Hena Kristu wakasalazya zyakulya zyoonse na? Kutamvwisyisya ncaamba Maako 7:19

Neekali kukkala mucisi cakali atalaa sumbu, Ime ndaakomezyegwa, mbuli mwana woonse mucisi cesu, nkeyandisya zyakulya zya mu lwizi.. Zyuuka zya mumeenda zilaa makwa a njili, nkala, answi zitajisi maamba zyakali cibeela cipati akataa zyakulya zyesu. Nokuba kulya comwe mu mvwiki kakwiina cintu cizelwa mu lwizi, eeco tiicakali cintu ciyeeyelwa. Lino kutukwelelezyegwa mu ziyanza zyaba Dutch, ba Putyukeza a Cikuwa, twakatalika akuyandisya kulya nyama ya Ngulube. Ime ndakali kusoolwa biya kuyandisya mitendu ya ngulube alimwi ndakali kupunza zyuuka zilaa makwa zya mumeenda answi zitajisi maamba ziindi zinjaanji. Ime nsyeekali kuyeeyela buumi kakwiina zyakulya zizwa mu lwizi akataa kulya kwangu. Nitwaali kuyaa kukomena, twakayiisyigwa kuti lino Yahuwah ulainda kubaa luyando kwiinda mbwaakabede mu Cizuminano Cakale. Walo wakali kutondezyegwa kuti ngu “Leza wa Luyando a Lweengelelo” muciindi ca yooyo wamu Cizuminano Cakale, “Leza wakali mulilo uunyebulula.”

Eeci cakali kubeleka biyo kabotu mu maumi eesu, mumukowa wesu, amu kulya kwesu nkaambo bunji bwa nzitwaali kulya zyakali zyeezyo Yahuwah nzyaakaambila Bantu Bakwe kuti tabeelede kulya mu Cizuminano Cakale (nkokuti, ngulube a nswi zitakwe makwa atuyaambyo, eeco cakali kusanganya a zyuuka zijisi makwa zya mumeenda, nkala, inswi zitajisi maamba, zyuuka zya mumeenda zilaa cikaye, azimwi zinjaanji).

Kwakandipasukila cintu cimwi mumizeezo yangu Ime neekatalika kulangalanga Mangwalo mubuzwide, kwakanyina kampango kakazya nokuba kumwaya keenzinyina. Hena eeci caambilizya kuti swebo tuceelede kulya akutalya kweendelanya kuli ncaakaamba Yahuwah mu BaLevi 11? Pele ino mbuti malembe ookwa Paulu? Walo wakali kulangika aanga waamba kuti tweelede kulya kufumbwa cintu, hena Milumbe mibotu ayalo tiitondezyi Messiah Yahushua kaambilizya kuti zyoonse zyakulya zilasalala?

Nketaninga amba makanaa Paulu, Ime ndakayandide kuti ndibone naa Mufutuli wesu (ooyo ngotweelede kutobela) wakacinca Milawo ya Zyakulya njaakapa Yahuwah. Bulikke busena Ime mpeekamujana kaamba cintu cimvwika munsaa kuti “Swebo tulakonzya kulya kufumbwa ncotuyanda”, bwakali muli Maako 7.

Maako 7:19 kakali kampango nkeekali kuyandisya, nkabela ndakabala busanduluzi bobile bwa Bbaibbele mu Cikuwa. Bunji bwa busanduluzi oobo bwakaamba kuti “Yahushua wakaambilizya kuti zyoonse zyakulya zilasalala.” Cintu cikondelezya ncakuti, IBbaibbele lya KJV talijisi cibeela eeci pe, kakuli amwi woonse ajisi cibeela eeci kacikobeledwe mu twaandaanyo.

• New International Version “Nkaambo tacinjili mu myoyo yabo pele mwida lyabo, mpoonya cilazwa anze lyamubili.” (mukwaamba boobu, Yahushua wakaambilizya kuti zyoonse zyakulya zilasalala.)
• English Standard Version “akaambo kakuti tacinjili mu moyo wakwe pele mwida lyakwe, mpoonya cisowelwa anze?” (Mbombuboobu Walo mbwaakaambilizya kuti zyoonse zyakulya zilasala.)
• New American Standard Bible “nkaambo tacinjili mu moyo wakwe, pele ciya mwida lyakwe, hena tacizwi anze na?” (Mukwaamba boobu wakacisalazya kuti zyoonse zilyo zilasalala.)
• Busanduluzi bwa Mwami James KJV “Nkaambo tacinjili mumoyo wakwe, pele mwida, akuzwida anze, takuli kusalazya zyilo zyoonse na?”

Nkaambo nzi busanduluzi bwa KJV, bumwi butaanzi kapati kusandulwa mu Cikuwa mu 1611, ncobutalembedwe cibeela eeci? Alimwi nkaambo nzi busanduluzi bumwi boonse ncobulembedwe mu twaandaanyo? Ime ndakajana makani aakondelezya eelyo neekali kuvwuntauzya kaambo aaka.

Malembe Mataanzi aa ciGiliki taajisi majwi aakuti “mukwaamba ceeci, Yahushua wakacisalazya” muli Maako 7:19.

Bamwi basanduluzi bakasanganya aakale ku kampango aaka majwi aayungizya kusalazya. Ncenciceeci Bbaibbele lya KJV ncilyataa sanganya cibeela eeci. Nkaambo eeci cakasalazyigwa, lino Ime ndakeelede kulomya masimpe kubona kuti naa muzeezo wa Basandulula nibaasanganya majwi aakuti “(mukwaamba ceeci, Yahushua wakaambilizya kuti zyoonse zilyo zilasalala)” kuti ooyo muzeezo wakali luzi. Kufumbwa naa Yahushua wakali salazyide bwinibwini kwaamba kuti Milawo ya Zilyo tiiyakaciliko. Kulanga bulembedwe Caandaano 7 ca Maako cakali cintu ciyandika kutegwa kubambwe muzeezo ooyo. Atuswate Maako 7, kuzwa mu cisyoonto 1, katuyaa kuzubulula kuya ansi ku tumpango ntontuvwuntauzya.

Maako 7:1-21 – Hena cijatikizya kulya kufumbwa cilyo naa kulya cakulya kakwiina kusamba mu maanza?

Kubala Maako 7:1-4, Ime ndaazyiba kuti kaano kaatalikila ku Bafalisi nibaatamikizya basikwiiya ba Yahushua kuti tabasambi mumaanza nobayanda kulya cinkwa. Alimwi Maako wakaya kumbele kutondezya Bafalisi a BamaJuuda mbubakali kukonzya kulya kakwiina kusamba mumaanza kweendelanya a “Ciyanza ca Bakulukulu.” Balo tabalyi kabataninga samba mumaanza eelyo nobazyokela kuzwa ku misyika alimwi balaa tunsiyansiya tunjaanji mbuli twa kusanzya nkomeki, mpoto, ziyumwido zya mukuba, amatebule.

Bamwi inga beelekanya Bafalisi ku Cizuminano Cakale akukosozya kuti ooku kusamba mumaanza kwakazyila mu Cizuminano Cakale mu Mulawo wa Yahuwah. Pele, Yahuwah aatembaulwe, Ime ndakalaa coolwe kwiiya zya Bafalisi ambubaajana Mulawo wabo akuyiisya kwabo ooko kwaayungizya atalaa Mulawo wa Yahuwah. Eeci cakagwasya kapati, eelyo neekateelela ncaakali kwiiminina Maako mukwaamba “Tunsiyansiya twa Bakulukulu” mu cisyoonto 3.

Mu cisyoonto 5, Bafalisi babuzya Yahushua kaambo keni basikwiiya bakwe ncobateendeli mu “Tunsiyansiya twa Balupatipati,” mu kulya kabasambide mumaanza.

Yahushua wiingula mibuzyo eeyi mu tumpango tutobela: kutatobela ziyanza zya Balupatipati akulya kabatasambide mumaanza.

Mu kampango 6 a 7, Walo utalikila kwaamba caalemba Izaya 29:13, katondezya busikuupaupa ameso bwabo, kabaamba kuti balemekezya Yahuwah amilomo yabo, pele myoyo yabo ili kulaale a Nguwe alimwi kukomba kwabo, bayiisya “Milawo ya Bantu” kubee “Ndusyomo”

Mu tumpango 8-13, Walo uya kumbele kusalazya akuzubulula kulubila kwabo, kabalazyika ambali Milawo yokwa Yahuwah akujatilila ku Tunsiyansiya twa Bantu, eezyo zisanganya a kusamba mu maanza. Walo waamba kuti basulaika Milawo yokwa Yahuwah kutegwa babambe Tunsiyansiya twabo akucita kuti Ijwi lya Yahuwah libule bulemu akaambo ka Tunsiyansiya Twabo. Langisya Yahushua mbwatondeka kwiindana akataa Milawo yokwa Yahuwah kuzwa ku Tunsiyansiya twa Bantu.

Ategwa nzi makani kusikila waawa? Hena ncakulya caambwa aawa na? Naa ntunsiyansiya twaabambwa aa muntu? Saa mubandi woonse tuuyimvwi atalaa kulya cakulya aamaanza aatasambide na, eeco cakali ciyanza cigaminidwe mu mubandi wabo? Atuye kumbele kubala.

Mu tumpango 14 a 15, Walo wakaamba kuti kunyina cinjila mu muntu cizyila anze cikonzya kumusofwaazya. Nciceeco cizwa mu muntu cimupa kusofwaala. Ino Yahushua waamba nzi alimwi ikuti twalanga ncaamba mbocilembedwe bwinibwini? Hena waamba kuti lino tulakonzya kulya kufumbwa ncotuyanda na?

Ncaakaamba Yahushua tiikakali kaambo pele mukonzyanyo. Mu kampango 17, basikwiiya bakabuzya ncaakali kwiiminina mu mukonzyanyo ooyo.

Lino, twaboola ku tumpango tuli mu mubuzyo. Yahushua wiingula basikwiiya mu tumpango 18-23, kaamba kuti kufumbwa cinjila mu muntu tacikonzyi kumusofwaazya, pele buyo cinyonyoono cizyila mukati ka muntu. Walo waamba kuti muntu ulasofwaazyihwa a cinyonyoono cili mukati.

Pele Walo mpeenya aawo, hena waamba kuti Milawo ya Zilyo yokwa Yahuwah tiikwe mulimo nkaambo kufumbwa ncotulya cilazwa mwida na? Hena ngweenya Yahushua ooyo wakali kwiita Bafalisi busikuupaupa ameso nkaambo ka kunyansya Mulawo ookwa Yahuwah, lino waamba kuti Milawo ya Zilyo yokwa Yahuwah tiicikwe mulimo na? Katutaninga kosozya kwaamba makani aaya, Ime njanda kuti ugamike mizeezo yako ali Mateyo 15. Mu caandaano eeci, Mateyo ulembede makani aakaano nkeenya kali muli Maako 7. (Ime nsyekwe kuzubulula caandaano coonse kuzwa nkocitalikila, nokuba kuti kulibalila lwako omwini inga cakutondezya kuti ncimwi).

Atubale muli Mateyo 15:15. Mbweenya mbuli Maako, basikwiiya, Petulo (mbuli mbwalembede Mateyo), ubuzya Yahushua kuti abapandulwide mukonzyanyo ooyo. Yahushua waamba cintu nceenya: “Kufumbwa cinjila mu muntu tacikonzyi kumusofwaazya, pele buyo kwiinda mu cinyonyoono eeco cizwa mukati kakwe.”

Mateyo 15:20 nce Cijuzyo. Mpoonya Yahushua upandulula ncaakali kwaamba ciindi coonse. Walo wakati, “Eezi nzyezisofwaazya muntu. Pele kutali kulya amaanza aatasambide eeco tacisofwaazyi naba omwe.” Hena aaka kampango kalikke kalapandulula zyoonse na? Kufumbwa uubelesya Maako 7:18,19 kuti aambe kuti Yahushua wakatupa lwaanguluko lwa kulya kufumbwa ncotuyanda inga wapatila kupandulula Mateyo 15:20. Kuzubulula kwa Yahushua koonse kwakali kwakuti “muntu tasofwaazigwi kwiinda mu kulya aa maanza aatasanzyidwe, pele kwiinda mu cinyonyoono eeco cizwa mukati kakwe muntu ooyo ngweenya.

Masimpe ngakuti ooyu mubandi woonse wiimvwi amakani aa “kulya kotasambide mu maanza.” Maako 7 a Mateyo 15 baamba cintu comwe nceenya, alimwi Mateyo ulembede majwi ookwa Yahushua aajatikizya kaambo ka “Kulya amaanza aatasanzyidwe.” Kunyina nokwaambidwe Milawo ya Zilyo yokwa Yahuwah mu zyaandaano eezi pe, alimwi kunyina musanduluzi uunga wayungizya mabala mbuli aakuti “(Mu kwaamba boobu, Yahushua wakaamba kuti zyakulya zyoonse zilasalala)” kamvwisyide nokuba katamvwisyide bwinibwini.

Eeci tacili cibalo ca WLC . Cakazyila ku: https://biblethingsinbibleways.wordpress.com/2013/05/12/did-christ-declare-all-foods-clean-misunderstandings-regarding-mark-719/

Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina aa Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC