Kutongooka ooko kwakaletelezya Kubambulula lusyomo, kwakatalikila mukubona kusofwaala kwa bapaizi ba Cikombelo ca Katolika kutalikila mumusela wakkumi acisambomwe. Mumyaka misyoonto yakainda kwakalibonya bumboni bukopa mizeezo kuti oobo bupaizi bwakaindila kuya kumbele kucita zisesemya kuzwa ciindi cansiku, mbuli bapaizi mbobayaa kujata bana basankwa akubacita zitondwa. Nokuba kuti nyika lino isyoma kuti eeci cikombelo cakali Kubuzyilila aKuvwuntauzya kuti cakacincila lyo, pele micito yaco itondezya buyo mbocakacinca, kuti ooko kucinca nkwiindila buyo kusofwaala. Lino, kwiinda ciindi cili coonse, mulumbe wa bululami, mbuli cipego ca Mwami Yahuwah, kwiinda mukusyoma mubulowa busalazya bwa Mufutuli wesu Yahushua mupaizi mupati uutuzekela mucikombelo cakujulu, nkokulila kwanyika yoonse. Bwami bwa Yahushua ncecintu ciide kwiindwa kumbali, alimwi eeco ncecipa kuti bantu batamvwisyi kuti bululami kwiinda mulusyomo, ngo mucelo wakusyoma Mufutuli Yahushua eelyo naakatubeda Messiah.
Bululami lyoonse buyeeme mutwaambo tululeme. Aboobo, lubeta mulimo wakuvwuntauzya akubikka antoomwe kufumbwa kasimpe kajanidwe kumbele lya mubetesi abazeki. Eeci cibalo cidibaula makani aa Zyaando zili ciloba, Myeembo iili ciloba, a Lubeta Lwakuvwuntauzya!
Ilikke nzila eeyo Yahuwah njakonzya kubandika kumuya wamuntu, njakunjila mumizeezo yakwe. Aboobo, kufumbwa cintu cimukopanya mizeezo nokuba kumuungula maanu, eeco cintu ceelede kweelebwa cakutalelema. Boonse aabo balangaula bululami, bayoojana kuti kupilukila kukulya cakulya cuubauba, citasanganyidwe zinjaanji zikola, mbuli bweengwa, mafuta azimwi zibamba cakulya kuti citaboli, bayoolijanina cileleko cipati cakukoma cinyonyoono.
Zifwanikiso zya Mantanda nkooze kateyedwe. Zilakonzya kuca muntu akumukola mbweenya mbuli tombwe nokuba bukoko alimwi bazyali basongo balakonzya kucita cili coonse ncobakonzya kuti babambile mwanaabo kukaka zintu eezyo nolimusika munsi lyakwe sunko, nkaambo aciindi cimwi, liyoomusikila ncobeni eelyo sunko. Kobelesya nzila eezi kuti wiimikizye mwanaako kwiima nji katazungaani kukaka zifwanikiso zya mantanda zimoongelezya.
Koligwisya mimena iijaya buumi! Nkobuli bufalisi muli ndiswe TOONSE.
"Kolomba, nkabela uyoopegwa; koyandaula, nkabela uyoocijana; konkomona, nkabela uyoojulilwa.” Eeci cisyomyo nkocicili amazubaano mbweenya mbucakaliko nicakataanguna kwaambwa. Konjila lino mucibalo eeci kutegwa uyumye buumi bwako bakupaila, kuli lwako akuli bamwi!
Milimo minjaanji yabukambausi yakatalika kulibonya kiimwaya kasimpe kakuli zikombelo zinjaanji zyakaalilwa kweendela antoomwe amumuni uuyungizya kumweka atalaa nyika. Cuususya ncakuti, bunji bwamilimo yabukambausi eeyi, ayalo yakalezya kutobela mumuni uyaa kuyungizya kumweka atalaa nyika. Ijulu lilaita bantu boonse kuti bazwe muzikombelo eezyo zilesya kukambauka kasimpe kasalala kamu Bbaibbele.
Bana Kristu batonkomene bakatola lubazu mukulangila “Mvwula Nkukula Nsoke,” naa cisyomyo “cakubayumyayumya” ca Moza Uusalala, eeco ncobacilangila kuti inga cababambila kupa Koompolola Kupati kaindi kasyoonto munsaa Kuboola Kwabili. Kamwi kampango kaindwa ambali, aako kali mubbuku lya Ciibalusyo kayubununa kuti “Imvwula Nkukula Nsoke” iliimpene kapati aceeco cilangilwa alimwi iluujisi kale kuwa cino ciindi!
Mumyaka yakainda, luzyibo lwa kkalenda lya Mulengi a Nsabata yabuzuba bwaciloba, lwakamwaikila atalaa nyika. Kwakaba kutongooka kapati kutongookela kasimpe aaka. Nokuba boobo, ooku kutongooka kuti kwalangisyigwa amumuni wa Mangwalo amalembe aamisela, tusimpe tulibonya oomo tutondezya kuti Nsabata yamasimpe ya Bbaibbele ikonzya buyo kubalilwa kubelesya kkalenda litobezya mwezi-azuba lyaku Malengelo. Eeci cibalo ciingula mibuzyo iili fuka yakatongookela Nsabata iitobezya mwezi azuba yamu Bbaibbele.
Mukupyopyongana kukopede mizeezo iikazyana, kuli kutaminina kunjaanji ooko kutamikizya Nsabata iitobezya mwezi-azuba. Eeci cibalo ciingula kutwanga kuli ciloba ooko kwakamvugwa kakusampaula Nsabata iitobezya mwezi azuba.
Mumyaka misyoonto yakainda, kwakaba mumuni uuyungizya kumwesyela atalaa Nsabata akuyubununa kasimpe aako kakalubidwe kwaciindi cilamfu loko: kasimpe kakuti Nsabata yamu Bbaibbele tiikonzyi kujanwa kubelesya kkalenda lyamituni. Lilikke nokubelesyegwa kkalenda lyansiku lyaba Hebulayo, kkalenda lyaku Malengelo, ndendilyo Nsabata yamasimpe niikonzya kujanwa. Eeci cibalo ciingula mibuzyo iibuzyililwa ziindi zinjaanji mukulwana Nsabata yamu Bbaibbele iitobezya Mwezi-aZuba.
Bantu banjaanji baluuswaanganya mubuzyo mulemu ooyu antela ciindi comwe mumaumi aabo: mubuzyo wakuti, Ncicili cikombelo ciluleme? . . . nanka kuti hena kuli “cikombelo” ciluleme? Kuli zikombelo zinjaanji alimwi ncintu cipotyonganya mizeezo yamuntu cakuti cilaala kuzyiba camasimpe kuti nkuli nkwatigame. Eeci cibalo cilaa bwiinguzi kukaambo aaka kwiinda mukupa musunko muubauba kuzwa mu Bbaibbele, musunko wamibuzyo yotatwe iikonzya kupima kufumbwa cikombelo cakufwamba alimwi munzila nguba. Kwiinda mukubelesya mibuzyo eeyo, muntu uli woonse inga wazyiba mukaindi kasyoonto cikombelo ciluleme.
Casika Ciindi cakumaninizya Kulilwana Milandu ya Zisusi Zyanyama. Ŋanda yakazekeleo ilaafwi kujalwa. Aboobo inga kwaba kufubaala kubana Kristu mazubaano kuti baalilwa kubelesya zilikwabilizyo zyakulwana mamambe, luunyaunya , kulyana nkwela, akulalika azimwi mbuli zyeezyo.
