|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kmk km kk km aways kasimpe kwiinda buumi, nkanko akukavwuntauzya kufumbwa nkokakonzya kujanwa. |
Hena kuli nookabuzyide bazyali bako ncobazyibide ciyanza cakucita cintu cimwi mpoona balo bakuvwiila ati, “Nciyanza cesu we”? Ngooyu mukonzyanyo wakaano: Kamwi kana kasimbi kasyoonto kakali kulangilizya banyina bayokelela nyama yakulalila mangolezya, kakabona banyina banyongola mumabalibali. Eeci cakakazinga aaka kasimbi. Mupika wakukangila wakali mupati cakukonzya kukkwanya zituli zyoonse mukati, aboobo ino ninzi ncibaali kukosweda camumabalibali? Kakabuzya banyina kuti, “ Nkaambo nzi ncomutendulula zikanda zyamumbali aanyama?” Bwiinguzi mbukaapegwa tiibwakali kukkazyika moyo; banyina bakakaambila kuti, “Ambeyo nsyezyi pe; mbubwenya oobu ambeyo babaama mbubakali kujika aboobo ndakayiya mbabo.” Aboobo kasimbi aako kakaunka kuli banyinakulu akuyoobuzya ngweenya mubuzyo mpoonya akwiingulwa munzila njeenya. Lino kakatyompedwe kakaunka kuyoobuzya banyina bazyala bakaapanyina, “Nkaambo nzi ncimwakali kutendulula mumbalaa nyama yakuyoka?” Aabo banyina baneene bakaingule bakati, “Pe ma, okalungu kaamoyo, Ime nsyeekajisi buyo mupika mupati kuti zyoonse zibeela zikkwanine kunjila mukati aboobo ncenciceeco nceekali kutendulwida mumbali.”
Mbubuti eeci mbocijatikizya Bbaibbele? Ncuubauba eeco. Mazubaano Banakristu abalo bacita cintu nceenya eeco, pele kutali kunyama yakuyoka. Banakristu banjombede muli ncotunga twayita kuti “tunsiyansiya twa Bunakristu,” kuyaamina kumazuba aazyibidwe kubaa mpuwo kapati, eeco cibakwelelezya kuti bantu bajatilile caamba bantunyina kakwiina akuvwuntauzya kuti naa mbocibede bwini mu Mangwalo. Eeci ncintu cilaantenda. Mbubuti mboyeeyela kuti Plato, Luther, a Augustine ncibakalaa mpuwo mubupaizi? Bantu tiibakali kulomya kulangisya ncibakali kuteelela akuceezyeka ku Bbaibbele. Baali kuyumya nsingo mukuliiba maanu ali koocindyoli, ambweni atwaambe kuti, bakali batolo!
Ikuti katutabali Bbaibbele inga twatalika kumvwidilila lweeno lwa Saatani oolo ndwabikka kunembo lyesu. Saatani, leza wa musela uuno, ulaa nzila zyabumpelenge zyakweena alimwi kooze nkayandisya kuca Banakristu nka tunsiyansiya. Mukaano ka sikuminza (Mateyo 13, Luuka 8) twaambilwa kuti Saatani ulaboola kuzyoolwana baabo bagonkelwa mumbalaa nzila akubanyanga mbuto iifutula iiyandika, kutegwa batamvwisisyi akusyoma makani mabotu aa Mulumbe Mubotu mbuli Yahushua mbwaakayiisya (Langa muli Luuka 8:12). Ncobeni cintu cipati kuli Saatani nkwaandaanya Yahushua kuzwa ku Mulumbe wakwe. Tweelede kucenjela ciindi coonse, kweezyekanya ncotwiiya ku Mangwalo!
Mukampango ka Milimo 17:11, tupedwe makani aa nkamu yabantu, ba Beliya, aabo bakaswata Bbaibbele abuzuba kuti bazyibe naa Paulu wakali kukambauka masimpe. Nokuba kuti ba Beliya kabali bakali kubalila kuti bamujate kubeja Paulu, Pele milimo yabo yakubeleka cakusyomeka akasimpe kokwa Paulu cakabapa kuba basyomi batugwa muncili.
Nkweenwa nzi kwakayambukila Cikombelo kusikila ciindi cino? Kweenwa kuti ijulu mbusena bwa myuuya iitakwe mibili. Kunyina pe Bbaibbele mpoyaamba kuti swebo, twaakufwa, tuyokuunka kujulu pe. Abulahamu, Isaka, Jakobe, a Davida tiibakasyomezyegwa kuyookkalila atalaa kkumbi nokuba acuuno cabulemu nokuba atalaa fulicoongo kabali kujulu, pele baasyomezyegwa nyika amalelo, lunyungu abuleli aano anyika (Ciyubunuzyo. 5:10; Mateyo. 5:5). Yahuwah wakabamba cizuminano ambabo kuti bulelo bwabo buyakoongola kukabe kutamani akuti bayookona nyika munyika iilenguludwe bupya. Nokuba boobo, mulumbe uuzyibidwe “kumvwika kukondelezya” tuuciguminizyi makani aaya pe, nkaambo ncuubauba kwaambila muntu kuti aakufwa uyokuunka kujulu muciindi cakuti akoone mu cuumbwe (mu shilo) kusikila Messiah akazyokele. Ncintu cuubauba kufwinyina meso kukasimpe aako kaubauba kaamba buyo kuti “bafwide kunyina cili coonse ncobazyi pe” (Mukambausi. 9:5) akusala kusyoma ciimpene, kuti bafwide bacilimvwa bulanga kabali kujulu nokuba kumulilo. Ncuubauba, nkaambo nciyanza kale cabantu.
Akwalo, kwaamba kuti Yahuwah mbantu botatwe nokuba zibeela zyotatwe nkuyangukila limwi! Mpali mpokulembedwe mu Bbaibbele mpotubala kuti Yahuwah mbantu botatwe? Kunyina pe, pele kuli tumpango tunjaanji twaamba kuti Yahushua Mwanaa Leza. Muli Johane 3:16 tuyiisyigwa kuti Yahuwah wakiiyanda nyika cakuti Walo wakatuma Mwanaakwe simuzyalwaalikke. 
Mulazyo mupati wa Yahushua a Bbaibbele, iShema (Ciibalusyo. 6:4), waamba kuti Yahuwah ngu Simalelo omwe. Aboobo Yahuwah takonzyi kuba bobile nobaba botatwe. Yahuwah ngumwi alimwi ubeleka milimo kwiinda muli Messiah ooyo uubeleka muli ndiswe.
1 Bakolinto 15:3-4 ntumpango tuyandika kapati kululamika Mulumbe Mubotu. Nokubaboobo, tatweelede kuzandulwa kuzwa ku myeelwe yatumpango tumwi ooto tupandulula Mulumbe Mubotu. Paulu wakalemba zintu zyotawe “zitaanzi kuyandika.” Paulu taakazandula Bulelo kuzwa ku Mulumbe Mubotu. Muli Luuka 4:43 Yahushua utwaambila mulimo ngwaakatumwa: kukambauka Mulumbe Mubotu wa Bulelo kubantu boonse (Mateyo. 28:19, 20). Ooyo ngowakali mulimo woonse ngwaakabambilwa munguzu zya Yahuwah. Bunakristu bwa mazubaano bwakauntuluzya ncaakatwaambila Yahushua muli Luuka 4:43. Mulumbe wa Bulelo utonkelwa kusyule “kuzyuli” lya cikombelo. Muciindi cakutonkomana kwaambilizya makani mabotu aa Bulelo bwa Yahuwah, Banakristu lino bakalutila kwaambila buyo bantu kuti Yahushua wakafwa akubusyigwa kulufu.
Cili masimpe kuti Yahushua taakatumwa buyo kuzyoofwa aciciingano, mbuli mbotuwentuzya kuteelela kucikombelo nokuba kucikolo ca Nsondo. Mucibaka caboobo wakatumwa kuzyokwaambila bamwi makani mabotu aa nyika mpya njakanzide kulengulula oomo Yahuwah mwayooyakila Bulelo (Maako 1:14, 15), kutegwa kwiinda mukulyeempa, kumvwisyisya akusyoma tulibambile. Yahushua wakakambauka kwaciindi cilamfu kataninga sanganya Mulumbe Mubotu wa Bulelo amakani aayungizya kusandulula zya lufu akubuka kwakwe kuzwa kubafu (Mateyo. 16:21).
Ikuti katuyandisya kuba basikwiiya ba Messiah, hena tatweelede kuyiisya mulumbe ooyo walo ngwaakazumenene kubeleka akukambauka kuti Mulumbe Mubotu?
|
Kutegwa mujane makani manjaanji aaciiyo cipati eeci, mukaswaye kubusena bwa WLC Content Directory: The Trinity (doctrinal error) |
Eeci cibalo citali ca-WLC cakalembwa aba Miranda Baldwin.
Twakagwisya mucibalo citaanzi mazina aabakomba mituni ngobayita Taata a Mwana akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude mazina aa Taata a Mwana akubikka mucibaka cangawo mazina aabo mbwaakalembedwe kutaanguna abalembi ba Bbaibbele bakayoyelwa Moza. Nkamu ya-WLC
