Hena yebo ulakonzya kusekelela mapobwe anze lya Jelusalema a Tempele na?
|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
|
CIZYIBYO CA WLC: Nokuba kuti nkamu ya WLC icizumanana kubamba Buzuba bwa Ciloba bwa Nsabata, eeyo iili akataa moyo wa mulawo ookwa Yahuwah, swebo twakaleka kusyoma kuti mapobwe aamwaka aceelede kubambwa abasyomi. Nokuba boobo, swebo tucibombede kukulwaizya bantu boonse kuti bakkale ansi kusekelela mapobwe aamwaka amoyo uusinizyide kukondwa, a kwiiya kuzwa mumalailile ookwa Yahuwah kuguminizya mbwaayelede kubambwa mu Cizuminano Cakale. Kucita boobo ciyooba cileleko ncobeni kuli nduwe munzi wako, eelyo nozubulula mikonzyanyo iilibotela akusumpulwa kwa Messiah Yahushua mbuli Mwami wa Bami, a Simalelo wa Basimalelo, syuumbwa uuzunda wa mukowa uuna Juda, Mwanaa Mbelele ookwa Yahuwah ooyo uugwisya zinyonyoono zya zyanyika. |
David Roberts. Bana Isilayeli bayaamuka kuzwa mu Ejipiti (kubelesya mungwimba a cisani), c. 1830.
Birmingham Museum and Art Gallery, Birmingham, England.
Eeci ncotuyanda kuzubululwa tacili cakunyemya naba muntu ooyo uucisoleka kubamba mapobwe cino ciindi, pele cipedwa buyo kuzyibya nduwe milazyo imwi njotaninga yaanyide kweendelanya a kuzwa mu jwi Yahuwah. . . .
Milazyo yokwa Yahuwah, mbweenya mbuli milimo yamu Tempele a mumapobwe, tiikonzyi kucincwa aa nguzu zya muntu, nobaba bana basankwa ba Silutwe Mupaizi.
|
Mu Balevi 10.1-5, Nadabu a Abihu bakaliletelezya eelyo nibaazyiba kuti tabakonzyi kucinca milimo ya bulemu kuzwa ku mukonzyanyo ooyo Yahuwah ngwaakalailide. Bwakali buzuba bwa lusele bwa kusetekanyigwa eelyo mupaizi naakawumpa “mulilo uumbi ngwaatakalailila” kunembo lya Yahuwah. Bakaanka kuumpilizya tununkilizyo aciindi cataazumizyidwe eeco catakali mu cibeela ca mulimo ooyo Yahuwah ngwaakapede, alimwi Yahuwah kunyina naakaambide kuti bantu bobile inga bacita mulimo ooyo, pe. Saa tiibakabuzya bamayi babo na, ba Mozesi aa Aloni? Muzeezo waangulukide akuyoyelwa moza weelede kwiinda mu Jwi lya Yahuwah. Milimo yokwa Yahuwah, mbuli milimo yamu Tempele a mapobwe, tiiyakeelede kucincwa aanguzu zya buntu, nobaba bana basankwa ba Silutwe Mupaizi.
Bakacita ceeco cakaluleme mu meso aabo cakuliyandila lwabo beni, mpoonya bakafwa. Eeco ciindi cakeelede kuba ciindi ca kukkomanisya lino cakacinca buzuba oobo, bwakaba buumba. Aaloni wakafwidwa bana basankwa bobile mubuzuba bomwe nkaambo balo “tiibakabamba akulemekezya” ceeco Yahuwah ncaakabalailide kucita. Ncinzi cipa kuti bantu bayeeyele kuti balakonzya “kubamba akulemekezya” mapobwe anze lya Tempele, akubaa bapaizi babeleka milimo mu Jelusalema mazubaano! Aawa “mpaagolela” mapobwe woonse.
Ciibalusyo 12.13-14 caamba kuti tiibakeelde kuleta zituuzyo zyabo kufumbwa busena kuti “babone” ooko Yahuwah nkwakabikka zina lyakwe. Mu mupailo wa Mwami Solomoni wakusetekanya mu 1 Bami 8.22-53, walo wakaamba kuti oobo busena bwakali Tempele, busena bulaakati ka cizuminano, alimwi kabuli mu Jelusalema. Izaya 33.20 waamba kuti, “Amulange Ku Ziyoni munzi motulida mapobwe. Nyoonse mulabona munzi wa Jelusalema uuli aabukkalo bubotu. Muli nguwo tente litakooyoogwisyigwa, nembe zyalyo tazikoojugwa, nokuba ntambo ya kupimya tiikakosoki.”
Mu mukonzyanyo uumbi, tulizyi kuti ba Filisiti bakabweedezya Bbokesi ku Isilayeli kwiinda mukubikka Bbokesi eelyo a “iŋola impya” muli 1 Samuyele 6.7. amu 2 Samuyele 6.3, Davida awalo ujokezya bbokesi ku munzi akulibikka mu “iŋola impya” katobela mukonzyanyo wa Bafilisiti. Pele Bbokesi lyeelede kubwezegwa aa BaLevi kalibikkidwe amicinjili atalaa makkuko aabo (Myeelwe 7.9; 1 Makani 15.2). Cintu ceenzu aawa ncakuti bakaliko bapaizi a BaLevi ibakazyi kabotu-kabotu pele kunyina ncibakacita. Balo tiibakali “kubamba akulanganya” bbuku lya Milawo pele bakali kutobela ceeco aabo batali-bajuuda ncibakali kucita, nanka kuti bakali kuyeeyela kuti nkaambo zimwi zintu zyakali kubwezelwa mu nkalaki acalo eeco cakali kujatikizya Bbokesi alyalo (Myeelwe 7.1-8). Nguni uuzyi bwini ncibaacitila ceeco ncibaacita, pele tiicakali ncakabaambila Yahuwah kuti bacite. Yahuwah wakali gaminide kulailila mbucakeelede kucitwa eeco.
Eelyo Bbokesi nilyaajokezyegwa kuzwa ku Bafilisiti, mukuya kwa ciindi lyakaletwa ku ŋanda ya Abinadabu, eeyo yakali akalundu, alimwi mwanaakwe mutaanzi mulombe Eleazala wakananikwa kuti atalike kusunga Bbokesi (1 Samuyele 7.1). Tuyiya kuti aakale Abinadabu wakazyala bana bambi bobile mbaakaulika mazina aa Uzzah a Ahio (2 Samuyele 6.3). Mangwalo aluumwine kwaamba nkubaabede aciindi eeco ba Abinadabu a Eleazala, ambweni bakalifwide kale, pele cakali ku bana bakwe bakaceede kuti babweedezye Bbokesi kuli Davida. Bakakwela nkalaki kubelesya basune, Ahio kasolweda basune (2 Samuyele 6.4). Eelyo nibakasika kulubuwa lwa Nachoni lwa kukwaapwida maila, Uzzah wakatambika janza kuti ajatilile Bbokesi nkaambo basune bakatiilikunine ansi (mugwagwa wakalaa magunyugunyu) mpoonya wakaliguma Bbokesi, wakadenuka kufwa mpeenya aawo (2 Samuyele 6.7).
Ciiyo Cilisalazyidwe. Ikuti naa nibakatobela “akubamba” Mulawo (mukonzyanyo, bubambe, a malailile) eeci nicatakacitika pe. Pele eelyo nibakatobela ceeco ncibaacitide Bafilisiti mpoonya Uzzah wakafwa. Davida wakaibaluka kumamanino ncibaalubizya akubalulamika, akutobela ceeco Yahuwah ncaakabaambila kucita kwiinda mukucita zintu zimwi zyeelela mumasena amwi akubelesya bantu bagaminide bamwi.
Muli 1 Samuyele 15.22 kulembedwe kuti, “Mpawo Samuyele wakati, ‘Lino Samuele wakaamba wati, Saa Yahuwah ulabotelwa zipaizyo azituuzyo mbuli kuswiilila majwi aa-Yahuwah? Bona! Kuswiilila nkubotu kwiinda kupaila, kuzumina nkubotu kwiinda mafuta aabagutu bambelele.'” Cintu cuusisya ncakuti, eeli ndepenzi mazubaano akataa bantu aabo bayeeyela kuti balakonzya kubamba mapobwe aamu bbaibbele akuuntuluzyila malailile Yahuwah ngaakaamba kujatikizya mapobwe aayo. Bana Isilayeli bacikaka asunu kuswiilila Yahuwah, bacibamba mapobwe amwi, mbuli lya Pasika, kumwi kabauntuluzyila kasimpe kakuti kunyina Tempele, kunyina ziyumwido zisetekene nokuba bupaizi bubeleka cino ciindi. Pele bana Isilayeli tabatobeli Mozesi kwa myaka yiinda zyuulu zyobile.
Ibbuku lya Ciibalusyo liguminizya Tempele kuti mbo busena oobo Yahuwah mbwayoosala kuti akayimikizye zina lyakwe. Eelyo bbuku lya Mulawo nolyaambilizya Tempele kuti mbusena ooko zina lyokwa Yahuwah nkoliyoobambilwa, lyaamba makani aa mulimo wa Tempele: iTempele niŋanda ya zina lyokwa Yahuwah (“The Temple: Its Symbolism and Meaning Then and Now” by Joshua Berman, p. 63).
Ciibalusyo 12:26-27 caamba kuti, “Pele zintu zyako zisalalisya nzojisi azipo zyazikonke zyako, muleelede kuzitolelela kubusena obo Yahuwah mbwayoosala, mukatuule zipaizyo zyanu zyakutenta, nyama abulowa boonse, acipaililo ca-Yahuwah Leza wanu. Bulowa bwazipaizyo zyanu zitilwe acipaililo ca-Yahuwah Leza wanu, pele nyama mwiilye.” Aaka kampango kalisalazyide kwaamba kuti zituuzyo zyakeelede kuletwa biyo kubusena oobo Yahuwah mbwaakasala kubikka zina lyakwe, alimwi oobo busena bwakaba Tempele mu Jelusalema.
Ciibalusyo 12.5-8 caamba kuti, “Kubusena Yahuwah Leza wanu mbwasala akati kamisyobo yanu yoonse kuti abike izina lyakwe nkuko akwiimika cilao cakwe nkuko, amumuyandawide nkuko. Nkomweelede kuleta zipaizyo zyanu azituuzyo zyanu, zipanzi zyanu zyakumi azituuzyo nzemuleta, zikonkezyo zyanu azilumbyo zyanu, abana bataanzi baŋombe zyanu ambelele zyanu. Nkonkuko nkumunooyoolida kubusyu bwa-Yahuwah Leza wanu, akusekelela, inywe abasiŋanda banu boonse, mumilimo yoonse yamaanza aanu Yahuwah Leza wanu njamupa coolwe mulinjiyo. Tamukooyoocita mbutucita okuno ciindi ecino, muntu umwi aumwi nkwacita kufumbwa cintu ciluleme mumeso aakwe.” Alimwi, eelyo lyakaba Tempele mu Jelusalema.
Pobwe lili lyoonse lyakali kusanganya zituuzyo eezi (BaLevi 23) alimwi kuti yebo nootakali kukonzya kupa zituuzyo nkaambo kakuti kunyina Tempele, cipaililo, a bapaizi, nkokuti kwakanyina pobwe mbuli ndyaakalailide Yahuwah.
|
Pobwe lili lyoonse lyakali kujatikizya zipaizyo eezi (BaLevi 23) aboobo kuti kotajisi zituuzyo nokuba kuti kakunyina Tempele, nokuba cipaililo, abapaizi, nkokuti kunyina pobwe linga lyasekelelwa mbuli ndyaakalailila Yahuwah. Ngooyu mukonyanzyo, nkaambo nzi mazubaano bantu ncobajaya mwanaa mbelele lya Pasika nokuba kupa kufumbwa musyobo wa cituuzyo [korbanot]? Balo baamba kuti, “Nkaambo kunyina Tempele.” Mbombubo! Aboobo ikuti yebo kotakonzyi kutuuzya mwanaa mbelele nkaambo kunyina Tempele, mbubuti mbokonzya kubamba cibeela nociceya ca pobwe eelyo? Mwanaa mbelele ngo WAKALI Pasika, alimwi wakali kwiitwa akuti “lya Pasika.” . . .
Ciibalusyo 16.1-7 caamba kuti Mwanaa mbelele wa Pasika ukonzya buyo kujayilwa kubusena ooko Yahuwah nkwasala kubamba zina lyakwe” alimwi tiibakali kukonzya kubamba cibeela ca Pasika mu minzi yabo nociceya buti. Swebo tulizyi kuti zina lyakwe lyakaliko ku Mishkani aciindi cimwi eelyo nibaanjila mu nyika (BaLevi 23.10; Joshuwa 4.19 kusikila ku 5.11), mpoonya mukuya kwa ciindi lyakaba aku Jelusalema ku Tempele. Ciibalusyo 16.16 caamba kuti banalumi boonse bakeelede kulyeeta kunembo lya Yahuwah “kubusena obo Yahuwah mbwayoosala” ziindi zyotatwe amwaka, ku mapobwe aa [Hag Ha Matzah] (Cinkwa Citakwe Bumena), Shavuot naa (Pentekosti) alya Sukkot (Pobwe lya Mavwuka). Eelyo muntu naatakali kukonzya kubamba pobwe lya Pasika aciindi cakaambidwe mu bbuku lya Mulawo naa Torah, wakali kukonzya kubamba pobwe eelyo mumwezi uutobela (Myeelwe 9.10-11). Pele bakacileelede kuboola ku Jelusalema aku Tempele, alimwi eeci cakali kujatikizya basyomi ba musela mutaanzi.
Kamwi kaambo kapedwa kubamba pobwe mumwezi uutobela kakali kakuti ikuti yebo naa wakali “mumusinzo mulamfu” mbube tookali kukonzya kuba mu Jelusalema. Nokuba boobo, ikuti yebo nookali kukonzya kusekelela pobwe mubusena bumbi mbuli bantu bamazubaano, nikwakanyina kaambo kakupeda malailile aaya, nibakali kunga basekelela pobwe eelyo kufumbwa nkubaabede aciindi eeco. Pele Yahuwah wakaamba kuti tiibakeelede kucita cintu eeco. Nkaambo nzi bantu ba mazubaano ncobayeeyela kuti inga bacita cintu eeco? Nkaambo bacita ceeco ciluleme ku meso aabo. Balalidunda muzintu zya moza zyoonse kumwi kabaamba kuti “Zintu zyakacinca mu Cizuminano Cipya. Yahushua ngo mwanaa mbelele wesu alimwi tulakonzya kusekelela kufumbwa busena.”
Kunyina bumboni bwa Bbaibbele bwakuti Isilayeli wakasekelela pobwe noliba lyomwe anze lya nyika yabo, ku Bbabbuloni, nokuba kumbi kuli koonse kakwiina Mishkan/Tempele, bapaizi, azibelesyo zisetekene, naa korbanot.
|
Ikuti eeco nicali masimpe, nkaambo nzi ncitakali masimpe kubantu aabo bakalemba Milumbe a Mangwalo? Aabo bakali basyomi pele bakaboola ku Jelusalema aku Tempele kuzyoosekelela mapobwe. ... Kunyina bumboni bwa Bbaibbele bwakuti Isilayeli wakasekelela pobwe noliba lyomwe anze lya nyika yabo, ku Bbabbuloni, nokuba kumbi kuli koonse kakunyina Mishkan/Tempele, bapaizi, azibelesyo zisetekene, nokuba zituuzyo [korbanot].
Eeci tiicakali kujatikizya buyo pobwe lya Pasika, pele amapobwe otatwe aakweendela musinzo ciindi comwe amwaka (mapobwe aa “matende” aakali kwiitwa kuti Shelosh Regalimu nkaambo yebo wakeelede kweenda kuya ku Jelusalema kuyoosekelela mapobwe aayo) aa Cinkwa Citakwe Bumena, Shavuot (Pobwe lya Mvwiki zili ciloba), a Sukkot (Pobwe lya Mavwuka) alyalo (Kulonga 23.14-17; Ciibalusyo 16.16). Ikuti yebo nookali kukonzya kubamba mapobwe kufumbwa busena, nkaambo nzi Yahuwah ncaakali kunga wabaambila kuti beende ku Jelusalema aku Tempele?
Pele yebo toyelede kwaasekelela mapobwe anze lya Jelusalema a Tempele aboobo bakeelede kweenda paka kuyoosika kuya. Nkaambo nzi bantu basunu ncobayeeyela kuti balakonzya kwaasekelela mapobwe kufumbwa busena? Aabo bakali kutobela Mulawo wa bbuku lya Torah tiibakali kuyeeyela boobo . . . .
Ibbuku lya Ezula litwaambila kaano ka baabo bakabweeda lwabili kuzwa kubuzike kuboola ku Jelusalema. Muli Ezula 8.31-32, imbungano yakayaamuka mu “buzuba bwa kkumi aabili bwa mwezi mutaanzi” naa Aviv/Nisan 12. Pasika uli mubuzuba bwa Nisan 14. Kunyina mu mangwalo cilembedwe citondezya kuti bakasekelela Pasika kabali munzila kupiluka ku Jelusalema alimwi eeco nicatakali kulangilwa kuti nibakacita cintu eeco, mubwini, tiicakali kukonzyeka kucitwa, Nkaambo nzi? Nkaambo tiibakali kusekelela mapobwe aayo anze lya nyika yabo!
Mu Bbuku lya Esita, Esita wakaambilizya kuliimya kulya kwa mazuba otatwe. Ooko kuliimya kwakatola mazuba kuzwa muli bwa Nisan 13 kusikila muli bwa Nisan 16. Pobwe lyakwe litaanzi lyakali muli bwa 16, mpoonya lyabili lyakali muli bwa 17. Lino, eeco ciiminina kuti bakaliimya kulya muciindi ca Pasika (muli bwa Nisan 14) amubuzuba butaanzi bwa Pobwe lya Cinkwa Citakwe Bumena [Hag Ha Matzah] nkaambo tiibakali kusekelela Pasika nokuba Pobwe lya Cinkwa Citakwe Mimena anze lya nyika, anze lya Jelusalema, naa anze lya Tempele. Daniele wakaliimya kulya kwa mazuba aali 21, kutalikila muli bwa Nisan 3, mbube eeco ciiminina kuti wakaliimya kwiinda amuciindi ca Pasika, Cinkwa Citakwe Mimena, amu pobwe lya [Bikurim] (Daniele 10.2-4,13). Kunyina nokaba kampango komwe ikaamba kuti Daniele nokuba bana Isilayeli aabo bakatoledwe buzike kuti bakasekelela mapobwe aayo ku Bbabbiloni pe. . . .
Mu bbuku lya Milimo 18.21, Paulu waamba kuti “Ime ndeelede kusekelela pobwe eelyo ku Jelusalema” aboobo tulizyi kuti pobwe eelyo lyakali lya Shavuot (Pentekosti) nkaambo kulembedwe kuti mu Milimo 20.16 kuti “nkaambo wakalibindide kuti kwaakukonzeka, akabe mu-Jelusalemu kubuzuba bwa-Pentekoste.” Aboobo, naba Paulu lwakwe wakalimvwisyide kuti taakali kukonzya kusekelela mapobwe aayo anze lya Tempele mu Jelusalema. Nkaambo nzi walo ncaatakakkala biyo ooko nkwaakabede akusekelela mbuli mbobacita bantu bamazubaano? Ede awalo wakali “tempele” mbuli bantu mbobalyaamba sunu, embo na? Nkaambo nzi kuti walo naakali tempele ncaakali kubindila kusika ku Jelusalema kuyoosekelela pobwe? Hena yebo ulakonzya kusekelela mapobwe anze lya nyika na? Hena ulakonzya kubamba mapobwe kakwiina Tempele, cipaililo, nobaba babapaizi na? Paulu taakali kuyeeyela boobo nkaambo tacikonzyeki kuzuzika eeco, alimwi cilakazyanya aceeco cili mu Mulawo [Tanak], mbube walo wakaunka kubusena oobo Yahuwah mbwaakasala.
Mulawo ulailila kuti bantu baunke kubusena oobo Yahuwah mbwaakasala kubikka zina lyakwe (Ciibalusyo 16.16). Tabweelede kuba busena buyo ooko nkwaakabikka zina lyakwe (Jelusalema), pele kweelede akuba Tempele likonzya kubelesyegwa, cipaililo, a bapaizi akwalo (BaLevi 23.1-44; Kulonga 12.24-25; Ciibalusyo 12.5-9; 14.22-23; 16.2-6; 2 Makani 30.1-27). Nokuba kuti yebo nookali mu Jelusalema pele kakwiina Tempele, cipaililo, nokuba bapaizi, yebo tookali kukonzya kubamba mapobwe aayo. Ikuti eeco kacili masimpe, nkaambo nzi bantu ncobayeeyela kuti balakonzya kubamba mapobwe anze lya nyika (BaLevi 23.10)! Ikuti nikwakali Tempele linga lyabelesyegwa, cipaililo, a bapaizi alimwi yebo koli anze lya nyika ya Isilayeli, yebo tookacili kukonzya kusekelela mapobwe aayo, mbweenya mbuli mumukonzyanyo wa Paulu. Yebo wakaceelede kuunka ku Jelusalema ooko nkulyakabede Tempele.
Tiicakazumizyidwe kubungana antoomwe mumasena aatanteene kusekelela pobwe noliba lili buti, alimwi kuti nookacita oobo, yebo tookali kuzuzika mulawo. “Iciibalusyo” citambulika buyo kufumbwa nocitali kusola kubamba pobwe, aboobo amuleke kusendekezya mapobwe mu majwi aali boobo.
|
Tiicakazumizyidwe kubungana antoomwe mumasena aatanteene kusekelela pobwe noliba lili buti, alimwi kuti nookacita oobo, yebo tookali kuzuzika mulawo. “Iciibalusyo” cilatambulika kufumbwa biyo nocitali kusola kubamba pobwe, aboobo amuleke kusendekezya mapobwe mu majwi aali boobo. Bantu balakonzya kutalika kuyeeyela kuti bacita ciluleme anu kuti banyansya Mwami Yahuwah, mbuli Saulu mbwaakacita. Swebo inga kunooli twakasoleka “kubamba mapobwe” aayo mumyaka yakainda mpoonya nikwakainda ciindi, Yahuwah wakatalika kututondezya kuti eeci cakaluleme biyo mumeso eesu, pele tiicakaluleme mumeso ookwa Yahuwah. . . .
Bantu banji basyoma muli Yahushua batobela tunsiyansiya twa bamayi ba milawo alimwi balalubizya munzila njeenya Jelobowamu abaku Samaliya mbubaacita. Yebo tokonzyi kusekelela akubamba mapobwe anze lya nyika ya Isilayeli, anze lya Jelusalema, alimwi anze lya Tempele a bapaizi babeleka muli ndilyo. Itempele, cipaililo, abapaizi babeleka mulimo tabaciko mazubaano, aboobo muntu takonzyi kusekelela mapobwe. Mpaagolela makani. Twakabona bamwi kabayumya nsingo kululamika kuti balakonzya kucita cintu eeci, pele mbobabede kuyeeya bantu oobo, kuleka Yahuwah.
Twasyoma, twakujulila zintu zimwi zijatikizya makani aaya, amboyelede kwaayendelezya mu buumi bwako.
Eeci ncobali citali ca-WLC. Cakazyila ku: https://whitefeatherministries.com/can-you-keep-the-festivals-outside-jerusalem/
Twakagwisya mucibalo citaanzi mazina aamituni woonse ngobaulikide taata a Mwana, akubikka mucibaka cangawo mazina mataanzi ngubaapedwe. Kuyungizya waawo, twakojokolosya mu Mangwalo mazina aa Taata a Mwana, mbuli mbwaakalembedwe kutaanguna a balembi ba Bbaibbele bakayoyelwa moza. Nkamu ya-WLC
