Lyaamba nzi Bbaibbele Kujatikizya Mulawo wa Bulemu
|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Muli Mateyo 5:19, Yahushua Messiah waamba "komwe kaniini akati kamilazyo." ...kunyina kudonaika kunga kwaba kuti, akataa Milawo iili Kkumi yoonse iilemekezyegwa a akupegwa bulemu ku bantu baanyika, mulawo wa kubamba Nsabata ngo musyoonto ali yoonse iili kkumi. Musyoonto mukulanganyigwa akulemekezyegwa kwaanyika kweelanya aa milawo imwi iili fuka.
Nokuba kuti cilazuminwa mumulawo kuti buzuba bwa [Nsabata] bulilailildwe mu Bbaibbele, Cikombelo ca Katolika ciyeeya kuti cilaa nguzu zya kucinca buzuba oobo.
|
ICikombelo ca Katolika cilaudyakaizya cakuti cisyoma kuti calo cilaa nguzu zyakuumwayila limwi. Nokuba kuti cilazumina caantangalala kuti oobo buzuba bwakalailwa mu Bbaibbele, Cikombelo ca Katolika ciyeeya kuti cilaa nguzu zya kucinca mulawo ooyu. Zikombelo zya Basikukazya zilapelengusya kululamika mulawo ooyu akwiimina amilawo yaanyika iipilingene, pele zilaudyakaizya akuulanganya kuti mulawo biyo wa tunsiyansiya.
Inyika tiiyeeyeli kweelanya busikasaaza kulanganya aa Mulawo wa Nsabata, nanka kutyola mulawo mutaanzi, wabili, watatu, nokuba mulawo wane. Bantu bakkalaa nyika tabayeeyeli kuti busikasaaza nkujatikizya Mulawo wa Nsabata, nokuba kutyola mulawo mutaanzi, wabili, watatu nokuba mulawo wane. Mbangaye bantu mu cikombelo bayeeyela kutyola mulawo wane kuti nkuguminizya mamambe? Nokuba boobo, busikasaaza nkutyola mulawo wane.
Jemusi awalo waambilizya mulawo wa bulemu kuti mulawo wa lwaanguluko. Cilisalazyidwe kuti, ikuti bantu kababamba mulawo wa ciloba, eeco cipa lwaanguluko ku nyika kuzwa ku mamambe a cigololo. Ikuti bantu kababamba mulawo wa fuka, eeco cipa nyika lwaanguluko kuzwa ku bubeji. Kubamba mulawo ookwa Yahuwah kupa lwaanguluko ku bantu. Ikuti muntu kababamba Nsabata, mbweenya mbuli milawo imbi, eeco cisolweda ku lwaanguluko. Ciletela lwaanguluko. Mulawo ookwa Yahuwah mulawo waangulula.
Mu busikasaaza bwesu, aciimo ca buntu ciyandisya kutuyeezya kuti kubamba Nsabata kulatusinkilila, akuti itulesya kucita zintu nzyotuyanda. Mu ziindi zimwi, tulimvwa bwaange nkaambo ka njiyo. Nciimo ca buntu kuyeeyela boobo kutali kuyeeya kwa Yahuwah. Itugwasyilila kumvwisyisya mizeezo yesu mbuyatalika kuba. Nsabata mbuzuba bomwe, kutyola buzuba oobo mbusikasaaza, kubamba buzuba oobo kuletela lwaanguluko.
Milawo iili Kkumi ili kamantene. Kutyola mulawo omwe nkusotoka yoonse, kwiina makani naa bantu bayeeyela kuti ooyo mulawo ulaa cikkelo cili buti.
|
Kwakali ciindi cimwi nikwakali kabunga ka bantu, ba Falisi, ibakaimpene abunji bwa nyika yoonse, kabasyoma kuti kubamba Nsabata wakali mulimo mupati kwiinda yoonse. Balo bakapunga myaanda-myaanda ya tulawolawo mukusoleka kulesya bantu kusotoka mulawo, pele bakaimpya kumvwisyisya kaambo keni-keni. Nkaambo bakalimvwide cakaambwa mu Ezekiya 20, azimwi zibeela zya Bbaibbele azyalo, bakalizyi kuti kaambo keni bamaJuuda ncibaatolwa buzike kakali ka kutabamba Nsabata. Aboobo,ooko kubambulula milazyo kwakatalikila mu ciindi ca Ezula, bantu bakaindilizya kuyumya buumi naakafwa Ezula. Kukosozya makani kwabo, nokuba kuti kwaatalikila mu makanze aali kabotu, pele kwakali kwaanyika, alimwi kubamba Nsabata kwabo, munzila eeyo, kwakalilubide mbweenya mbuli ziyanza zya bantu baanyika nzyobayandisya mu kulanganya Nsabata.
Nobaba Ba Falisi nanka bunji bwa bantu bakaponede mu nyika eeyi nibakamvwisyisya makanze ookwa Yahuwah aajatikizya Nsabata. Nkaambo bunji bwa kuyeeya kwa nyika eeyi kugaminina kuya mu cikombelo, bamwi besu bayeeyela munzila njeenya nyika mbwiiyeeya.
Milawo iili kkumi ili kamantene. Kusotoka mulawo omwe nkutyola milawo yoonse, kwiina makani naa bantu bayeeyela kuti ooyo mulawo ulaa cikkelo cili buti. Kutyola mulawo wane kutupa kubaa mulandu akweelela kufwa mbweenya mbuli kutyola milawo iimwi. Mpampawo aawa mpotweelede kutalikila. Ooyu tuuli mulawo uunga watonkelwa buyo kumbali; tuukonzyi kuuntuluzyigwa mbweenya buyo ayimwi iili fuka. Makanze ookwa Yahuwah mumulawo ooyu alaa mulimo mupati mu maumi eesu.
Eeci ncibalo citali ca-WLC cakalembwa aa John W. Ritenbaugh.
Twakagwisya mucibalo citaanzi mazina aamituni woonse ngobaulikide taata a Mwana, akubikka mucibaka cangawo mazina mataanzi ngubaapedwe. Kuyungizya waawo, twakojokolosya mu Mangwalo mazina aa Taata a Mwana, mbuli mbwaakalembedwe kutaanguna a balembi ba Bbaibbele bakayoyelwa moza. Nkamu ya-WLC
