Isita wamazubaano tuukwe cibeela pe mubupaizi busalala bwa Kujulu. Zyoonse zilengwa zyawo nzyabukombi bwazilengwa leza, Kusekelela Isita takulemekezyi kufwa akubuka kwa Mufutuli alimwi kwiina mulwi wamazina aacikristu uunga wasalazya Isita kubukombi bwazilengwa leza nkuwaazyila. Nokubaboobo, Isita tuuli buyo cintu cilipeekezya kuba cina Kristu. Kunzaa ciwa ceebeka, Isita uvwunikide kweena kwamisela minjaanji: kucincwa kwa kkalenda ooko kusisa buzuba bwini bwakubuka kuzwa kubafu abwa Nsabata yakasimpe ya buzuba bwa ciloba!
Nsabata Isetekene yokwa Yahuwah tiiyelede kubelesyegwa kujanya zyanyika pe. Pele kubantu banji, izyanyika ncibumbwa cini ncobatobela.
Muzeezo wakwaandaanya nzila , kutegwa tusiye Kkalenda lina Gregroy lyabu Poopo, akutalika kuyiisya Nsabata yaku Malengelo iitobezya mwezi azuba tuuli muubauba. Nkupenga kapati mukati kamyoyo mukwiibaluka kuti twali kuyiisyigwa citaluzi; nkukkomana mumuuya kutambula mumuni uuzwa cigaminina mu Mangwalo. Ooku kubambulula Nsabata ngomusunko kubantu ba Yahuwah ngobeelede kunjila muciindi ca Woola lya Lubeta kiitana jalwa ŋanda yakazekelo. Ba WLC balilyaabide kumulimo wakuyiisya kasimpe alimwi kasimpe kalikke. Kufumbwa cinga cacitika, nkamu ya WLC isalide kale kutobela Mwanaa Mbelele kufumbwa Nkwaya.
Baku Worlds Last Chance balikomenye citeezyeki kumwaabila ncobasyoma masimpe kuti ngo mumuni uuyaa kumwekesya kuzwa ku Mulengi wesu kujatikizya kkalenda Lyakwe. Kuzwa nitwaatambula mumuni wakkalenda lya Yahuwah lyamwezi-azuba antoomwe amulimo walyo mukujana Mazuba aa Mapobwe, kubikkilizya a Nsabata ya Buzuba bwa Ciloba, mukutazyiba kwesu twakabandaukide kuti Buzuba bwa Mwezi Mupya bwaali kujanwa liya mwezi nuutalika kulibonya mbuli kapapa. Lino, kwiinda mumipailo minji akubala mangwalo, tweempwa kulubila ooku alimwi tuyanda kumuzyibya kuti lino kusyoma kwesu nkwakuti Buzuba bwa Mwezi Mupya, bweelede kubambwa, kutalikila nokwatalika kuca cifumofumo, mubuzuba butobela mwezi nuutalibonyi nkaambo ucili munsaa zuba pele kawiimpene kale azuba (kutali buzuba nuutalika kulibonya mbuli kapapa)
Mangwalo ayiisya kuti mulawo wabulemu tuumani pe. Lyoonse weelede kubambwa, Kujulu aanyika. Kufumbwa kampango ka Bbaibbele kabelesyegwa "kukazya" boobo akwaamba kuti mulawo wakagagailwa aciciingano nkupindula Mangwalo akugwasyilizya makanze aa Saatani aakusolweda bantu boonse kuti batyole Milawo yokwa Yahuwah. Efeso 2:15 nkampango kabelesyegwa kanjikanji mukutabilila kulubila ooku kwaamba kuti mulawo wabulemu wakamwayigwa alufu lwa Yahushua.
Yahushua wakalaa ziiyo nzyaakali kuyanda kupa basikwiiya bakwe, kutegwa naatakali aambabo, batakasowayiki mubupanduluzi bwabapaizi abaleli bujatikizya nzila iiluleme yakubamba Nsabata. Wakali kugwisya tulengwalengwa amikuli yabapaizi abaleli njibaakulikide atalaa Nsabata.
Aabo bayanda kutondezya mbobatobela Mulengi banookomba Nguwe mubuzuba Mbwaakabikka ambali. Kuti tujane buzuba bululeme bwakukomba, ikkalenda litobezya mwezi-azuba eelyo lyaabikkwa ku Malengelo lyeelede kubelesyegwa. Aawa mulajana bupanduluzi busyoonto bwa Kkalenda lya Mulengi.
Munyika eeyi inkondo akataa Muleli wa Buumi a Dyabooli uulela mumusinze , iya kumbele. Kuzwa liya Saatani naakawa, kwakatalika kulwana akataa bululami a busofwaazi.
Bupaizi bwamu Bbaibbele tacili cikobela nconga wasama akusamununa kufumbwa noyanda pe. Mbupaizi butunjila mukati kesu, akutuleta mpotunga twabaa kubikkilila, akuba basikwiiya ba Kristu baliimya, akucita mbuli mbwaakali kucita, akweenda munzila njaakeenda.
Mulengi uligaminide kuganta ziindi nzyabikkide ambali zyeelede kukombwa. Kumatalikilo, Wakalenga nzila yakubamba ciindi, ikkalenda, lyalo ndyatondezya mbwajana ziindi Zyakwe nzyabikkide ambali. Hena mulayanda kulisungula kuccilila Mulengi wenu? Amusangane abasyomeka bamutobela kujulu aanyika. Amukombe Mulengi muziindi Zyakwe nzyabikkide ambali, zijanwa kwiinda mukubelesya nzila Yakwe yaciindi iili mumulengalenga.
BasiNsabata ya Mujibelo bainduluka kwaamba zintu zyaalembwa a Basicikolo bana Katolika kuti batondezye kuti Cikombelo ca Katolika ca Roma cilazumina kuti ncicaacinca buzuba bwa kukomba kuzwa ku Nsabata kuya ku Nsondo. Mumubandi uukankamusya, umwi Sicikolo muna Katolika wa Roma ulasalazya kwaamba kuti ooku kucinca kwaali kucinca kkalenda, kutali buyo kucinca mazubaa mvwiki. Aboobo, Mujibelo teesyi Nsabata yamasimpe ya Bbaibbele.
