Hena Kunooli Malembe ookwa Ellen White Adyakaizya Mangwalo Na?
Amubacenjelele bashinshimi babeji, aabo baboola kuli ndinywe kabasamide zikobela zya boya bwa mbelele anukuti mukati mbaa wumpe.” Mateyo 7:15 ESV |
Mutwe wa makani aacibalo eeci tuuli waliyeeyela buyo kakwiina kutobela mulawo. Tulisinizyide ncobeni eelyo notwaamba kuti balembi ba Bbaibbele bakalisweekede citaambiki eelyo nibakaamba zitobela eezyi:
- ‘O Mwami Leza wamakamu, nguni mujulu lyoonse ulaanguzu mbuli nduwe? O Mwami Yahuwah, kusyomeka kwako kulikuzingulukide?’ (Intembauzyo 89:6, 8) Ethan, muna Ezula ooyo wakalemba Ntembauzyo eeyi, wakaalilwa kujana wakweelanyaa aa Taata Yahuwah.
- ‘Nguni uuli mbuli Mwami Yahuwah wesu, uukkede acuuno cabwami kujulu?’ (Intembauzyo 113:5) Eeyi Ntembauzyo yakalembwa aa Mozesi nokuba Davida. Omwe-omwe akati kabo taakakonzya kujana muntu uumbi weelede aa Taata Yahuwah.
- ‘Taakwe uuli mbuli nduwe O Mwami Yahuwah, uli mupati zina lyako ndyanguzu kapati.’ (Jelemiya 10:6) Jelemiya alakwe wakabulide kujana muntu weelene aa Taata Yahuwah.
- Akati kabaambwa kuti mbaaleza, taakwe ulaamilimo iinga yeelana ayako.’ (Intembauzyo 86:8) Eeyi Ntembauzyo yakalembwa aa Davida. Awalo, wakaalilwa kujana muntu weelene aa Taata Yahuwah.
- ‘Bululami bwako, O Mwami, busika kujulu bululami bwako, O Yahuwah, wakacita milimo mipati nduwe. Ani nguni uuli mbuli nduwe, O Yahuwah?’ (Intembauzyo 71:19)
- ‘Akati kabaabo bategwa baleza, nguni uuli mbuli nduwe O Mwami Yahuwah? Nguni uuli mbuli nduwe, uugambya, mulemu, uusalala? Nguni uuli mbuli nduwe, uucita zigambya. Uuyoosya mumilimo mipati?’ (Kulonga 15:11) Alimwi, Mozesi wakaalilwa kujana muntu uumbi weelene aa Taata Yahuwah.
- ‘O Mwami Yahuwah wamakamu, nguni ulaanguzu mbulinduwe? O Mwami Yahuwah, kusyomeka kwako kulikuzingulukide?’ (Intembauzyo 89:8)
Cuusisya ncakuti, Mozesi, Davida, Ethani muna Ezula, a Jelemiya tiibakapona muciindi nibakali kunga babala malembe ookwa Ellen White. Ikuti nibakali kupona muciindi comwe a Ellen White, nibataabula luzyibo lwakuti nguni weelene aa Yahuwah. Ellen White ‘kalemba munzila ya kuyoyelwa moza’ wakainduluka kwaamba kuti kuli muntu uumbi weelene aa Yahuwah. ‘Pele Messiah uleelene a Yahuwah, kateeli alimwi kali koonse-koonse.’ The Youth's Instructor, Gandapati 21, 1900.
Zyuulunzuma zya batobeli ba Ellen White bakasumpauzya malembe aakwe kusikila waawo mpobalimvwa kabotu kutambula twaambo twakwe kuleka zyaalemba Mozesi, Davida, Ethani muna Ezula, a Jelemiya. Atwaambe kuti batobeli ba Ellen White tiibakalibilikide nokuba aasyoonto kuuntuluzyila malembe aa Bbaibbele aakayoyelwa moza pele kunze lyaboobo bakatambula nzyaakalemba kubee ngo mulawo, uuli atalaa twaambo toonse twa bashinshimi bamu Bbaibbele. Hena tatugambidwe kuti mbweenya batobeli bakwe baasulaika mumuni woonse ooyo Yahuwah ngwaakamunikila bantu bakwe kuzwa ciindi naakafwide? Oobu mbobweende bwa kusumpauzya tunsiyansiya twa buntu atalaa Bbaibbele.
Akamwi kaambo kapilingene
‘Muli Nguwe kwakali buumi, bwamatalikilo, butali bwa kukweleta, nokuba bwakubuula kuli umwi.’ (1SM 296) Yebo tokonzyi kubala kaambo aaka akaambo kali atalaawa kakwiina kukosozya makani kuti swebo tulaa baleza bobile beelene mu nyika iino. Umwi ubeleka mulimo wa mwana. Hena ono taili mituni eeyi na? Kujuzya muntu wabulemu uumbi kabeelene aa Taata Yahuwah nkukomba mituni akulibambila baleza. Pele ncenciceeci ncaakakwelelezya mizeezo amyoyo ya batobeli bakwe kwiinda mu milwi ya mabbuku aakwe azibalo zilembedwe. Batobeli bakwe bakalilibambide kuswiinta majwi aakwe kumwi kabasukumina kumbali kucenjezya kwa Taata Yahuwah kwiindulukide kukasya mituni akukomba baleza bamwi. Mbubuti mbotunga twauntuluzyila kucenjezya kwa Taata Yahuwah kusinizyide boobo?
‘Bakamunyemya Walo akaambo ka kukomba baleza beenzu; Mwami Yahuwah, wakabakalalila akaambo kamituni yabo.’ (Ciibalusyo 32:16)
‘Utakotamini cikozyanyo nikuba kucikomba, nkaambo mebo ndime Mwami Yahuwah wako, uutalekeleli bakomba baleza bambi. Ndasubula bana babaabo bandisulide mane kuyoosika kuzyalani lyatatu aalyane.’ (Ciibalusyo 5:9)
Ellen White, mbuli mbokubede kanjaanji, ukazya majwi eeni ookwa Yahushua aayo ngaakasinizya kwaamba muli Johane 5:26. ‘Nkaambo mbubonya mbuli Wisi mbwali aabuumi, awalo Mwana wakamupa kuti abe aabuumi.’ Yahushua ulazumina kuti kufumbwa ncajisi, Wisi nguwaamupa. Pele Ellen White ukazya kwaamba ooku eelyo nadadanyana kuti ‘muli Nguwe kwakali buumi, bwamatalikilo butali bwa kukweleta nokuba kugwisya kumbi.’
‘Swebo tulaa ziiyo zinji zya kwiiya, alimwi, alimwi zinji, zinjaanji zya kwiiyuluka. Leza a Julu balikke mbabatalubizyi. Aabo bayeeyela kuti kunyina nobeelede kuleka muzeezo ngobayandisya, akuti tabaninga sika aciindi ca kucinca muzeezo, bayootyompokelwa. Kufumbwa notucizumanana kujatilila mizeezo yesu tobeni katuyumya nsingo, tatukonzyi kubaa lukamantano oolo Kristu ndwaakali kupailila.’ (CET 203) Aaya nga majwi aabusongo ngaakapa batobeli bakwe. Nokuba boobo, malembe aamisela atondezya kuti walo taakatobela malailile aaya. Eelyo mumuni wakuti nyika ilipapalele niwaaletwa kuli nguwe, walo wakuudyakaizya. Alimwi kuzwa naakafwa mu 1915, batobeli bakwe tiibakaiya nokuba kwiiyuluka nociba ciiyo comwe‘
|
Taakali kweenkela kukazyanya aaba Yahushua, Davida, Jelemiya, Daniele, abamwi banjaanji bashinshimi bamu Bbaibbele. Alimwi eeci ciyanza cabuyamba wakaciyambukizya batobeli bakwe. Aboobo eelyo yebo notondeka ku kasimpe ka Bbaibbele aako kateendelani a kuteelela kwabo, mbuli kaambo ka buleza bwa Kristu, muciindi cakuti bavwuntauzye tumpango tunjaanji twamu Bbaibbele, balo bafwaamina ku majwi ookwa Ellen White. Ikuti baswaanya mpalaa muzeezo uulubide kweendelanya acaambwa mu kampango ka Bbaibbele, balo balakaka kuyungizya kuvwuntauzya Bbaibbele mbwaanga Ellen White wakakosozya kale makani woonse kuli mbabo alimwi wakagozyela lyo kufumbwa cinga kaciciyandika kubandikwa.
Ellen White wakalemba kuti ‘Swebo tulaa ziiyo zinji zya kwiiya, alimwi, alimwi zinji, zinjaanji zya kwiiyuluka. Leza a July balikke mbabatalubizyi. Aabo bayeeyela kuti kunyina nobeelede kuleka muzeezo ngobayandisya, akuti tabaninga sika aciindi ca kucinca muzeezo, bayootyompokelwa. Kufumbwa notucizumanana kujatilila mizeezo yesu tobeni katuyumya nsingo, tatukonzyi kubaa lukamantano oolo Kristu ndwaakali kupailila.’ (CET 203) Aaya nga majwi aabusongo ngaakapa batobeli bakwe. Nokuba boobo, malembe aamisela atondezya kuti walo taakatobela malailile aaya. Eelyo mumuni wakuti nyika ilipapalele niwaaletwa kuli nguwe, walo wakuudyakaizya. Alimwi kuzwa naakafwa mu 1915, batobeli bakwe tiibakaiya nokuba kwiiyuluka nociba ciiyo comwe. Batobeli bakwe bacisyomeka kulamatila ziiyo zyakwe akusulaika kufumbwa mumuni mupya ooyo ngobatakonzyi kujanina bumboni nokuba kuzumizyigwa mu malembe aakwe.
Ijwi lya Mamanino
Kuli zinjaanji nzyotujana mu malembe ookwa Ellen White eezyo ziteendelani a Mangwalo. Twatondeka biyo zintu eezi zipyopyonganya muzibalo zifwaafwi zyaandeene. Pele kamwi kasimpe kalaa kaambo kapati aako kakatusolweda ku kukaka kulikakankaizya kwakwe kuti mutumwa ookwa Yahuwah uusalidwe ku Bantu bakwe ba mazubaano aamamanino, nka kusinizya kwaamba kuti Yahushua ulaliponena kakwiina uumupa buumi, ngu singuzuzyoonse weelene aa Wisi Yahuwah. Kuzuunyana kusendekezya buleza bwa Yahushua a kumweelanya aa Wisi kwakapyopyonganya kooko kwaazyila ‘moza ooyo ngwaakayoyelwa.’ Taata wesu Yahuwah uulaa bufwi takonzyi kuba yooyo waamupa moza akumuyoyela kuti ajuzye muntu uumbi wabulemu weelene aanguwe mu nguzu a kuteela. Swebo tatuyandi kubaa cibeela mu kuyiisya mituni kuli boobu/nokuba mbungano iili boobu. Tulaa cikwelete kutamani kuli Taata Yahuwah nkaambo kakutujula meso eesu kuti tubone lweeno lwa ncinko oolu lwakakokolola zyuulunzuma zya ba SDA munyika yoonse. Bamwi besu mu nkamu ya WLC mba zyalane lyatatu mumikwasyi yaba SDA. Kuleka biyo boobo, pele [kusikila mu 2017] twakaluukwete mulimo kusumpauzya akutumina mabbuku aakwe munyika yoonse nkaambo aciindi cimwi twakasyomede kuti wakayoyelwa moza.
Lino mukusekelela kutapandulukiki akuyandisyisya lweengelelo lwa Taata Yahuwah lwakatupa kudukwida syule ku mabbuku aakwe aali 11 mutwaanjombede, mpoonya akutujokezya ku mulazyo wa ‘Bbaibbele alimwi ku Bbaibbele lilikke’ twakabomba aboobo kwaabanya kasimpe aaka antoomwe abaabo bakombelela kuti baswiilile.
Pele atwaambe kuti yebo toninga tilimuka kukaambo kakuti Ellen White a batobeli bakwe aabo bakomba baleza bobile beelene, bateeli alimwi beelene kubaa nguzu. Alimwi atwaambe kuti yebo tolanganyi cintu eeci kuti nkukomba mituni kugagambide mumeso ookwa Taata Yahuwah. Mukaambo aaka, yebo ulalangilwa akutusyoma swebo ikuti kakuli notunga twataminina kuti tulaa zizabukilo zyongaye zya kuulisya a muulo uucipide.