Biblical Christian Articles

Yahuwah ngumwi. Yahushua, Messiah, ngo Mwanaakwe muntu susu. Pele kuleka mbobasyoma bantu banji, Mangwalo taayiisyi kuti Kristu ngo Mulengi, akuti Taata a Mwana muntu omwe, nanka kuti Yahushua wakali kupona kale kataninga zyalwa mu Betelehema. Imwi mibuzyo iipilinganya mizeezo kuli baabo batonkomene kuvwuntaula kasimpe.

Kuli mweelwe wa banakristu uunyandya basisikizya kusyoma zintu zilibedelela. Eeci cizyila mukutamvwisisya cituuzyo ca Mufutuli. Hena yebo ndonduwe uusyoma boobu?

Kuvwuntauzya kabotu-kabotu mu Mangwalo kuyubununa kuti kuleka buyo kuti Mufutuli muntu nyama, pele taakaliko kakutana lengwa cintu. Aboobo mbubuti mbotu lulamika zina lya elohim (zina lya mubunji) notupandulula Yahuwah mu Mangwalo woonse.

Bululami kwiinda mu lusyomo ncipego cizumanana kwaabila zintu. Nkwaabilwa bululami Bwa Kristu lyoonse kakwiina magolelo, ooko kweetelezya azipego zinjaanji.

Kakwiina kudonaika, swebo tupona ncobeni mumazuba aamamanino mumusela wanyika iino. Mumyaka misyoonto yainda, kufumbwa muntu wakatii sole kukambauka kuti mamanino aanyika aswena, ooyo muntu wakali kunongwa, kufubaazyigwa akutandilwa kulaale. Pele sunu, nokuba boobo, nkaambo kazintu ziyaa kucitika munyika mazubaano, kufumbwa bantu boonse nkobakkala bayaakusinsimuka akubbatula meso kulangisya mbozilemede zintu zicitika muciindi ncotupona cino. Hena yebo ulilibambide kumazuba aacizya kumbele na? Mwati yebo kulaa ncozyi cini ncoyelede kulibambila? Eeci cibalo casika aciindi ceelede kuti cikugwasye kutalika kulibambila.

Mumisela yoonse, kuli mizeezo yobile iijatikizya Cikombelo mboceendelana a Isilayeli. Mumuzeezo wa kwaatula Cikombelo caatula cisi ca Israel cakuti cisi ca Israel tacicikwe bulangizi bwakufutulwa. Mumuzeezo wa kuzandulwa (muzeezo wa kupegwa moza), kakuli Yahuwah ucilaa makani kucisi ca Israel, kuli kwiimpana akataa Israel a Cikombelo eeco cikobeledwe mumyaka yoonse, kakwiina kuvwelanya zyobile eezyi.

Hena cilakonzyeka kuti eeyi mizeezo iilaa mpuwo yobile kiilubide? Hena kuli busena bwa kwiimina akati mukasimpe? Atuye kumbele kubala...

Maseseke aakusanduka ali mukuyuba aa Messiah muli Yahuwah. Eeyi njenzila njapede Yahuwah mulweengelelo kuli yooyo uusyoma kutegwa akabalwe kuti ubamba mulawo wabulemu munzila iilondokede.

Kupona mumanyongwe aamamanino munyika kuyooyandika kubaa cilongwe cikamantene kakwiina kuleyaleya a Taata uuli Kujulu kwiinda mbucaabede muziindi zya baapositolo. Kufumbwa muntu uusyoma ulayandika kusololelwa munzila yaandeene nkaambo, muntu omwe-omwe zintu zimweendela munzila yiimpene abuumi mbwakkala buliimpene kuzwa kubantunyina. Tacili cintu ciyandika buyo kubaa cilongwe cigaminina a Taata, pele kulayandika akulizyiba jwi Lyakwe eelyo Walo nakanana kuli nduwe.

Ncintu cabulengwa leza kuti muzeezo wamuntu, ooyo wakalengwa mumunkonzyanyo wa Mulengi wakwe, awalo alakkomana akuyanda zintu zibotu. Cimwi akataa zintu bantu nzyobayandisya ncakuyanda kulangika kubota nobasamide zikobela. Kulipakamisa akujatila bantu maanu kuti ubonwe mbobede amubili wako wabucete acinyonyoono, nkuba muzike wa KULIYANDA; eeco ncecibi cini ncaakawida Lusifa. Aabo baluleme bapona mazubaano kumamanino aamusela wanyika eeyi, banookakatila kusetekanya ciimo, kusiila limwi zyoonse kumbali kufumbwa cinga cabasinkila nokuba kubanyengelela bululami bwa kujulu.

Mumangwalo woonse kuli mulazyo wa nguzu zitaambiki, zilindizya buyo kufumbwa muntu uuyanda kuzitambula kwiinda mulusyomo. Mangwalo aamba kuti Yahuwah takonzyi kubeja. Kaambo keni ncocili boobo, nkaubauba: kufumbwa Yahuwah ncaamba, cilacitika mbweenya mbwaamba Walo naamanizya kwaamba cintu eeco!

Twaambo twa Mangwalo tupandulula zibeela zya ciimo cokwa Yahuwah tulasalala ngwaa kuti twazyiba ncobeni ncotwiiminina. Koyiya mbwaabelesyegwa mabala aaya mpoonya ubbukizye zisyomyo nzyotaninga bwene.

"Wafutulwa Aciindi Comwe, hena Unoofutukide Lyoonse? Zyuulunzuma zya Banakristu mazubaano bayiisya kuti aabo banunudwe bali "kwabilidwe kukabe kutamani," akuti kuti muntu wakufutulwa aciindi cimwi, lyoonse unoofutukide kale. Cintu cuusisya ncakuti oolu lusyomo lutajanwi mu Bbaibbele luumbulizya bantu banji kuti bafukule akoona onzi akubacengelezya kuti balikwabilidwe.

Bulumbu bwiinda zyoonse buyoopegwa bakomi takuli kuleka kufwa. Pele, nkuyoobaa ciindi cibotu cakukkala munsimunsi lya mpabede Yahuwah mubulelo Bwakwe buzya anyika. Eelyo nobelesya lusyomo lwako kutambula lufutuko, kumwi kolibambila kuyookkala antoomwe a Yahuwah, eeco cini ncecibalilwa kuli nduwe kuti mbululami.

Kunjila mumunzi wa Jelusalema Mupya kuyeeme munzila njotubamba mulawo ookwa Yahuwah. Eeci cileta penzi nkaambo bantu bawide mucinyonyoono tabakonzyi kubamba mulawo ooyo weelede kubambwa kutegwa bakanjile mumunzi uusetekene.

Yahuwah ngu Taata wiinda bwaabi. Bunji bwa zipego Zyakwe tazitambulwi mumuya wa bulumbu akataa bana Bakwe, bazilanganya buyo mbuli zintu zimwi. Pele boonse beelede kwiibaluka kuti “Kufumbwa zipego zyoonse zibotu, zilondokede zyizwa kujulu kuli Taata wakalenga mimuni, walo uutasanduki alimwi kubala kwakwe takuzimaani aasyoonto mbuli cimvule(Jemusi 1:17) Cimwi cipego citalanganyigwi kabotu kwiinda zyoonse, ncipego ca ciindi.

Nzila yakutambula Bululami bwa Yahuwah: Kuvwuntauzya Mulumbe mubotu mu Bbaibbele ancocaambilizya cini “kweenda aa lusyomo.”

Lufutuko ncipego, pele mulimo wamuntu mwini kuti azumine lufutuko. Kunyina naba omwe uunga watambwida muntunyina umwi lufutuko pe; kunyina uunga walyaaba mucibaka ca muntunyina pe.

Bantu banji mazubaano bazingidwe mizeezo nkaambo kabbuku lya BaGalatiya. Aabo bakomba mu Nsondo bataminina kuti BaGalatiya bayiisya kuti Nsabata yakagagailwa aciciingano. Aabo bapaila Mujibelo babelesya tumpango ntweenya kutaminina kuti mapobwe ookwa Yahuwah taaceelede kubambwa. Boonse antoomwe batamauka kuti "ziyanza zyabuyamba zitakwe mpindu" eezyo zyaambwa mu BaGalatiya 4, zyaambilizya mulawo wa Isilayeli uutacikwe nguzu akataa Banakristu sunu. Pele kuteelelesya twaambo toonse ootu, kuyubunuka cintu ciimpene kapati.

Kufumbwa naa ukomba mukabunga kasyoonto, naa amukwasyi wako, nokuba olikke, ulakonzya kutambula cileleko ca buzuba bwa Nsabata kokombela amunzi wako.

Nokuba kuti aabo basyoma kuti bakasalilwa kale kwakugama balisinizyide mukusyoma kwabo, oolu lusyomo lulaa ntenda nkaambo lusampaula zina akupilinganya ciimo cini cokwa Yahuwah ca luyando. Mucibalo eeci tulabandauka zibeela ziindene zya lusyomo lwa kusalilwa kwa kugama mbozikazyanya a Mangwalo.