|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Hena yebo kuli nookali masimpe kujatikizya cintu cimwi, eelyo nookakkazyikide camba mukuteelela kwako cakuti, wakazuunyana kusyoma pele aakale wakaakulijana kuti ulilubide? Mu caandaano 7 ca Johane,tubala makanaa nkamu zyobile eezyo zyakakkazyikide camba kutaminina kumakanaa Yahushua. Pele bakali lubide. Baliliibide kulubila. Atulangelange cibalo tubone ncotunga twaiya kuzwa mu kulubila kwabo.
Hena yebo kuli nookali masimpe kujatikizya cintu cimwi, kokkazyikide camba mukuteelela kwako, cakuti, wakali kutobelezya akujatisya lusyomo lwako pele akujana aakale kuti wakali lubide?
|
Bantu bakatalika kusyoma kuti Yahushua wakali Kristu wakasyomezyedwe. Aayo maleele ngaakali kucita akapa bumboni mbubakali kuyanda butondezya kuti walo wakali munanike. Balo bakati, “Pele banjibanji bankamu bakamusyoma bakati, Kristo asika, sena uzoocita malele manji aainda yaaya ngacita oyu muntu na? 32Ba-Farisi bakamvwa majwi ayo?”1 Kujanza limwi, kwakali kakamu kabantu batakali kuyanda kutambula Yahushua kuti ngowakali Messiah. Bamwi bakayaamikide kutasyoma kwabo mu makani aatazukide:
Johane 7:40-43 Bamwi akataa bantu aabo, aboobo, nibakamvwa majwi aaya, bakati,” 41 “Ooyu ngo Kristu.” Pele bamwi bakacili kukazya kuti, “Ena sena, Kristu ulazwa mu Galilaya na? 42 “Sena Magwalo taambide kuti Kristo ulazwa kumukowa wa-Davida, ulazwa ku-Betelehemu, kumunzi nkwaakali kukede Davida?” 43 Kwakaba kwaanzaana akati kankamu nkaambo kakwe.
Bantu aabo tiibakazyi kabotu-kabotu- cishinshimi cijatikizya Kristu cokwa Mika cakuti Kristu wakali kuyoozyila ku Betelehemu. Balo bakakazya kuti walo taakali kweelela zintu zyaambibdwe mu cishinshimi mbwaanga Yahushua wakali kwiitwa kuti muna Nazaleta3 alimwi kutali waku Betelehema. Icintu ncibatakazyi ncakuti Yahushua wakazyalilwa ku Betelehema. Ikuti nibakabuzya basikwiiya bakwe nokuba lwakwe Yahushua kujatikizya nkwaakazyila, nibakabbukizya kuti walo wakazuzika cishinshimi ca Mika. Pele bakaalilwa kuvwuntauzya makani aayo cakusindinganya. Kubula luzyibo lwa kasimpe kwabo, nokuba aasyoonto biyo, kwakabalesya kusyoma muli Yahushua kuti ngowakali Kristu.
" Kolisungwaazya kukonda Yahuwah, mbuli simulimo uutakwe cintu cimuusya insoni, uupandulula makani aalusinizyo mbukweelede." (2 Timoteo. 2:15)
|
Bamwi baakaka kusyoma muli Yahushua, kuleka biyo kuti tiibakakubwene nkwaakazyila, pele nkaambo kakutazyiba Mangwalo. Kuzumanana muli Johane 7, tubala kuti eelyo basololi mu bupaizi nobakamvwa kuti bantu bakasyoma muli Yahushua akaambo ka maleele aayo ngaakali kucita, baakalala akwiingula kwiinda mukutumina basilikani kuti bakamwaange Yahushua akumweeta kunembo lya mbunga ya beendelezi.4 Kutasyoma kwabo kwakaimvwi muzintu zinjaanji, kusanganaya a mizeezo ya kuliyeeyela, pele kutamvwisyisya Mangwalo kwabo ncecintu cipati cakabasinkilide. Balo bakali basyaazyibwene mu mulawo, pele bakalilubide kujatikizya ncaakali kuyiisya Mangwalo:
Johane 7:44-53 Bamwi bakali kuyanda kumujata, pele takukwe muntu uwakabikka janza ali nguwe. 45 The Bamapulisa bakeza kubapaizi bapati akuba-Farisi, bakabaambila kuti, Nkaambonzi ncomwatamuleta? 46Bamapulisa bakavuwa kuti, Takunabede muntu uuamba bobuya, 47Ba-Farisi bakabavuwa kuti, Anywebo mweeneenwa kale na? 48Sena mpali umwi wabapati naba waba-Farisi uwamusyoma? 49Pele nkamu eyi iitezi mulao iloombwezegwa. 50Nikodemo (oyo uwakazide kulinguwe ciindi, uwali umwi wambabo) wakabaambila kuti, 51Sena mulao wesu ulabeteka muntu, mane tusaangune kumvwa kulinguwe mwini akuziba mbwaakacita? 52Bakamuvuwa kuti, Sena ayebo uli wakuGalilaya? Kolangaula, ulabona kuti ku-Galilaya takuzwi musinsimi pe.”
