|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Lweeno lwa Saatani lulaa mpuwo lwakakwelelezya mukowa wa bantu mukusyoma kuti muntu umwi nafwa uya kujulu. Bantu banji bayeeyela kaambo kaambwa kuti Bulelo bwa Yahuwah kulikonzyene a kujulu. Nokuba boobo, iBbaibbele liyiisya kuti eelyo Yahushua Messiah aakuzyokela, Bulelo bwa Yahuwah buyoobambwa a nyika!
IBbaibbele lituyiisya kuti eelyo Yahushua Messiah aakuzyokela, Bulelo bwa Yahuwah buyoobambilwa anyika!
|
Kutaanguna langa Bbaibbele mbolimaninide kukazya muzeezo wa "kuya kujulu" lwainda lufu. Petulo waambila mbungano ya bantu mubuzuba bwa Pentecosti kuti, " Nobaalumi bakwesu, ndimulungulwide aamupati Davida, kuti wakafwa akuzikwa, cuumbwe cakwe nkocili kulindiswe asunu, Nkaambo Davida takainkide kujulu, pele ulaamba mwini kuti, Jehova wakaambila Mwami wangu wati, Kala kujanza lyangu lyalulyo." (Milimo 2:29, 34). Ooyu " muntu mbuli moyo wakwe" tali kujulu, ucili mucuumbwe! Mufutuli wesu ulaazumina makani aaya muli Johane 3:13: "Nkaambo taakwe muntu uwakatatanta kujulu, pele ooyo uwakazwa kujulu, nguwenya mwana amuntu."
Basaante bafwide ba Cizuminano Cakale a Cizuminano Cipya abalo bacilli muzyuumbwe zyabo, kabalindila kubuka kuzwa ku bafu – kabatalimvwide bulanga (Mukambausi ,9:5,10). Joobo upanduluala kulindila kubuka kuzwa ku bafu munzila eeyi: " Muntu nakonzya kufwa akuponononwa, Nendakala buyo mane ndalemununwa. Noyoondiita njoovuwa, Kuti koyandisisya buumi mbowakalengede . . ." (Jobu 14:14-15).
Tumpango tunji twaamba bafwide kuti "baloona," alimwi kaamboy aaka kazyila ku kasimpe kakuti eelyo muntu nawona koona zya kubba mwaange, mawoola manji alakonzya kwiinda kaatabalidwe. Mbweenya buyo, muciindi notufwide, tatunoolimvwide bulanaga, kunyina ncotunoozyi. Myaka minji inga yainda akataa ciidi nitwakafwa akubuka kuzwa ku bafu, pele swebo tatunookubwene bweende bwa ciindi. Kunoolimbuli kuti twalaba biyo liso, mpoonya twabuka akupona alimwi. Aboobo, kulanga kulimvwa bulnaga munzila eeyi, inga calibonyaanga twakaunka biyo kuzwa mu mubili wa nyama kuya kuli wa muuya mpeenya-mpeenya, nokuba kuti kwainda myaka minjaanji yaandaanya kufwa akbuka kuzwa ku bafu.
Paulu ulatuyiisya mu I Bakolinto 15 kuti kubuka kuzwa ku bafu takukooyoocitika kusikila Yahushua Mssiah akazyokele – aciindi eeco "bafwide muli Kristu" bayoobusyigwa kabala mibili ya muuya, alimwi basaante bacipona bayoosandwidwa ku muuya "mukulaba kwa liso" (kampango 52). Ikuti basaante nibali kuunka kujulu mpeenya-mpeenya mbubafwida biyo, aa ninzi ncokunga kwaakuyandikila kuba kubuka kuzwa ku bafu? Mu kampango, Paulu ulayungizya akuya kumbele kuti
" acalo eci cifwika” cileelede kusamikwa butafwiki." eeco caambilizya kuti cino ciindi tatujisi mibili iili boobo (langa amu BaLoma 2:7). Alikke Yahuwah ngutafwi cino ciindi (I Timoteo 6:15-16).
Mu Mulumbe wa Zileleko atalaa mulundu wa Mateyo 5, Yahushua waamba bacete mu muuya kuti bayootambula "bulelo bwa kujulu," kakuli babombe moyo "bayookona nyika" (Mateyo 5:3,5; langa amu Intembauzyo 37:11 ). Hena Yahuwah uyokwaandaanya basaante "bacete mu muuya" kuzwa ku basaante "babombe moyo", akubatumina mumasena aandeene na? Ikuti musaante mubombe moyo a mucete mu muuya kabali, bayookona julu anyika na? Peepe – eeyi mpasulula balozi ilanyebuluka eelyo notwiibaluka kuti Mateyo ubelesya kaambo kakuti "bulelo bwa kujulu," kakuli bamwi balembi ba milumbe baamba kuti "bulelo bwa Yahuwah." "Bulelo bwa Yahuwah" taciiminini kuti Bulelo bunooli muli Yahuwah pele kuti bunooli bwa Yahuwah. Munzila njeenya, "bulelo bwa kujulu" ciimnina kuti oobo Bulelo bunooli bwa "kujulu," ooko cuuno cabuleli cokwa Yahuwah nkocibede. Bacete mu muuya bayookona Bulelo mbweenya oobo abalo babombe myoyo mbobayookona – alimwi oobo Bulelo buyooyakilwa anyika.
BaGalatiya 3:29 baamba kuti ikuti swebo katuzulilwa kuli Messiah, nkokuti tubalilwa akataa lunyungu lwa Abulahamu alimwi aboobo tuli bakoni (nokuba kuti tatuninga ba bakoni) ba zisyomyo zyaasyomezyegwa nguwe. Kufumbwa Abulahamu ncakona mu kubuka kuzwa ku bafu, aswebo tuyookona. Matalikilo 13:15 aamba kuti lukono ndwa kuteeli, alimwi BaLoma 4:13 bapandulula kuti cisyomyo citaalukila kusanganya nyika yoonse. "Ijulu," nokuba boobo, tiilyakali cibeela ca zisyomyo kuli Abulahamu, Isaka, a Jakobe nokuba kuli ndiswe. IBbaibbele litondezya kuti Bulelo bwa Yahuwah buyooyakilwa anyika: " Akutubika mbuli bami abapaizi ba-Leza wesu, Nkabela tuyooendelezya ansi!" (Ciyubunuzyo 5:10). Langisya kuti Ciyubunuzyo 11:15 acalo, eeco cishinshimma kuti Bulelo bwa Messiah buyoozunda atalaa malelo woonse aanyika eeyi:
Lino angelo wamusanu ababili wakalizya mweembo, elyo kwakali majwi mapati mujulu, aati, “Bwami bwa ansi bwaba bwa-Mwami wesu abwaKristo wakwe, nkabela uyooendelezya lyoonse mane kukabe kutamani,”
Ziyanza zya tunsiyansiya twa kukomba mituni zya myaanda myaanda ya myaka zyakakwelelezya bantu kuyeeyela kuti kujulu ngo "munzi" wabo akuti mbo bulumbu bwabo eelyo nobafwa.
|
Ziindi zyotatwe mu bbuku lya Ciyubunuzyo, mwaapositolo Johane upandulula "munzi uusetekene," Jelusalema Mupya, kuboola ansi kuzyila mukati ka julu, muciindi cakuti kuusyite ku julu (Cizyubnuzyo 3:12; 2:1-2). Jelusalema Mupya uyoosimpwa – anyika – iisalazyidwe akulondololwa. Yahuwah Lwakwe uyookkala a bantu – kutali kujulu pele mu Jelusalema Mupya anyika:
Lino ndakabona ijulu ipya anyika impya, nkaambo ijulu lyakusaanguna anyika yakusaanguna zyoonse zyakamaninina, alwalo lwizi talukooyoobako limbi. Nkabela ndakabona munzi mulemu, Jerusalemu mupya, uuza buseluka kuzwa kujulu kwa-Yahuwah, ulibambidwe mbuli nabwiinga mbwalisakatizizya mulumi wakwe. Eelyo ndakamvwa ijwi ipati lizwa kucuuno cabwami, lyakati, Amubone, bukalo bwa-Leza mpobuli akati kabantu, uzookala akati kabo. Bazooba bantu bakwe, alakwe Leza mwini uzookala kulimbabo, azoobe Leza wabo. Nkabela uyoosindula misozi yoonse kumeso aabo, takukooyooba limbi lufu, nikuba kuomoka nikuba kulila nikuba kuciswa, nkaambo zintu zyakale zyamaninina. ... ." (Ciyubunuzyo 21:1-4,)
Ziyanza zya tunsiyansiya twa kukomba mituni zya myaanda myaanda ya myaka zyakakwelelezya bantu kuyeeyela kuti kujulu ngo "munzi" wabo akuti mbo bulumbu bwabo eelyo nobafwa. Nokuba boobo, malembee aamu Bbaibbele alisalazyide kuti: Bulelo bwa Yahuwah buyooyakilwa anyika eeyo Walo njaakalenga, alimwi buyooba Bulelo buteeli. (Kutegwa ubone mikonzyanyo minjaanji ya Bulelo buyoobambilwa anyika, langa mu Intembauzyo 2:6-8; 47:1-9; Jelemiya 23:5;Ezekiya 37:21-28; Daniyele 2:44-45; 7:17-18, 27; Mika 4:15; Zekaliya 9:9-10; 14:9, 16-17; Ciyubunuzyo 2:26-27.)
Eeci tacili cibalo ca WLC. Cakazyila ku: https://www.truegospel.org/index.cfm/fuseaction/basics.tour/ID/4/Where-Will-Kingdom-Be-Established.htm
Twakagwisya mucibalo citaanzi mazina aamituni woonse ngobaulikide taata a Mwana, akubikka mucibaka cangawo mazina mataanzi ngubaapedwe. Kuyungizya waawo, twakojokolosya mu Mangwalo mazina aa Taata a Mwana, mbuli mbwaakalembedwe kutaanguna a balembi ba Bbaibbele bakayoyelwa moza. Nkamu ya-WLC
