Taata a Mwana (Mbabili, Tabali Omwe)

• Mateyo 20:23 – Taata A Mwana – mbantu nsini bobile.
• Johane 3:16 – Nkaambo Yahuwah wakiiyandisya nyika cakuti Walo wakiipa, kutali Nguwe Lwakwe, pele Mwanaakwe.
• Johane 3:17 – Yahuwah wakatumina Mwanaakwe munyika. Saa Yahuwah wakalituma mwini Lwakwe na?
• Johane 5:37 – Inywe tamuninga mumvwide nokuba kumubona Taata (pele bakamubona akumuswiilizya Mwana,) aboobo mbantu bobile baanzeene.
• Johane 5:37 – Kuli bakamboni BOBILE – (1) Taata a (2) Mwana (mbantu bobile).
• Johane 5:43 – Yahushua wakasika muzina lya Wisi, pele tiibakamutambula.
• Johane 8:18 – Kuli bakamboni BOBILE; Taata a Mwana (mbantu bobile).
• Johne 8:19 – Inywe tamundizyi Ime nanka Taata (bantu bobile).
• Johane 10:29 – Taata mupati kwiinda boonse (bamwi).
• Johane 12:28 – Yahushua wakati, “Taata, alipegwe bulemu zina Lyako.” Ijwi lyakamwiingula kujulu. Saa wakali Yahushua wakali kuliingula mwini lwakwe na?
• Johane 14:1 – Inywe amusyome muli Yahuwah, kamusyoma AMULI ndime (mbantu bobile).
• Johane 14:25 – Majwi aangu taali angu, pele Ngaakwe ooyo wakandituma 'me (mbantu bobile: uutuma/ a mutumwa).
• Johane 14:28 – TAATA wangu mupati kwiinda Ndime – masimpe (mbantu bobile; Taata a Mwana).
• Johane 15:1 – Ime nde ndime cisyiko camasaansa. TAATA wangu nguubambilila muunda wamasaansa; bantu bobile baindene.
• Johane 15:9 – Taata wakandiyanda 'me, aboobo Ime ndamuyanda inywe (nkamu zyotatwe; Taata, Mwana a basikwiiya).
• Johane 15:10 – Ikuti kondiyanda Ime bamba milawo yangu mbweenya mbuli Ndime mbwebamba milawo ya Taata.
• Johane 15:24 – Bakatucimwa TOBILE Ime A Taata wangu (mbantu bobile).
• Johane 16:3 – Inywe tamumuzyi Taata nanka ndime (nkamu zyobile; Taata a Mwana).
• Johane 16:28 – Ime ndakaboola ansi kuzwa kuli Taata alimwi ndaunka kuli Taata. Hena Yahushua wakaunka kuli nguwe mwini Lwakwe na?
• Johane 16:32 – Ime nsyeli endikke, nkaambo Taata ulaa ndime (mbantu bobile).
• Johane 17:1 – Yahushua wakapaila kuli Wisi. Saa wakali kupailila kuli nguwe mwini lwakwe na?
• Johane 17:3 – BUUMI BUTAMANI nkuzyiba ndiwe, OLIKKE ELI OWAMASIMPE, A Yahushua Messiah ooyo ngookatuma. Hena tulayanda buumi butamani? Ikuti kakuli boobo, atusyome muli Taata a Mwana (Bantu bobile).
• Johane 17:4 – Ime ndakakupa bulemu anyika, alimwi ndamanizya mulimo ngookandipa kucita (Simalelo a mubelesi wakwe).
• Johane 17:5 – Lino Taata, ndaabile bulemu ambeyo. Bali bobile; umwi mupati, umwi musyoonto).
• Johane 17:11 – Taata, kobabamba basikwiiya bangu, kutegwa babe BOMWE MBULI MBOTULI BOMWE. Kwaambilizya: Yahushua a Wisi bali “bomwe” mbweenya mbuli basikwiiya bali 12 mbobeelede kuba “bomwe;” nkokuti, “bomwe mumakanze amulusyomo.
• Johane 17:18 – Mbuli NDIWE mbookatumina NDIME, aboobo Ime ndabatumina munyika. Nkamu zyotatwe: Yebo, Ime, ambabo.
• Johane 17:21 – Kutegwa babe bomwe muli NDISWE; yebo a Ndime. Kwaamba kuti ISWE cileelene abantu bobile nokuba banji kwiinda waawo.
• Johane 17:22 – Kutegwa Baapositolo babe bomwe mbuli NDISWE mbotuli BOMWE. Saa baapositolo bakali muntu omwe na, kutali bantu bali 12? Mbweenya baapositolo mbubakali bantu baanzeene bali 12, pele bakalaa makanze omwe, aboobo Taata Wakujulu a Mwanaakwe bakali bantu bobile balaa makanze omwe.