Mbungano yaba Jesuiti njiyakaanza lweeno lupati mumisela yabantu. Kweelanya mazuba, makanze aazintu zicitika anyika, amagolelo aamakanze aayo, nzyezyintu zimwi zibajatanya amuzeezo wamazubaano wakuti, nyika nimbumbulu mbuli bbola. Kusanyangula Mangwalo cakutontomeka, akusya migonti kuyandaula mazyalane minzi yakaloba kunsaa nyika, azyalo zilabasinsa kuti mbibaaleta kweena kwamamanino ooko kwakatola myaka ili cuulu amyaanda ciloba: kweena kwa lusyomo lwamazubaano lwakuti Mujibelo nje Nsabata yabuzuba bwa ciloba bwamu Bbaibbele.
Mulawo ookwa Yahuwah ncimbonimboni ca ciimo Cakwe cilondokede, mizeezo yamoyo Wakwe ambwalimvwide mucamba Cakwe. Mulawo ookwa Yahuwah nkuuli lyoonse kukabe kutamani alimwi tuucinci pe. Unikwiimvwi lyoonse kukabe kutamani.
Mangwalo ndibbwe amusemo walusyomo lwabuna Kristu uutakonzyi kwaandauka pe. Njenzila yini eeyo Yahuwah njaakayoyela muya Wakwe, iitozya kubuumi butamani. Boonse aabo basyomeka mumyoyo yabo, kabatandila Yahuwah a bululami Bakwe, ciyooba cilengwa cabo kubala Bbaibbele akuyobozya majwi aabuumi mumizeezo yabo lyoonse. Kumuka kubala nokuba kutonkela ambali kubala jwi lyokwa Yahuwah, inga caambilizya kusala lufu atalaa buumi. Inzya ncintu cilemu boobo, nkaambo kuti swebo twaleka kweenda mumumuni wajwi Lyakwe, nkokuti inga twacaala mumudima ooyo uuyaa kwiindila kusiya mbi katukkede mucimvwiide calufu.
Cishinshimi ca “Mvwiki zyili makumi ciloba” cokwa Daniele ncishinshimi cimwi cilaa mpuwo akataa zishinshimi zyoonse zyili Mumangwalo, nkaambo citondezya myaka iini yakubbapatizyigwa akukankaminwa kwa Mufutuli kakwiina kuleyaleya mumbali. Cuusisya ncakuti, bantu banji tabaciteeleli kabotu nokuba kucipandulula munzila iilubide 1 nkaambo eeci cishinshimi cilaa makani malemu ncobeni. Pele kulangisya cishinshimi cokwa Daniele “camvwiki zyili makumi ciloba” citutondezya kuti “Kukankaminwa muli Bwasanu” amuzeezo wakuti mvwiki yamazubaano ilazinguluka lyoonse kuzwa kumalengelo aanyika, tuuli muzeezo uululeme pe!
Kulomya kuvwuntaulisya kaambo aaka kainda kutateelelwa kabotu mu Mangwalo woonse mbwaazulwa: Mulilo Uutamani. Hena basofweede abateempwi bayoopenzyegwa ncobeni kabavwilima mumulilo lyoonse kukabe kutamani? Nee kaka peepe! Bayoonyonyweeda limwi, akumanina do, kuleka kupenzyegwa bulanga lyoonse.
Pasika, makani aakopede bantu banjaanji. Mulumbe mubotu uuli mumabbuku otatwe aaMateyo, Maako aLuuka umvwikaanga upede buzuba bwa Mulalilo Wamamanino bwiimpene abuzuba bulembedwe mubbuku lya Mulumbe wa Johani. Muli ceeci amuzyintu zimwi zyizinga kuyeeya, Mangwaloo alitupede kale busanduluzi bukosozya makani aaya! Eelyo tumpango twiindene notuvwuntaulwa akusanyangulisyigwa, kuli bumboni buvwukkuka mumulumbe uuli mumabbuku aayo one antoomwe; kasimpe keni nkakuti, yoonse milumbe iili mumabbuku aaya ileendelana.
Mulalilo Wamamanino: Mangwalo ayubununa bubotu bwakweendelana akataa zikonzyano mukuti Mulalilo Wamamanino tiiwakali Pasika pe, pele wakali mulalilo wakulya buyo ooyo wakaanzwa azikonzyanyo zipya.
