Twee Getuies In Die Skrifte (Openbaring 11 Verduidelik)

Wie op aarde is hierdie Twee Getuies van Openbaring 11, en hoe is ons veronderstel om hierdie gedeeltes van die Skrifte te interpreteer? Indien u met vrae kom, dan het ek die antwoorde. Laat ons begin met `n teksvers. Openbaring 11:3-6 sê die volgende:

“En Ek sal aan my twee getuies gee dat hulle, met sakke bekleed, duisend twee honderd en sestig dae lank sal profeteer.”

⁴ Hulle is die twee olyfbome en die twee kandelare wat voor die God van die aarde staan. ⁵ En as iemand hulle wil beskadig, gaan daar vuur uit hulle mond en verslind hulle vyande, en as iemand hulle wil beskadig, moet hy op dieselfde manier gedood word. ⁶ Hulle het mag om die hemel te sluit, sodat daarin die dae van hulle profesie geen reën val nie; en hulle het mag oor die waters, om dit in bloed te verander en die aarde te tref met allerhande plae so dikwels as hulle wil.

Nes in die geval van Johannes se Openbaring, is daar niks nuut hier nie, net ou dinge – dit is, Ou Testamentiese dinge – in nuwe bekleedsel, en die Twee Getuies is niks anders nie. Die volgende sewe stellings sal ons help om hierdie figure te identifiseer. Hulle sal ons ook lei na sekere verrassende insigte binne-in die gedagte wêreld van die Bybel.

1. Die Twee Getuies is Moses en Elia

Kyk na die teks. Elia het vuur uit die hemel aangevra (1 Konings 18). Dit was Elia wat die die hemel gesluit het, sodat dit nie reën nie. Dit was Moses wie die Nyl geslaan het en die water in bloed verander het. Dit was Moses wie die land van Egipte met plae getref het. Indien die Skrifte van enige waarde was om hierdie figure te identifiseer, wys die Skrifte na hulle as Moses en Elia.

2. Dieselfde Twee Getuies duik op in die Verheerliking op die Berg.

As jy dink, “Maar Moses en Elia het alreeds gesterf – hulle sal nie weer verskyn nie,” dan moet jy die verhaal van die Verheerliking in Matthéüs 17 hersien. Daar duik Moses en Elia weer op vir `n pow-wow met Yahushua, waarna `n wolk en `n stem uit die hemel is. Neem notisie dat in die hemelvaart van die twee getuies in Openbaring 11:12, is daar ook `n wolk en `n stem uit die hemel. Dit lyk of Johannes die verheerlikings verhaal in gedagte gehad het wanneer hy praat oor die twee getuies. Miskien omdat hy daar was.

3. Die Twee Getuies staan vir die Wet en die Profete

Wie is die twee mense? En waarom verskyn hulle om met Yahushua te praat? Dit is eenvoudig –Moses en Elia verteenwoordig die Wet en die Profete. In 1^ste Eeuse-Joodse-Gesprekke is “Die Wet en die Profete” kortweg vir die Bybel. Nie gedeeltes van die Bybel nie, maar die hele Bybel nes hulle dit gehad het (cf. Matthéüs 7:12, 22:40, Lukas 16:16, en andere). Moses was beskou as verantwoordelik vir die vyf boeke van die Torah (die Wet), en Elia het `n tipologiese profetiese figuur geword (sien Johannes die Doper se nabootsing van Elia as `n verdere verwysings punt). Tesame, is hulle `n opsomming van Yahuwah se ganske getuienisse. Dit, dan, is waarom hulle op die berg van Verheerliking is: hulle gee outoriteit aan Yahushua. Verder, verdwyn hulle, en Yahushua bly alleen agter omdat Yahushua die vervulling en opsomming is van alles wat is binne die Wet en die Profete.

4. Die Twee Getuies is ‘olyfbome’ omdat hulle olie vir die Kerk se lampe voorsien.

Dit mag so obskuur klink soos kan kom, maar in Sagaria 4, sien die profeet `n visioen van twee olyf bome en twee lampe. olyf bome voorsien voortdurende en ewigdurende olie aan die lampe om hulle skynend te hou. Johannes het Sagaria se uitbeelding geneem en dit hier van toepassing gemaak. Dus, as die Twee Getuies die olyf bome is en die sewe kerke die lampe, is Johannes se stelling dan baie voor-die-handliggend: dit is die Wet en die Profete wat die brandstof voorsien waarmee die kerk se lig skyn. As jy nie in die Skrifte is nie, met ander woorde, is jou lig besig om uit te doof.

5. Die Twee Getuies is opgesom in Yahushua

Ons het reeds gesien dat Moses en Elia verdwyn van die verheerliking terwyl Yahushua bly. Hy word, en bly, die opsomming van Yahuwah se hele wil in die geskiedenis. (Sien ook die Lam wie waardig is om die boekrol van geskiedenis in Openbaring 5 te open).

Maar daar is wel nog `n bewys. Wanneer die getuies doodgemaak word, noem Johannes iets bietjie buitengewoon in vers 8, “En hulle lyke sal lê op die straat van die groot stad wat geestelik genoem word Sodom en Egipte, waar ook onse Here gekruisig is.” Nou, duidelik, met die dood, opstanding, en hemelvaart van hierdie Getuies, het ons Yahushua ingedagte hier. Maar Johannes maak dit `n bietjie meer eksplisiet wanneer hy uitwys dat hulle doodgemaak is in Sodom/Egipte/Jerusalem.

Om dit meer eksplisiet te maak, is dit die moeite werd om te sê dat alles wat Yahuwah in die geskiedenis gedoen het opgesom is in Yahushua. Hy is die middelpunt, of die oplossing, van die verborgenheid van die geskiedenis. Daarom voel Johannes vry om beide die stories tesame te vertel – die storie van Yahuwah se Twee Getuies as Yahushua en die storie van Yahushua as Yahuwah se Twee Getuies.

6a. Die Twee Getuies vervul `n Deuteronómiese funksie—bv., hulle staan in geregtigheid.

Hier is waar dinge begin interressant begin word. Ons lees in Deuteronómium 17:6, Op die verklaring van twee getuies of drie getuies moet die veroordeelde gedood word; hy mag nie gedood word op die verklaring van een getuie nie.” Net so, in Deuteronómium 19:15, “Een getuie mag nie teen iemand optree insake enige misdaad of enige sonde, by enige misstap wat hy begaan nie. Op die verklaring van twee getuies of op die verklaring van drie getuies sal `n saak van krag wees.” Met ander woorde vervul die Twee Getuies, die Deuteronómiese vereistes voor die voltrekking van `n doodsvonnis teen die aarde. Hierdie twee—Moses en Elia, die Wet en die Profete, die Skrifte—is die getuies wat die doodsvonnis voltrek teen die wêreld.

6b. Vergelyk met Matthéüs 18.

Hier is dit relevant om te stop en na te dink oor een van die plekke waar Yahushua hierdie Deuteronómium gedeelte aanhaal: Matthéüs 18. In konteks met kerk dissipline sê Yahushua, “Weer sê Ek vir julle: As twee van julle saamstem op die aarde oor enige saak wat hulle mag vra, dit sal vir hulle ten deel val van my Vader wat in die hemele is. ²⁰ Want waar twee of drie in my Naam vergader, daar is Ek in hul midde.” “Twee of drie” is die getal getuies vereis om `n uitslag te fel—daarom is dit nie`n gedeelte om `n kworum te stig vir `n kerk nie, maar om behoorlike ekskommunikasie uit te voer. (Neem notisie dat Paulus dieselfde taal gebruik in die uitsetting van die immorele broeder.)

6c. Vergelyk met Yahushua se sending van sy dissipels twee - twee.

Maar nog een vergelyking is ook maar net redelik merkwaardig. Wanneer Yahushua sy dissipels twee-twee uitstuur (sien Markus 6:7-13), beveel hy hulle om twee funksies te doen—een is om te getuig van die Koninkryk, en die ander om `n vloek uit te spreek oor diegene wie die getuienis verwerp. Matthéüs sê selfs (10:15) dat dit better sal wees vir Sodom en Gommorrah as vir daardie stede in die dag van Oordeel. Implikasie? Die uitstuur van pare het `n veroordelende funksie meer as enigiets anders. Pare van dissipels het gedien as twee getuies vereis om `n plek te veroordeel wat die evangelie verwerp het.

7. Die verhaal van die twee getuies is die verhaal van Yahuwah se werk regdeur die geskiedenis.

Die finale punt word breedvoeriger getrek uit die gedeelte van Openbaring. In hoofstuk 10, word Johannes beveel om die boekrol te eet wat lekker in die mond proe maar bitter in sy maag is. Hierdie bittersoet boekrol is die woord van Yahuwah se waarhede regdeur die geskiedenis – soet in die mond omdat Yahuwah se oordele waar word, bitter in die maag oor die pyn en lyding wat hierdie oordele vir die wêreld beteken.

Daardie boekrol, oopgemaak, is die verhaal van Yahuwah se Twee Getuies in die geskiedenis. Van die begin van tyd het hulle getuig oor Yahuwah se karakter en optrede (sien Romeine 1). Die mense van die aarde het Yahuwah se weë verwerp (sien Psalm 2). Die aardbewoners het in rebellie, Yahuwah se volk vermoor—veral Yahuwah se spesiale profeet, Yahushua. Maar Yahuwah se getuies, en Yahuwah se profeet, kan nie vernietig word nie, en Yahuwah se asem (sien Eségiel 37) te laat herlewe. Die resultaat (sien Eségiél 38) is die finale oordeel van die aarde en van Yahuwah se vyande.

Hoe dan, som ons dit alles op? Yahuwah se Wet en Profete is Twee Getuies wie oordele fel oor die wêreld. Die wêreld het Yahuwah verwerp en verwerp steeds Yahuwah, maar Yahuwah se weë sal steeds seëvier.

Wat beteken dit vir die Kerk? Wel, dit beteken baie goed. Dit beteken dat ons lig vir die wêreld is wanneer ons die olie brand vir die Wet en die Profete – dit is wanneer ons `n Skriftuurlike volk is. Dit beteken dat ons begrip het vir die inhoud van ons getuies – en die outoriteit daarvan – is ontleen uit die Skrifte en nie uit onsself nie. Ons weet dat wanneer ons getrou sal getuig, sal ons vyande van die wêreld maak (bv., daardie suksesvolle getuienis is aanspreeklik daarvoor om gedood te word). Ons weet dat, volgens die patroon van die Wet, die Profete, en onse Here, om die woorde van die evangelie te uiter, is om iets aan te kondig wat beide `n seën en `n vloek is, (​`n seën vir die gelowiges en `n vervloeking vir die ongelowiges). Ons weet dat of ons nou gedood word, sal Yahuwah ons uit die dood opwek saammet Christus, en so het ons niks te vrees nie. En ons weet dat wat ookal gebeur, Yahuwah aan die einde sal wen. Die woord wat ons verkondig word waar.

En hier, neem die wending van Johannes se visioen `n ander laaste draai – nie net is die Getuies die Wet en die Profete, Moses en Elia, en die Here Yahushua Christus nie, maar hulle is ook jy en ek wanneer ons getrou getuig aan beide die gelowige en teen die ongelowige wêreld. Openbaring 11 is nie so net sowel `n beskrywing van die toekoms as wat dit `n werksbeskrywing van die teenwoordige is dit is iets waarop ons die beste sal doen as ons ernstig daaroor nadink.

Dit is `n nie-WLC artikel deur Jeremy Rios

Ons het al die paganistiese name en titels van die Vader en Seun uit die artikel gehaal en dit vervang met die oorspronklik gegewe name. Verder het ons die naam van die Vader en Seun in die Skrifte herstel, soos dit oorspronklik deur die geïnspireerde skrywers van die Bybel geskryf is. – WLC Span