga atuyubunwida ceeco Walo ncasola kwaamba. IBbaibbele lilaa zibeela zinjilene antoomwe cakuti cibeela comwe citupa nzila yakusanduluzya cibeela cimbi. Sicikolo wa Bbaibbele uutonkomene ulakonzya kuyobolola makani aali mu Mangwalo kuti agwasyilizye mu kusandulula kufumbwa kampango. BaLoma 9:5 nkamwi akataa tumpango ooto tukonzya kusandululwa munzila zyaandeene, alimwi aboobo, makani amusyobo mbwaalembedwe Mangwalo inga catugwasya kuzyiba busanduluzi bululeme. Bikkila maanu kuzwa mumikonzyanyo iili ansi aawa kuti basanduluzi ambungano zya busanduluzi inga kaziimpene cinicini mbobasandulula BaLoma 9:5:
IBbaibbele lilaa zibeela zinjilene antoomwe cakuti cibeela comwe citupa nzila yakusanduluzya cibeela cimbi. Sicikolo wa Bbaibbele uutonkomene ulakonzya kuyobolola makani aali mu Mangwalo kuti agwasyilizye mu kusandulula kufumbwa kampango.
|
- RSV: “Bamatata abalo mbibabo, alimwi kulimbabo nkwaakazwa Kristo mbuli muntu, nguwe Leza uuli abwami bwazintu zyoonse uutembaulika lyoonse. Ameni.”
- Moffatt: “bamatata mbibabo, alimwi kweendelanya aa lunyungu awalo Kristu. Aalelekwe kukabe kutamani Leza uuli atalaa boonse! Ameni.”
- KJV: “Muli baaba mobazulilwa abamatata, alimwi ngomukowa mwaakazwa Kristo. Leza iweendelezya zintu zyoonse, aatembaulwe kukabe kutamani. Ameni.”
- NAS: “Aabo balaa bamatata, alimwi ooko nkwaakazyila Kristu kujatikizya lunyungu, ooyo uuli atalaa boonse, Leza ngwaakaleleka kukabe kutamani. Ameni.”
- NIV: “akupa basikale babo zisyomezyo alimwi Munanike wakasyomezegwa ngwamusyobo wabo kwaamba buntu bwakwe. Leza uulela zyoonse aalumbaizigwe lyoonse. Akube boobo.”
Nokuba kuti mabala aa basanduluzi atalaa aawa aliimpene, woonse awida mu ziga zyobile: aayo aabamba Kristu kuti abe "Leza" [Yahuwah] ayaayo aabamba kaambo kamacaaalizyo kuti kabe aanga musyobo wa majwi aakutembaula nokuba kulemekezya kutozyegwa kuli Leza Taata. IBBaibbele lya RSV alya Moffatt alaa mikonzyanyo yiinda kugaminina kutondezya ceeco.
2. Mu bbuku lya The Doctrine of the Trinity, R. S. Franks, Silutwe Mufundisi wa Baleza botatwe muli omwe wa Cikolo cipati ca Western College ku Bristol, wakalemba kuti,ceelede kuyungizyigwa mu BaLoma. 9:5 kuti tabakonzyi kubelesyegwa kutondezya kuti Paulu taakali kuyeeyela Kristu mbuli Leza. Kaambo keni kajanwa mumbalaa Bbaibbele lya R.V.…Walo [Paulu] kunyina pe nayaamuka muzeezo wa leza wa BuJuuda omwe luzutu. Cakatondezyegwa kuti BaLoma 9:5 tabakonzyi kuletwa mu kaambo aaka. Kunze lya boobo, ooyo Leza waambwa aa Mwaapositolo kutali biyo kuti ngu Taata pele akuti ngu Leza wa Mwami wesu Yahushua Kristu” 1
3. Kuli bumboni bupati mu twaambo tobile ooto twaandeene kuti mabala acaalizya mu kampango aaka majwi aakulumbaizya akulemekezya kuli Leza Taata. “Leza uuli abwami bwa zintu zyoonse” a “Leza uutembaulika lyoonse” majwi aabelesyedwe kwaamba Leza Taata amumasena amwi mu Cizuminano Cipya (BaLoma 1:25; 2 Bakolinto 11:31; BaEfeso 1:3; 4:6; 1 Timoteo 6:15 ). Mukwiimpanya, ootu twaambo tobile tatubelesyedwe nokuba kumbi mukwaamba Kristu. Inga caba cintu ceenzu kapati kubelesya ntembauzyo zibelesyegwa kaanjanji kuli Yahuwah alimwi,munzila yamavwambikila kakwiina kucenjezya nokuba kupandulula, mpoonya akubelesya majwi aayo kwaamba Kristu.
4. Kubuzya aayo mabala ncaali mu kampango ncecitupa cijuzyo ca kumvwisyisya ngawo. Paulu ulemba nzila eeyo Yahuwah njaakaleleka bamaJuuda. Tumpango tusolweda BaLoma 9:5 tutondeka kuti ooko kutembaula Yahuwah kwakabapa kwiitwa kuti mbana bakwe, kubaa bulemu, zizuminano, mulawo, kukomba, zisyomyo, mabatata akupa kuti Yahushua Kristu abe akataa lunyungu lwabo. Balilelekedwe cinicini! Nciceeco kutembaula Yahuwah ncokusekkeledwe mu kampango: “Leza uuli abwami bwa zintu zyoonse, Leza uutembaulika lyoonse! Akube boobo.”
5. Koonse kampango ka BaLoma 9:5 kapandulula zileleko zyokwa Yahuwah kuli bamaJuuda, aabo balaa lusyomo luyumu nta lwa kusyoma leza omwe luzutu. Kusekkelela kabeela kaamba kuti Kristu ngu Yahuwah ncintu citaluleme kapati. Eeci cilimasimpe kapati eelyo notumvwisyisya kuti Paulu ulemba munzila ya kukwelelezya bamaJuuda. Ngooyu mukonzyanyo, walo ubaita kuti “basiluzubo bangu ku nyama” (v. 3 – NRSV), alimwi waamba kuti ulaa buumba akuciswa ku moyo akaambo kabo (v. 2 – NRSV). Saa ino inga wabikka majwi mu kampango aaka kumwi kazyi kuti aayo majwi alakonzya kunyemya bamaJuuda aabo mbasatila alimwi mbasoleka kukwelelezya? Peepe. Kunze lya boobo, namanizya biyo kwaamba kuti Kristu wakaboola kuzwa mumulongo wa Bamatata, eeco cintu bamaJuuda ncibakali kucenjelela, kutembaula inga kwaumbulizya bamaJuuda kuti kunyina kukomba mituni aawa nokuba kusumpauzya Kristu cabumpelenge kwakacitilwa caali, pele kuti walo wakali cibeela ca cileleko cipati cokwa Yahuwah.
Majwi aamamanino:
1 R. S. Franks, The Doctrine of the Trinity, (Gerald Duckworth and Co., London, 1953), pp. 34-36.
Eeci ncibalo citali ca-WLC. Cakazyila ku: https://www.biblicalunitarian.com/verses/romans-9-5
Twakagwisya mucibalo citaanzi mazina aamituni woonse ngobaulikide taata a Mwana, akubikka mucibaka cangawo mazina mataanzi ngubaapedwe. Kuyungizya waawo, twakojokolosya mu Mangwalo mazina aa Taata a Mwana, mbuli mbwaakalembedwe kutaanguna a balembi ba Bbaibbele bakayoyelwa moza. Nkamu ya-WLC