Kupaila Intembauzyo: Mumaanza Aako (Intembauzyo 31)

Intembauzyo 31:5 Mumaanza aako mondaaba muuya wangu; Wandinununa, O Yahuwah, Leza walusyomo…Pele mebo ndasyoma nduwe, O Yahuwah; Ndaamba kuti, Nduwe Leza wangu, 15 Mazuba aangu ali mujanza lyako; Kondivuna kuli basinkondoma akuli basikundivwima. 16 Kondimunikila abusyu bwako ndemulanda wako, Kondivuna muluzyalo lwako.

Myaka iili mwaanda Martin Luther kataninga talika mbunga ya (Protestant Reformation), bantu mbuli bwa John Hus bakali kubamba nzila. Hus wakali mupaizi muna Katolika wa Loma ku Bohemia ooyo wakakazya kutundululana kwakali mu cikombelo. Akaambo kakulyaambilila kukazya poopo a zintu zyakali kusyomwa eezyo zyatakali kweendelana ku Jwi lya Yahuwah, John Hus wakapegwa mulandu wa kuumpwa kaangilidwe ku citanda mbuli muzangi. Eelyo walo naakaangililwa acitanda, mupaizi mupati wakaamba kuti, “Lino tulaaba muuya wako kuli dyabooli.” John Hus wakaingula kuti, “Pele Ime ndaaba mumaanza Aako, O Mwami [Yahushua] Kristu, ooyo muuya ngoonununa.” ¹

Intembauzyo 31:5 yali kuumbulizya basaante banjaanji mu misela yoonse. Yakali mupailo mutaanzi bamatumbu baJuuda ngubakali kuyiisya bana babo aiindi cakuya kukoona. Yakali majwi aamaacaalizyo amilomo ya basaante bakali kufumba bulamfu eelyo nibakali kulyaaba kuli kubambililwa aa Yahuwah. Kakwiindide mawoola aakuminwa aciciingano kakulikide zinyonyoono zya nyika, Yahushua wakapozomoka majwi aaya kalaafwi kufwa “Mumaanza aako mondaaba muuya Wangu.”

Ooyu ngo mupailo winiwini wa kusyoma! Eelyo notubala Intembauzyo 31, tulamvwa mbwaakabede mapenzi ookwa Davida mwaakamugwitizya mu camba. Walo upandulula buumi bwakwe kuti “bwamana ku buusu” alimwi mubili wakwe wakatolwaala akubula nguzu akaambo ka lufu lwakali kuzyaa kuswena nkaambo ka buumba akupengaana mu moyo (31:9-13). Kupengaana kwakwe kwakamusunkide kuti ayeeyele kuti Yahuwah taakacili kumukombelela, pele kunze lya boobo, walo wakaimina mu luyando lwa Yahuwah akukulaizya bamwi kuti “amuyandisye Yahuwah nyoonse nobasalali bakwe!” (31:22-23).

Antoomwe akukkazyika camba ca kulekela maumi eesu mumaanza ookwa Yahuwah, Davida ulatwiibalusya akuti “mazuba aangu ali mujanza Lyako” (31:15). Ooyu muzeezo mubotu loko! Simubamba nzila mufundisi muna Afulika Dan Crawford (1870-1926) wakacaamba munzila eeyi: “Inzila zya buumi bwangu boonse, ilili a kuli a boobo zili mumaanza ookwa [Yahuwah's]!" ²

MUZEEZO WA MUPAILO: Muli 1 Petulo 4:19, mwaapositolo wiinduluka majwi aaya: “Eno abo bapenga caluyando lwa-Yahuwah kabaya bucita milimo mibotu akupa myuuya yabo mumaanza aa-Leza Cilenga uusyomeka.” Ambweni yebo ulimvwide mbuli Davida? Yebo ulimvwide aanga ulizingulikidwe kumabazu koonse, alimwi kunyina nknga watijila! Davida ukulwaizya ndiswe kuti tuleke kukkalilila mukulimvwa boobu limwi kunze lya boobo tutalike kupona aa lusyomo. Kotola zintu zikucumba mu mucamba ambolimvwide kuli Yahuwah alimwi koibaluka kuti:

“Nkaambo nduwe mampangala aangu amacijilo aangu. Kondizulwida akundeenzya nkaambo kazina lyako.” (31:3)

“Kondimunikila abusyu bwako ndemulanda wako; Kondivuna muluzyalo lwako.” (31:16)

“Mbupati loko bubotu bwako Mboyobweda bakuyoowa, Mbocitila abo bacija kulinduwe.” (31:19)

¹ Foxe’s Book of Martyrs. Chapter VIII - Persecution of John Hus

² John Philips. Exploring the Psalms, Cibeela 1, p. 236

Eeci ncibalo citali ca-WLC. Cakazyila ku: https://s3.amazonaws.com/media.cloversites.com/19/196db2ea-297d-4503-9a12-49043489c907/documents/Jan_4_-_Into_Your_Hands_-_Psalm_31.pdf

Twakagwisya mucibalo citaanzi woonse mazina aa mituni ngobaita Taata a Mwana, kubikka mucibaka cangawo mazina mataanzi ngubaapedwe. Kuyungizya waawo, swebo twakajokolosya muMangwalo mazina ookwa Taata a Mwana mbuli mbwaakalembedwe kutaanguna abalembi ba Bbaibbele bakayoyelwa moza. Nkamu ya -WLC