Bapaizi basilutwe a Bafalisi bakalaazyi kabotu (Mangwalo), bakatolede makumi-makumi aamyaka kubala akuyiisya akwaabelesya. Balo bakali kudyakaizya baabo batakazyi zinjaanji mbuli mbabo, akubaita kuti “balisinganyidwe.” Kakuli mubwini balo lwabo mbambabo bakasingayidwe nkaambo kakusulaika Yahushua kuti ngu Messiah ookwa Yahuwah. Balo bakakkazyikide camba kudadanyana kuti kunyina mushinshimi wakazyila ku Galilaya, alimwi mbwaanga Yahushua wakazyila ku Nazaleta mu cooko ca Galilaya, walo taakali kukonzya kuba Kristu. Bakazumanana akukazya Nicodemusi, umwi wakali wabo, kuvwuntauzya Mangwalo kuti abone naa cakali luleme eeco. Pele bakalilubide cinicini mu zintu zyobile. Jonah, mushinshimi ooyo wakatolede mazuba amasiku otatwe mwida lya muswi mupati, wakazyilide ku Galilaya, mumunzi wa Gath-Hepher,5 kwaamba cigaminina, ooyo munzi wakali mamaile osanwe kuzwa ku Nazaleta.6 Bakali lubide aku makani aa mushinshimi Yahushua mbweenya mbuli ku makani aa muna Galilaya ooyu Messiah wakasyomezyedwe.
Zyoonse zyobile nkamu zya bantu, imbungano ya bantu aya bapaizi, baamukaka Yahushua kuti ngo Kristu, mucibeela cisyoonto, nkaambo kakutamvwisyisya kwabo kuti Yahushua wakali ni a ceeco Mangwalo ncaakali kwaamba kujatikizya Kristu. Ncinzi ncotunga twaiya mu kulubila lyo kuli boobo?
Kukkazyika camba a Kusinizya Takusyomyi Kuba Masimpe
Kukkazyika camba tacili citondezyo ca kuba masimpe. Nanka kusinizya. Yebo inga kokkazyikide camba kumakani amwi pele kolubide.
|
Kukkazyika camba tacili citondezyo ca kuba masimpe. Nokuba kubaa lusinizyo. Yebo ulakonzya kukkazyika camba kujatikizya makani amwi pele kolubide. Mwaapositolo Paulu wakali mvwisyide ntenda njibaalangene aabo bakaliibide kukanana makanaa Mangwalo pele kabatazyi ncibakali kwaamba:
1 Timoteo 1:6-7 For Nokuba boobo bamwi bazileka zintu ezi zinizini, bagama zimbi zyabuyo, 7Balayandisya kuba baiyi bamulao, anu tabacimvwi ancobaamba neciba ceeco ncobasinizya, pe.
Banakristu bavwuzya kukkazyika camba mu kuteelela caamba Mangwalo kujatikizya Yahushua. Pele banjaanji nobabala muli ngawo kweendelanya a tunsiyansiya twa Cikombelo alimwi kutali mbuli mbwaakalembwa bwini, cintu citobela waawo nkuteelela kupyopyongene ku makani aa mwaalumi ooyo Yahuwah ngwaakasumpula ku janza Lyakwe lya lulyo.
Basicikolo Inga Kabalubide
Mukubula coolwe, kuleka buyo bamayi baluulwa kuyiisya Bbaibbele, abalo balakonzya kulubila; basicikolo bayiide abalo balakonzya kulubila. Paulu, mu Falisi wakafundisyidwe aa mwiyi wakalaa mpuwo Gamalieli, taakali kukonzya kweelana aa baabo.7 Kataninga zumina Yahushua kuti ngo Mwami a Messiah, walo wakakkazyikide camba kuti ooyu muntu muna Nazaleta taakali Kristu. Walo wakali kkazyikide camba cakuti wakali kuvwima Banakristu calunya kubee mbanyama ba musokwe akubatundulula, alimwi eelyo ciindi nicaasika, walo nguwakali kukosozya kuti bakajaigwe.8 Nokuba kuti walo wakali fundisyidwe Mangwalo, Paulu, mbweenya mbuli ba Falisi ba Johane cipati 7, wakali manininde kulibila kujaitikizya Yahushua. Mbube, lwiiyo lwa bufundisi tiilwakali cisyomyo ca kasimpe nokuba kulesya umwi kulubila, nokuba kulubizyila lyo citaambiki.
Eelyo Kuteelela Kwako Nokusunkwa, Kozyokela ku Bbaibbele
Eelyo ba Falisi nibakasunkwa abaabo batakayiide kapati, bakaalilwa kulitola ansi nokuba kulangalanga kuti naa kunooli mpobakalubide. Pele, mbuli bwakaambide muntu aciindi cimwi kuti, ikuti yebo kotaangulukide kulubila, tolibambide kuzyiba masimpe. Paulu wakalemba kuti kuyanda kasimpe ncintu ciyandika kuti ujane lufutuko.9 Aboobo tacili cintu cigambya kuti Yahushua wakaamba kuti Taata uyandaula bakombi banoomukomba mu muuya amu kasimpe:
Ba Falisi tiibakajisi luyando ku kasimpe. Balo bakaalilwa kuvwuntauzya zibalo zijatikizya Messiah, kabayeeme biyo kuli ceeco ncibakayiisyigwa nokuba kukonzya kwiibaluka Mangwalo cabululeme.
|
Johane 4:23-26 “Pele ciindi cilasika, ncencico cino, abakomba cakasimpe ncobayoomukomba Taata mumuuya amubwini, nkaambo mbambabo abo mbayanda Taata, kuti babe basikumukomba. 24Yahuwah ngo-Muuya, eno abamukomba balyeelede kumukomba mumuuya amubwini. 25Mwanakazi wakamwaambila kuti, Ndilizi kuti Mesiya uleza (uutegwa Kristo), asika uyootupandulwida zintu zyoonse. 26Yahushua wakamwaambila kuti, Ede kai, ndime Mesiya.”
Ba Falisi tiibakajisi luyando ku kasimpe. Balo bakaalilwa kuvwuntauzya zibalo zijatikizya Messiah, kunze lya boobo bakayaamide kuli ceeco ncibakayiisyigwa nokuba kukakatila kwabo kwiibaluka Mangwalo cabululeme. Balo tiibakali kuyanda kusunka mizeezo yabo akuyeezyekanya ku jwi lya Yahuwah.
Cabweemya, mbuli bafundisi, tiibakatola ciindi cakuti babandike makani kabotu-kabotu antoomwe abaabo mbubakali kuyeeyela kuti bakalilubide. Kunze lyaboobo muciindi ca kukanana kasimpe mu luyando,10 balo bakatalika kukalala akubasinganya. Tacigambyi kuti Jakobe wakalemba kuti bamayi bayooliletelezya lubeta lwiinda kulema?11 Ooko kucenjezyegwa kweelede kutukulwaizya kulitolaansi aswebo lwesu nkaambo inga katunoolubide mukutaminina kwesu.
Kuli zintu zinjaanji zitulesya kubona Yahushua mbuli mbwabede bwinibwini alimwi kutali yooyo ngotwaambilwaa milazyo. Kutamvwisyisya kwa misela ya Cikombelo kwakaimpya kusandulula Mangwalo, alimwi kutayanda kulomya kuvwuntauzya makani inga kwalengelezya zisinkilizyo eezyo zitulesya kubona Yahushua wa musela mutaanzi mubuntu bwakwe bukkwene a nguzu nzyaakapedwe kuli Yahuwah. Lino, kwiinda kaindi, swebo tweelede kulitolaansi lwesu akubuzya Yahuwah kuti ajule meso eesu akutupa kuteelela.12
2 Mika 5:2.
3 Maako 10:47; 14:67; 16:6, Milimo 2:22; 4:10, 22:8, azimwi zinjaanji.
4Johane 7:32, 44-45.
6 Ibbuku lisandulula mabala lya International Standard Bible Encyclopedia libikka munzi wa Gath-Hepher kuti uli mamaile obile kuzwa ku Nazaleta. https://biblehub.com/topical/g/gath-hepher.htm Eelyo bbuku lisandulula mabala lya Bbaibbele lya Easton Bible Dictionary lyaamba kuti ooyo munzi uli mamaile osanwe kuzwa ku munzi nkwaakazyalilwa Yahushua. https://www.biblestudytools.com/dictionary/gath-hepher/
7 Bafilipo 3:5; Milimo 22:3, 19-20; 26:5.
8 Milimo 8:3; 22:4-5; 26:9.
9 2 Batesalonika 2:10.
10 BaEfeso 4:11-16.
11 Jakobe 3:1.
12 Intembauzyo 119:18, 144.
Eeci ncibalo citali ca-WLC. Cakazyila ku: https://oneGodworship.com/confidently-wrong-about-Jesus/
Twakagwisya mucibalo citaanzi mazina aamituni woonse ngobaulikide taata a Mwana, akubikka mucibaka cangawo mazina mataanzi ngubaapedwe. Kuyungizya waawo, twakojokolosya mu Mangwalo mazina aa Taata a Mwana, mbuli mbwaakalembedwe kutaanguna a balembi ba Bbaibbele bakayoyelwa moza. Nkamu ya-WLC
