Biblical Christian Articles

Mangwalo ayubununa kuti eelyo muntu muzumi naafwa, kucinyina muzimo uucilimvwa bulanga pe. Kunyina kumvwa cicisa nokuba cikondelezya pe. Pele muzimo wamuntu “uloona” kusikila akabusyilwe kubuumi a Yooyo Uupa Buumi.

Saatani wakasungilizya muzeezo wakuti takukabi tempele munyika mpya. Akaambo kaako, kulangila kupati kwa Taata tiikwakazyibwa akukkomaninwa.

Kuli mabala aabalwa atwaambo tumvwugwa mukukambauka pele aatamvwisyidwe kabotu. Bululami kwiinda mu lusyomo nkaambo kamwi akataa twaambo ooto; kalabelesyegwa ziindi zinjaanji pele takateeledwe cini ncokaambilizya. Ncintu ciyandika kapati kuti boonse bayanda kuyoopona buumi butamani antoomwe a Yahuwah kabamvwisyide cini ncobwaambilizya “bululami kwiinda mu lusyomo”, nkaambo eeyo njenzila ilikke muntu woonse mbwayoofutulwa.

Yebo toyelede kulindizya kusikila noyooleka kucita cibi kuti uboole kuli Yahuwah. Koboola cino ciindi mbweenya mbobede nkaambo Walo utambula babisyi!

Mangwalo alisalazyide ncobeni. “Cikombelo” cicaalizya tacili cikombelo camazubaano. Pele, mbantu bamacaalizyo aabo Bakaitwa Kuzwida Anze. Balo bakalonga akuyaamuka zikombelo zyoonse. Mangwalo atutondezya musela wamamanino kuti unoolizandwide kuzwa ku Bbabbuloni, azikombelo zyakwe, kuzwa akataa bupaizi bwalusyomo lwakubeja azilengwa zyabo.

Inyimbo zyizwide zyiimbo zilumbaizya “Jeesu” mbuli zyakuti “Away in a Manger (Kulaale mu Cimpati)” kusikila kuli yakuti “Jeesu ulaboola alimwi,”Banakristu baimba nyimbo zya Yahushua. Baimba nyimbo zya kuzyalwa, milimo, bulowa Bwakwe, lufu a kuzyokela Kwakwe. Nzisyoonto nyimbo zigaminina kulumbaizya Taata, alimwi akataa zyeezyo, zigeme buyo bulemu Bwakwe, kubekema abukali Bwakwe . Ooku kugama kulumbaizya Yahushua nkaambo ka cittuzyo cakwe ncecisinkila masimpe aali mu Mangwalo aakuti: nguni Mufutuli wini.

Kwainda myaka 2000 kuzwa bantu nibaasyomezyegwa kuti Mufutuli ulaafwi kuzyokela. Aabo batasyomi bafubaazya cishinshimi eeci kuti nkakaambo keni ncobatasyomi. Koyungizya kubala wiiye mbokonzya kupandulula makani aaya.

Kkalenda lyamazubaano talyeendelanai azilengwa leza pe. Aboobo, kuli mapenzi aalibonya aayo aatajanwi mukkalenda libelesya Mwezi azbua lyaku Malengelo: ncencico ncolibelesya Mweengwe Wakubalila Mazuba Munyika uucincauka. Mulongo wa mvwiki uutasimpidwe ku zilengwa leza, ncintu buyo cakabambwa aamuntu. Mweengwe Wakubalila Mazuba Munyika kwiina acimbi pele nkusola kwamuntu kubambulula buyo penzi ndyaakatalisya muntu ngweenya.

Lusyomo lwakuti kuli mulilo uutamani uuyaka lyoonse lwakaleta twaambo tunjaanji tucisya mutwe kwiinda lusyomo lumwi, twaambo tupyopyonganya mizeezo akusolweda bantu banji kuti basulaike Yahuwah. Eeci cibalo cisanyangula kasimpe ka Bbaibbele kajatikizya mulilo uutamani.

Mubusongo buteeli aluyando lutamani, Mwami Yahuwah wakabamba nzila oomo, muntu uusofweede ulaa cibi mwakonzya kubambululwa kuti atambulike kubulemu bwa Julu. Eeyi nzila yakali kujatikizya zinjaanji kwiinda buyo kufutulula luzubo lwa bantu kuzwa kubuzike abweendelezi bwa Saatani. Yakali nzila iizyokolweda limwi ciimo camuya wamuntu kuti abe muciimo cabulemu mbwaakalengedwe. Ooyu ngomulimo ncobeni ngwacibeleka Yahushua Mupaizi Mupati wesu cino ciindi.

Kasimpe kakuti Yahushua wakatempaulwa “muzintu zyoonse mbubonya mbuli ndiswe, pele taakabisya” nkakakulwaizya muntu woonse kuti azunde mbweenya mbuli Mufutuli mbwaakacita. Maseseke ookwa Yahushua aakuzunda nkondo zyakulwana cinyonyoono a Saatani akali mukutontomana kuyaamina munguzu zya Wisi. Walo taakabelesya nguzu eezyo nzyotutapedwe kuti twasyoma muli Nguwe.

“Kupaila nkuyoya kwa muya wamuntu. Ngamaseseke aangzu zya moza. Kunyina nzila iimbi iikonzya kutola busena bwa kupaila nokuba kupa buumi bubotu muya wamuntu. Kupaila kutola moyo wamuntu munsaa Tinti lya buumi, akuyumyayumya milambi aminyemfu mubuumi bwa kupaila.

Mbweenya mbuli lufutuko, kuteelela acalo ncipego. Kuteelela kuzyila munguzu zyesu kunyina acimbi pele milimo iitatambuliki kuli Yahuwah.

Nabutema ba Wagner waapenga kuyeeya mumizeezo nkaambo Pamela Forsythe taakaninga cingwa. Ino baya kuli banyina? Wakasola kulilesya mizeezo yantenda zinga zyaba kutegwa Pamela atatyompwi, eelyo tunzima nitwakali kuyaa kuyungizya kusikila lyaba woola. Pele Pamela wakalaa ciiyo cipati ca lusyomo, kusyoma akukkazyika camba cakuyiisya Mwiyi Wagner. Koya kumbele kubala umvwe kuti cakali ciiyo nzi.

Lusyomo ndejanza lyakujatilizya mu zisyomyo zyokwa Yahuwah; luletela zileleko zipati kumuntu uusyoma mubombe moyo.

Banakristu boonse balazuminana kuti lufutuko ncipego cakupegwa muluzyalo. Pele, nokuba kuumbulizyigwa kuli boobu, banakristu banji, bacitingaana kabatakubwene kwiindilana kulijanina lufutuko mumilimo yanguzu zyabo, eeco ncintu citeendelani alusyomo lwabo. Kobala umvwe bwaambilizya Mangwalo cipego calufutuko, aceeco ncoyelede kucita mucipego eeco.

Kulyaaba abuzuba ngamaseseke aakukkomana ooko kukkalilila kwa ciindi cilamfu acilongwe ciyumu nta aMwami Yahuwah. Koiya sunu maseseke aakulisungula abuzuba mpoonya utalike kweendeenda kokkomene antoomwe aMwami Yahuwah!

Ekklesia waamunzi ulaa mpuwo kapati mazubaano nkaambo kamizeezo minjaanji. Pele hena zyoonse eezyi tazyili zibeela zyalupyopyongano lwamu Bbabbiloni? Kupaila kutaanzi kwa bulemu kwakatalisyigwa mumuunda wa Edeni kwakali ekklesia naa kupailila amunzi. Kupaila, akweendela antoomwe a Mwami Yahuwah, kupedwe bulemu mumilimo yabulemu bwakujulu yoonse eeyi: mu babetesi, mu bami, amuli ekklesia wa Mulumbe mubotu, ooyo wakali mulimo waamunziindi zya baapositolo. Mulumbe mubotu upede milazyo iili kkumi ayone yakubamba akweendelezya ekklesia. Magwalo aalo apede zipego zya moza zili lusele zigwasya ekklesia. Asunu tucilangene penzi ndyeenya lyakali kuyandika kubambululwa amulimo wa dikoni a eloda mu ekklesia wa baapositolo. Eeyi nzila ngubauba iiluleme yakali simpidwe nji akata balangila kuboola mu mwaka wa 1844. (Nokuba boobo, abalo muzibeela zinjaanji bakayaamuka lusyomo oolo). Ekklesia waamunzi ucili ekklesia ookwa Yahuwah wamasimpe abobuno buzuba. Kunyina mbungano yeelede kulangilwa kuyakwa iimbi pe.

Moyo wamuntu uuyandwa lyoonse ulaingula muluyando nkaambo Luyando ndolusinsimuna luyandonyina. Mukubambilila luyando, kweelede kulitondezya kubaa bulumbu akulanganya zileleko eezyo zyatambulwa. Boonse bakamvwa luyando lwa Yahuwah, banooyanda kuteelela Nguwe nkaambo balamuyanda. Kubamba mulawo wabulemu nkokulitondezya kubaa luyando kuli Yooyo Uupa-Mulawo.

Luyando lwa Bulemu nduyando luteeli. Lulakunka kuzyila mumoyo mupati ookwa Yahuwah, oomo muzyila luyando loonse, kukkomana akukondwa. Luyando lwa Yahuwah nzyenguzu ziinda cili coonse mumulengalenga. Oobo mbobwini mbwabede.