Kujulu Kuzya Anyika: Bulangizi bwa Bunakristu mu Kubuka kuzwa ku Bafu

“Kwatanooli bubuke bwabafu, alakwe Kristo tabukide. Pele Kristo naatabukide, elyo lukambauko lwesu ndwabuyo, alwalo lusyomo lwanu ndwabuyo.” Paulu mu, 1 Bakolinto. 15:13-14

Mu Milimo 17:16-34, mwaapositolo Paulu, naakacili mumunzi wa Athens, wakaletwa ku Areopagus nkaambo “wakakambauka Yahushua akubuka kwa bafu.” Munzi wa Athens wakalaakatikati mu busongo bwaci Giliki. Muzeezo wakalaa mpuwo wa kubuka kuzwa kubafu akataa ba Giliki… kwakanyina muzeezo ooyo. Muntu uusyoma kuti bafwide balakonzya kubuka, mpoonya pe, kweendelanya a baGiliki, kunyina cintu cinga caba mbuli “kubuka kuzwa ku bafu.”

Busongo bwaci Giliki

Muzeezo muna Plato wakali kuti kuyiisya kuti, kulikwaya shabwaa kokkede kujulu, ooko kwakali kutija mibili yesu yaanyika kuya ku bukkale bwa muuya ooko “zimvwule” nkozitalika kuba zintu ncobeni, pele buyo muciimo citakwe mubili. Mbube bwiinguzi bwabo kuli Paulu bwakali bwakuti, “Nkaambo waleta makani meenzu kumatwi eesu, Nkaako ncotuyanda kuziba mbwaabede aya.” (Milimo 17:20).

BaGiliki, basongo atalaa basongo boonse, tiibakazumina kubuka ncobeni kwa bafwide kuzwa ku bafu mu mubili wabuntu. Kubuka kuzwa ku bafu, naa anastasis (mubwini.,kwiimikila alimwi), inga kwaba buyo kuzyalululwa mu muuya nokuba matalikilo aa zintu ziteeli, kuleka mubili uufwide ncobeni kuubaa buumi alimwi pe. Ku baGiliki, eeco cilayinda kuba biyo lusyomo lwakuti muntu uufwide ulakonzya kupona alimwi. Kukaka lusyomo lwa kubuka kuzwa ku bafu kwakayeeme mumuzeezo wabusongo bwakuti nyika yoonse yakali sofweede aboobo yakali buyo cimvwule ca ciimo cisalala ca muuya.

Busongo bwaci Giliki bwakakumbete kapati ku muzeezo wakuti muzimo wakeelede kwaangululwa ku zintu zyaansi zitalondokede kuti uunke mu muuya uuteeli wa mizeezo. Bamwi basyoma kuti eeci cakali kwaambilizya kuti kwakanyina mulazyo wakulyeendelezya nkaambo zintu zyaansi tiizyakakwe makani.

Cikombelo cina Kolinto cakabona aanga eeyi mizeezo ilwana bantu banyenzi mumunzi wabo. Buumi buteeli bwakatambulwa akataa basaante, aboobo balo bakabungana munsaa muntu omwe nokuba bobile munzila ya ciyanza ca buGiliki. Eeci cicili ciyanza cilaa mpuwo amazubaano.

“Uli kuli mulembi? Uli kuli sikubuzyanya waciindi ecino? Saa Yahuwah takabufubaazizye busongo bwaciindi ecino?…” Paul, 1 Bakolinto. 1:20, 27; 2:6-7

Kwakanyina busena bwa mulumbe wa Paulu wa kubuka kuzwa ku lufu, kufumbwa naa wakali kumvwika Kulyumyayuymya nokuba wa Kulikkomanisya. Kweendelanya a baGiliki, bantu bafwide tabakonzyi kubuka, aswebo tatubayandi kuti babuke pe. Aboobo, basololi banji bakuukaka muzeezo, pele bamwi bakamuswiilila Paulu alimwi mpoonya bakaba basikwiiya ba Messiah (Milimo 17:32-34).

Swebo aboobo, tweelede kusala ncotucita a Yahushua akubuka kwakwe kuzwa ku bafu ooko kulembedwe. Zyoonse ziyeeme ku kubuka kuzwa ku lufu—zyoonse. Swebo tweelede kusala kubalilwa akataa lusyomo lwa Bunakristu bwa tunsiyansiya nanka kuti tukwempulwe aa mayuwe aa lusyomo lwa mituni lwa madaimona.

Buumi butobela kalwiindide Lufu

Zilengaano zya mazubaano zya “buumi butobela kalwiindide lufu” zikazya cigamiina bulangizi bwa Bunakristu bwa kubuka kuzwa ku bafu kwa bafwide. Atutole kaindi kasyoonto kusanyangula ncobasyoma bamwi kujatikizya nkobugama buumi bwa muntu.

Swebo twabona kale cilengaano cina Plato ca muzimo uutafwi. Ooyu muzeezo ukakatila kusumpauzya muntu. Mu cilengaano eeci, maumi eesu alagola aciindi ca kufwa eelyo muzimo nowaanguluka kuzwa mu mubili mpoonya tulaanguluka kuzwa ku busofwaazi bwa ansi aano.

Kweendelanya amuzeezo ooyu, kutula ansi mubili ncintu ciyandika kutegwa ukasike ku nyika iiteeli ya mizeezo akuguma bulemu.

Awumwi muzeezo uulaa mpuwo uyiisya kuti toonse tuya kubusena bomwe ooko nkotuyoosangana akukamantana aa bulemu bwa julu. Aabo basumpauzya muzeezo ooyu basyoma kuti Yahuwah takwe ciimo cabuntu. Kuba “omwe” abulemu bwa kujulu nkusweekelwa kufumbwa ciimo ca buntu bwako akubbilila mu “muuya mupati” uulu mujulu.

Ooyu muzeezo udyakaizya buntu aciimo cokwa Yahuwah a ciimo ca buntu bwa bantu.

Kuzyalululwa kulaindilizya kuya kumbele mumuzeezo wa kukamantana aa bulemu. Kweendelana a muzeezo ooyu, tatusangani aa bulemu mpeenya-mpeenya, pele kwainda buyo ziindi zikubwene zya “kuzyalululwa”ooko kuzumanana kuya kumbele kusikila muzimo walondoka bwinibwini cakumanina. Mbwaanga ooku kuzyalululwa takugoli, aboobo buumi tabukwe mulimo. Mulusyomo oolu kulasyomwa akuti muntu susu ncobeni ngo muzimo alikke uucincauzya ziimo kuzwa mumubili ooyu kuya mumubili uumbi.

Kumamanino, tatukonzyi kugwisyila baabo basyoma kuti muntu ulaleka kuba muntu mbwaafwida biyo. Ooku kusyoma kunooli ncecintu ciinda kuusisya akataa zintu zyoonse muntu nzyanga wasala kutambula. Kusyoma kuti zyoonse zilaleka kuba a ciindi ca lufu nkukaka bweende bwa malengelo ookwa Yahuwah ooko kutusolweda kukuzyiba nguwe (BaLoma. 1:20). Alimwi ooku kusyoma kukaka kulangila buumi lwaakumana lufu.

Ooyu muntu weelede kwiima kuti alangilizye ziindi zya mwaka. Mupeyo ulakonzya kuminya, pele Kumwaka kuboola kumbele.

Bunakristu Budumide Mpuwo

“Amubone, ndamwaambila makani aasisidwe. Ngaaya, Tatukooyoofwa toonse pe, pele toonse buyo tuyoosanduka, Tuyoosanduka mukaindi kaniini loko, mbuli mululabo lomwe lwaliso, nuuyoolila mweembo musyaalizi. Nkaambo mweembo uyoolila, elyo bafu bayoobuka mbuli batafwiki, aswebo nituyoosanduka.” Paulu, 1 Bakolinto. 15:51-52

Munzila imwi basyomi beelede kwiibaluka kuti Mangwalo ayiisya kuti magolelo aa buumi bwesu bwaanyika ajanwa smu kubuka kuzwa kubafu kwa bafwide kumbelaa mazuba eelyo Mwami nayoobbuka kuzwa kujulu akubamba Bulelo a nyika. Balo bakainzya kumvwisyisya cilengaano ca Johane ca Munzi Uusetekene “kuuzyaa kuseluka kuzwa mukati ka julu kuzwa kuli Yahuwah” (Ciyubunuzyo. 21:2).

Kunze lyaboobo, banji bakatambula muzeezo wa lwiiyo lwa bupaizi ooyo uuyumbyayumbya zibeela zya kukomba mituni zyapandululwa kale. Tulabona eeci mu bunji bwa madilwe aa Banaktristu aziiyo zilaa mpuwo zikambauakwa akumbwa aa bafundisi koonse-koonse.

Bunakristu bwa ciyanza cidumide buyiisya muzeezo uupyopyongene wa lufu amazuba aamamanino. Alimwi Ime ndisyoma kuti eeci mucibeela cimwi cizyila kukukaka kupenzyegwa kwamu Cizuminano Cipya. Swebo twaamba kuti tulijisi Bulelo mu muzeezo kwiinda mu “kuzunda tunsiyansiya” kwiinda mukubikka milawo iikasya cinyonyoono, kakuli mubwini, tatuyandi kuyaamina ku bufubafuba bwa ciciingano akupenzyegwa mbuli Kristu mu luyando kkatuliyumyayumya. Mbuli nyika, tulwana lufu muciindi ca kulutambula katulaa bulangizi bwa kubuka kuzwa ku bafu.

Bunakristu bwaku Amelika bwakatupa kuuntuluzyila majwi ookwa Paulu, “Ee, ncobeni boonse abo bayanda kupona cakululama muli-Kristo Yahushua mbobayoopenzegwa.” (2 Timoteo. 3:12) alimwi “Nkaambo coolwe ncimupedwe nkaambo ka-Kristo taceensi cakuzuminina kulike, pe, mulipedwe akuciswa nkaambo kakwe” (Ba-filipo. 1:29). Twakaliyakila lusyomo luyandisya biyo kukkala cakulikwaya munyika eeyi.

Twakaalilwa kuzyiba bulangizi bwa masimpe oobo buboola kwiinda mu kutaanguna kuvwinsyisya manyongwe a lufu. Kutegwa tuliyumyeyumye kutingaana aa “luboole” lwa kufwa, swebo twaanka kubindila ku kusyoma zya buyanga eezyo zyeendelana a ziiyo zya kukomba mituni kwiinda mbozyeendelana a bulangizi bwesu bwa kubuka kuzwa ku bafu.

Bunakristu bwa Evangeli bwakalisanganya mizeezo ya bakomba mituni ya “buumi lwainda lufu” eeyo iituzumizya kuzumanana kusumpauzya lwiiyo lwakuti “kunyina kupenzyegwa Ime”.

Mulongo wa zipekupeku zya Left Behind wakayungizya kapati muzeezo wakuti toonse tuyandika kuloboka nokuba “kukwempulwa bulanga” kuzwa munyika iisofweede eeyi akuzwa mu mibili yesu iifwa, kutegwa tukatamule mibili ya “moza” akupona kumbelaa mazuba kubusena kuumbi mu mulengalenga.

Muciindi cino, twiiya kuleka kukombelela kubambilila muzimo wa muntu mujayi, kukankaula kujaya bantu, azimwi nzila zinjaanji nzyotunyonyoona nyika eeyi.

Hena cilaa mulimo eelyo buumi bwa Munakristu nobunga bwaambwa kuti “uya kujulu eelyo waakufwa,”… eeco munzila imwi cinga casandululwa kuti: eeyi nyika tiikwe mulimo!

Yebo wakamvwa ziindi zinjaanji mu madilwe alimwi kunooli yebo lwako wakaamba aciindi cimwi kuti: “Bali kubusena bwiinda kubota… baunka kwabo kumuya banji.” Inyimbo zyesu zijatikizya muzeezo muna Plato wakuti muzimo ulatija kuzwa mumubili.

Mwati nga masimpe aayo na? hena tulauluka, naa tulindila kubuka kwa bafwide kuzwa ku bafu kuti kukabe buponi bupya eelyo julu lyaakuboola anyika?

Hena eeci cimvwika mbuli ciiyo ceenddelana a bulangizi bwesu bwa kubuka kuzwa ku bafu kwa bafwide na? Hena nkusumpuka kuya kumbele nanka kuleya kuzwa mu Mulumbe mubotu ooko kupa bumboni bwakuti ijulu lilaafwi kujulika kuzyoolanga nyika eeyi iitongela alimwi buleli bwa Yahuwah buyoozyibwa akataa masi? Kweendelanya a Cizuminano Cipya, eeci ciliiimpene kuzwa ku Mulumbe wa “luumuno anyika.”

Nkaambo nzi ncotuzuunyene kuyumbyayumbya muzeezo wuubaula bulangizi bwa Bunakristu?

Swebo tweelede kuleka eeco akubikkila maanu ncotulangila mu kubuka kuzwa ku bafu kwa bafwide eelyo bukali bwa lufu nolusika ku musyomi.Mubweende bwa kubuka kuzwa ku bafu, tuyoonjila mu kulyookezya kwesu.

“Lusyomo lwa kubuka kuzwa ku bafu luyumyayumya kuti swebo tatunjili mu buumi buzwide buteeli katutakwe mubili, pele buyo katuli mumubili.” Stanley Grenz, Theology for the Community of God, pg. 588

Ikuti swebo katusyoma kuti kuli buumi lwainda lufu kakwiina mubili, nkokuti tatumvwisyide bulangizi bwesu bwa kubuka kuzwa ku bafu kwa bafwide. Boonse basaante bakaindi abaliko mazubaano bacilindila lubeta luciboola a kubuka kuzwa ku bafu. Cili mbuli kuti malengelo woonse alilibilikide, kaalilila kulanduka kuzwa ku lufu kuya ku buumi (BaLoma 8:22; Ciyubunuzyo. 6:9-11).

Ijulu a nyika ziloompolola kuti, “Koboola, O Mwami Yahushua! Koboola!”

“Lino, aawo lufutuko lwa Yahuwah mpolusikila kwiinda kubaa nguzu mu kubuka kuzwa ku bafu kwa basyomi, sinkondo wamacaalizyo wazundwa, kukoma kwa mamanino kwacitika.” Michael S. Gorman, Apostle of the Crucified Lord, pg. 281

Swebo tupona mu bulangizi oobo kusikila julu likaboole anyika alimwi eelyo Yahuwah akalengulule nyika ya buponi bwesu bupya. Swebo tuponena kupa bumboni bwa Bulelo buciboola bwa Yahuwah. Mupeyo wasika, alimwi ziindi zino zyapyopyongana, pele Kumwaka kulazya!

Lino catalaika kuyandika kapati kuli ndime kuti Bunakristu bulaa mpuwo bwakaanzwa alimwi bucizumanana kwiinda mu milazyo iipyopyonganya ciimo ca Yahushua. Bwakajulila cikombelo ku lucengo lwa madaimona akubamba kuti cifumpwe nguzu zya kukomba mituni eezyo ziyandide kudyakaizya bulangizi bwesu mu mulimo ngwaakamanizya Messiah.

Nkaambo ka kufumpa bunakristu bwa tunsiyansiya amyaka minji yakuyumbyayumbya kulanganya Yahuwah munzila iikonzyanya a maseseke aa BaGiliki-BaLoma kwiinda kuti kali Taata wa Yahushua, swebo tweelede kutambula muuya waba Beliya akukamantana a muzeezo wa baapositolo wa kulanganya Yahuwah munzila mbuli ya Messiah eeyo yeendelana makanze aateeli (BaEfeso. 1-3; Bakolose 1:15-23).

Atwiime tuleke akubikkila maanu kuli ceeco Mangwalo ncaayiisya kujatikizya julu, mulilo uutamani, akubuka kuzwa ku bafu bwa bafwide. Eeco ncotusyoma cijatikizya kumbelaa mazuba cijatikizya mbotupona mumusela uuno wa busofwaazi.

Ijulu: Ngo Munzi Wesu Wamamanino na?

“Nkaambo amubone! Ndalenga ijulu ipya anyika impya. Ezyo zyakusaanguna tazikooyooibalukwa limbi nikuba kuyeeyegwa.” Izaya 65:17

Kulengula “majulu mapya a nyika mpya” kusandula zintu zyakaindi. Ni nyika iisandukide mbuli mubili wanyama wa Mwami wesu Yahushua (Mateyo. 17:1-9). Mubili wakabuka kuzwa ku bafu ookwa Messaiah wakali wa musyobo ooyu. Kuli kuzumanana ciimo ca mubili wakaindi akugola mu cibeela cimwi ca mubili wakaindi (Luuka. 24: 13-35, 36-49; Johane. 20:1-18, 24-31; 21:1-14).

Mu Ciyubunuzyo 21-22, tatubone basyomi kabauluka kuya kubusena kukkalamiiya iitakwe mubili kunze lyakokuya lya mulengalenga. Peepe, tubona julu kaliboola anyika. Tubona julu, cooko cokwa Yahuwah cilabbuka akunjila mumweenya ngotwiita kuti Inyika.Tulabona muli ceeci mubili wakabuka kuzwa ku bafu ookwa Messiah: ijulu kalinjilana aa nyika.

Tweelede kulyaangulula ku kaambyo aaka kakusendekezya kuya kujulu notufwa kubee twasika kale kumamanino aamusinzo wesu. Ijulu nkonkuko ncobeni Mwami nkwabede cino ciindi, pele takuli kumunzi kwesu (Intembauzyo. 14:2; 20:6; 33:13; Mukambausi. 5:2; Is. 66:1; Daniele. 2:44; 7:27; Ciyubunuzyo. 11:15). Mulimo ngwaakoonda Messiah tuukamanini kubonwa kusikila Yahuwah akabambe munzi wakwe a nyika eeyi

Kuyandisya kwa Yahuwah lyoonse nkwakumaninizya mulimo mubotu wakwe mukulenga nyika aawo muntu uuli woonse mpaninga kkede. Ku baJuuda, kwakali lusyomo luyumu nta kuti Yahuwah uyoobambulula malengelo akuzuzika cizuminano cakwe ku bantu bakwe. Mwami wa julu anyika uyooswaanganya antoomwe zyobile eezyo kuti cikabe cintu cizwide bulondo.

Eeyi nyika iibukulusyidwe kuzwa ku lufu yiitwa kuti “Jelusalema Mupya” a “Munzi Uusetekene” (Ciyubunuzyo. 21:2). Eeyi nyika iibambuludwe nguyooba munzi wesu wamamanino. Mbulelo bwa Yahuwah bumaninide kubambwa. Mu Ciyubunuzyo 21:5, Messaih waamba kuti:

“Amubone, Ime ndalengulula zintu zyoonse bupya!”

Alimwi Messiah ulaa nguzu zya kwaamba zintu zili boobo, nkaambo walo wakali mutaanzi kubuka kuzwa ku bafu akusamikwa mubili uutafwi.

Bulangizi bwesu buli mu buumi katubukide kuzwa ku bafu mu “majulu mapya anyika mpya.” Mpaa nyika aano Yahushua mpaakali kupaila kuti, “bulelo bwako abuboole, kuyanda kwako akucitwe ansi aano mubwenya mbuli kujulu” (Mateyo. 6:10). Ijulu lilazya ncobeni a nyika. Yahushua wakaambilizya kulengulwa bupya akubusyigwa kuzwa ku lufu!

“Ijulu, mu Bbaibbele, talili cikkalilo ca kumbelaa mazuba pele, ncibeela cisisidwe ca buumi bwesu buno mbotupona kale—ncooko cokwa Yahuwah, kuti koyanda kwaamba boobo. Yahuwah wakabamba julu anyika; kumamanino walo uyoobambulula zyoonse zyobile akuziswaanganya antoomwe kukabe kutamani.” N.T. Wright, Surprised by Hope, 19

Kubuka Kuzwa ku Bafu Kumbelaa Mazuba

“Lino bakwesu, ndamwaambila eci. Bantunsi tabakonzyi kuvwuba Bwami bwa- Yahuwah, alimwi bafwika tabakonzyi kuvwuba zitafwiki. Nkaambo eci ciboleka cileelede kusamikwa butaboli, acalo eci cifwika cileelede kusamikwa butafwiki.” Paul, 1 Bakolinto. 15:50, 53

Bamwi bantu bayanda kuti yebo usyome kuti kubuka kuzwa ku bafu kwakatola kale busena mu moza, aboobo, kuti kunyina ciciyandika kucitika ku mibili yesu mu kubuka kuzwa ku bafu. Ooyu muzeezo ugaminide mulimo wa ciciingano pele udyakaizya ncokuyandika kubuka kuzwa ku bafu kutegwa usumpauzye muzeezo uukola ooyo.

Tatukonzyi kuuntuluzya ncoliimina bbala litaanzi lya buJuuda lya kubuka kuzwa ku bafu. Kubuka kuzwa ku bafu lyoonse kwiiminina kupona buumi bupya mu mubili. Kusinizya kwa Paulu kwa kubuka kwa Messiah kalaa mubili mu 1 Bakolinto. 15:12-58 kuyumyayumya basaante kuti aswebo tuyootambula mbweenya buyo.

Ceelede kuzuminwa mbweenya mbuli makanze aakwe aakukambaukila baabo bakali kusyoma ku Tesalonika (1 Batesalonika. 4:13-18). Aabo basyomi bakali kusata kufwidwa bayandwa babo kuzinguluka mumbali lyabo. Balo “bakaya kumuya banji” kataninga boola Messiah.

Kujatikizya bulangizi bwa Bunakristu aciindi ca kufwa, Stanley Grenz ulemba kuti:

“Mbuli Banakristu, nokuba boobo, bulangizi bwesu tabugaminini muzeezo uuli woonse wa buumi kalwiindide lufu. Kunze lya boobo, bulangizi bwesu bugaminide ku cisyomyo ca kubuka kuzwa ku bafu, aboobo, kufumbwa ncotwaamba cijatikizya ciimo ca bafwide ceelde kuzyila mu bulangizi bwesu bwa kubuka kuzwa ku bafu.” Created for Community, p.271

Ndufu lwa Messiah a ciciingano ndutwakafwa aswebo, Pele nkwiinda mu kubuka kuzwa ku bafu kwa Messiah mbotukonzya kupona. “Sa tamuzi kuti toonse nitwakabapatizigwa muli-Yahushua Kristo twakabapatizigwa mulufu lwakwe. Aboobo twakazikwa awe mukubapatizigwa kwamulufu, kuti mbuli Kristo mbwaakabusigwa kuzwa kubafu kubulemu bwabawisi, mbubonya obo aswebo tukeende mubuumi bupya.”

Paulu ulazumanana kuti, “Aboobo twakazikkwa awe mukubapatizigwa kwamulufu, kuti mbuli Kristo mbwaakabusigwa kuzwa kubafu kubulemu bwabawisi, mbubonya oobo aswebo tukeende mubuumi bupya, Nkaambo kuti twaba bagumene awe mucikozyano calufu lwakwe, elyo tuzooba awe mububuke bwakwe abwalo.” (BaLoma. 6:4-5).

Kakwiina kubuka kuzwa ku bafu kwa mibili yesu, swebo tatukonzyi kunjila mu kulengulwa bupya kuzwide. Muukubuka kuzwa ku bafu kwa bafwide a lubeta oomo “sinkondoma wamamanino” mwayoonyonyweedwa limwi (1 Bakolinto. 15:26). Lufu talucikabi limbi!

“Ndime kubuka abuumi, Oyo uusyoma ndime, naanooli wakafwa, unooli muumi, naba uli buti muumi uusyoma ndime, takooyoofwa pe.” Yahushua, John 11:25-26

Kubuka kuzwa ku bafu Cino Ciindi

Hena kubuka kwa Messiah mubuzuba bwatatu kulaa mulimo kuli ndiswe cino ciindi na? Paulu wakasyomede kuti swebo tulakonzya kuzyiba nguzu zya kubuka kwa Messiah nokuba ciindi cino.

“Njandisya kuziba Kristo anguzu zyabubuke bwakwe alumvwanano lwamaciswe aakwe, Njanda kuba mbubonya mbwaakabede mulufu lwakwe, kuti ambweni ambebo njooba abubuke kuzwa kulufu.” Paul, Bafilipi 3:10-11

Paulu wakalemba kuti “Nkaambo kaako nsikonzyi kutyompokelwa, Nikuba kuti buntu bwesu bwaanze bulaloba, pele buntu bwesu bwamukati buya bulengululwa mazuba oonse” (2 Bakolinto. 4:16). Mbubuti kubuka kwesu mbukwaatalikila mu kubambulwidwa mukati? Kwakacitika kwiinda mu lufu, kuzikkwa, a kubuka kuzwa ku bafu kwa Messiah. Mbuli N.T. Wright mbwaakalemba, muukubuka kwa Messiah inyika muyaatalika kale cino ciindi “kuzyalwa antoomwe a Yahushua” (SH, 73).

Yahushua wakati, “Ime ndime kubuka a buumi…” alimwi kutambula Muuya wakwe uukkalilila mukati nko kutambula buumi bwa kubuka kuzwa ku bafu (Johane. 12:24; 14:15-31; 16:5-16; Milimo 1:8). Bulelo bwa Yahuwah bwakasika kale mubweende bwa zintu zya kaindi akutalika kubeleka mulimo wa kubuka kuzwa ku bafu muciindi cino.Bulabeleka mulmo mu myoyo ya bantu.

“Bulelo bwa Yahuwah buzulilwa ku mazuba aacizya kumbele, pele zileleko zya Bulelo bwa Yahuwah zyakanjila kale mu Musela uuno kuti zinunune bantu kuzwa ku buzike kuli Saatani acinyonyoono. Buumi buteeli buzulilwa ku Bulelo bwa Yahuwah, ku Musela Uuciboola; pele, abwalo, bwakanjila kale mu Musela uuno uusofweede kutegwa bantu bakonzye kulabila buumi butamani akataa lufu akunyonyooka. Tulakonzya kulabila buumi oobu kwiinda mu kuzyalwa bupya, akuzyalulwa.” George Eldon Ladd, The Gospel of the Kingdom, p. 71

Mbubuti kubuka kuzwa ku bafu mbokuguminizya maumi eesu mazubaano munyika yesu? In Bulelo bulangika buti? Ime ndasyoma Gregory Boyd upandulula bubambe anguzu zini zya bulelo.

Walo waamba kuti Bulelo bwa Yahuwah “lyoonse bulangika mbuli [Yahushua]—bulaa luyando, bulagwasyilila, akulyaaba ku bantu boonse, kusanganya a basinkondonyina. Kusikila aciga cakuti muntu, cikombelo, nokuba mbungano iilangika mbuli mbubo, kiilitondezya kuba Bulelo bwa [Yahuwah]. Kuti kabutalitondezyi kusikila boobo, nkokuti tabulitondezyi.” The Myth of a Christian Religion, p. 14

Ikuti katuyandide kusweka bulowa mbuli Yahushua, tuyoozyiba nguzu zya kubuka kwakwe kuzwa ku bafu. Lyoonse kuli ciciingano kuutaninga pasuka mumuni uuzwa mu cuumbwe. Swebo tweelede kuzyokela kuli Messiah abufubafuba bwa ciciingano cakwe kuti katulombozya kulitondezya kubuka kuzwa ku bafu. Bulelo Bwakwe tabuli bwa kwaamba biyo kumulomo. (1 Bakolinto. 4:20).

Kubuka kuzwa ku bafu kulacitika ecino ciindi aano eelyo cikombelo nocilitondezya kubaa buumi mbuli mbociyooba mu majulu anyika mpya.

Alimwi oobo buumi lyoonse bulangika mbuli Yahushua Messiah waku Nazaleta.

“Nkaambo kweenda kwabanji, mbuli mbundakamulwiida kanjikanji, alino ndamulwiida cakulila, nkwakulwanya aciingano ca-Kristo. Mamanino aabaaba ndunyonyooko, Leza wabo ndida, zintu zifwisya bweeme nzenzizyo nzibalikankaizizya, balayeeya zyaansi luzutu. Pele iswe munzi wesu uli kujulu, nkukonya nkutulangila Mufutuli, nkukuti Mwami wesu Yahushua Kristo. Oyo uzoosandula mibili yesu iisampaukide, kuti ikozyanisigwe amubili wakwe mulemu. Eci cizooba nkaambo kanguzu zyayooyo uukonzya kumubombezezya zintu zyoonse.” Bafilipi 3:18-21

Eeci cibalo citali ca-WLC cakalembwa aa David D. Flowers.

Twakagwisya mucibalo citaanzi mazina aamituni woonse ngobaulikide taata a Mwana, akubikka mucibaka cangawo mazina mataanzi ngubaapedwe. Kuyungizya waawo, twakojokolosya mu Mangwalo mazina aa Taata a Mwana, mbuli mbwaakalembedwe kutaanguna a balembi ba Bbaibbele bakayoyelwa moza. Nkamu ya-WLC.