• Milimo 2:24* – Aawa tujisi bantu BOBILE TWO: Umwi MUZUMI, umwi ULIFWIDE. Yahushua, kafwide, taakali kukonzya kulibusya lwakwe. Nguni waamubusya? Yahuwah wakamubusya kuzwa mucuumbwe – kuzwa kulufu (Milimo 3:14,15).
• Milimo 2:27 – muya wa Yahushua tiiwakalekelwa kuya ku mulilo uutamani; awalo wakabusyigwa kuzwa kumulilo uutamani, mucuumbwe, kuzwa kubafu (cisyoontoo 32). Nguni waamubusya? Kwiinda munguzu zya Yahuwah (mbantu bobile baambwa waawa).
• BaLoma 1:3 – Wakaambilizyigwa kuba mwanaa Yahuwah, … kwiinda mukubuka kwakwe kuzwa kubafu (bantu bobile).
• BaGalatiya 1:1 – Yahuwah (Taata) wakabusya Yahushua (Mwana) kuzwa kubafu. Yahushua wakali kukonzya kufwa, pele Wisi taakali kukonzya kufwa. BaEfeso 6:23 – Luumuno kubantu boonse kuzwa kuli Yahuwah Taata A kuzwa kuli Yahushua. Mbantu bobile bali nsini baanzeene.
• BaFilipo 1:2 – Luzyalo kuzwa kuli Yahuwah Taata wesu A kuzwa kuli Yahushua Messiah. Mbantu bobile.
• Bakolose 1:1 – Paulu mwaapositolo wa Yahushua Messiah kwiinda mukuyanda kwa Yahuwah (Bantu botatwe: Paulu, Yahuwah, a Yahushua).
• 1 Batesalonika 1:1 – Luumuno kuzwa kuli Yahuwah Taata A Mufutuli Yahushua (Bantu bobile; Taata a Mwana).
• 2 Batesalonika 1:2 – Luumuno kuzwa kuli Yahuwah Taata A Yahushua Messiah (bantu bobile).
• 1 Tim.1:1 – Paulu, mwaapositolo wa Yahushua kwiinda mu malailile aa Yahuwah A Yahushua Messiah (Bantu bobile).
• 1 Timoteo 1:2 – Luzyalo, Luse aluumuno kuzwa kuli Yahuwah Taata, A kuzwa kuli Yahushua Messiah.
• 2 Timoteo 1:2 – Luzyalo a luumuno kuzwa kuli Yahuwah Taata A kuzwa kuli Yahushua Mufutuli wesu.
• Tito 1:1 – Paulu, mulanda wa Yahuwah, A mwaapositolo wa Yahushua.
• BaFilipo 3 – Luzyalo kuli ndinywe, aluumuno (1) kuzwa kuli Yahuwah Taata wesu A (2) kuzwa kuli Yahushua Messiah.
• BaHebulayo 1:1 – Yahuwah muziindi zyakainda wakaambaula kwiinda mubashinshimi, pele mazubaano ulakanana kwiinda mu Mwanaakwe.
• Jemusi 1:1 – Jemusi, mulanda wa (1) Yahuwah, a (2) Yahushua.
• 1 Petulo 1:3 – Alelekwe Eli, Wisi wamufutuli wesu Yahushua.
• 2 Petulo 1:2 – Luzyalo kuli ndinywe kwiinda muluzyibo lwa Yahuwah, A Yahushua Messiah (nkamu zyobile).
• 1 Johane 1:3 – Lukamantano lwesu luli aa Taata, A Mwanaakwe Yahushua Messiah.
• 1 Johane 2:1 – Ikuti kakuli uulaa zinyonyoono, tulijisi muzeki uutwiiminina kuli Taata, Yahushua Messiah (Taata Yahuwah a muzeki Yahushua (mbantu bobile).
• 2 Johane 9 – Kufumbwa uukkalilila mulusyomo lwa Messiah, ulijisi BOBILE antoomwe Taata A Mwanaakwe.
• Jude 1 – Yahuwah Taata A, Yahushua Messiah (mbantu bobile).
• Jude 4 – Bamwi balamukaka Yahuwah uuli luzutu alikke, A Mufutuli wesu Yahushua Messiah (mbantu bobile).
• Ciyubunuzyo 1:1* – Ciyubunuzyo ca Yahuwah ooyo wakalyaaba. Peepe. Peepe nee. Yahuwah taakalipa ciyubunuzyo kuli nguwe lwakwe, pele ku mwanaakwe Yahushua Messiah.
• Ciyubunuzyo 1:4* – Kwaanzyigwa kuzwa kubantu bobile: (1) Ooyo uuliko, wakaliko, alimwi uuciboola (Yahuwah uuteeli); Akuzwa kuli Yahushua Messiah kamboni uusyomeka, mutaanzi kuzyalwa ku bafu, azimwi.(cisyoonto 5).
• Ciyubunuzyo 1:9* – Ijwi lya Yahuwah acikonkezyo cokwa Yahushua: mbantu bobile.
• Ciyubunuzyo 2:8* – Majwi aayooyo wakafwide (Yahushua). Ncintu citakonzyeki kuti Taata afwe, aboobo Yahushua takonzyene a Taata alimwi ngweenya ooyo kuti abe Taata.
• Ciyubunuzyo 2:26 – Ooyo uuzunda, Ime (Yahushua) njoomupa nguzu atalaa masi, mbweenya ambeyo mbweekatambula nguzu kuzwa kuli Taata wangu (cisyoonto 27). Bantu bobile: Musyoonto utambula nguzu zizwa kuli umwi.
• Ciyubunuzyo 3:5 – Bantu bobile: umwi wabo uuyoozekela mazina eesu kunembo lya umwi. Mbaani bobile aaba? Taata Yahuwah a Mwana Yahushua.
• Ciyubunuzyo 3:12* Ooyo uuyoozunda, Ime (Yahushua, cisyoonto 11) ndiyoomubamba kuba musemo mutempele lya ELOAH WANGU; alimwi ali nguwe zina lya ELOAH WANGU; azimwi. Eli ookwa Yahushua wakali uumbi kutali nguwe lwakwe.
• Ciyubunuzyo 3:14 – Majwi ookwa Ameni, uusyomeka alimwi kamboni wamasimpe, mutaanzi mumalengelo ookwa Eli. Mbantu bobile baambwa waawa: (1) Eli mulengi, a (2) ooyo wakalengwa – Kamboni wamasimpe (Yahushua).
• Ciyubunuzyo 3:21 – Bakomi bayookkala andime (Yahushua) acuuno cangu, mbuli mbweekakoma alimwi ndikkede a Taata acuuno Cakwe. Zyuuno zyobile abantu bobile baambwa: (1) Taata acuuno Cakwe, a (2) Mwanaakwe acuuno cakwe.
• Ciyubunuzyo 4:2-11 – Ooyo wakakkede acuuno (Ciyubunuzyo 4:2,3,9,10; 5:1,7; 19:4; 20:11; 21:5), wakali Yahuwah, Eli Singuzuzyoonse. Yahushua, syuumbwa wa mukowa wa Judah, wakamuyanda (Davida, Mwanaambelele wakajaigwa, alimwi nguujula zidinto zili ciloba (Ciyubunuzyo 5:2-10); taakali Yahuwah.Wakaliimvwi kunembo lya cuuno aawo (Yahuwah) mpaakakkede: mbantu bobile.
• Ciyubunuzyo 5:11-13 – Kutembaula akupegwe kuli (1) Yooyo uukkede acuuno, aku (2) Mwanaambelele wakajaigwa.
• Ciyubunuzyo 6:16 – Kotusisa kuzwa (1) kuli Yooyo uukkede acuuno, a (2) bukali bwa Mwanaambelele: Mbantu bobile.
• Ciyubunuzyo 7:9,10 – Lufutuko ndulwa Eli wesul aku Mwanaambelele: Mbantu bobile.
• Ciyubunuzyo 7:17 – Mwanaambelele, lino uulaa cuuno, kujanza lya Wisi lyalulyo (BaHebulayo1:3), uyooba mweembezi wabo; alimwi Yahuwah uyoosansamuna misyozi yabo: Mbantu bobile.
• Ciyubunuzyo 11:15 – Malelo aanyika aba bulelo bwa Yahuwah wesu, abwa Messiah: mbantu bobile.
• Ciyubunuzyo 12:17 – Aabo babamba milawo yokwa Yahuwah (muntu mutaanzi), alimwi balaa bumboni bwa Yahushua (muntu wabili).
• Ciyubunuzyo 14:1,4 – Aaba balaa Zina lya Taata kalilembedwe ankumo zyabo (Muci Giliki – Zina lya Taata alya Mwana), alimwi balo nje micelo mitaanzi kuli Yahuwah A wanaambelele.
• Ciyubunuzyo 14:12 – Aabo babamba milawo yokwa Yahuwah A lusyomo lwa Yahushua: bantu bobile.
• Ciyubunuzyo 15:3* – Bantu botatwe balaambidwe mazina aawa: Yahuwah, Mwanaambelele, a Mozesi. Ikuti Mozesi a Yahuwah kabatali muntu omwe alimwi kabatakonzyene, nkaambo nzi ncotuyeeya kuti Mwanaambelele a Yahuwah muntu ngweenya omwe?
• Ciyubunuzyo 19:4-7 – Mbantu bone baambwa aawa: Yahuwah Singuzuzyoonse, Mwanaambelele (Yahushua, sibwiinga), nabwiinga ookwa Messiah, makunga aabantu.
• Ciyubunuzyo 20:6 – Bayooba bapaizi (1) ba Yahuwah aba (2) Messiah
• Ciyubunuzyo 21:9,10 – Bantu botatwe: Yahuwah, Mwanaambelele, a nabwiinga.
• Ciyubunuzyo 21:22 – Bobile balaambidwe mazina: Yahuwah a Mwanaambelele. Aaba bali mu tempele mu Jelusalema.
• Ciyubunuzyo 22:1 – Mulonga wabuumi ulakunka kuzwa kucuuno ca Yahuwah A ca Mwanaambelele (bantu bobile).
• Ciyubunuzyo 22:3 – Kucinoonyina kusinganyigwa nkaambo cuuno ca Yahuwah A ca Mwanaambelele cinooli mumunzi: bantu bobile.

Kukosozya makani:

Nobasazima, kulenga muntu OMWE kuzwa kubantu bobile aaba:

• Yahuwah Taata (uukkede acuuno), a
• Yahushua Mwana (Messiah, Mwanaambelele);

...kuyandika kupindulula mabala manjaanji, mazina aamilimo, mazina, busongo, twaambo, a Mangwalo. Cilainda kubota kutambula “mukupa wa Jwi wini” (1 Petulo 2:2), a “kutambula cakulitola ansi Ijwi lilembedwe” lya Yahuwah (Jemusi 1:21), “…eelyo likonzya kukulailila lufutuko kwiinda mukusyoma muli Messiah Yahushua. Nkaambo Mangwalo woonse aapedwe kwiinda mukuyoyelwa Moza ookwa Yahuwah, alaa mulimo mu lusyomo, kulaya, kululamika, kupa malailile mu bululami: kutegwa muntu wa Yahuwah akonzye kulondoka, kamaninide mumilimo mibotu yoonse” (2 Timoteo 3:16,17 KJV).

Mulimo mubotu omwe ngotweelede kuzumanana kukulwaizya ngwa LUSYOMO; Kusyoma munzintu zitobela:

• Kusyoma Omwe Mupati ali boonse ooyo UUPONA LYOONSE. Izina Lyakwe ngu Yahuwah, Mulengi wa majulu anyika azintu zyoonse zili muli nzizyo.
• Kusyoma mu Mwanaa Yahuwah; Yahushua ooyo WAKAFWIDA kunununa babisyi akubuka alimwi mu buzuba bwatatu. Walo “wakaambilizyigwa kuti Mwanaa Yahuwah… kwiinda mukubuka kuzwa kubafu (BaLoma1:1-4).

Eeci cibalo citali ca-WLC cakazyila abusena bwa https://everlastinggoodnewsofyahweh.info/.

Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina aa Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC