Pagkamit Ng Banal Na Awa

Noong si Moises ay nakiusap na makit ang mukha ni Yah, matiyagang ipinaliwanag ni Yahuwah na walang makasalanan ang maaaring makita ang Kanyang mukha at mamuhay, subalit tatakluban Niya si Moises ng Kanyang kamay habang Siya ay dumaan, nagpapahayag ng Kanyang pangalan, at pagkatapos si Moises ay maaaring makita ang Kanyang likuran. At iyon ang tiyakan na naganap.

At si Yahuwah ay bumaba sa ulap, at tumayong kasama niya roon at itinanyag ang pangalan ni Yahuwah.

At si Yahuwah ay nagdaan sa harap niya, na itinanyag, si Yahuwah, Yahuwah Elohim na puspos ng kahabagan at mapagkaloob, banayad sa pagkagalit, at sagana sa kaawaan at katotohanan;

Na gumagamit ng kaawaan sa libu-libo, na nagpapatawad ng kasamaan, at ng pagsalangsang, at ng kasalanan: at sa anomang paraan ay hindi aariing walang sala ang salarin; na dinadalaw ang kasamaan ng mga ama sa mga anak, at sa mga anak ng mga anak, hanggang sa ikatlo at ika apat na salin (Exodo 34:5-7).

Ang awa ay ang banal na katangian na nagdadala ng kagandahang-loob at kapatawaran para sa mga makasalanan. Ang may-akda ng Hebreo ay hinihikayat ang pananalig sa mga mananampalataya sa pagpapaliwanag na nararamdaman ni Kristo kung ano ang nararamdaman natin, nagpapahayag: “Kaya nga, dahil mayroon tayong isang Dakilang Kataas-taasang Pari na pumasok na sa kalangitan, at iyon ay si Yahushua na Anak ni Yahuwah, matatag nating panghawakan ang ating ipinahahayag. Sapagkat mayroon tayong Kataas-taasang Pari na marunong makiramay sa ating mga kahinaan. Tulad natin ay tinukso rin siya sa lahat ng mga paraan, gayunma’y hindi siya nagkasala” (Hebreo 4:14-15).

Nais niyang mapukaw ang pananalig ng mga mananampalataya kaya maaari nilang hilingin, at tanggapin, ang kaloob ng awa. “Kaya’t lumapit tayo na may lakas ng loob sa trono ng biyaya, upang tumanggap tayo ng awa, at makatagpo ng biyaya na makatutulong sa panahon ng ating pangangailangan” (Hebreo 4:16).

Madali na maramdamang mapuspos kapag ang buhay ay naging malundo, at hindi mo nalalaman kung ano ang gagawin. Ang mabuting balita ay ang banal na awa ay makukuha upang tumulong. Gaya ng ibang banal na kaloob, ang kaloob ng awa ay makukuha sa pamamagitan ng panalangin. Makiusap para rito! Nanalangin si David, “Sagutin mo ako, pagka tumatawag ako, Oh Diyos ng aking katuwiran; inilagay mo ako sa kaluwagan, nang ako'y nasa kagipitan: maawa ka sa akin, at dinggin mo ang aking dalangin” (Awit 4:1). Mahalaga na tandaan na ang bawat kahilingan ay dapat gawin sa pananalig. Binigyang-diin ni Yahushua ang kahalagahan ng pananalig, sinasabi, “At anumang hingin ninyo sa panalangin, kung may kalakip na pananampalataya, ay inyong tatanggapin” (Mateo 21:22).

Maraming sipi ng kasulatan na nagpapakita ng mga detalye kung paano natin makakamit ang awa mula kay Yahuwah. Ang sumusunod ay ilan lamang sa marami.

Kapag kailangan mo ng banal na awa, simulan ang iyong panalangin sa pagsasalamat kay Yahuwah para sa Kanyang awa. Umawit si David: “Oh mangagpasalamat kayo kay Yahuwah; sapagkat Siya’y mabuti: Sapagkat ang Kaniyang kaawaan ay magpakailan man” (1 Paralipomeno 16:34). Ang pagkilala sa mga pagpapala na natanggap ay naglilinang ng pag-ibig, at ang pag-ibig ay ang nagpupukaw sa pananalig.

Kapag ika’y nananalangin, makiusap para sa anong kailangan mo. Maging tiyakan.

• Makiusap para sa awa upang makamit ang kalusugan at paggaling.

“Maawa ka sa akin, Oh Yahuwah; sapagkat ako’y naluluoy, Oh Yahuwah, pagalingin mo ako; sapagkat ang aking mga buto ay nagsisipangalog” (Awit 6:2).

• Makiusap para sa awa upang makamit ang kalayaan mula sa mga nagnanais na ikaw ay saktan.

“Maawa ka sa akin, Oh Yahuwah; masdan mo ang kadalamhatian na aking tinitiis sa kanila na mangagtatanim sa akin, ikaw na nagtataas sa akin mula sa mga pintuan ng kamatayan” (Awit 9:13).

• Makiusap para sa awa upang makamit ang kapatawaran.

“Maawa ka sa akin, Oh Diyos,
Ayon sa iyong kagandahang-loob:
Ayon sa karamihan ng iyong malumanay na mga kaawaan ay
Pinawi mo ang aking mga pagsalangsang” (Awit 51:1).

• Makiusap para sa awa upang patahimikin o pigilan ang mga nanakit sa iyo.

“At sa iyong kagandahang-loob ay ihiwalay mo ang aking mga kaaway,
At lipulin mo ang lahat na nagsisidalamhati sa aking kaluluwa;
Sapagkat ako’y iyong lingkod” (Awit 143:12).

• Makiusap para sa awa upang dalhin sa pagkakahanay sa kalooban ni Yahuwah para sa iyong buhay.

“Pasasakdalin ni Yahuwah ang tungkol sa akin:
Ang iyong awa, Oh Yahuwah, ay magpakailan man;
Huwag mong pabayaan ang mga gawa ng iyong sariling mga kamay” (Awit 138:8)

• Makiusap na ang lahat ng pakikitungo ni Yahuwah ay mapuspos ng awa at ituturo sa iyo kung ano ang nais Niya na malaman mo.

“Gawan mo ang lingkod mo ng ayon sa iyong awa,
At ituro mo sa akin ang mga palatuntunan mo” (Awit 119:124).

• Makiusap para sa awa upang palayain mula sa kahihiyan at kadustaan.

“Maawa ka sa amin, Oh Yahuwah, maawa ka sa amin:
Sapagkat kami ay lubhang lipos ng kadustaan” (Awit 123:3).

• Makiusap para sa awa upang makamit ang kaginhawaan kapag nasa pagkabagabag o dalamhati.

“Maawa ka sa akin, Oh Yahuwah, sapagkat ako’y nasa kahirapan:
Ang aking mata ay namumugto sa kapanglawan,
Oo, ang aking kaluluwa, at aking katawan.
Sapagkat ang aking buhay ay napupugnaw sa kapanglawan,
At ang aking mga taon ay sa pagbubuntong hininga:
Ang aking lakas ay nanglulupaypay dahil sa aking kasamaan,
At ang aking mga buto ay nangangatog” (Awit 31:9 at 10).

• Makiusap para sa awa upang makamit ang tulong para sa [punan ang patlang].

“Tulungan mo ako, Oh Yahuwah kong Diyos; Oh iligtas mo ako ayon sa iyong awa” (Awit 109:26).

Kapag ikaw ay nangangailangan ng banal na tulong, palaging nararapat na himukin ang awa ni Yahuwah bilang dahilan kung bakit kailangan mo ng tulong. Ang iyong pangangailangan lamang ay sapat na dahilan upang makiusap para sa anumang kailangan mo. Ipinapakita ng Awit 109:26 na nasa mismong kalikasan ni Yahuwah ang kagandahang-loob at awa. Ito ay lubos na epektibo kapag nakikiusap na ang Kanyang katangian ay maaaring mahayag sa mga hindi sumasampalataya.

Tulungan mo ako, Oh Yahuwah kong Diyos;
Oh iligtas mo ako ayon sa iyong awa,
Upang kanilang maalaman na ito’y iyong kamay;
Na ikaw, Yahuwah, ang may gawa. (Awit 109:26-27)

Ilan sa mga tao ay tila likas na naiibigan na maging mapagbigay, nahahabag at mabilis na pagbigyan. Ang iba’y tila likas na magalit, makasarili, at kahina-hinala sa iba. Ang likas na disposisyon ng personalidad ni Yahuwah ay upang “makaligtaan ang mga pinsala . . . para tratuhin ang isang nagkasala nang higit pa sa nararapat.” Iyon ay awa, at iyon ang ano ang nasa puso ni Yahuwah para sa iyo.

Kung ano mang mga pagsubok ang iyong hinaharap at nagpapalito sa iyo, lumapit kay Yahuwah kung ano ka. Maaari mong taglayin ang bawat tiwala na ang awa ni Yahuwah ay magbibigay para sa iyong mga pangangailangan. Siya ay naghihintay nang may mga malawak na bukas na mga kamay, handa at kusang-loob na tutulong sa anumang paraan na kailangan mo.

“Oh mangagpasalamat kayo kay Yahuwah, sapagkat Siya’y mabuti: sapagkat ang Kaniyang awa ay magpakailan man” (Awit 118:29).